TITUS
Vetus Testamentum graece iuxta LXX interpretes
Part No. 1128
Previous part

Chapter: 12 
Verse: 1    Καὶ ἐγένετο λόγος κυρίου πρός με λέγων
Verse: 2    Υἱὲ ἀνϑρώπου, ἐν μέσῳ τῶν ἀδικιῶν αὐτῶν σὺ κατοικεῖς, οἳ ἔχουσιν ὀϕϑαλμοὺς τοῦ βλέπειν καὶ οὐ βλέπουσιν καὶ ὦτα ἔχουσιν τοῦ ἀκούειν καὶ οὐκ ἀκούουσιν, διότι οἶκος παραπικραίνων ἐστίν.
Verse: 3    καὶ σύ, υἱὲ ἀνϑρώπου, ποίησον σεαυτῷ σκεύη αἰχμαλωσίας ἡμέρας ἐνώπιον αὐτῶν καὶ αἰχμαλωτευϑήσῃ ἐκ τοῦ τόπου σου εἰς ἕτερον τόπον ἐνώπιον αὐτῶν, ὅπως ἴδωσιν, διότι οἶκος παραπικραίνων ἐστίν.
Verse: 4    καὶ ἐξοίσεις τὰ σκεύη σου ὡς σκεύη αἰχμαλωσίας ἡμέρας κατ' ὀϕϑαλμοὺς αὐτῶν, καὶ σὺ ἐξελεύσῃ ἑσπέρας ὡς ἐκπορεύεται αἰχμάλωτος·
Verse: 5    ἐνώπιον αὐτῶν διόρυξον σεαυτῷ εἰς τὸν τοῖχον καὶ διεξελεύσῃ δι' αὐτοῦ·
Verse: 6    ἐνώπιον αὐτῶν ἐπ' ὤμων ἀναλημϕϑήσῃ καὶ κεκρυμμένος ἐξελεύσῃ, τὸ πρόσωπόν σου συγκαλύψεις καὶ οὐ μὴ ἴδῃς τὴν γῆν· διότι τέρας δέδωκά σε τῷ οἴκῳ Ισραηλ.
Verse: 7    καὶ ἐποίησα οὕτως κατὰ πάντα, ὅσα ἐνετείλατό μοι, καὶ σκεύη ἐξήνεγκα ὡς σκεύη αἰχμαλωσίας ἡμέρας καὶ ἑσπέρας διώρυξα ἐμαυτῷ τὸν τοῖχον καὶ κεκρυμμένος ἐξῆλϑον, ἐπ' ὤμων ἀνελήμϕϑην ἐνώπιον αὐτῶν.
Verse: 8    καὶ ἐγένετο λόγος κυρίου πρός με τὸ πρωὶ λέγων
Verse: 9    Υἱὲ ἀνϑρώπου, οὐκ εἶπαν πρὸς σὲ ὁ οἶκος τοῦ Ισραηλ οἶκος ὁ παραπικραίνων Τί σὺ ποιεῖς;
Verse: 10    εἰπὸν πρὸς αὐτούς Τάδε λέγει κύριος κύριος ῾Ο ἄρχων καὶ ὁ ἀϕηγούμενος ἐν Ιερουσαλημ καὶ παντὶ οἴκῳ Ισραηλ, οἵ εἰσιν ἐν μέσῳ αὐτῶν,
Verse: 11    εἰπὸν ὅτι ἐγὼ τέρατα ποιῶ ἐν μέσῳ αὐτῆς· ὃν τρόπον πεποίηκα, οὕτως ἔσται αὐτοῖς· ἐν μετοικεσίᾳ καὶ ἐν αἰχμαλωσίᾳ πορεύσονται,
Verse: 12    καὶ ὁ ἄρχων ἐν μέσῳ αὐτῶν ἐπ' ὤμων ἀρϑήσεται καὶ κεκρυμμένος ἐξελεύσεται διὰ τοῦ τοίχου, καὶ διορύξει τοῦ ἐξελϑεῖν αὐτὸν δι' αὐτοῦ· τὸ πρόσωπον αὐτοῦ συγκαλύψει, ὅπως μὴ ὁραϑῇ ὀϕϑαλμῷ, καὶ αὐτὸς τὴν γῆν οὐκ ὄψεται.
Verse: 13    καὶ ἐκπετάσω τὸ δίκτυόν μου ἐπ' αὐτόν, καὶ συλλημϕϑήσεται ἐν τῇ περιοχῇ μου, καὶ ἄξω αὐτὸν εἰς Βαβυλῶνα εἰς γῆν Χαλδαίων, καὶ αὐτὴν οὐκ ὄψεται καὶ ἐκεῖ τελευτήσει.
Verse: 14    καὶ πάντας τοὺς κύκλῳ αὐτοῦ τοὺς βοηϑοὺς αὐτοῦ καὶ πάντας τοὺς ἀντιλαμβανομένους αὐτοῦ διασπερῶ εἰς πάντα ἄνεμον καὶ ῥομϕαίαν ἐκκενώσω ὀπίσω αὐτῶν·
Verse: 15    καὶ γνώσονται διότι ἐγὼ κύριος ἐν τῷ διασκορπίσαι με αὐτοὺς ἐν τοῖς ἔϑνεσιν, καὶ διασπερῶ αὐτοὺς ἐν ταῖς χώραις.
Verse: 16    καὶ ὑπολείψομαι ἐξ αὐτῶν ἄνδρας ἀριϑμῷ ἐκ ῥομϕαίας καὶ ἐκ λιμοῦ καὶ ἐκ ϑανάτου, ὅπως ἐκδιηγῶνται πάσας τὰς ἀνομίας αὐτῶν ἐν τοῖς ἔϑνεσιν, οὗ εἰσήλϑοσαν ἐκεῖ· καὶ γνώσονται ὅτι ἐγὼ κύριος.
Verse: 17    καὶ ἐγένετο λόγος κυρίου πρός με λέγων
Verse: 18    Υἱὲ ἀνϑρώπου, τὸν ἄρτον σου μετ' ὀδύνης ϕάγεσαι καὶ τὸ ὕδωρ σου μετὰ βασάνου καὶ ϑλίψεως πίεσαι
Verse: 19    καὶ ἐρεῖς πρὸς τὸν λαὸν τῆς γῆς Τάδε λέγει κύριος τοῖς κατοικοῦσιν Ιερουσαλημ ἐπὶ τῆς γῆς τοῦ Ισραηλ Τοὺς ἄρτους αὐτῶν μετ' ἐνδείας ϕάγονται καὶ τὸ ὕδωρ αὐτῶν μετὰ ἀϕανισμοῦ πίονται, ὅπως ἀϕανισϑῇ ἡ γῆ σὺν πληρώματι αὐτῆς, ἐν ἀσεβείᾳ γὰρ πάντες οἱ κατοικοῦντες ἐν αὐτῇ·
Verse: 20    καὶ αἱ πόλεις αὐτῶν αἱ κατοικούμεναι ἐξερημωϑήσονται, καὶ ἡ γῆ εἰς ἀϕανισμὸν ἔσται· καὶ ἐπιγνώσεσϑε διότι ἐγὼ κύριος.
Verse: 21    Καὶ ἐγένετο λόγος κυρίου πρός με λέγων
Verse: 22    Υἱὲ ἀνϑρώπου, τίς ὑμῖν ἡ παραβολὴ αὕτη ἐπὶ τῆς γῆς τοῦ Ισραηλ λέγοντες Μακρὰν αἱ ἡμέραι ἀπόλωλεν ὅρασις;
Verse: 23    διὰ τοῦτο εἰπὸν πρὸς αὐτούς Τάδε λέγει κύριος ᾽Αποστρέψω τὴν παραβολὴν ταύτην, καὶ οὐκέτι μὴ εἴπωσιν τὴν παραβολὴν ταύτην οἶκος τοῦ Ισραηλ, ὅτι λαλήσεις πρὸς αὐτούς ᾽Ηγγίκασιν αἱ ἡμέραι καὶ λόγος πάσης ὁράσεως·
Verse: 24    ὅτι οὐκ ἔσται ἔτι πᾶσα ὅρασις ψευδὴς καὶ μαντευόμενος τὰ πρὸς χάριν ἐν μέσῳ τῶν υἱῶν Ισραηλ,
Verse: 25    διότι ἐγὼ κύριος λαλήσω τοὺς λόγους μου, λαλήσω καὶ ποιήσω καὶ οὐ μὴ μηκύνω ἔτι, ὅτι ἐν ταῖς ἡμέραις ὑμῶν, οἶκος ὁ παραπικραίνων, λαλήσω λόγον καὶ ποιήσω, λέγει κύριος.
Verse: 26    καὶ ἐγένετο λόγος κυρίου πρός με λέγων
Verse: 27    Υἱὲ ἀνϑρώπου, ἰδοὺ οἶκος Ισραηλ ὁ παραπικραίνων λέγοντες λέγουσιν ῾Η ὅρασις, ἣν οὗτος ὁρᾷ, εἰς ἡμέρας πολλάς, καὶ εἰς καιροὺς μακροὺς οὗτος προϕητεύει.
Verse: 28    διὰ τοῦτο εἰπὸν πρὸς αὐτούς Τάδε λέγει κύριος Οὐ μὴ μηκύνωσιν οὐκέτι πάντες οἱ λόγοι μου, οὓς ἂν λαλήσω· λαλήσω καὶ ποιήσω, λέγει κύριος.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.