TITUS
Epistulae Pauli georgice (CD)
Part No. 94
Previous part

Chapter: 2  
2


Verse: 1   Link to pavleni Link to gnt   ხოლო შენ, შვილო ჩემო, განძლიერდი მადლითა იესუ ქრისტესითა,


Verse: 2   Link to pavleni Link to gnt   და რაჲ-იგი გესმა ჩემგან მრავალთა მოწამებითა, ესე შეჰვედრე მორწმუნეთა კაცთა, რომელნი შემძლებელ იყვნენ სხუათაცა სწავლად.

Verse: 2V     მრავალითა F.


Verse: 3   Link to pavleni Link to gnt   შენ უკუე ჭირი დაითმინე, ვითარცა კეთილმან მოღუაწემან ქრისტე იესუჲსმან.1

Verse: 3V     იესუჲსმან ZFI, იესუჲს მიერ T.

Verse: 3-1N     "იესოჲსმან" სრულად არის B-ში.


Part: 3 
(გ̂)


Verse: 4   Link to pavleni Link to gnt   არავინ მოღუაწე შეყოფვის სოფლისა საქმესა, რაჲთა ერისთავსა მას სათნო-ეყოს.


Verse: 5   Link to pavleni Link to gnt   და უკუეთუ ვინმე იღუწიდესცა, არა გჳრგჳნოსან იქმნების, არა თუ შჯულიერად იღუწოს.

Verse: 5V     სჯულიერად FTIK.


Verse: 6   Link to pavleni Link to gnt   მშორომელისა მის ქუეყანის მოქმედისაჲ ჯერ-არს პირველად ნაყოფისა მოღებაჲ.

Verse: 6V     მშრომელისაჲ ZT, ნაყოფთა TIK, მოღებაჲ ] გამოღებაჲ F.


Verse: 7   Link to pavleni Link to gnt   სცნობდ, რომელსა-ესე გეტყჳ. რამეთუ მოგცეს შენ უფალმან გულისჴმის-ყოფაჲ ყოველსა შინა.

Verse: 7V     რომელსა-ეგე IK, შენ ] -- IK.


Part: 4 
(დ̂)


Verse: 8   Link to pavleni Link to gnt   მოიჴსენე იესუ ქრისტე, აღდგომილი მკუდრეთით, ნათესავისაგან დავითისა, მსგავსად სახარებისა მის ჩემისა,

Verse: 8V     დავითისსა TIK.


Verse: 9   Link to pavleni Link to gnt   რომელსა შინა ძჳრს ვიხილავ ვიდრე კრულებადმდე, ვითარცა ძჳრის მოქმედი; არამედ სიტყუაჲ იგი ღმრთისაჲ არა შეკრულ არს.

Verse: 9V     კრულებამდე T.


Verse: 10   Link to pavleni Link to gnt   ამისთჳს ყოველსა დავითმენ რჩეულთა მათთჳს, რაჲთა მათცა ცხოვრებაჲ პოვონ ქრისტე იესუჲს მიერ დიდებასა თანა საუკუნესა.

Verse: 10V     პოონ VTIK.


Verse: 11   Link to pavleni Link to gnt   სარწმუნო არს სიტყუაჲ, რამეთუ უკუეთუ მის თანა მოვსწყდეთ, მის თანაცა ვცხოვნდეთ.

Verse: 11V     ვცხოვნდეთ Z.


Verse: 12   Link to pavleni Link to gnt   უკუეთუ დავითმინოთ, მის თანა ვსუფევდეთ; უკუეთუ უარ-ვყოთ, მანცა უარ-მყვნეს ჩუენ.

Verse: 12V     უვარ-ვყოთ ZFT, უვარ-მყვნეს ZFT.


Verse: 13   Link to pavleni Link to gnt   უკუეთუ არა მრწმენეს, იგი სარწმუნოჲ ჰგიეს; უარ-ყოფად თავისა თჳსისა ვერ ძალ-უც.

Verse: 13V     გგიეს F, უვარ-ყოფად FT.


Verse: 14   Link to pavleni Link to gnt   ამას მოაჴსენებდ წინაშე ღმრთისა და უწამებდ ნუ სიტყჳთა ლალვისაჲთა არად საჴმარად, განსადრეკელად მსმენელთა მათ.

Verse: 14V     მოიჴსენებდ F, საჴმარარად F, საჴმრად K, განსადრეკელ F.


Part: 5 
(ე̂)


Verse: 15   Link to pavleni Link to gnt   იწრაფე თავისა შენისა რჩეულად წარდგინებად წინაშე ღმრთისა, მუშაკად ურცხჳნელად, წარმართებულად სიტყუასა მას ჭეშმარიტებისასა.

Verse: 15V     ურცხუენელად TI, წარმართებად მართალ-მკუეთელად TIK.


Verse: 16   Link to pavleni Link to gnt   ხოლო ბილწთა მათ და ცუდთა ჴმათა განეშორე, რამეთუ უმეტეს წარემატნიან უშჯულოებითა,

Verse: 16V     უსჯულოებითა FTIK.


Verse: 17   Link to pavleni Link to gnt   და სიტყუამან მათმან, ვითარცა სრსჳლმან, საძოვარი პოვის, რომელ არიან ჳმენეოს და ფილიტოს,

Verse: 17V     სურსილმან T, საძოარი VF, პოოს VFIK, იმენეოს T.


Verse: 18   Link to pavleni Link to gnt   რომელნი-იგი ჭეშმარიტებასა განუდგეს, იტყჳან, ვითარმედ: აღდგომაჲ აწვე იყოო, და გარდააქცევენ რომელთამე სარწმუნოებისა.


Verse: 19   Link to pavleni Link to gnt   ხოლო მტკიცე იგი საფუძველი ღმრთისაჲ ჰგიეს და აქუს ბეჭედი ესე: "იცნის უფალმან, რომელნი-იგი არიან მისნი".(1) და: "განეშოვრენ სიცრუისაგან ყოველი, რომელი სახელ-სდებდეს სახელსა უფლისასა".(2)

Verse: 19-1Q     Link to mcat Num. 16,5.

Verse: 19-2Q     Link to mcat Num. 16,26.

Verse: 19V     განეშორნენ TI, სიცრუვისაგან ZFTK.


Verse: 20   Link to pavleni Link to gnt   სახლსა შინა დიდსა არა არს ჭურჭელი ოქროჲსაჲ ხოლო და ვეცხლისაჲ, არამედ ძელისაჲცა და კეცისაჲცა, რომელიმე პატივოსნად და რომელიმე უპატიოდ.

Verse: 20V     ძელისაჲცა ] რვალისაჲცა F, რომელიმე ZFTI, უპატივოდ IK.


Verse: 21   Link to pavleni Link to gnt   უკუეთუ ვინმე განიწმიდოს თავი თჳსი ამათგან, იყოს იგი ჭურ პატიოსან, ყოვლისაგან, წმიდა და საჴმარ უფლისა, ყოვლისავესთჳს საქმისა კეთილისა განმზადებულ.


Verse: 22   Link to pavleni Link to gnt   ხოლო სიჭაბუკისა მათ გულის თქუმათა ევლტოდე და შეუდეგ სიმართლესა, სარწმუნოებასა, სიყუარულსა, მშჳდობასა მათ თანა, რომელნი ხადიან უფალსა გულითა წმიდითა.

Verse: 22V     სიჭაბუკისათა T, ჰხადიან TF.


Verse: 23   Link to pavleni Link to gnt   ხოლო სიცოფისათა მათ და უსწავლელთა ძიებათაგან იჯმენ, უწყი, რამეთუ შვნიან ლალვანი.


Verse: 24   Link to pavleni Link to gnt   ხოლო მონისა უფლისა არა ჯერ-არს ლალვაჲ, არამედ რაჲთა იყოს მყუდრო და სახიერ ყოველთა მიმართ, მასწავლელ, უმანკო,

Verse: 24V     უფლისაჲ TIK.


Verse: 25   Link to pavleni Link to gnt   მშჳდობით მასწავლელ წინააღმდგომთა მათ, მო-ხოლო თუ-სცეს მათ უფალმან სინანული მეცნიერებად ჭეშმარიტებისა.


Verse: 26   Link to pavleni Link to gnt   და განიფრთხონ საფრჴისაგან ეშმაკისა მონადირებულთა მათ მის მიერ ნებისაებრ მისისა.

Verse: 26V     და ] -- V, საბრჴისა ZTI.



Next part


This text is part of the TITUS edition of Epistulae Pauli georgice (CD).

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.