TITUS
Vetus Testamentum graece iuxta LXX interpretes
Part No. 159
Previous part

Chapter: 6 
Verse: 1    Καὶ αὗται αἱ ἐντολαὶ καὶ τὰ δικαιώματα καὶ τὰ κρίματα, ὅσα ἐνετείλατο κύριος ὁ ϑεὸς ἡμῶν διδάξαι ὑμᾶς ποιεῖν οὕτως ἐν τῇ γῇ, εἰς ἣν ὑμεῖς εἰσπορεύεσϑε ἐκεῖ κληρονομῆσαι αὐτήν,
Verse: 2    ἵνα ϕοβῆσϑε κύριον τὸν ϑεὸν ὑμῶν ϕυλάσσεσϑαι πάντα τὰ δικαιώματα αὐτοῦ καὶ τὰς ἐντολὰς αὐτοῦ, ὅσας ἐγὼ ἐντέλλομαί σοι σήμερον, σὺ καὶ οἱ υἱοί σου καὶ οἱ υἱοὶ τῶν υἱῶν σου πάσας τὰς ἡμέρας τῆς ζωῆς σου, ἵνα μακροημερεύσητε.
Verse: 3    καὶ ἄκουσον, Ισραηλ, καὶ ϕύλαξαι ποιεῖν, ὅπως εὖ σοι ᾖ καὶ ἵνα πληϑυνϑῆτε σϕόδρα, καϑάπερ ἐλάλησεν κύριος ὁ ϑεὸς τῶν πατέρων σου δοῦναί σοι γῆν ῥέουσαν γάλα καὶ μέλι.
Verse: 4    Καὶ ταῦτα τὰ δικαιώματα καὶ τὰ κρίματα, ὅσα ἐνετείλατο κύριος τοῖς υἱοῖς Ισραηλ ἐν τῇ ἐρήμῳ ἐξελϑόντων αὐτῶν ἐκ γῆς Αἰγύπτου ῎Ακουε, Ισραηλ· κύριος ὁ ϑεὸς ἡμῶν κύριος εἷς ἐστιν·
Verse: 5    καὶ ἀγαπήσεις κύριον τὸν ϑεόν σου ἐξ ὅλης τῆς καρδίας σου καὶ ἐξ ὅλης τῆς ψυχῆς σου καὶ ἐξ ὅλης τῆς δυνάμεώς σου.
Verse: 6    καὶ ἔσται τὰ ῥήματα ταῦτα, ὅσα ἐγὼ ἐντέλλομαί σοι σήμερον, ἐν τῇ καρδίᾳ σου καὶ ἐν τῇ ψυχῇ σου·
Verse: 7    καὶ προβιβάσεις αὐτὰ τοὺς υἱούς σου καὶ λαλήσεις ἐν αὐτοῖς καϑήμενος ἐν οἴκῳ καὶ πορευόμενος ἐν ὁδῷ καὶ κοιταζόμενος καὶ διανιστάμενος·
Verse: 8    καὶ ἀϕάψεις αὐτὰ εἰς σημεῖον ἐπὶ τῆς χειρός σου, καὶ ἔσται ἀσάλευτον πρὸ ὀϕϑαλμῶν σου·
Verse: 9    καὶ γράψετε αὐτὰ ἐπὶ τὰς ϕλιὰς τῶν οἰκιῶν ὑμῶν καὶ τῶν πυλῶν ὑμῶν.
Verse: 10    Καὶ ἔσται ὅταν εἰσαγάγῃ σε κύριος ὁ ϑεός σου εἰς τὴν γῆν, ἣν ὤμοσεν τοῖς πατράσιν σου τῷ Αβρααμ καὶ Ισαακ καὶ Ιακωβ δοῦναί σοι, πόλεις μεγάλας καὶ καλάς, ἃς οὐκ ᾠκοδόμησας,
Verse: 11    οἰκίας πλήρεις πάντων ἀγαϑῶν, ἃς οὐκ ἐνέπλησας, λάκκους λελατομημένους, οὓς οὐκ ἐξελατόμησας, ἀμπελῶνας καὶ ἐλαιῶνας, οὓς οὐ κατεϕύτευσας, καὶ ϕαγὼν καὶ ἐμπλησϑεὶς
Verse: 12    πρόσεχε σεαυτῷ, μὴ ἐπιλάϑῃ κυρίου τοῦ ϑεοῦ σου τοῦ ἐξαγαγόντος σε ἐκ γῆς Αἰγύπτου ἐξ οἴκου δουλείας.
Verse: 13    κύριον τὸν ϑεόν σου ϕοβηϑήσῃ καὶ αὐτῷ λατρεύσεις καὶ πρὸς αὐτὸν κολληϑήσῃ καὶ τῷ ὀνόματι αὐτοῦ ὀμῇ.
Verse: 14    οὐ πορεύσεσϑε ὀπίσω ϑεῶν ἑτέρων ἀπὸ τῶν ϑεῶν τῶν ἐϑνῶν τῶν περικύκλῳ ὑμῶν,
Verse: 15    ὅτι ϑεὸς ζηλωτὴς κύριος ὁ ϑεός σου ἐν σοί, μὴ ὀργισϑεὶς ϑυμωϑῇ κύριος ὁ ϑεός σου ἐν σοὶ καὶ ἐξολεϑρεύσῃ σε ἀπὸ προσώπου τῆς γῆς.
Verse: 16    Οὐκ ἐκπειράσεις κύριον τὸν ϑεόν σου, ὃν τρόπον ἐξεπειράσασϑε ἐν τῷ Πειρασμῷ.
Verse: 17    ϕυλάσσων ϕυλάξῃ τὰς ἐντολὰς κυρίου τοῦ ϑεοῦ σου, τὰ μαρτύρια καὶ τὰ δικαιώματα, ὅσα ἐνετείλατό σοι·
Verse: 18    καὶ ποιήσεις τὸ ἀρεστὸν καὶ τὸ καλὸν ἐναντίον κυρίου τοῦ ϑεοῦ ὑμῶν, ἵνα εὖ σοι γένηται καὶ εἰσέλϑῃς καὶ κληρονομήσῃς τὴν γῆν τὴν ἀγαϑήν, ἣν ὤμοσεν κύριος τοῖς πατράσιν ὑμῶν
Verse: 19    ἐκδιῶξαι πάντας τοὺς ἐχϑρούς σου πρὸ προσώπου σου, καϑὰ ἐλάλησεν.
Verse: 20    Καὶ ἔσται ὅταν ἐρωτήσῃ σε ὁ υἱός σου αὔριον λέγων Τί ἐστιν τὰ μαρτύρια καὶ τὰ δικαιώματα καὶ τὰ κρίματα, ὅσα ἐνετείλατο κύριος ὁ ϑεὸς ἡμῶν ἡμῖν;
Verse: 21    καὶ ἐρεῖς τῷ υἱῷ σου Οἰκέται ἦμεν τῷ Φαραω ἐν γῇ Αἰγύπτῳ, καὶ ἐξήγαγεν ἡμᾶς κύριος ἐκεῖϑεν ἐν χειρὶ κραταιᾷ καὶ ἐν βραχίονι ὑψηλῷ.
Verse: 22    καὶ ἔδωκεν κύριος σημεῖα καὶ τέρατα μεγάλα καὶ πονηρὰ ἐν Αἰγύπτῳ ἐν Φαραω καὶ ἐν τῷ οἴκῳ αὐτοῦ ἐνώπιον ἡμῶν·
Verse: 23    καὶ ἡμᾶς ἐξήγαγεν ἐκεῖϑεν, ἵνα εἰσαγάγῃ ἡμᾶς δοῦναι ἡμῖν τὴν γῆν ταύτην, ἣν ὤμοσεν δοῦναι τοῖς πατράσιν ἡμῶν.
Verse: 24    καὶ ἐνετείλατο ἡμῖν κύριος ποιεῖν πάντα τὰ δικαιώματα ταῦτα ϕοβεῖσϑαι κύριον τὸν ϑεὸν ἡμῶν, ἵνα εὖ ᾖ ἡμῖν πάσας τὰς ἡμέρας, ἵνα ζῶμεν ὥσπερ καὶ σήμερον.
Verse: 25    καὶ ἐλεημοσύνη ἔσται ἡμῖν, ἐὰν ϕυλασσώμεϑα ποιεῖν πάσας τὰς ἐντολὰς ταύτας ἐναντίον κυρίου τοῦ ϑεοῦ ἡμῶν, καϑὰ ἐνετείλατο ἡμῖν κύριος.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.