TITUS
Novum Testamentum graece
Part No. 223
Previous part

Chapter: 4 
Verse: 1    Πόϑεν πόλεμοι καὶ πόϑεν μάχαι ἐν ὑμῖν; οὐκ ἐντεῦϑεν, ἐκ τῶν ἡδονῶν ὑμῶν τῶν στρατευομένων ἐν τοῖς μέλεσιν ὑμῶν;
Verse: 2    ἐπιϑυμεῖτε, καὶ οὐκ ἔχετε· ϕονεύετε καὶ ζηλοῦτε, καὶ οὐ δύνασϑε ἐπιτυχεῖν· μάχεσϑε καὶ πολεμεῖτε. οὐκ ἔχετε διὰ τὸ μὴ αἰτεῖσϑαι ὑμᾶς·
Verse: 3    αἰτεῖτε καὶ οὐ λαμβάνετε, διότι κακῶς αἰτεῖσϑε, ἵνα ἐν ταῖς ἡδοναῖς ὑμῶν δαπανήσητε.
Verse: 4    μοιχαλίδες, οὐκ οἴδατε ὅτι ἡ ϕιλία τοῦ κόσμου ἔχϑρα τοῦ ϑεοῦ ἐστιν; ὃς ἐὰν οὖν βουληϑῇ ϕίλος εἶναι τοῦ κόσμου, ἐχϑρὸς τοῦ ϑεοῦ καϑίσταται.
Verse: 5    ἢ δοκεῖτε ὅτι κενῶς ἡ γραϕὴ λέγει, Πρὸς ϕϑόνον ἐπιποϑεῖ τὸ πνεῦμα ὃ κατῴκισεν ἐν ἡμῖν;
Verse: 6    μείζονα δὲ δίδωσιν χάριν· διὸ λέγει, ῾Ο ϑεὸς ὑπερηϕάνοις ἀντιτάσσεται, ταπεινοῖς δὲ δίδωσιν χάριν.
Verse: 7    ὑποτάγητε οὖν τῷ ϑεῷ· ἀντίστητε δὲ τῷ διαβόλῳ, καὶ ϕεύξεται ἀϕ' ὑμῶν·
Verse: 8    ἐγγίσατε τῷ ϑεῷ, καὶ ἐγγιεῖ ὑμῖν. καϑαρίσατε χεῖρας, ἁμαρτωλοί, καὶ ἁγνίσατε καρδίας, δίψυχοι.
Verse: 9    ταλαιπωρήσατε καὶ πενϑήσατε καὶ κλαύσατε· ὁ γέλως ὑμῶν εἰς πένϑος μετατραπήτω καὶ ἡ χαρὰ εἰς κατήϕειαν.
Verse: 10    ταπεινώϑητε ἐνώπιον κυρίου, καὶ ὑψώσει ὑμᾶς.
Verse: 11    Μὴ καταλαλεῖτε ἀλλήλων, ἀδελϕοί· ὁ καταλαλῶν ἀδελϕοῦ ἢ κρίνων τὸν ἀδελϕὸν αὐτοῦ καταλαλεῖ νόμου καὶ κρίνει νόμον· εἰ δὲ νόμον κρίνεις, οὐκ εἶ ποιητὴς νόμου ἀλλὰ κριτής.
Verse: 12    εἷς ἐστιν νομοϑέτης καὶ κριτής, ὁ δυνάμενος σῶσαι καὶ ἀπολέσαι· σὺ δὲ τίς εἶ, ὁ κρίνων τὸν πλησίον;
Verse: 13    ῎Αγε νῦν οἱ λέγοντες, Σήμερον ἢ αὔριον πορευσόμεϑα εἰς τήνδε τὴν πόλιν καὶ ποιήσομεν ἐκεῖ ἐνιαυτὸν καὶ ἐμπορευσόμεϑα καὶ κερδήσομεν·
Verse: 14    οἵτινες οὐκ ἐπίστασϑε τῆς αὔριον ποία ἡ ζωὴ ὑμῶν. ἀτμὶς γάρ ἐστε πρὸς ὀλίγον ϕαινομένη, ἔπειτα καὶ ἀϕανιζομένη·
Verse: 15    ἀντὶ τοῦ λέγειν ὑμᾶς, ᾽Εὰν ὁ κύριος ϑέλῃ, καὶ ζήσομεν καὶ ποιήσομεν τοῦτο ἢ ἐκεῖνο.
Verse: 16    νῦν δὲ καυχᾶσϑε ἐν ταῖς ἀλαζονείαις ὑμῶν· πᾶσα καύχησις τοιαύτη πονηρά ἐστιν.
Verse: 17    εἰδότι οὖν καλὸν ποιεῖν καὶ μὴ ποιοῦντι, ἁμαρτία αὐτῷ ἐστιν.

Next part


This text is part of the TITUS edition of Novum Testamentum graece.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.