TITUS
Epistulae Pauli georgice (CD)
Part No. 50
Previous part

Chapter: 5  
5


Verse: 1   Link to pavleni Link to gnt   აზნაურებითა მით, რომლითა ქრისტემან ჩუენ განგუააზნაურნა, მტკიცედ დეგით და ნუ კუალად უღელსა მას მონებისასა თავს-იდებთ.


Part: 10 
(ი̂)


Verse: 2   Link to pavleni Link to gnt   აჰა, ესერა, მე, პავლე, გეტყჳ თქუენ, ვიტარმედ: უკუეთუ წინადაიცჳთოთ, ქრისტემან თქუენ არაარაჲ გარგოს.

Verse: 2V     არარაჲ ] არაჲ V.


Verse: 3   Link to pavleni Link to gnt   ხოლო კუალად უწამებ ყოველსა კაცსა წინადაცუეთილსა, ვითარმედ თანამდებ არს იგი ყოველსა შჯულსა ყოფად.

Verse: 3V     სჯულსა FTIK.


Verse: 4   Link to pavleni Link to gnt   განქარვებულ ხართ ქრისტესგან, რომელნი-ეგე შჯულითა განჰმართლდებით, მადლისა მისგან განვრდომილ ხართ.

Verse: 4V     სჯულითა FTIK.


Verse: 5   Link to pavleni Link to gnt   რამეთუ ჩუენ სულითა სარწმუნოებისაგან სასოებასასა სიმართლისასა მოველით.


Verse: 6   Link to pavleni Link to gnt   რამეთუ ქრისტე იესუჲს მიერ არცა წინადაცუეთილებაჲ რას შემძლებელ არს, არცა წინადაუცუეთელებაჲ,1 არამედ სარწმუნოებაჲ, სიყუარულისაგან შეწევნული.

Verse: 6V     წინადაცუეთაჲ V, წინადაცუეთელებაჲ TI.

Verse: 6-1N     K-შიც "წინადაუცეთელება" ყოფილა, მაგრამ მეორე ენს ქვედა ნწილი წაშლილი აქვს.


Verse: 7   Link to pavleni Link to gnt   ჰრბიოდეთ კეთილად; ვინ დაგაბრკოლნა თქუენ ჭეშმარიტებისა არამორჩილებად?


Verse: 8   Link to pavleni Link to gnt   მორჩილებაჲ ეგე არა მისგან არს, რომელმან-იგი გიჩინნა თქუენ.

Verse: 8V     ამისგან FT, -- იგი ] -- F.


Verse: 9   Link to pavleni Link to gnt   მცირემან ცომმან ყოველივე შესუარული აღაფუვნის.


Verse: 10   Link to pavleni Link to gnt   მე გესავ თქუენ უფლისა მიერ, ვითარმედ სხუასა არარას ზრახვიდეთ; ხოლო რომელი-იგი აღგძრავს თქუენ, მან იტჳრთოს საშჯელი, ვინცა-იგი არს.

Verse: 10V     ჰზრახვიდეთ TIK, სასჯელი F.


Verse: 11   Link to pavleni Link to gnt   ხოლო მე, ძმანო, წინადაცუეთილებასა ღათუ ვქადაგებდე, რაჲსაღამე ვიდევნები? გან-მე-ქარდა საცთური იგი ჯუარისაჲ?

Verse: 11V     გან-სადმე-ქარვებულ არს შესაბრკოლებელი ჯუარისაჲ TIK.


Verse: 12   Link to pavleni Link to gnt   ჯერ-იყო, გან-თუმცა-გეშორნეს, რომელნი-იგი გაშფოთებენ თქუენ.

Verse: 12V     ჯერ-იყო ჰჱ, თუმცა განიკუეთნესცა აღმაშფოთებელნი თქუენნი IK, გაშფოთებენ ] გაცთუნებენ T.


Part: 11 
(ი̂ა)


Verse: 13   Link to pavleni Link to gnt   რამეთუ თქუენ აზნაურებასა ჩინებულ ხართ, ძმანო; გარნა ხოლო აზნაურებაჲ ეგე ნუ მიზეზად ჴორცთა, არამედ სიყუარულისა მისთჳს ჰმონებდით ურთიერთას.

Verse: 13V     ეგე ] თქუენი T, ურთიერთას VFIK.


Verse: 14   Link to pavleni Link to gnt   რამეთუ ყოველი შჯული ერთითა სიტყჳთა აღესრულების: შეიყუარო მოყუასი შენი, ვითარცა თავი თჳსი.(1)

Verse: 14-1Q     Link to mcat Lev. 19,18

Verse: 14V     სჯული FTIK.


Verse: 15   Link to pavleni Link to gnt   ხოლო უკუეთუ ურთიერთას იკბინებოდით და შეიჭამებოდით, იხილეთ, ნუუკუე ურთიერთას განილინეთ.

Verse: 15V     ურთიერთას VFIK, იკბინებოდ̃თ V, განილინნეთ T.


Verse: 16   Link to pavleni Link to gnt   ხოლო ამას გეტყჳ: სულითა ვიდოდეთ და ჴორცთა გულისთქუმასა ნუ აღასრულებთ.


Verse: 17   Link to pavleni Link to gnt   რამეთუ ჴორცთა გული უთქუამს სულისათჳს, ხოლო სულსა -- ჴორცთათჳს; და ესენი მჴდომ არიან ურთიერთას, რაჲთა არა რაჲ-იგი გინდეს, მას ჰყოფდეთ.

Verse: 17V     ურთიერთას FIK, და (3) ] -- T.


Verse: 18   Link to pavleni Link to gnt   უკუეთუ სულითა იქცეოდით, არა ხართ შჯულსა ქუეშე.

Verse: 18V     იქცეოდეთ T, სჯულსა FTIK.


Verse: 19   Link to pavleni Link to gnt   რამეთუ ცხად არიან საქმენი ჴორცთანი, რომელ2 არიან: სიძვანი, მრუშებანი, არაწმიდებანი, ბილწებანი,

Verse: 19V     არა-წმიდებანი ] -- T.

Verse: 19-2N     აქედან აკლია E-s ვიდრე: გაიძულებენ (5,19 - 6,12).


Verse: 20   Link to pavleni Link to gnt   კერპთმსახურებანი, მწამლველობანი, მტერობანი, ჴდომანი, შურობანი, გულისწყრომანი, წვალებანი, შფოთებანი,


Verse: 21   Link to pavleni Link to gnt   ყურნი, კაცის-კლვანი, ლირწებანი, მთრვალობანი, სიღოდანი და მსგავსნი ამათნი. რომელსა წინაჲსწარ გეტყჳ თქუენ, ვითარცა პირველ გარქუ, ვითარმედ ესევითარისა მოქმედთა სასუფეველი ღმრთისაჲ ვერ დაიმკჳდრონ.


Verse: 22   Link to pavleni Link to gnt   ხოლო ნაყოფი სულისაჲ არს: სიყუარული, სიხარული, მშჳდობაჲ, სულგრძელებაჲ, სიტკბოებაჲ, სახიერებაჲ, სარწმუნოებაჲ,


Verse: 23   Link to pavleni Link to gnt   მყუდროებაჲ, მარხვაჲ, მოთმინებაჲ. ესევითართათჳს არა ძეს შჯული.

Verse: 23V     სჯული FTK.


Verse: 24   Link to pavleni Link to gnt   ხოლო ქრისტესთა მათ ჴორცნი თჳსნი ჯუარს-აცუნეს ვნებითურთ და გულისთქუმით.


Verse: 25   Link to pavleni Link to gnt   უკუეთუ სულითა ცხოველ ვართ, სულითაცა ვეგნეთ.


Verse: 26   Link to pavleni Link to gnt   ნუმცა ვართ მზუაობარ, ურთიერთას მაბრალობელ, ურთიერთას მოშურნე.

Verse: 26V     მზაუბარ V, ურთიერთას (1) F, (2) VF.



Next part


This text is part of the TITUS edition of Epistulae Pauli georgice (CD).

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.