TITUS
Vetus Testamentum graece iuxta LXX interpretes
Part No. 815
Previous part

Chapter: 26 
Verse: 1  ῾Υπολαβὼν δὲ Ιωβ λέγει
Verse: 2  Τίνι πρόσκεισαι ἢ τίνι μέλλεις βοηϑεῖν;
πότερον οὐχ ᾧ πολλὴ ἰσχὺς καὶ ᾧ βραχίων κραταιός ἐστιν;
Verse: 3  τίνι συμβεβούλευσαι; οὐχ ᾧ πᾶσα σοϕία;
ἢ τίνι ἐπακολουϑήσεις; οὐχ ᾧ μεγίστη δύναμις;
Verse: 4  τίνι ἀνήγγειλας ῥήματα;
πνοὴ δὲ τίνος ἐστὶν ἡ ἐξελϑοῦσα ἐκ σοῦ;
Verse: 5  μὴ γίγαντες μαιωϑήσονται
ὑποκάτωϑεν ὕδατος καὶ τῶν γειτόνων αὐτοῦ;
Verse: 6  γυμνὸς ὁ ᾅδης ἐπώπιον αὐτοῦ,
καὶ οὐκ ἔστιν περιβόλαιον τῇ ἀπωλείᾳ.
Verse: 7  ἐκτείνων βορέαν ἐπ' οὐδέν,
κρεμάζων γῆν ἐπὶ οὐδενός·
Verse: 8  δεσμεύων ὕδωρ ἐν νεϕέλαις αὐτοῦ,
καὶ οὐκ ἐρράγη νέϕος ὑποκάτω αὐτοῦ·
Verse: 9  ὁ κρατῶν πρόσωπον ϑρόνου,
ἐκπετάζων ἐπ' αὐτὸν νέϕος αὐτοῦ.
Verse: 10  πρόσταγμα ἐγύρωσεν ἐπὶ πρόσωπον ὕδατος
μέχρι συντελείας ϕωτὸς μετὰ σκότους.
Verse: 11  στῦλοι οὐρανοῦ ἐπετάσϑησαν
καὶ ἐξέστησαν ἀπὸ τῆς ἐπιτιμήσεως αὐτοῦ.S
Verse: 12  ἰσχύι κατέπαυσεν τὴν ϑάλασσαν,
ἐπιστήμῃ δὲ ἔτρωσε τὸ κῆτος·
Verse: 13  κλεῖϑρα δὲ οὐρανοῦ δεδοίκασιν αὐτόν,
προστάγματι δὲ ἐϑανάτωσεν δράκοντα ἀποστάτην.
Verse: 14  ἰδοὺ ταῦτα μέρη ὁδοῦ αὐτοῦ,
καὶ ἐπὶ ἰκμάδα λόγου ἀκουσόμεϑα ἐν αὐτῷ·S
σϑένος δὲ βροντῆς αὐτοῦ τίς οἶδεν ὁπότε ποιήσει;

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.