TITUS
Vetus Testamentum graece iuxta LXX interpretes
Part No. 1091
Previous part

Chapter: 38 
Verse: 1    ᾽Εν τῷ χρόνῳ ἐκείνῳ, εἶπεν κύριος, ἔσομαι εἰς ϑεὸν τῷ γένει Ισραηλ, καὶ αὐτοὶ ἔσονταί μοι εἰς λαόν.
Verse: 2    οὕτως εἶπεν κύριος Εὗρον ϑερμὸν ἐν ἐρήμῳ μετὰ ὀλωλότων ἐν μαχαίρᾳ· βαδίσατε καὶ μὴ ὀλέσητε τὸν Ισραηλ.
Verse: 3    κύριος πόρρωϑεν ὤϕϑη αὐτῷ ᾽Αγάπησιν αἰωνίαν ἠγάπησά σε, διὰ τοῦτο εἵλκυσά σε εἰς οἰκτίρημα.
Verse: 4    ἔτι οἰκοδομήσω σε, καὶ οἰκοδομηϑήσῃ, παρϑένος Ισραηλ· ἔτι λήμψῃ τύμπανόν σου καὶ ἐξελεύσῃ μετὰ συναγωγῆς παιζόντων.
Verse: 5    ἔτι ϕυτεύσατε ἀμπελῶνας ἐν ὄρεσιν Σαμαρείας, ϕυτεύσατε καὶ αἰνέσατε.
Verse: 6    ὅτι ἔστιν ἡμέρα κλήσεως ἀπολογουμένων ἐν ὄρεσιν Εϕραιμ ᾽Ανάστητε καὶ ἀνάβητε εἰς Σιων πρὸς κύριον τὸν ϑεὸν ἡμῶν.
Verse: 7    ὅτι οὕτως εἶπεν κύριος τῷ Ιακωβ Εὐϕράνϑητε καὶ χρεμετίσατε ἐπὶ κεϕαλὴν ἐϑνῶν, ἀκουστὰ ποιήσατε καὶ αἰνέσατε· εἴπατε ῎Εσωσεν κύριος τὸν λαὸν αὐτοῦ, τὸ κατάλοιπον τοῦ Ισραηλ.
Verse: 8    ἰδοὺ ἐγὼ ἄγω αὐτοὺς ἀπὸ βορρᾶ καὶ συνάξω αὐτοὺς ἀπ' ἐσχάτου τῆς γῆς ἐν ἑορτῇ ϕασεκ· καὶ τεκνοποιήσῃ ὄχλον πολύν, καὶ ἀποστρέψουσιν ὧδε.
Verse: 9    ἐν κλαυϑμῷ ἐξῆλϑον, καὶ ἐν παρακλήσει ἀνάξω αὐτοὺς αὐλίζων ἐπὶ διώρυγας ὑδάτων ἐν ὁδῷ ὀρϑῇ, καὶ οὐ μὴ πλανηϑῶσιν ἐν αὐτῇ· ὅτι ἐγενόμην τῷ Ισραηλ εἰς πατέρα, καὶ Εϕραιμ πρωτότοκός μού ἐστιν.
Verse: 10    ᾽Ακούσατε λόγον κυρίου, ἔϑνη, καὶ ἀναγγείλατε εἰς νήσους τὰς μακρότερον· εἴπατε ῾Ο λικμήσας τὸν Ισραηλ συνάξει αὐτὸν καὶ ϕυλάξει αὐτὸν ὡς ὁ βόσκων τὸ ποίμνιον αὐτοῦ.
Verse: 11    ὅτι ἐλυτρώσατο κύριος τὸν Ιακωβ, ἐξείλατο αὐτὸν ἐκ χειρὸς στερεωτέρων αὐτοῦ.
Verse: 12    καὶ ἥξουσιν καὶ εὐϕρανϑήσονται ἐν τῷ ὄρει Σιων· καὶ ἥξουσιν ἐπ' ἀγαϑὰ κυρίου, ἐπὶ γῆν σίτου καὶ οἴνου καὶ καρπῶν καὶ κτηνῶν καὶ προβάτων, καὶ ἔσται ἡ ψυχὴ αὐτῶν ὥσπερ ξύλον ἔγκαρπον, καὶ οὐ πεινάσουσιν ἔτι.
Verse: 13    τότε χαρήσονται παρϑένοι ἐν συναγωγῇ νεανίσκων, καὶ πρεσβῦται χαρήσονται, καὶ στρέψω τὸ πένϑος αὐτῶν εἰς χαρμονὴν καὶ ποιήσω αὐτοὺς εὐϕραινομένους.
Verse: 14    μεγαλυνῶ καὶ μεϑύσω τὴν ψυχὴν τῶν ἱερέων υἱῶν Λευι, καὶ ὁ λαός μου τῶν ἀγαϑῶν μου ἐμπλησϑήσεται.
Verse: 15    Οὕτως εἶπεν κύριος Φωνὴ ἐν Ραμα ἠκούσϑη ϑρήνου καὶ κλαυϑμοῦ καὶ ὀδυρμοῦ· Ραχηλ ἀποκλαιομένη οὐκ ἤϑελεν παύσασϑαι ἐπὶ τοῖς υἱοῖς αὐτῆς, ὅτι οὐκ εἰσίν.
Verse: 16    οὕτως εἶπεν κύριος Διαλιπέτω ἡ ϕωνή σου ἀπὸ κλαυϑμοῦ καὶ οἱ ὀϕϑαλμοί σου ἀπὸ δακρύων σου, ὅτι ἔστιν μισϑὸς τοῖς σοῖς ἔργοις, καὶ ἐπιστρέψουσιν ἐκ γῆς ἐχϑρῶν,
Verse: 17    μόνιμον τοῖς σοῖς τέκνοις.
Verse: 18    ἀκοὴν ἤκουσα Εϕραιμ ὀδυρομένου ᾽Επαίδευσάς με, καὶ ἐπαιδεύϑην ἐγώ· ὥσπερ μόσχος οὐκ ἐδιδάχϑην· ἐπίστρεψόν με, καὶ ἐπιστρέψω, ὅτι σὺ κύριος ὁ ϑεός μου.
Verse: 19    ὅτι ὕστερον αἰχμαλωσίας μου μετενόησα καὶ ὕστερον τοῦ γνῶναί με ἐστέναξα ἐϕ' ἡμέρας αἰσχύνης καὶ ὑπέδειξά σοι ὅτι ἔλαβον ὀνειδισμὸν ἐκ νεότητός μου.
Verse: 20    υἱὸς ἀγαπητὸς Εϕραιμ ἐμοί, παιδίον ἐντρυϕῶν, ὅτι ἀνϑ' ὧν οἱ λόγοι μου ἐν αὐτῷ, μνείᾳ μνησϑήσομαι αὐτοῦ· διὰ τοῦτο ἔσπευσα ἐπ' αὐτῷ, ἐλεῶν ἐλεήσω αὐτόν, ϕησὶν κύριος.
Verse: 21    Στῆσον σεαυτήν, Σιων, ποίησον τιμωρίαν, δὸς καρδίαν σου εἰς τοὺς ὤμους· ὁδὸν ἣν ἐπορεύϑης ἀποστράϕητι, παρϑένος Ισραηλ, ἀποστράϕητι εἰς τὰς πόλεις σου πενϑοῦσα.
Verse: 22    ἕως πότε ἀποστρέψεις, ϑυγάτηρ ἠτιμωμένη; ὅτι ἔκτισεν κύριος σωτηρίαν εἰς καταϕύτευσιν καινήν, ἐν σωτηρίᾳ περιελεύσονται ἄνϑρωποι.
Verse: 23    οὕτως εἶπεν κύριος ῎Ετι ἐροῦσιν τὸν λόγον τοῦτον ἐν γῇ Ιουδα καὶ ἐν πόλεσιν αὐτοῦ, ὅταν ἀποστρέψω τὴν αἰχμαλωσίαν αὐτοῦ Εὐλογημένος κύριος ἐπὶ δίκαιον ὄρος τὸ ἅγιον αὐτοῦ
Verse: 24    καὶ ἐνοικοῦντες ἐν ταῖς πόλεσιν Ιουδα καὶ ἐν πάσῃ τῇ γῇ αὐτοῦ ἅμα γεωργῷ, καὶ ἀρϑήσεται ἐν ποιμνίῳ.
Verse: 25    ὅτι ἐμέϑυσα πᾶσαν ψυχὴν διψῶσαν καὶ πᾶσαν ψυχὴν πεινῶσαν ἐνέπλησα.
Verse: 26    διὰ τοῦτο ἐξηγέρϑην καὶ εἶδον, καὶ ὁ ὕπνος μου ἡδύς μοι ἐγενήϑη.
Verse: 27    διὰ τοῦτο ἰδοὺ ἡμέραι ἔρχονται, ϕησὶν κύριος, καὶ σπερῶ τὸν Ισραηλ καὶ τὸν Ιουδαν σπέρμα ἀνϑρώπου καὶ σπέρμα κτήνους.
Verse: 28    καὶ ἔσται ὥσπερ ἐγρηγόρουν ἐπ' αὐτοὺς καϑαιρεῖν καὶ κακοῦν, οὕτως γρηγορήσω ἐπ' αὐτοὺς τοῦ οἰκοδομεῖν καὶ καταϕυτεύειν, ϕησὶν κύριος.
Verse: 29    ἐν ταῖς ἡμέραις ἐκείναις οὐ μὴ εἴπωσιν Οἱ πατέρες ἔϕαγον ὄμϕακα, καὶ οἱ ὀδόντες τῶν τέκνων ᾑμωδίασαν·
Verse: 30    ἀλλ' ἢ ἕκαστος ἐν τῇ ἑαυτοῦ ἁμαρτίᾳ ἀποϑανεῖται, καὶ τοῦ ϕαγόντος τὸν ὄμϕακα αἱμωδιάσουσιν οἱ ὀδόντες αὐτοῦ.
Verse: 31    ᾽Ιδοὺ ἡμέραι ἔρχονται, ϕησὶν κύριος, καὶ διαϑήσομαι τῷ οἴκῳ Ισραηλ καὶ τῷ οἴκῳ Ιουδα διαϑήκην καινήν,
Verse: 32    οὐ κατὰ τὴν διαϑήκην, ἣν διεϑέμην τοῖς πατράσιν αὐτῶν ἐν ἡμέρᾳ ἐπιλαβομένου μου τῆς χειρὸς αὐτῶν ἐξαγαγεῖν αὐτοὺς ἐκ γῆς Αἰγύπτου, ὅτι αὐτοὶ οὐκ ἐνέμειναν ἐν τῇ διαϑήκῃ μου, καὶ ἐγὼ ἠμέλησα αὐτῶν, ϕησὶν κύριος·
Verse: 33    ὅτι αὕτη ἡ διαϑήκη, ἣν διαϑήσομαι τῷ οἴκῳ Ισραηλ μετὰ τὰς ἡμέρας ἐκείνας, ϕησὶν κύριος Διδοὺς δώσω νόμους μου εἰς τὴν διάνοιαν αὐτῶν καὶ ἐπὶ καρδίας αὐτῶν γράψω αὐτούς· καὶ ἔσομαι αὐτοῖς εἰς ϑεόν, καὶ αὐτοὶ ἔσονταί μοι εἰς λαόν·
Verse: 34    καὶ οὐ μὴ διδάξωσιν ἕκαστος τὸν πολίτην αὐτοῦ καὶ ἕκαστος τὸν ἀδελϕὸν αὐτοῦ λέγων Γνῶϑι τὸν κύριον· ὅτι πάντες εἰδήσουσίν με ἀπὸ μικροῦ αὐτῶν καὶ ἕως μεγάλου αὐτῶν, ὅτι ἵλεως ἔσομαι ταῖς ἀδικίαις αὐτῶν καὶ τῶν ἁμαρτιῶν αὐτῶν οὐ μὴ μνησϑῶ ἔτι.
Verse: 35    ἐὰν ὑψωϑῇ ὁ οὐρανὸς εἰς τὸ μετέωρον, ϕησὶν κύριος, καὶ ἐὰν ταπεινωϑῇ τὸ ἔδαϕος τῆς γῆς κάτω, καὶ ἐγὼ οὐκ ἀποδοκιμῶ τὸ γένος Ισραηλ, ϕησὶν κύριος, περὶ πάντων, ὧν ἐποίησαν.
Verse: 36    οὕτως εἶπεν κύριος ὁ δοὺς τὸν ἥλιον εἰς ϕῶς τῆς ἡμέρας, σελήνην καὶ ἀστέρας εἰς ϕῶς τῆς νυκτός, καὶ κραυγὴν ἐν ϑαλάσσῃ καὶ ἐβόμβησεν τὰ κύματα αὐτῆς, κύριος παντοκράτωρ ὄνομα αὐτῷ
Verse: 37    ᾽Εὰν παύσωνται οἱ νόμοι οὗτοι ἀπὸ προσώπου μου, ϕησὶν κύριος, καὶ τὸ γένος Ισραηλ παύσεται γενέσϑαι ἔϑνος κατὰ πρόσωπόν μου πάσας τὰς ἡμέρας.
Verse: 38    ἰδοὺ ἡμέραι ἔρχονται, ϕησὶν κύριος, καὶ οἰκοδομηϑήσεται πόλις τῷ κυρίῳ ἀπὸ πύργου Αναμεηλ ἕως πύλης τῆς γωνίας·
Verse: 39    καὶ ἐξελεύσεται ἡ διαμέτρησις αὐτῆς ἀπέναντι αὐτῶν ἕως βουνῶν Γαρηβ καὶ περικυκλωϑήσεται κύκλῳ ἐξ ἐκλεκτῶν λίϑων·
Verse: 40    καὶ πάντες ασαρημωϑ ἕως ναχαλ Κεδρων ἕως γωνίας πύλης ἵππων ἀνατολῆς ἁγίασμα τῷ κυρίῳ καὶ οὐκέτι οὐ μὴ ἐκλίπῃ καὶ οὐ μὴ καϑαιρεϑῇ ἕως τοῦ αἰῶνος.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.