TITUS
Novum Testamentum graece
Part No. 169
Previous part

Chapter: 5 
Verse: 1    τῇ ἐλευϑερίᾳ ἡμᾶς Χριστὸς ἠλευϑέρωσεν· στήκετε οὖν καὶ μὴ πάλιν ζυγῷ δουλείας ἐνέχεσϑε. /
Verse: 2    ῎Ιδε ἐγὼ Παῦλος λέγω ὑμῖν ὅτι ἐὰν περιτέμνησϑε Χριστὸς ὑμᾶς οὐδὲν ὠϕελήσει.
Verse: 3    μαρτύρομαι δὲ πάλιν παντὶ ἀνϑρώπῳ περιτεμνομένῳ ὅτι ὀϕειλέτης ἐστὶν ὅλον τὸν νόμον ποιῆσαι.
Verse: 4    κατηργήϑητε ἀπὸ Χριστοῦ οἵτινες ἐν νόμῳ δικαιοῦσϑε, τῆς χάριτος ἐξεπέσατε.
Verse: 5    ἡμεῖς γὰρ πνεύματι ἐκ πίστεως ἐλπίδα δικαιοσύνης ἀπεκδεχόμεϑα.
Verse: 6    ἐν γὰρ Χριστῷ ᾽Ιησοῦ οὔτε περιτομή τι ἰσχύει οὔτε ἀκροβυστία, ἀλλὰ πίστις δι' ἀγάπης ἐνεργουμένη.
Verse: 7    ᾽Ετρέχετε καλῶς· τίς ὑμᾶς ἐνέκοψεν [τῇ] ἀληϑείᾳ μὴ πείϑεσϑαι;
Verse: 8    ἡ πεισμονὴ οὐκ ἐκ τοῦ καλοῦντος ὑμᾶς.
Verse: 9    μικρὰ ζύμη ὅλον τὸ ϕύραμα ζυμοῖ.
Verse: 10    ἐγὼ πέποιϑα εἰς ὑμᾶς ἐν κυρίῳ ὅτι οὐδὲν ἄλλο ϕρονήσετε· ὁ δὲ ταράσσων ὑμᾶς βαστάσει τὸ κρίμα, ὅστις ἐὰν ᾖ.
Verse: 11    ἐγὼ δέ, ἀδελϕοί, εἰ περιτομὴν ἔτι κηρύσσω, τί ἔτι διώκομαι; ἄρα κατήργηται τὸ σκάνδαλον τοῦ σταυροῦ.
Verse: 12    ὄϕελον καὶ ἀποκόψονται οἱ ἀναστατοῦντες ὑμᾶς.
Verse: 13    ῾Υμεῖς γὰρ ἐπ' ἐλευϑερίᾳ ἐκλήϑητε, ἀδελϕοί· μόνον μὴ τὴν ἐλευϑερίαν εἰς ἀϕορμὴν τῇ σαρκί, ἀλλὰ διὰ τῆς ἀγάπης δουλεύετε ἀλλήλοις.
Verse: 14    ὁ γὰρ πᾶς νόμος ἐν ἑνὶ λόγῳ πεπλήρωται, ἐν τῷ ᾽Αγαπήσεις τὸν πλησίον σου ὡς σεαυτόν.
Verse: 15    εἰ δὲ ἀλλήλους δάκνετε καὶ κατεσϑίετε, βλέπετε μὴ ὑπ' ἀλλήλων ἀναλωϑῆτε.
Verse: 16    Λέγω δέ, πνεύματι περιπατεῖτε καὶ ἐπιϑυμίαν σαρκὸς οὐ μὴ τελέσητε.
Verse: 17    ἡ γὰρ σὰρξ ἐπιϑυμεῖ κατὰ τοῦ πνεύματος, τὸ δὲ πνεῦμα κατὰ τῆς σαρκός· ταῦτα γὰρ ἀλλήλοις ἀντίκειται, ἵνα μὴ ἃ ἐὰν ϑέλητε ταῦτα ποιῆτε.
Verse: 18    εἰ δὲ πνεύματι ἄγεσϑε, οὐκ ἐστὲ ὑπὸ νόμον.
Verse: 19    ϕανερὰ δέ ἐστιν τὰ ἔργα τῆς σαρκός, ἅτινά ἐστιν πορνεία, ἀκαϑαρσία, ἀσέλγεια,
Verse: 20    εἰδωλολατρία, ϕαρμακεία, ἔχϑραι, ἔρις, ζῆλος, ϑυμοί, ἐριϑείαι, διχοστασίαι, αἱρέσεις,
Verse: 21    ϕϑόνοι, μέϑαι, κῶμοι, καὶ τὰ ὅμοια τούτοις, ἃ προλέγω ὑμῖν καϑὼς προεῖπον ὅτι οἱ τὰ τοιαῦτα πράσσοντες βασιλείαν ϑεοῦ οὐ κληρονομήσουσιν.
Verse: 22    ῾Ο δὲ καρπὸς τοῦ πνεύματός ἐστιν ἀγάπη, χαρά, εἰρήνη, μακροϑυμία, χρηστότης, ἀγαϑωσύνη, πίστις,
Verse: 23    πραύτης, ἐγκράτεια· κατὰ τῶν τοιούτων οὐκ ἔστιν νόμος.
Verse: 24    οἱ δὲ τοῦ Χριστοῦ [᾽Ιησοῦ] τὴν σάρκα ἐσταύρωσαν σὺν τοῖς παϑήμασιν καὶ ταῖς ἐπιϑυμίαις.
Verse: 25    εἰ ζῶμεν πνεύματι, πνεύματι καὶ στοιχῶμεν.
Verse: 26    μὴ γινώμεϑα κενόδοξοι, ἀλλήλους προκαλούμενοι, ἀλλήλοις ϕϑονοῦντες. /

Next part


This text is part of the TITUS edition of Novum Testamentum graece.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.