TITUS
Vetus Testamentum graece iuxta LXX interpretes
Part No. 231
Previous part

Chapter: 17 
Verse: 1    Καὶ ἐγένετο ἀνὴρ ἐξ ὄρους Εϕραιμ, καὶ ὄνομα αὐτῷ Μιχα.
Verse: 2    καὶ εἶπεν τῇ μητρὶ αὐτοῦ Χιλίους καὶ ἑκατὸν ἀργυρίου τοὺς λημϕϑέντας σοι καὶ ἐξώρκισας καὶ εἶπας ἐν τοῖς ὠσίν μου, ἰδοὺ τὸ ἀργύριον παρ' ἐμοί, ἐγὼ ἔλαβον αὐτό. καὶ εἶπεν ἡ μήτηρ αὐτοῦ Εὐλογημένος ὁ υἱός μου τῷ κυρίῳ.
Verse: 3    καὶ ἀπέδωκεν τοὺς χιλίους καὶ ἑκατὸν τοῦ ἀργυρίου τῇ μητρὶ αὐτοῦ, καὶ εἶπεν ἡ μήτηρ αὐτοῦ ῾Αγιασμῷ ἡγίασα τὸ ἀργύριον τῷ κυρίῳ ἐκ τῆς χειρός μου κατὰ μόνας τοῦ ποιῆσαι γλυπτὸν καὶ χωνευτόν, καὶ νῦν ἐπιστρέψω αὐτά σοι καὶ ἀποδώσω σοι αὐτό.
Verse: 4    καὶ ἀπέδωκεν τὸ ἀργύριον τῇ μητρὶ αὐτοῦ· καὶ ἔλαβεν ἡ μήτηρ αὐτοῦ διακοσίους τοῦ ἀργυρίου καὶ ἔδωκεν αὐτὸ τῷ χωνευτῇ, καὶ ἐποίησεν αὐτὸ γλυπτὸν καὶ χωνευτόν, καὶ ἐγένετο ἐν τῷ οἴκῳ Μιχα.
Verse: 5    καὶ ὁ ἀνὴρ Μιχα, αὐτῷ οἶκος ϑεοῦ· καὶ ἐποίησεν εϕουδ καὶ ϑεραϕιν καὶ ἐνέπλησεν τὴν χεῖρα ἑνὸς τῶν υἱῶν αὐτοῦ, καὶ ἐγενήϑη αὐτῷ εἰς ἱερέα.
Verse: 6    ἐν ταῖς ἡμέραις ἐκείναις οὐκ ἦν βασιλεὺς ἐν Ισραηλ· ἀνὴρ τὸ ἀγαϑὸν ἐν ὀϕϑαλμοῖς αὐτοῦ ἐποίει.
Verse: 7    Καὶ ἐγένετο παιδάριον ἐκ Βηϑλεεμ δήμου Ιουδα ἐκ τῆς συγγενείας Ιουδα, καὶ αὐτὸς Λευίτης, καὶ αὐτὸς παρῴκει ἐκεῖ.
Verse: 8    καὶ ἐπορεύϑη ὁ ἀνὴρ ἐκ τῆς πόλεως Ιουδα ἐκ Βηϑλεεμ παροικεῖν οὗ ἐὰν εὕρῃ, καὶ ἐγενήϑη εἰς ὄρος Εϕραιμ ἕως οἴκου Μιχα τοῦ ποιῆσαι τὴν ὁδὸν αὐτοῦ.
Verse: 9    καὶ εἶπεν αὐτῷ Μιχα Πόϑεν ἔρχῃ; καὶ εἶπεν πρὸς αὐτόν Λευίτης ἐγώ εἰμι ἐκ Βηϑλεεμ Ιουδα, καὶ ἐγὼ πορεύομαι παροικεῖν οὗ ἐὰν εὕρω.
Verse: 10    καὶ εἶπεν αὐτῷ Μιχα Κάϑου μετ' ἐμοῦ καὶ γενοῦ μοι εἰς πατέρα καὶ εἰς ἱερέα, καὶ ἐγὼ δώσω σοι δέκα ἀργυρίου εἰς ἡμέρας καὶ ζεῦγος ἱματίων καὶ τὰ πρὸς τὸ ζῆν σου. καὶ ἐπορεύϑη ὁ Λευίτης
Verse: 11    καὶ ἤρξατο παροικεῖν παρὰ τῷ ἀνδρί, καὶ ἐγενήϑη αὐτῷ τὸ παιδάριον ὡς εἷς τῶν υἱῶν αὐτοῦ.
Verse: 12    καὶ ἐνέπλησεν Μιχα τὴν χεῖρα τοῦ Λευίτου, καὶ ἐγενήϑη αὐτῷ τὸ παιδάριον εἰς ἱερέα καὶ ἦν ἐν τῷ οἴκῳ Μιχα.
Verse: 13    καὶ εἶπεν Μιχα Νῦν ἔγνων ὅτι ἠγαϑοποίησέν με κύριος, ὅτι ἐγενήϑη μοι ὁ Λευίτης εἰς ἱερέα.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.