TITUS
Vetus Testamentum graece iuxta LXX interpretes
Part No. 811
Previous part

Chapter: 22 
Verse: 1  ῾Υπολαβὼν δὲ Ελιϕας ὁ Θαιμανίτης λέγει
Verse: 2  Πότερον οὐχὶ ὁ κύριός ἐστιν ὁ διδάσκων σύνεσιν καὶ ἐπιστήμην;
Verse: 3  τί γὰρ μέλει τῷ κυρίῳ, ἐὰν σὺ ἦσϑα τοῖς ἔργοις ἄμεμπτος;
ἢ ὠϕέλεια ὅτι ἁπλώσῃς τὴν ὁδόν σου;S
Verse: 4  ἦ λόγον σου ποιούμενος ἐλέγξει σε
καὶ συνεισελεύσεταί σοι εἰς κρίσιν;
Verse: 5  πότερον οὐχ ἡ κακία σού ἐστιν πολλή,
ἀναρίϑμητοι δέ σού εἰσιν αἱ ἁμαρτίαι;
Verse: 6  ἠνεχύραζες δὲ τοὺς ἀδελϕούς σου διὰ κενῆς,
ἀμϕίασιν δὲ γυμνῶν ἀϕείλου·
Verse: 7  οὐδὲ ὕδωρ διψῶντας ἐπότισας,
ἀλλὰ πεινώντων ἐστέρησας ψωμόν·
Verse: 8  ἐϑαύμασας δέ τινων πρόσωπον,
ᾤκισας δὲ τοὺς ἐπὶ τῆς γῆς·
Verse: 9  χήρας δὲ ἐξαπέστειλας κενάς,
ὀρϕανοὺς δὲ ἐκάκωσας.
Verse: 10  τοιγαροῦν ἐκύκλωσάν σε παγίδες,
καὶ ἐσπούδασέν σε πόλεμος ἐξαίσιος·
Verse: 11  τὸ ϕῶς σοι σκότος ἀπέβη,
κοιμηϑέντα δὲ ὕδωρ σε ἐκάλυψεν.
Verse: 12  μὴ οὐχὶ ὁ τὰ ὑψηλὰ ναίων ἐϕορᾷ,
τοὺς δὲ ὕβρει ϕερομένους ἐταπείνωσεν;
Verse: 13  καὶ εἶπας Τί ἔγνω ὁ ἰσχυρός;
ἦ κατὰ τοῦ γνόϕου κρινεῖ;
Verse: 14  νέϕη ἀποκρυϕὴ αὐτοῦ, καὶ οὐχ ὁραϑήσεται
καὶ γῦρον οὐρανοῦ διαπορεύσεται.
Verse: 15  μὴ τρίβον αἰώνιον ϕυλάξεις,
ἣν ἐπάτησαν ἄνδρες ἄδικοι,
Verse: 16  οἳ συνελήμϕϑησαν ἄωροι;
ποταμὸς ἐπιρρέων οἱ ϑεμέλιοι αὐτῶνS
Verse: 17  οἱ λέγοντες Κύριος τί ποιήσει ἡμῖν;
ἢ τί ἐπάξεται ἡμῖν ὁ παντοκράτωρ;
Verse: 18  ὃς δὲ ἐνέπλησεν τοὺς οἴκους αὐτῶν ἀγαϑῶν,
βουλὴ δὲ ἀσεβῶν πόρρω ἀπ' αὐτοῦ.
Verse: 19  ἰδόντες δίκαιοι ἐγέλασαν,
ἄμεμπτος δὲ ἐμυκτήρισεν.
Verse: 20  εἰ μὴ ἠϕανίσϑη ἡ ὑπόστασις αὐτῶν,
καὶ τὸ κατάλειμμα αὐτῶν καταϕάγεται πῦρ.S
Verse: 21  γενοῦ δὴ σκληρός, ἐὰν ὑπομείνῃς·
εἶτ' ὁ καρπός σου ἔσται ἐν ἀγαϑοῖς.
Verse: 22  ἔκλαβε δὲ ἐκ στόματος αὐτοῦ ἐξηγορίαν
καὶ ἀνάλαβε τὰ ῥήματα αὐτοῦ ἐν καρδίᾳ σου.
Verse: 23  ἐὰν δὲ ἐπιστραϕῇς καὶ ταπεινώσῃς σεαυτὸν ἔναντι κυρίου,
πόρρω ἐποίησας ἀπὸ διαίτης σου τὸ ἄδικον.
Verse: 24  ϑήσῃ ἐπὶ χώματι ἐν πέτρᾳ
καὶ ὡς πέτρᾳ χειμάρρους Ωϕιρ.S
Verse: 25  ἔσται οὖν σου ὁ παντοκράτωρ βοηϑὸς ἀπὸ ἐχϑρῶν,
καϑαρὸν δὲ ἀποδώσει σε ὥσπερ ἀργύριον πεπυρωμένον.
Verse: 26  εἶτα παρρησιασϑήσῃ ἔναντι κυρίου
ἀναβλέψας εἰς τὸν οὐρανὸν ἱλαρῶς·
Verse: 27  εὐξαμένου δέ σου πρὸς αὐτὸν εἰσακούσεταί σου,
δώσει δέ σοι ἀποδοῦναι τὰς εὐχάς·
Verse: 28  ἀποκαταστήσει δέ σοι δίαιταν δικαιοσύνης,
ἐπὶ δὲ ὁδοῖς σου ἔσται ϕέγγος.
Verse: 29  ὅτι ἐταπείνωσεν αὐτόν, καὶ ἐρεῖς ῾Υπερηϕανεύσατο,
καὶ κύϕοντα ὀϕϑαλμοῖς σώσει·
Verse: 30  ῥύσεται ἀϑῷον,
καὶ διασώϑητι ἐν καϑαραῖς χερσίν σου.S

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.