TITUS
Vetus Testamentum graece iuxta LXX interpretes
Part No. 1122
Previous part

Chapter: 6 
Verse: 1    Καὶ ἐγένετο λόγος κυρίου πρός με λέγων
Verse: 2    Υἱὲ ἀνϑρώπου, στήρισον τὸ πρόσωπόν σου ἐπὶ τὰ ὄρη Ισραηλ καὶ προϕήτευσον ἐπ' αὐτὰ
Verse: 3    καὶ ἐρεῖς Τὰ ὄρη Ισραηλ, ἀκούσατε λόγον κυρίου Τάδε λέγει κύριος τοῖς ὄρεσιν καὶ τοῖς βουνοῖς καὶ ταῖς ϕάραγξιν καὶ ταῖς νάπαις ᾽Ιδοὺ ἐγὼ ἐπάγω ἐϕ' ὑμᾶς ῥομϕαίαν, καὶ ἐξολεϑρευϑήσεται τὰ ὑψηλὰ ὑμῶν,
Verse: 4    καὶ συντριβήσονται τὰ ϑυσιαστήρια ὑμῶν καὶ τὰ τεμένη ὑμῶν, καὶ καταβαλῶ τραυματίας ὑμῶν ἐνώπιον τῶν εἰδώλων ὑμῶν
Verse: 5    καὶ διασκορπιῶ τὰ ὀστᾶ ὑμῶν κύκλῳ τῶν ϑυσιαστηρίων ὑμῶν.
Verse: 6    ἐν πάσῃ τῇ κατοικίᾳ ὑμῶν αἱ πόλεις ἐξερημωϑήσονται καὶ τὰ ὑψηλὰ ἀϕανισϑήσεται, ὅπως ἐξολεϑρευϑῇ τὰ ϑυσιαστήρια ὑμῶν, καὶ συντριβήσονται τὰ εἴδωλα ὑμῶν, καὶ ἐξαρϑήσεται τὰ τεμένη ὑμῶν,
Verse: 7    καὶ πεσοῦνται τραυματίαι ἐν μέσῳ ὑμῶν, καὶ ἐπιγνώσεσϑε ὅτι ἐγὼ κύριος.
Verse: 8    ἐν τῷ γενέσϑαι ἐξ ὑμῶν ἀνασῳζομένους ἐκ ῥομϕαίας ἐν τοῖς ἔϑνεσιν καὶ ἐν τῷ διασκορπισμῷ ὑμῶν ἐν ταῖς χώραις
Verse: 9    καὶ μνησϑήσονταί μου οἱ ἀνασῳζόμενοι ἐξ ὑμῶν ἐν τοῖς ἔϑνεσιν, οὗ ᾐχμαλωτεύϑησαν ἐκεῖ· ὀμώμοκα τῇ καρδίᾳ αὐτῶν τῇ ἐκπορνευούσῃ ἀπ' ἐμοῦ καὶ τοῖς ὀϕϑαλμοῖς αὐτῶν τοῖς πορνεύουσιν ὀπίσω τῶν ἐπιτηδευμάτων αὐτῶν, καὶ κόψονται πρόσωπα αὐτῶν ἐν πᾶσι τοῖς βδελύγμασιν αὐτῶν·
Verse: 10    καὶ ἐπιγνώσονται διότι ἐγὼ κύριος λελάληκα.
Verse: 11    τάδε λέγει κύριος Κρότησον τῇ χειρὶ καὶ ψόϕησον τῷ ποδὶ καὶ εἰπόν Εὖγε εὖγε ἐπὶ πᾶσιν τοῖς βδελύγμασιν οἴκου Ισραηλ· ἐν ῥομϕαίᾳ καὶ ἐν ϑανάτῳ καὶ ἐν λιμῷ πεσοῦνται.
Verse: 12    ὁ ἐγγὺς ἐν ῥομϕαίᾳ πεσεῖται, ὁ δὲ μακρὰν ἐν ϑανάτῳ τελευτήσει, καὶ ὁ περιεχόμενος ἐν λιμῷ συντελεσϑήσεται, καὶ συντελέσω τὴν ὀργήν μου ἐπ' αὐτούς.
Verse: 13    καὶ γνώσεσϑε διότι ἐγὼ κύριος ἐν τῷ εἶναι τοὺς τραυματίας ὑμῶν ἐν μέσῳ τῶν εἰδώλων ὑμῶν κύκλῳ τῶν ϑυσιαστηρίων ὑμῶν ἐπὶ πάντα βουνὸν ὑψηλὸν καὶ ὑποκάτω δένδρου συσκίου, οὗ ἔδωκαν ἐκεῖ ὀσμὴν εὐωδίας πᾶσι τοῖς εἰδώλοις αὐτῶν.
Verse: 14    καὶ ἐκτενῶ τὴν χεῖρά μου ἐπ' αὐτοὺς καὶ ϑήσομαι τὴν γῆν εἰς ἀϕανισμὸν καὶ εἰς ὄλεϑρον ἀπὸ τῆς ἐρήμου Δεβλαϑα ἐκ πάσης τῆς κατοικίας· καὶ ἐπιγνώσεσϑε ὅτι ἐγὼ κύριος.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.