TITUS
Vetus Testamentum graece iuxta LXX interpretes
Part No. 219
Previous part

Chapter: 5 
Verse: 1    Καὶ ᾖσεν Δεββωρα καὶ Βαρακ υἱὸς Αβινεεμ ἐν τῇ ἡμέρᾳ ἐκείνῃ καὶ εἶπεν
Verse: 2    ᾽Εν τῷ ἄρξασϑαι ἀρχηγοὺς ἐν Ισραηλ, ἐν προαιρέσει λαοῦ εὐλογεῖτε τὸν κύριον.
Verse: 3    ἀκούσατε, βασιλεῖς, ἐνωτίζεσϑε, σατράπαι δυνατοί· ἐγὼ τῷ κυρίῳ ᾄσομαι, ψαλῶ τῷ ϑεῷ Ισραηλ.
Verse: 4    κύριε, ἐν τῇ ἐξόδῳ σου ἐκ Σηιρ, ἐν τῷ ἀπαίρειν σε ἐξ ἀγροῦ Εδωμ γῆ ἐσείσϑη, καὶ ὁ οὐρανὸς ἐξεστάϑη, καὶ αἱ νεϕέλαι ἔσταξαν ὕδωρ·
Verse: 5    ὄρη ἐσαλεύϑησαν ἀπὸ προσώπου κυρίου, τοῦτο Σινα ἀπὸ προσώπου κυρίου ϑεοῦ Ισραηλ.
Verse: 6    ἐν ἡμέραις Σαμεγαρ υἱοῦ Αναϑ, ἐν ἡμέραις Ιαηλ ἐξέλιπον βασιλεῖς καὶ ἐπορεύϑησαν τρίβους, ἐπορεύϑησαν ὁδοὺς διεστραμμένας.
Verse: 7    ἐξέλιπεν ϕραζων ἐν τῷ Ισραηλ, ἐξέλιπεν, ἕως οὗ ἐξανέστη Δεββωρα, ὅτι ἀνέστη μήτηρ ἐν τῷ Ισραηλ.
Verse: 8    ᾑρέτισαν ϑεοὺς καινοὺς ὡς ἄρτον κρίϑινον· σκέπην ἐὰν ἴδω σιρομαστῶν ἐν τεσσαράκοντα χιλιάσιν.
Verse: 9    ἡ καρδία μου ἐπὶ τὰ διατεταγμένα τῷ Ισραηλ· οἱ δυνάσται τοῦ λαοῦ, εὐλογεῖτε τὸν κύριον.
Verse: 10    ἐπιβεβηκότες ἐπὶ ὑποζυγίων, καϑήμενοι ἐπὶ λαμπηνῶν,
Verse: 11    ϕϑέγξασϑε ϕωνὴν ἀνακρουομένων ἀνὰ μέσον εὐϕραινομένων· ἐκεῖ δώσουσιν δικαιοσύνην κυρίῳ. δίκαιοι ἐνίσχυσαν ἐν τῷ Ισραηλ· τότε κατέβη εἰς τὰς πόλεις αὐτοῦ ὁ λαὸς κυρίου.
Verse: 12    ἐξεγείρου ἐξεγείρου, Δεββωρα, ἐξέγειρον μυριάδας μετὰ λαοῦ, ἐξεγείρου ἐξεγείρου, λάλει μετ' ᾠδῆς· ἐνισχύων ἐξανίστασο, Βαρακ, καὶ ἐνίσχυσον, Δεββωρα, τὸν Βαρακ· αἰχμαλώτιζε αἰχμαλωσίαν σου, υἱὸς Αβινεεμ.
Verse: 13    πότε ἐμεγαλύνϑη ἡ ἰσχὺς αὐτοῦ; κύριε, ταπείνωσόν μοι τοὺς ἰσχυροτέρους μου.
Verse: 14    λαὸς Εϕραιμ ἐτιμωρήσατο αὐτοὺς ἐν κοιλάδι ἀδελϕοῦ σου Βενιαμιν ἐν λαοῖς σου. ἐξ ἐμοῦ Μαχιρ κατέβησαν ἐξερευνῶντες, καὶ ἐκ Ζαβουλων κύριος ἐπολέμει μοι ἐν δυνατοῖς ἐκεῖϑεν ἐν σκήπτρῳ ἐνισχύοντος ἡγήσεως.
Verse: 15    ἐν Ισσαχαρ μετὰ Δεββωρας ἐξαπέστειλεν πεζοὺς αὐτοῦ εἰς τὴν κοιλάδα. ἵνα τί σὺ κατοικεῖς ἐν μέσῳ χειλέων; ἐξέτεινεν ἐν τοῖς ποσὶν αὐτοῦ. ἐν διαιρέσεσιν Ρουβην μεγάλοι ἀκριβασμοὶ καρδίας.
Verse: 16    ἵνα τί μοι κάϑησαι ἀνὰ μέσον τῶν μοσϕαϑαιμ τοῦ εἰσακούειν συρισμοὺς ἐξεγειρόντων; τοῦ διελϑεῖν εἰς τὰ τοῦ Ρουβην μεγάλοι ἐξιχνιασμοὶ καρδίας.
Verse: 17    Γαλααδ ἐν τῷ πέραν τοῦ Ιορδάνου κατεσκήνωσεν· καὶ Δαν ἵνα τί παροικεῖ πλοίοις; Ασηρ παρῴκησεν παρ' αἰγιαλὸν ϑαλασσῶν καὶ ἐπὶ τὰς διακοπὰς αὐτοῦ κατεσκήνωσεν.
Verse: 18    Ζαβουλων λαὸς ὀνειδίσας ψυχὴν αὐτοῦ εἰς ϑάνατον καὶ Νεϕϑαλιμ ἐπὶ ὕψη ἀγροῦ.
Verse: 19    ἦλϑον βασιλεῖς καὶ παρετάξαντο. τότε ἐπολέμησαν βασιλεῖς Χανααν ἐν Θενναχ ἐπὶ ὕδατος Μαγεδδω· πλεονεξίαν ἀργυρίου οὐκ ἔλαβον.
Verse: 20    ἐκ τοῦ οὐρανοῦ ἐπολέμησαν ἀστέρες, ἐκ τῆς τάξεως αὐτῶν ἐπολέμησαν μετὰ Σισαρα.
Verse: 21    χειμάρρους Κισων ἐξέβαλεν αὐτούς, χειμάρρους καδημιμ, χειμάρρους Κισων· καταπατήσει αὐτοὺς ψυχή μου δυνατή.
Verse: 22    τότε ἀπεκόπησαν πτέρναι ἵππου, αμαδαρωϑ δυνατῶν αὐτοῦ.
Verse: 23    καταράσασϑε Μαρωζ, εἶπεν ὁ ἄγγελος κυρίου, καταράσει καταράσασϑε τοὺς ἐνοίκους αὐτῆς, ὅτι οὐκ ἤλϑοσαν εἰς τὴν βοήϑειαν κυρίου· βοηϑὸς ἡμῶν κύριος ἐν μαχηταῖς δυνατός.
Verse: 24    εὐλογηϑείη ἐκ γυναικῶν Ιαηλ γυνὴ Χαβερ τοῦ Κιναίου, ἐκ γυναικῶν ἐν σκηνῇ εὐλογηϑείη.
Verse: 25    ὕδωρ ᾔτησεν αὐτήν, καὶ γάλα ἔδωκεν αὐτῷ, ἐν λακάνῃ ἰσχυρῶν προσήγγισεν βούτυρον.
Verse: 26    τὴν χεῖρα αὐτῆς τὴν ἀριστερὰν εἰς πάσσαλον ἐξέτεινεν, τὴν δεξιὰν αὐτῆς εἰς ἀποτομὰς κατακόπων καὶ ἀπέτεμεν Σισαρα, ἀπέτριψεν τὴν κεϕαλὴν αὐτοῦ καὶ συνέϑλασεν καὶ διήλασεν τὴν γνάϑον αὐτοῦ.
Verse: 27    ἀνὰ μέσον τῶν ποδῶν αὐτῆς συγκάμψας ἔπεσεν, ἐκοιμήϑη μεταξὺ ποδῶν αὐτῆς· ἐν ᾧ ἔκαμψεν, ἐκεῖ ἔπεσεν ταλαίπωρος.
Verse: 28    διὰ τῆς ϑυρίδος διέκυπτεν ἡ μήτηρ Σισαρα διὰ τῆς δικτυωτῆς ἐπιβλέπουσα ἐπὶ τοὺς μεταστρέϕοντας // μετὰ Σισαρα Διὰ τί ἠσχάτισεν τὸ ἅρμα αὐτοῦ παραγενέσϑαι; διὰ τί ἐχρόνισαν ἴχνη ἁρμάτων αὐτοῦ;
Verse: 29    σοϕαὶ ἀρχουσῶν αὐτῆς ἀνταπεκρίναντο πρὸς αὐτήν, καὶ αὐτὴ ἀπεκρίνατο ἐν ῥήμασιν αὐτῆς
Verse: 30    Οὐχὶ εὑρήσουσιν αὐτὸν διαμερίζοντα σκῦλα; ϕιλιάζων ϕίλοις εἰς κεϕαλὴν δυνατοῦ· σκῦλα βαμμάτων Σισαρα, σκῦλα βαμμάτων ποικιλίας, βαϕὴ ποικίλων περὶ τράχηλον αὐτοῦ σκῦλον.
Verse: 31    οὕτως ἀπόλοιντο πάντες οἱ ἐχϑροί σου, κύριε· καὶ οἱ ἀγαπῶντες αὐτὸν καϑὼς ἡ ἀνατολὴ τοῦ ἡλίου ἐν // δυναστείαις αὐτοῦ. Καὶ ἡσύχασεν ἡ γῆ τεσσαράκοντα ἔτη.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.