TITUS
Vetus Testamentum graece iuxta LXX interpretes
Part No. 169
Previous part

Chapter: 16 
Verse: 1    Φύλαξαι τὸν μῆνα τῶν νέων καὶ ποιήσεις τὸ πασχα κυρίῳ τῷ ϑεῷ σου, ὅτι ἐν τῷ μηνὶ τῶν νέων ἐξῆλϑες ἐξ Αἰγύπτου νυκτός.
Verse: 2    καὶ ϑύσεις τὸ πασχα κυρίῳ τῷ ϑεῷ σου πρόβατα καὶ βόας ἐν τῷ τόπῳ, ᾧ ἐὰν ἐκλέξηται κύριος ὁ ϑεός σου αὐτὸν ἐπικληϑῆναι τὸ ὄνομα αὐτοῦ ἐκεῖ.
Verse: 3    οὐ ϕάγῃ ἐπ' αὐτοῦ ζύμην· ἑπτὰ ἡμέρας ϕάγῃ ἐπ' αὐτοῦ ἄζυμα, ἄρτον κακώσεως, ὅτι ἐν σπουδῇ ἐξήλϑετε ἐξ Αἰγύπτου· ἵνα μνησϑῆτε τὴν ἡμέραν τῆς ἐξοδίας ὑμῶν ἐκ γῆς Αἰγύπτου πάσας τὰς ἡμέρας τῆς ζωῆς ὑμῶν.
Verse: 4    οὐκ ὀϕϑήσεταί σοι ζύμη ἐν πᾶσι τοῖς ὁρίοις σου ἑπτὰ ἡμέρας, καὶ οὐ κοιμηϑήσεται ἀπὸ τῶν κρεῶν, ὧν ἐὰν ϑύσῃς τὸ ἑσπέρας τῇ ἡμέρᾳ τῇ πρώτῃ, εἰς τὸ πρωί.
Verse: 5    οὐ δυνήσῃ ϑῦσαι τὸ πασχα ἐν οὐδεμιᾷ τῶν πόλεών σου, ὧν κύριος ὁ ϑεός σου δίδωσίν σοι,
Verse: 6    ἀλλ' ἢ εἰς τὸν τόπον, ὃν ἐὰν ἐκλέξηται κύριος ὁ ϑεός σου ἐπικληϑῆναι τὸ ὄνομα αὐτοῦ ἐκεῖ, ϑύσεις τὸ πασχα ἑσπέρας πρὸς δυσμὰς ἡλίου ἐν τῷ καιρῷ, ᾧ ἐξῆλϑες ἐξ Αἰγύπτου,
Verse: 7    καὶ ἑψήσεις καὶ ὀπτήσεις καὶ ϕάγῃ ἐν τῷ τόπῳ, ᾧ ἐὰν ἐκλέξηται κύριος ὁ ϑεός σου αὐτόν, καὶ ἀποστραϕήσῃ τὸ πρωὶ καὶ ἀπελεύσῃ εἰς τοὺς οἴκους σου.
Verse: 8    ἓξ ἡμέρας ϕάγῃ ἄζυμα, καὶ τῇ ἡμέρᾳ τῇ ἑβδόμῃ ἐξόδιον, ἑορτὴ κυρίῳ τῷ ϑεῷ σου· οὐ ποιήσεις ἐν αὐτῇ πᾶν ἔργον πλὴν ὅσα ποιηϑήσεται ψυχῇ.
Verse: 9    ἑπτὰ ἑβδομάδας ὁλοκλήρους ἐξαριϑμήσεις σεαυτῷ· ἀρξαμένου σου δρέπανον ἐπ' ἀμητὸν ἄρξῃ ἐξαριϑμῆσαι ἑπτὰ ἑβδομάδας.
Verse: 10    καὶ ποιήσεις ἑορτὴν ἑβδομάδων κυρίῳ τῷ ϑεῷ σου καϑότι ἡ χείρ σου ἰσχύει, ὅσα ἂν δῷ σοι, καϑότι ηὐλόγησέν σε κύριος ὁ ϑεός σου·
Verse: 11    καὶ εὐϕρανϑήσῃ ἐναντίον κυρίου τοῦ ϑεοῦ σου, σὺ καὶ ὁ υἱός σου καὶ ἡ ϑυγάτηρ σου, ὁ παῖς σου καὶ ἡ παιδίσκη σου καὶ ὁ Λευίτης ὁ ἐν ταῖς πόλεσίν σου καὶ ὁ προσήλυτος καὶ ὁ ὀρϕανὸς καὶ ἡ χήρα ἡ ἐν ὑμῖν, ἐν τῷ τόπῳ, ᾧ ἐὰν ἐκλέξηται κύριος ὁ ϑεός σου ἐπικληϑῆναι τὸ ὄνομα αὐτοῦ ἐκεῖ,
Verse: 12    καὶ μνησϑήσῃ ὅτι οἰκέτης ἦσϑα ἐν γῇ Αἰγύπτῳ, καὶ ϕυλάξῃ καὶ ποιήσεις τὰς ἐντολὰς ταύτας.
Verse: 13    ἑορτὴν σκηνῶν ποιήσεις σεαυτῷ ἑπτὰ ἡμέρας ἐν τῷ συναγαγεῖν σε ἐκ τοῦ ἅλωνός σου καὶ ἀπὸ τῆς ληνοῦ σου·
Verse: 14    καὶ εὐϕρανϑήσῃ ἐν τῇ ἑορτῇ σου, σὺ καὶ ὁ υἱός σου καὶ ἡ ϑυγάτηρ σου, ὁ παῖς σου καὶ ἡ παιδίσκη σου καὶ ὁ Λευίτης καὶ ὁ προσήλυτος καὶ ὁ ὀρϕανὸς καὶ ἡ χήρα ἡ οὖσα ἐν ταῖς πόλεσίν σου.
Verse: 15    ἑπτὰ ἡμέρας ἑορτάσεις κυρίῳ τῷ ϑεῷ σου ἐν τῷ τόπῳ, ᾧ ἐὰν ἐκλέξηται κύριος ὁ ϑεός σου αὐτῷ· ἐὰν δὲ εὐλογήσῃ σε κύριος ὁ ϑεός σου ἐν πᾶσιν τοῖς γενήμασίν σου καὶ ἐν παντὶ ἔργῳ τῶν χειρῶν σου, καὶ ἔσῃ εὐϕραινόμενος.
Verse: 16    τρεῖς καιροὺς τοῦ ἐνιαυτοῦ ὀϕϑήσεται πᾶν ἀρσενικόν σου ἐναντίον κυρίου τοῦ ϑεοῦ σου ἐν τῷ τόπῳ, ᾧ ἐὰν ἐκλέξηται αὐτὸν κύριος, ἐν τῇ ἑορτῇ τῶν ἀζύμων καὶ ἐν τῇ ἑορτῇ τῶν ἑβδομάδων καὶ ἐν τῇ ἑορτῇ τῆς σκηνοπηγίας. οὐκ ὀϕϑήσῃ ἐνώπιον κυρίου τοῦ ϑεοῦ σου κενός·
Verse: 17    ἕκαστος κατὰ δύναμιν τῶν χειρῶν ὑμῶν κατὰ τὴν εὐλογίαν κυρίου τοῦ ϑεοῦ σου, ἣν ἔδωκέν σοι.
Verse: 18    Κριτὰς καὶ γραμματοεισαγωγεῖς καταστήσεις σεαυτῷ ἐν πάσαις ταῖς πόλεσίν σου, αἷς κύριος ὁ ϑεός σου δίδωσίν σοι, κατὰ ϕυλάς, καὶ κρινοῦσιν τὸν λαὸν κρίσιν δικαίαν.
Verse: 19    οὐκ ἐκκλινοῦσιν κρίσιν, οὐκ ἐπιγνώσονται πρόσωπον οὐδὲ λήμψονται δῶρον· τὰ γὰρ δῶρα ἐκτυϕλοῖ ὀϕϑαλμοὺς σοϕῶν καὶ ἐξαίρει λόγους δικαίων.
Verse: 20    δικαίως τὸ δίκαιον διώξῃ, ἵνα ζῆτε καὶ εἰσελϑόντες κληρονομήσητε τὴν γῆν, ἣν κύριος ὁ ϑεός σου δίδωσίν σοι.
Verse: 21    Οὐ ϕυτεύσεις σεαυτῷ ἄλσος, πᾶν ξύλον, παρὰ τὸ ϑυσιαστήριον κυρίου τοῦ ϑεοῦ σου, ὃ ποιήσεις σεαυτῷ.
Verse: 22    οὐ στήσεις σεαυτῷ στήλην, ἃ ἐμίσησεν κύριος ὁ ϑεός σου.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.