TITUS
Vetus Testamentum graece iuxta LXX interpretes
Part No. 368
Previous part

Chapter: 6 
Verse: 1    Υἱοὶ Λευι· Γεδσων, Κααϑ καὶ Μεραρι.
Verse: 2    καὶ ταῦτα τὰ ὀνόματα τῶν υἱῶν Γεδσων· Λοβενι καὶ Σεμεϊ.
Verse: 3    υἱοὶ Κααϑ· Αμβραμ καὶ Ισσααρ, Χεβρων καὶ Οζιηλ.
Verse: 4    υἱοὶ Μεραρι· Μοολι καὶ Ομουσι. καὶ αὗται αἱ πατριαὶ τοῦ Λευι κατὰ πατριὰς αὐτῶν·
Verse: 5    τῷ Γεδσων· τῷ Λοβενι υἱῷ αὐτοῦ Ιεεϑ υἱὸς αὐτοῦ, Ζεμμα υἱὸς αὐτοῦ,
Verse: 6    Ιωαχ υἱὸς αὐτοῦ, Αδδι υἱὸς αὐτοῦ, Ζαρα υἱὸς αὐτοῦ, Ιεϑρι υἱὸς αὐτοῦ.
Verse: 7    υἱοὶ Κααϑ· Αμιναδαβ υἱὸς αὐτοῦ, Κορε υἱὸς αὐτοῦ, Ασιρ υἱὸς αὐτοῦ,
Verse: 8    Ελκανα υἱὸς αὐτοῦ, καὶ Αβιασαϕ υἱὸς αὐτοῦ, Ασιρ υἱὸς αὐτοῦ,
Verse: 9    Θααϑ υἱὸς αὐτοῦ, Ουριηλ υἱὸς αὐτοῦ, Οζια υἱὸς αὐτοῦ, Σαουλ υἱὸς αὐτοῦ.
Verse: 10    καὶ υἱοὶ Ελκανα· Αμασι καὶ Αχιμωϑ,
Verse: 11    Ελκανα υἱὸς αὐτοῦ, Σουϕι υἱὸς αὐτοῦ καὶ Νααϑ υἱὸς αὐτοῦ,
Verse: 12    Ελιαβ υἱὸς αὐτοῦ, Ιδαερ υἱὸς αὐτοῦ, Ελκανα υἱὸς αὐτοῦ.
Verse: 13    υἱοὶ Σαμουηλ· ὁ πρωτότοκος Σανι καὶ Αβια.
Verse: 14    υἱοὶ Μεραρι· Μοολι, Λοβενι υἱὸς αὐτοῦ, Σεμεϊ υἱὸς αὐτοῦ, Οζα υἱὸς αὐτοῦ,
Verse: 15    Σομεα υἱὸς αὐτοῦ, Αγγια υἱὸς αὐτοῦ, Ασαια υἱὸς αὐτοῦ.
Verse: 16    Καὶ οὗτοι οὓς κατέστησεν Δαυιδ ἐπὶ χεῖρας ᾀδόντων ἐν οἴκῳ κυρίου ἐν τῇ καταπαύσει τῆς κιβωτοῦ,
Verse: 17    καὶ ἦσαν λειτουργοῦντες ἐναντίον τῆς σκηνῆς οἴκου μαρτυρίου ἐν ὀργάνοις, ἕως οὗ ᾠκοδόμησεν Σαλωμων τὸν οἶκον κυρίου ἐν Ιερουσαλημ, καὶ ἔστησαν κατὰ τὴν κρίσιν αὐτῶν ἐπὶ τὰς λειτουργίας αὐτῶν.
Verse: 18    καὶ οὗτοι οἱ ἑστηκότες καὶ οἱ υἱοὶ αὐτῶν ἐκ τῶν υἱῶν τοῦ Κααϑ· Αιμαν ὁ ψαλτῳδὸς υἱὸς Ιωηλ υἱοῦ Σαμουηλ
Verse: 19    υἱοῦ Ελκανα υἱοῦ Ηδαδ υἱοῦ Ελιηλ υἱοῦ Θιε
Verse: 20    υἱοῦ Σουϕ υἱοῦ Ελκανα υἱοῦ Μεϑ υἱοῦ Αμασιου
Verse: 21    υἱοῦ Ελκανα υἱοῦ Ιωηλ υἱοῦ Αζαρια υἱοῦ Σαϕανια
Verse: 22    υἱοῦ Θααϑ υἱοῦ Ασιρ υἱοῦ Αβιασαϕ υἱοῦ Κορε
Verse: 23    υἱοῦ Ισσααρ υἱοῦ Κααϑ υἱοῦ Λευι υἱοῦ Ισραηλ.
Verse: 24    καὶ ἀδελϕὸς αὐτοῦ Ασαϕ ὁ ἑστηκὼς ἐν δεξιᾷ αὐτοῦ· Ασαϕ υἱὸς Βαραχια υἱοῦ Σαμαα
Verse: 25    υἱοῦ Μιχαηλ υἱοῦ Μαασια υἱοῦ Μελχια
Verse: 26    υἱοῦ Αϑανι υἱοῦ Ζαραι υἱοῦ Αδια
Verse: 27    υἱοῦ Αιϑαν υἱοῦ Ζαμμα υἱοῦ Σεμεϊ
Verse: 28    υἱοῦ Ηχα υἱοῦ Γεδσων υἱοῦ Λευι.
Verse: 29    καὶ υἱοὶ Μεραρι ἀδελϕοῦ αὐτῶν ἐξ ἀριστερῶν· Αιϑαν υἱὸς Κισαι υἱοῦ Αβδι υἱοῦ Μαλωχ
Verse: 30    υἱοῦ Ασεβι υἱοῦ Αμεσσια υἱοῦ Χελκιου
Verse: 31    υἱοῦ Αμασαι υἱοῦ Βανι υἱοῦ Σεμμηρ
Verse: 32    υἱοῦ Μοολι υἱοῦ Μουσι υἱοῦ Μεραρι υἱοῦ Λευι.
Verse: 33    Καὶ ἀδελϕοὶ αὐτῶν κατ' οἴκους πατριῶν αὐτῶν οἱ Λευῖται δεδομένοι εἰς πᾶσαν ἐργασίαν λειτουργίας σκηνῆς οἴκου τοῦ ϑεοῦ.
Verse: 34    καὶ Ααρων καὶ οἱ υἱοὶ αὐτοῦ ϑυμιῶντες ἐπὶ τὸ ϑυσιαστήριον τῶν ὁλοκαυτωμάτων καὶ ἐπὶ τὸ ϑυσιαστήριον τῶν ϑυμιαμάτων εἰς πᾶσαν ἐργασίαν ἅγια τῶν ἁγίων καὶ ἐξιλάσκεσϑαι περὶ Ισραηλ κατὰ πάντα, ὅσα ἐνετείλατο Μωυσῆς παῖς τοῦ ϑεοῦ.
Verse: 35    καὶ οὗτοι υἱοὶ Ααρων· Ελεαζαρ υἱὸς αὐτοῦ. Φινεες υἱὸς αὐτοῦ, Αβισου υἱὸς αὐτοῦ,
Verse: 36    Βωκαι υἱὸς αὐτοῦ, Οζι υἱὸς αὐτοῦ, Ζαραια υἱὸς αὐτοῦ,
Verse: 37    Μαριηλ υἱὸς αὐτοῦ, Αμαρια υἱὸς αὐτοῦ, Αχιτωβ υἱὸς αὐτοῦ,
Verse: 38    Σαδωκ υἱὸς αὐτοῦ, Αχιμαας υἱὸς αὐτοῦ.
Verse: 39    Καὶ αὗται αἱ κατοικίαι αὐτῶν ἐν ταῖς κώμαις αὐτῶν ἐν τοῖς ὁρίοις αὐτῶν· τοῖς υἱοῖς Ααρων τῇ πατριᾷ τοῦ Κααϑι ὅτι αὐτοῖς ἐγένετο ὁ κλῆρος
Verse: 40    καὶ ἔδωκαν αὐτοῖς τὴν Χεβρων ἐν γῇ Ιουδα καὶ τὰ περισπόρια αὐτῆς κύκλῳ αὐτῆς·
Verse: 41    καὶ τὰ πεδία τῆς πόλεως καὶ τὰς κώμας αὐτῆς ἔδωκαν τῷ Χαλεβ υἱῷ Ιεϕοννη.
Verse: 42    καὶ τοῖς υἱοῖς Ααρων ἔδωκαν τὰς πόλεις τῶν ϕυγαδευτηρίων, τὴν Χεβρων καὶ τὴν Λοβνα καὶ τὰ περισπόρια αὐτῆς καὶ τὴν Σελνα καὶ τὰ περισπόρια αὐτῆς καὶ τὴν Εσϑαμω καὶ τὰ περισπόρια αὐτῆς
Verse: 43    καὶ τὴν Ιεϑϑαρ καὶ τὰ περισπόρια αὐτῆς καὶ τὴν Δαβιρ καὶ τὰ περισπόρια αὐτῆς
Verse: 44    καὶ τὴν Ασαν καὶ τὰ περισπόρια αὐτῆς καὶ τὴν Ατταν καὶ τὰ περισπόρια αὐτῆς καὶ τὴν Βασαμυς καὶ τὰ περισπόρια αὐτῆς
Verse: 45    καὶ ἐκ ϕυλῆς Βενιαμιν τὴν Γαβεε καὶ τὰ περισπόρια αὐτῆς καὶ τὴν Γαλεμεϑ καὶ τὰ περισπόρια αὐτῆς καὶ τὴν Αγχωχ καὶ τὰ περισπόρια αὐτῆς· πᾶσαι αἱ πόλεις αὐτῶν τρισκαίδεκα πόλεις κατὰ πατριὰς αὐτῶν.
Verse: 46    Καὶ τοῖς υἱοῖς Κααϑ τοῖς καταλοίποις ἐκ τῶν πατριῶν ἐκ τῆς ϕυλῆς ἐκ τοῦ ἡμίσους ϕυλῆς Μανασση κλήρῳ πόλεις δέκα.
Verse: 47    καὶ τοῖς υἱοῖς Γεδσων κατὰ πατριὰς αὐτῶν ἐκ ϕυλῆς Ισσαχαρ, ἐκ ϕυλῆς Ασηρ, ἐκ ϕυλῆς Νεϕϑαλι, ἐκ ϕυλῆς Μανασση ἐν τῇ Βασαν πόλεις τρισκαίδεκα.
Verse: 48    καὶ τοῖς υἱοῖς Μεραρι κατὰ πατριὰς αὐτῶν ἐκ ϕυλῆς Ρουβην, ἐκ ϕυλῆς Γαδ, ἐκ ϕυλῆς Ζαβουλων κλήρῳ πόλεις δέκα δύο.
Verse: 49    Καὶ ἔδωκαν οἱ υἱοὶ Ισραηλ τοῖς Λευίταις τὰς πόλεις καὶ τὰ περισπόρια αὐτῶν·
Verse: 50    καὶ ἔδωκαν ἐν κλήρῳ ἐκ ϕυλῆς υἱῶν Ιουδα καὶ ἐκ ϕυλῆς υἱῶν Συμεων τὰς πόλεις ταύτας, ἃς ἐκάλεσεν αὐτὰς ἐπ' ὀνόματος.
Verse: 51    καὶ ἀπὸ τῶν πατριῶν υἱῶν Κααϑ καὶ ἐγένοντο πόλεις τῶν ὁρίων αὐτῶν ἐκ ϕυλῆς Εϕραιμ.
Verse: 52    καὶ ἔδωκαν αὐτῷ τὰς πόλεις τῶν ϕυγαδευτηρίων, τὴν Συχεμ καὶ τὰ περισπόρια αὐτῆς ἐν ὄρει Εϕραιμ καὶ τὴν Γαζερ καὶ τὰ περισπόρια αὐτῆς
Verse: 53    καὶ τὴν Ιεκμααμ καὶ τὰ περισπόρια αὐτῆς καὶ τὴν Βαιϑωρων καὶ τὰ περισπόρια αὐτῆς
Verse: 54    καὶ τὴν Εγλαμ καὶ τὰ περισπόρια αὐτῆς καὶ τὴν Γεϑρεμμων καὶ τὰ περισπόρια αὐτῆς
Verse: 55    καὶ ἀπὸ τοῦ ἡμίσους ϕυλῆς Μανασση τὴν Αναρ καὶ τὰ περισπόρια αὐτῆς καὶ τὴν Ιεβλααμ καὶ τὰ περισπόρια αὐτῆς κατὰ πατριὰν τοῖς υἱοῖς Κααϑ τοῖς καταλοίποις.
Verse: 56    τοῖς υἱοῖς Γεδσων ἀπὸ πατριῶν ἡμίσους ϕυλῆς Μανασση τὴν Γωλαν ἐκ τῆς Βασαν καὶ τὰ περισπόρια αὐτῆς καὶ τὴν Ασηρωϑ καὶ τὰ περισπόρια αὐτῆς
Verse: 57    καὶ ἐκ ϕυλῆς Ισσαχαρ τὴν Κεδες καὶ τὰ περισπόρια αὐτῆς καὶ τὴν Δεβερι καὶ τὰ περισπόρια αὐτῆς
Verse: 58    καὶ τὴν Δαβωρ καὶ τὰ περισπόρια αὐτῆς καὶ τὴν Αναμ καὶ τὰ περισπόρια αὐτῆς
Verse: 59    καὶ ἐκ ϕυλῆς Ασηρ τὴν Μασαλ καὶ τὰ περισπόρια αὐτῆς καὶ τὴν Αβαραν καὶ τὰ περισπόρια αὐτῆς
Verse: 60    καὶ τὴν Ικακ καὶ τὰ περισπόρια αὐτῆς καὶ τὴν Ροωβ καὶ τὰ περισπόρια αὐτῆς
Verse: 61    καὶ ἀπὸ ϕυλῆς Νεϕϑαλι τὴν Κεδες ἐν τῇ Γαλιλαίᾳ καὶ τὰ περισπόρια αὐτῆς καὶ τὴν Χαμωϑ καὶ τὰ περισπόρια αὐτῆς καὶ τὴν Καριαϑαιμ καὶ τὰ περισπόρια αὐτῆς.
Verse: 62    τοῖς υἱοῖς Μεραρι τοῖς καταλοίποις ἐκ ϕυλῆς Ζαβουλων τὴν Ρεμμων καὶ τὰ περισπόρια αὐτῆς καὶ τὴν Θαχχια καὶ τὰ περισπόρια αὐτῆς
Verse: 63    καὶ ἐκ τοῦ πέραν τοῦ Ιορδάνου Ιεριχω κατὰ δυσμὰς τοῦ Ιορδάνου ἐκ ϕυλῆς Ρουβην τὴν Βοσορ ἐν τῇ ἐρήμῳ καὶ τὰ περισπόρια αὐτῆς καὶ τὴν Ιασα καὶ τὰ περισπόρια αὐτῆς
Verse: 64    καὶ τὴν Καδημωϑ καὶ τὰ περισπόρια αὐτῆς καὶ τὴν Μωϕααϑ καὶ τὰ περισπόρια αὐτῆς
Verse: 65    καὶ ἐκ ϕυλῆς Γαδ τὴν Ραμωϑ Γαλααδ καὶ τὰ περισπόρια αὐτῆς καὶ τὴν Μααναιμ καὶ τὰ περισπόρια αὐτῆς
Verse: 66    καὶ τὴν Εσεβων καὶ τὰ περισπόρια αὐτῆς καὶ τὴν Ιαζηρ καὶ τὰ περισπόρια αὐτῆς.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.