TITUS
Avestan Corpus
Part No. 52
Previous part

Chapter: 51 
Vohuxṣ̌aϑra Gāϑa

Vohuxṣ̌aϑra Hāitiš



Paragraph: 0 
Verse: a    nəmō. və̄. gāϑā̊. aṣ̌aonīš::

Paragraph: 1 
Verse: a    1vohū. xṣ̌aϑrəm. vairīm.   bāgəm.2 aibī.bairištəm.3
Verse: b    vīdīṣ̌əmnāiš.4 īžācīt̰.5   aṣ̌ā. aṇtarə.caraitī.6
Verse: c    š́iiaoϑanāiš.7 mazdā. vahištəm.   tat̰. nə̄. nūcīt̰.8 varəṣ̌ānē.9:: (..)

Paragraph: 1_R1 
Verse: a    vohū. xṣ̌aϑrəm. vairīm.   bāgəm. aibī.bairištəm.
Verse: b    vīdīṣ̌əmnāiš. īžācīt̰.   aṣ̌ā. aṇtarə.caraitī.
Verse: c    š́iiaoϑanāiš. mazdā. vahištəm.   tat̰. nə̄. nūcīt̰. varəṣ̌ānē.::

Paragraph: 2 
Verse: a    tā.və̄.1 mazdā. paouruuīm.   ahurā. aṣ̌āi.2 yecā.3
Verse: b    taibiiācā.4 ārmaitē.5   dōiṣ̌ā.mōi.6 ištōiš.7 xṣ̌aϑrəm.
Verse: c    xṣ̌mākəm. vohū. manaŋhā.   vahmāi. dāidī.8 sauuaŋhō.

Paragraph: 3 
Verse: a    ā. və̄.1 gə̄uṣ̌ā.2 hə̄miiaṇtū.3   yōi. və̄. š́iiaoϑanāiš.4 sārəṇtē.5
Verse: b    ahurō. aṣ̌ā.hizuuā̊.6   uxδāiš. vaŋhə̄uš. manaŋhō.
Verse: c    yaēṣ̌ąm. tū. pouruiiō.7   mazdā. fradaxštā. ahī.

Paragraph: 4 
Verse: a    kuϑrā. ārōiš.1 āfsəratuš.2   kuϑrā. mərəždikā.3 axštat̰.
Verse: b    kuϑrā. yasō.4 x́iiə̄n.5 aṣ̌əm.   kū.6 spəṇtā. ārmaitiš.
Verse: c    kuϑrā. manō. vahištəm.   kuϑrā. ϑβā. xṣ̌aϑrā. mazdā.

Paragraph: 5 
Verse: a    vīspā. tā.1 pərəsąs.2 yaϑā.3   aṣ̌āt̰. hacā. gąm. vīdat̰.
Verse: b    vāstriiō. š́iiaoϑanāiš.4 ərəṣ̌uuō.   hąs. huxratuš. nəmaŋhā.
Verse: c    yə̄. dāϑaēibiiō.5 ərəš.ratūm.6   xṣ̌aiiąs.7 aṣ̌iuuā̊.8 cistā.9

Paragraph: 6 
Verse: a    yə̄.1 vahiiō. vaŋhə̄uš.2 dazdē.3   yascā.4 hōi. vārāi. rādat̰.
Verse: b    ahurō. xṣ̌aϑrā. mazdā̊.5   at̰. ahmāi. akāt̰. aš́iiō.6
Verse: c    yə̄. hōi. nōit̰. vīdāitī.7   apə̄mē.8 aŋhə̄uš.9 uruuaēsē.

Paragraph: 7 
Verse: a    1dāidī. mōi. yə̄. gąm. taṣ̌ō.   apascā. uruuarā̊scā.
Verse: b    amərətātā. hauruuātā.   spə̄ništā. mainiiū. mazdā.
Verse: c    təuuīṣ̌ī.2 utaiiūitī.   manaŋhā. vohū. sə̄ṇŋhē.3

Paragraph: 8 
Verse: a    at̰. zī. tōi.1 vaxṣ̌iiā. mazdā̊.   vīduṣ̌ē.2 zī. nā.3 mruiiāt̰.4
Verse: b    hiiat̰.5 akōiiā. drəguuāitē.6   uštā. yə̄. aṣ̌əm. dādrē.7
Verse: c    huuō. zī. mąϑrā. š́iiātō.8   yə̄. vīduṣ̌ē.9 mrauuaitī.10

Paragraph: 9 
Verse: a    yąm. xṣ̌nūtəm.1 rānōibiiā.2 dā̊.   ϑβā. āϑrā. suxrā. mazdā.
Verse: b    aiiaŋhā. xṣ̌ustā.3 aibī.   ahuuāhū.4 daxštəm. dāuuōi.
Verse: c    rāṣ̌aiieŋ́hē.5 drəguuaṇtəm.6   sauuaiiō.7 aṣ̌auuanəm.

Paragraph: 10 
Verse: a    at̰. yə̄.mā. nā.1 marəxṣ̌aitē.   aniiāϑā.2 ahmāt̰. mazdā.
Verse: b    huuō. dāmōiš. drūjō.3 hunuš.4   tā. duždā̊. yōi. həṇtī.5
Verse: c    maibiiō. zbaiiā.6 aṣ̌əm.   vaŋhuiiā.7 aṣ̌ī.8 gat̰.tē.9

Paragraph: 11 
Verse: a    kə̄. uruuaϑō.1 spitamāi.2   zaraϑuštrāi. nā. mazdā.
Verse: b    kə̄. vā.3 aṣ̌ā. āfraštā.4   kā. spəṇtā. ārmaitiš.
Verse: c    kə̄. vā. vaŋhə̄uš. manaŋhō.   acistā.5 magāi.6 ərəṣ̌uuō.

Paragraph: 12 
Verse: a    nōit̰. tā. īm.1 xṣ̌nāuš.2 vaēpiiō.3   kəuuīnō.4 pərətō.5 zəmō.6
Verse: b    zaraϑuštrəm.7 spitāməm.8   hiiat̰.9 ahmī. urūraost.10 aštō.11
Verse: c    hiiat̰.12 hōi.īm.13 caratascā.14   aodərəšcā. zōiṣ̌ənū.15 vāzā.16

Paragraph: 13 
Verse: a    tā. drəguuatō.1 marədaitī.2   daēnā.3 ərəzāuš.4 haiϑīm.
Verse: b    yehiiā. uruuā. xraodaitī.5   cinuuatō. pərətā̊.6 ākā̊.7
Verse: c    xvāiš. š́iiaoϑanāiš.8 hizuuascā.   aṣ̌ahiiā. nąsuuā̊. paϑō.

Paragraph: 14 
Verse: a    nōit̰. uruuāϑā.1 dātōibiiascā.   karapanō.2 vāstrāt̰.3 arə̄m.4
Verse: b    gauuōi. ārōiš.5 āsə̄ṇdā.6 xvāiš.   š́iiaoϑanāišcā.7 sə̄ṇghāišcā.8
Verse: c    yə̄. īš.9 sə̄ṇghō.10 apə̄məm.11   drūjō.12 dəmānē. ādāt̰.13

Paragraph: 15 
Verse: a    hiiat̰.1 mīždəm.2 zaraϑuštrō.   magauuabiiō. cōišt. parā.
Verse: b    garō.3 dəmānē. ahurō.   mazdā̊. jasat̰. pouruiiō.4
Verse: c    tā. və̄. vohū. manaŋhā.   aṣ̌āicā.5 sauuāiš. ciuuīṣ̌ī.6

Paragraph: 16 
Verse: a    tąm. kauuā. vīštāspō.   magahiiā. xṣ̌aϑrā. nąsat̰.
Verse: b    vaŋhə̄uš. padəbīš.1 manaŋhō.   yąm. cistīm.2 aṣ̌ā. maṇtā.3
Verse: c    spəṇtō. mazdā̊.4 ahurō.   aϑā. nə̄.5 sazdiiāi. uštā.

Paragraph: 17 
Verse: a    bərəxδąm. mōi. fəraṣ̌aoštrō.1   huuō.guuō. daēdōišt. kəhrpə̄m.2
Verse: b    daēnaiiāi.3 vaŋhuiiāi.4   yąm.hōi. iš́iiąm.5 dātū.
Verse: c    xṣ̌aiiąs.6 mazdā̊.7 ahurō.   aṣ̌ahiiā. āždiiāi.8 gərəzdīm.9

Paragraph: 18 
Verse: a    tąm. cistīm.1 də̄jāmāspō.2   huuō.guuō.3 ištōiš. xvarənā̊.
Verse: b    aṣ̌ā. vərəṇtē.4 tat̰. xṣ̌aϑrəm.   manaŋhō. vaŋuhīš.5 vīdō.
Verse: c    tat̰. mōi. dāidī. ahurā.   hiiat̰.6 mazdā. rapə̄n.7 tauuā.

Paragraph: 19 
Verse: a    huuō. tat̰. nā. maidiiōi.mā̊ŋhā.1   spitamā.2 ahmāi. dazdē.3
Verse: b    daēnaiiā.4 vaēdəmnō.5   yə̄. ahūm. iṣ̌asąs.6 aibī.
Verse: c    mazdā̊.7 dātā. mraot̰.   gaiiehiiā. š́iiaoϑanāiš.8 vahiiō.

Paragraph: 20 
Verse: a    tat̰. və̄. nə̄.1 hazaoṣ̌ā̊ŋhō.2   vīspā̊ŋhō. daidiiāi. sauuō.
Verse: b    aṣ̌əm. vohū. manaŋhā.   uxδā.3 yāiš.4 ārmaitiš.
Verse: c    yazəmnā̊ŋhō.5 nəmaŋhā.6   mazdā̊.7 rafəδrəm.8 cagədō.9

Paragraph: 21 
Verse: a    ārmatōiš.1 nā. spəṇtō.2   huuō. cistī.3 uxδāiš. š́iiaoϑanā.4
Verse: b    daēnā. aṣ̌əm. spə̄nuuat̰.5   vohū. xṣ̌aϑrəm. manaŋhā.
Verse: c    mazdā̊. dadāt̰.6 ahurō.   tə̄m.7 vaŋuhīm.8 yāsā.9 aṣ̌īm.10

Paragraph: 22 
Verse: a    yehiiā.1 mōi. aṣ̌āt̰. hacā.   vahištəm. yesnē. paitī.
Verse: b    vaēdā. mazdā̊. ahurō.2   yōi. ā̊ŋharəcā.3 həṇticā.
Verse: c    tą.4 yazāi. xvāiš. nāmə̄nīš.   pairicā. jasāi. vaṇtā.::

Paragraph: 23  (..)
Verse: Q1Aa    1vohū. xṣ̌aϑrəm. vairīm.   bāgəm.2 aibī.bairištəm.3
Verse: Q1Ab    vīdīṣ̌əmnāiš.4 īžācīt̰.5   aṣ̌ā. aṇtarə.caraitī.6
Verse: Q1Ac    š́iiaoϑanāiš.7 mazdā. vahištəm.   tat̰. nə̄. nūcīt̰.8 varəṣ̌ānē.9:: (..)
Verse: Q1Aa    1vohū. xṣ̌aϑrəm. vairīm.   bāgəm. aibī.bairištəm.
Verse: Q1Ab    vīdīṣ̌əmnāiš. īžācīt̰.   aṣ̌ā. aṇtarə.caraitī.
Verse: Q1Ac    š́iiaoϑanāiš. mazdā. vahištəm.   tat̰. nə̄. nūcīt̰. varəṣ̌ānē.::

Verse: Q2Aa    aṣ̌əm. vohū. vahištəm. astī::
Verse: Q2Ab    uštā. astī. uštā. ahmāi.
Verse: Q2Ac    hiiat̰. aṣ̌āi. vahištāi. aṣ̌əm.:: (..)

Verse: Q2Ba    aṣ̌əm. vohū. vahištəm. astī::
Verse: Q2Bb    uštā. astī. uštā. ahmāi.
Verse: Q2Bc    hiiat̰. aṣ̌āi. vahištāi. aṣ̌əm.

Verse: Q2Ca    aṣ̌əm. vohū. vahištəm. astī::
Verse: Q2Cb    uštā. astī. uštā. ahmāi.
Verse: Q2Cc    hiiat̰. aṣ̌āi. vahištāi. aṣ̌əm.

Verse: a    vohuxṣ̌aϑrąm.3 hāitīm. yazamaide.::
Verse: b    vohuxṣ̌aϑrąm.4 gāϑąm. aṣ̌aonīm. aṣ̌ahe. ratūm. yazamaide:
Verse: c    vohuxṣ̌aϑraiiā̊.5 gāϑaiiā̊. haṇdātā.6 yazamaide.::

Verse: Q3a    yeŋ́hē. hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.::::::



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.