TITUS
Vetus Testamentum graece iuxta LXX interpretes
Part No. 1151
Previous part

Chapter: 35 
Verse: 1    Καὶ ἐγένετο λόγος κυρίου πρός με λέγων
Verse: 2    Υἱὲ ἀνϑρώπου, ἐπίστρεψον τὸ πρόσωπόν σου ἐπ' ὄρος Σηιρ καὶ προϕήτευσον ἐπ' αὐτὸ
Verse: 3    καὶ εἰπόν Τάδε λέγει κύριος κύριος ᾽Ιδοὺ ἐγὼ ἐπὶ σέ, ὄρος Σηιρ, καὶ ἐκτενῶ τὴν χεῖρά μου ἐπὶ σὲ καὶ δώσω σε ἔρημον, καὶ ἐρημωϑήσῃ,
Verse: 4    καὶ ταῖς πόλεσίν σου ἐρημίαν ποιήσω, καὶ σὺ ἔρημος ἔσῃ· καὶ γνώσῃ ὅτι ἐγώ εἰμι κύριος.
Verse: 5    ἀντὶ τοῦ γενέσϑαι σε ἐχϑρὰν αἰωνίαν καὶ ἐνεκάϑισας τῷ οἴκῳ Ισραηλ δόλῳ ἐν χειρὶ ἐχϑρῶν μαχαίρᾳ ἐν καιρῷ ἀδικίας ἐπ' ἐσχάτῳ,
Verse: 6    διὰ τοῦτο, ζῶ ἐγώ, λέγει κύριος κύριος, εἰ μὴν εἰς αἷμα ἥμαρτες, καὶ αἷμά σε διώξεται.
Verse: 7    καὶ δώσω τὸ ὄρος Σηιρ εἰς ἔρημον καὶ ἠρημωμένον καὶ ἀπολῶ ἀπ' αὐτοῦ ἀνϑρώπους καὶ κτήνη
Verse: 8    καὶ ἐμπλήσω τῶν τραυματιῶν σου τοὺς βουνοὺς καὶ τὰς ϕάραγγάς σου, καὶ ἐν πᾶσι τοῖς πεδίοις σου τετραυματισμένοι μαχαίρᾳ πεσοῦνται ἐν σοί.
Verse: 9    ἐρημίαν αἰώνιον ϑήσομαί σε, καὶ αἱ πόλεις σου οὐ μὴ κατοικηϑῶσιν ἔτι· καὶ γνώσῃ ὅτι ἐγώ εἰμι κύριος.
Verse: 10    διὰ τὸ εἰπεῖν σε Τὰ δύο ἔϑνη καὶ αἱ δύο χῶραι ἐμαὶ ἔσονται καὶ κληρονομήσω αὐτάς, καὶ κύριος ἐκεῖ ἐστιν,
Verse: 11    διὰ τοῦτο, ζῶ ἐγώ, λέγει κύριος, καὶ ποιήσω σοι κατὰ τὴν ἔχϑραν σου καὶ γνωσϑήσομαί σοι, ἡνίκα ἂν κρίνω σε·
Verse: 12    καὶ γνώσῃ ὅτι ἐγώ εἰμι κύριος. ἤκουσα τῆς ϕωνῆς τῶν βλασϕημιῶν σου, ὅτι εἶπας Τὰ ὄρη Ισραηλ ἔρημα, ἡμῖν δέδοται εἰς κατάβρωμα·
Verse: 13    καὶ ἐμεγαλορημόνησας ἐπ' ἐμὲ τῷ στόματί σου· ἐγὼ ἤκουσα.
Verse: 14    τάδε λέγει κύριος ᾽Εν τῇ εὐϕροσύνῃ πάσης τῆς γῆς ἔρημον ποιήσω σε·
Verse: 15    ἔρημον ἔσῃ, ὄρος Σηιρ, καὶ πᾶσα ἡ Ιδουμαία ἐξαναλωϑήσεται· καὶ γνώσῃ ὅτι ἐγώ εἰμι κύριος ὁ ϑεὸς αὐτῶν.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.