TITUS
Vetus Testamentum graece iuxta LXX interpretes
Part No. 822
Previous part

Chapter: 33 
Verse: 1  οὐ μὴν δὲ ἀλλὰ ἄκουσον, Ιωβ, τὰ ῥήματά μου
καὶ λαλιὰν ἐνωτίζου μου·
Verse: 2  ἰδοὺ γὰρ ἤνοιξα τὸ στόμα μου,
καὶ ἐλάλησεν ἡ γλῶσσά μου.
Verse: 3  καϑαρά μου ἡ καρδία ῥήμασιν,
σύνεσις δὲ χειλέων μου καϑαρὰ νοήσει.
Verse: 4  πνεῦμα ϑεῖον τὸ ποιῆσάν με,
πνοὴ δὲ παντοκράτορος ἡ διδάσκουσά με.
Verse: 5  ἐὰν δύνῃ, δός μοι ἀπόκρισιν πρὸς ταῦτα·
ὑπόμεινον, στῆϑι κατ' ἐμὲ καὶ ἐγὼ κατὰ σέ.
Verse: 6  ἐκ πηλοῦ διήρτισαι σὺ ὡς καὶ ἐγώ,
ἐκ τοῦ αὐτοῦ διηρτίσμεϑα.
Verse: 7  οὐχ ὁ ϕόβος μού σε στροβήσει,
οὐδὲ ἡ χείρ μου βαρεῖα ἔσται ἐπὶ σοί.
Verse: 8  πλὴν εἶπας ἐν ὠσίν μου,S
ϕωνὴν ῥημάτων σου ἀκήκοα·
Verse: 9  διότι λέγεις Καϑαρός εἰμι οὐχ ἁμαρτών,
ἄμεμπτος δέ εἰμι, οὐ γὰρ ἠνόμησα·
Verse: 10  μέμψιν δὲ κατ' ἐμοῦ εὗρεν,
ἥγηται δέ με ὥσπερ ὑπεναντίον·
Verse: 11  ἔϑετο δὲ ἐν ξύλῳ τὸν πόδα μου,
ἐϕύλαξεν δέ μου πάσας τὰς ὁδούς.
Verse: 12  πῶς γὰρ λέγεις Δίκαιός εἰμι, καὶ οὐκ ἐπακήκοέν μου;
αἰώνιος γάρ ἐστιν ὁ ἐπάνω βροτῶν.
Verse: 13  λέγεις δέ Διὰ τί τῆς δίκης μου οὐκ ἐπακήκοεν πᾶν ῥῆμα;
Verse: 14  ἐν γὰρ τῷ ἅπαξ λαλήσαι ὁ κύριος,
ἐν δὲ τῷ δευτέρῳ ἐνύπνιον,
Verse: 15  ἢ ἐν μελέτῃ νυκτερινῇ,
ὡς ὅταν ἐπιπίπτῃ δεινὸς ϕόβος ἐπ' ἀνϑρώπους
ἐπὶ νυσταγμάτων ἐπὶ κοίτης·
Verse: 16  τότε ἀνακαλύπτει νοῦν ἀνϑρώπων,
ἐν εἴδεσιν ϕόβου τοιούτοις αὐτοὺς ἐξεϕόβησεν
Verse: 17  ἀποστρέψαι ἄνϑρωπον ἐξ ἀδικίας,
τὸ δὲ σῶμα αὐτοῦ ἀπὸ πτώματος ἐρρύσατο.
Verse: 18  ἐϕείσατο δὲ τῆς ψυχῆς αὐτοῦ ἀπὸ ϑανάτου
καὶ μὴ πεσεῖν αὐτὸν ἐν πολέμῳ.
Verse: 19  πάλιν δὲ ἤλεγξεν αὐτὸν ἐν μαλακίᾳ ἐπὶ κοίτης
καὶ πλῆϑος ὀστῶν αὐτοῦ ἐνάρκησεν,S
Verse: 20  πᾶν δὲ βρωτὸν σίτου οὐ μὴ δύνηται προσδέξασϑαι
καὶ ἡ ψυχὴ αὐτοῦ βρῶσιν ἐπιϑυμήσει,S
Verse: 21  ἕως ἂν σαπῶσιν αὐτοῦ αἱ σάρκες
καὶ ἀποδείξῃ τὰ ὀστᾶ αὐτοῦ κενά·
Verse: 22  ἤγγισεν δὲ εἰς ϑάνατον ἡ ψυχὴ αὐτοῦ,
ἡ δὲ ζωὴ αὐτοῦ ἐν ᾅδῃ.
Verse: 23  ἐὰν ὦσιν χίλιοι ἄγγελοι ϑανατηϕόροι,
εἷς αὐτῶν οὐ μὴ τρώσῃ αὐτόν·
ἐὰν νοήσῃ τῇ καρδίᾳ ἐπιστραϕῆναι ἐπὶ κύριον,
ἀναγγείλῃ δὲ ἀνϑρώπῳ τὴν ἑαυτοῦ μέμψιν,
τὴν δὲ ἄνοιαν αὐτοῦ δείξῃ,
Verse: 24  ἀνϑέξεται τοῦ μὴ πεσεῖν αὐτὸν εἰς ϑάνατον,
ἀνανεώσει δὲ αὐτοῦ τὸ σῶμα ὥσπερ ἀλοιϕὴν ἐπὶ τοίχου,
τὰ δὲ ὀστᾶ αὐτοῦ ἐμπλήσει μυελοῦ·
Verse: 25  ἁπαλυνεῖ δὲ αὐτοῦ τὰς σάρκας ὥσπερ νηπίου,
ἀποκαταστήσει δὲ αὐτὸν ἀνδρωϑέντα ἐν ἀνϑρώποις.
Verse: 26  εὐξάμενος δὲ πρὸς κύριον, καὶ δεκτὰ αὐτῷ ἔσται,
εἰσελεύσεται δὲ προσώπῳ καϑαρῷ σὺν ἐξηγορίᾳ·
ἀποδώσει δὲ ἀνϑρώποις δικαιοσύνην.
Verse: 27  εἶτα τότε ἀπομέμψεται ἄνϑρωπος αὐτὸς ἑαυτῷ λέγων
Οἷα συνετέλουν, καὶ οὐκ ἄξια ἤτασέν με ὧν ἥμαρτον.
Verse: 28  σῶσον ψυχήν μου τοῦ μὴ ἐλϑεῖν εἰς διαϕϑοράν,
καὶ ἡ ζωή μου ϕῶς ὄψεται.
Verse: 29  ἰδοὺ πάντα ταῦτα ἐργᾶται ὁ ἰσχυρὸς
ὁδοὺς τρεῖς μετὰ ἀνδρός.S
Verse: 30  ἀλλ' ἐρρύσατο τὴν ψυχήν μου ἐκ ϑανάτου,
ἵνα ἡ ζωή μου ἐν ϕωτὶ αἰνῇ αὐτόν.
Verse: 31  ἐνωτίζου, Ιωβ, καὶ ἄκουέ μου·
κώϕευσον, καὶ ἐγώ εἰμι λαλήσω.
Verse: 32  εἰ εἰσὶν λόγοι, ἀποκρίϑητί μοι·
λάλησον, ϑέλω γὰρ δικαιωϑῆναί σε.
Verse: 33  εἰ μή, σὺ ἄκουσόν μου·
κώϕευσον, καὶ διδάξω σε σοϕίαν.S

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.