TITUS
Epistulae Pauli georgice (CD)
Part No. 38
Previous part

Chapter: 6  
6


Verse: 1   Link to pavleni Link to gnt   ხოლო თანაშეგეწევით და გლოცავთ, რაჲთა არა ამაოდ მადლი იგი ღმრთისაჲ შეიწყნაროთ თქუენ.

Verse: 1V     ხოლო ] + ხოლო V, ხოლო თანა-შეგეწევით ] ვითარმედ თანა-მოქმედ ვართ IK, შეიწყნართ V.


Verse: 2   Link to pavleni Link to gnt   რამეთუ იტყჳს: ჟამსა შეწყნარებისასა ვისმინე შენი და დღესა ცხორებისასა შეგეწიე შენ.(1) აჰა, ესერა, აწ არს ჟამი იგი შეწყნარებისაჲ, აჰა, ესერა, აწ არს დღე იგი ცხორებისაჲ.

Verse: 2-1Q     Link to mcat Is. 49,8.


Verse: 3   Link to pavleni Link to gnt   ნურაჲვინ ნურარაჲთ ნუცა ერთსა დაბრკოლებასა ვის სცემთ, რაჲთა არა იგმოს მსახურებაჲ ეგე თქუენი.

Verse: 3V     ნურასვინ ZTIK, ვსცემთ F.


Verse: 4   Link to pavleni Link to gnt   არამედ ყოველსა შინა წარუდგინენით თავნი თქუენნი, ვითარცა ღმრთისა მსახურთა, მოთმინებითა მრავლითა, ჭირთა შინა და ურვათა, იწროებათა შინა


Verse: 5   Link to pavleni Link to gnt   და ტანჯვათა, პყრობილებათა შინა და შფოთებათა, შრომითა და მღჳძარებითა, მარხვითა


Verse: 6   Link to pavleni Link to gnt   და სიწმიდითა, მეცნიერებითა და სულგრძელებითა, სიტკბოებითა და სულითა წმიდითა, სიყუარულითა შეუორგულებელითა,


Verse: 7   Link to pavleni Link to gnt   სიტყჳთა ჭეშმარიტებისაჲთა, ძალითა ღმრთისაჲთა, საჭურველითა მით სიმართლისაჲთა მარჯუენისაჲთა და მარცხენისაჲთა,


Verse: 8   Link to pavleni Link to gnt   დიდებითა და გინებითა, გმობითა და ქებითა; ვითარცა მაცთურნი, და ჭეშმარიტნი;


Verse: 9   Link to pavleni Link to gnt   ვითარცა უცნაურნი, და საცნაურნი; ვითარცა მოსიკუდიდნი, და, აჰა, ესერა, ცხოველ ვართ; ვითარცა სწავლულნი, და არა სიკუდიდნი;

Verse: 9V     ვითარცა (1) ] და T, და ვითარცა (2) T. სიკუდიდნი TIK.


Verse: 10   Link to pavleni Link to gnt   ვითარცა მწუხარენი, და მარადის გჳხარის; ვითარცა გლახაკნი, და მრავალთა განვამდიდრებთ; ვითარცა არარაჲ გუაქუს, და ყოველივე გუაქუს.

Verse: 10V     ვითარცა ] მ̃დი კ̃ლთა F.


Verse: 11   Link to pavleni Link to gnt   პირი ჩუენი აღებულ არს თქუენდა მიმართ, კორინთელნო, და გული ჩუენი გავრცომილ არს.

Verse: 11V     მიმართ ] მომართ T.


Verse: 12   Link to pavleni Link to gnt   არა შეიწრებულ ხართ ჩუენ მიერ, არამედ შეიწრებულ ხართ ნაწლევთაგან თქუენთა.


Verse: 13   Link to pavleni Link to gnt   მასვე სასყიდლის კუალად-გებასა ვითარცა შვილთა გეტყჳ: განვრცენით თქუენცა.


Verse: 14   Link to pavleni Link to gnt   ნუ იქმნებით თანამეუღლე ურწმუნოთა: რამეთუ რაჲ მოყუსება არს სიმართლისა და უშჯულოებისაჲ? ანუ რაჲ ზიარებაჲ არს ნათლისა და ბნელისა?

Verse: 14V     ექმნებით F, მოყუსება ] მოყუარებაჲ V, მოყუსობაჲ TIK, უსჯულოებისაჲ FTIK, ზიარებაჲ FTIK, ნათლისაჲ ZFK.


Verse: 15   Link to pavleni Link to gnt   ანუ რაჲ შეტყუება არს ქრისტესი ბელიარის თანა? ანუ რაჲ ნაწილ უც მორწმუნესა ურწმუნოჲსა თანა?

Verse: 15V     შეტყუებაჲ VFTIK, ნაწილი VFTIK, ურწმუნოსა მორწმუნისა F, ურწმუნოსა TIK.


Verse: 16   Link to pavleni Link to gnt   ანუ რაჲ სწორება არს ტაძრისა ღმრთისა კერპთა თანა? რამეთუ თქუენ ტაძარნი ღმრთისანი ცხოველისანი ხართ, ვითარცა თქუა ღმერთმან: დავიმკჳდრო და ვიქცეოდი მათ შორის და ვიყო მე მათა ღმერთ და იგინი იყვნენ ჩემდა ერად.(1)

Verse: 16-1Q     Link to mcat Lev. 26,12; Link to mcat Jer. 31,1

Verse: 16V     სწორებაჲ FTIK, ღმრთისაჲ TIK, მათდა TIK.


Verse: 17   Link to pavleni Link to gnt   ამისთჳს გამოვედით შორის მათსა და გამოეშორენით, იტყჳს უფალი, და არაწმიდასა ნუ შეეხებით,(1) და მე შეგიწყნარნე თქუენ.

Verse: 17-1Q     Link to mcat Is. 52,11

Verse: 17V     გამოედით Z.


Verse: 18   Link to pavleni Link to gnt   და ვიყო მე თქუენდა მამა და თქუენ იყვნეთ ჩემდა ძეებ და ასულებ, იტყჳს უფალი ყოვლისა მპყრობელი.(2)

Verse: 18-2Q     Link to psa Ps. 111,9

Verse: 18V     იყვენით FTIK.



Next part


This text is part of the TITUS edition of Epistulae Pauli georgice (CD).

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.