TITUS
Vetus Testamentum graece iuxta LXX interpretes
Part No. 109
Previous part

Chapter: 19 
Verse: 1    Καὶ ἐλάλησεν κύριος πρὸς Μωυσῆν λέγων
Verse: 2    Λάλησον τῇ συναγωγῇ τῶν υἱῶν Ισραηλ καὶ ἐρεῖς πρὸς αὐτούς ῞Αγιοι ἔσεσϑε, ὅτι ἐγὼ ἅγιος, κύριος ὁ ϑεὸς ὑμῶν.
Verse: 3    ἕκαστος πατέρα αὐτοῦ καὶ μητέρα αὐτοῦ ϕοβείσϑω, καὶ τὰ σάββατά μου ϕυλάξεσϑε· ἐγὼ κύριος ὁ ϑεὸς ὑμῶν.
Verse: 4    οὐκ ἐπακολουϑήσετε εἰδώλοις καὶ ϑεοὺς χωνευτοὺς οὐ ποιήσετε ὑμῖν· ἐγὼ κύριος ὁ ϑεὸς ὑμῶν.
Verse: 5    καὶ ἐὰν ϑύσητε ϑυσίαν σωτηρίου τῷ κυρίῳ, δεκτὴν ὑμῶν ϑύσετε.
Verse: 6    ᾗ ἂν ἡμέρᾳ ϑύσητε, βρωϑήσεται καὶ τῇ αὔριον· καὶ ἐὰν καταλειϕϑῇ ἕως ἡμέρας τρίτης, ἐν πυρὶ κατακαυϑήσεται.
Verse: 7    ἐὰν δὲ βρώσει βρωϑῇ τῇ ἡμέρᾳ τῇ τρίτῃ, ἄϑυτόν ἐστιν, οὐ δεχϑήσεται·
Verse: 8    ὁ δὲ ἔσϑων αὐτὸ ἁμαρτίαν λήμψεται, ὅτι τὰ ἅγια κυρίου ἐβεβήλωσεν· καὶ ἐξολεϑρευϑήσονται αἱ ψυχαὶ αἱ ἔσϑουσαι ἐκ τοῦ λαοῦ αὐτῶν.
Verse: 9    Καὶ ἐκϑεριζόντων ὑμῶν τὸν ϑερισμὸν τῆς γῆς ὑμῶν οὐ συντελέσετε τὸν ϑερισμὸν ὑμῶν τοῦ ἀγροῦ ἐκϑερίσαι καὶ τὰ ἀποπίπτοντα τοῦ ϑερισμοῦ σου οὐ συλλέξεις
Verse: 10    καὶ τὸν ἀμπελῶνά σου οὐκ ἐπανατρυγήσεις οὐδὲ τοὺς ῥῶγας τοῦ ἀμπελῶνός σου συλλέξεις· τῷ πτωχῷ καὶ τῷ προσηλύτῳ καταλείψεις αὐτά· ἐγώ εἰμι κύριος ὁ ϑεὸς ὑμῶν.
Verse: 11    Οὐ κλέψετε. οὐ ψεύσεσϑε. οὐ συκοϕαντήσει ἕκαστος τὸν πλησίον.
Verse: 12    καὶ οὐκ ὀμεῖσϑε τῷ ὀνόματί μου ἐπ' ἀδίκῳ καὶ οὐ βεβηλώσετε τὸ ὄνομα τοῦ ϑεοῦ ὑμῶν· ἐγώ εἰμι κύριος ὁ ϑεὸς ὑμῶν.
Verse: 13    οὐκ ἀδικήσεις τὸν πλησίον καὶ οὐχ ἁρπάσεις, καὶ οὐ μὴ κοιμηϑήσεται ὁ μισϑὸς τοῦ μισϑωτοῦ παρὰ σοὶ ἕως πρωί.
Verse: 14    οὐ κακῶς ἐρεῖς κωϕὸν καὶ ἀπέναντι τυϕλοῦ οὐ προσϑήσεις σκάνδαλον καὶ ϕοβηϑήσῃ κύριον τὸν ϑεόν σου· ἐγώ εἰμι κύριος ὁ ϑεὸς ὑμῶν.
Verse: 15    Οὐ ποιήσετε ἄδικον ἐν κρίσει· οὐ λήμψῃ πρόσωπον πτωχοῦ οὐδὲ ϑαυμάσεις πρόσωπον δυνάστου, ἐν δικαιοσύνῃ κρινεῖς τὸν πλησίον σου.
Verse: 16    οὐ πορεύσῃ δόλῳ ἐν τῷ ἔϑνει σου, οὐκ ἐπισυστήσῃ ἐϕ' αἷμα τοῦ πλησίον σου· ἐγώ εἰμι κύριος ὁ ϑεὸς ὑμῶν.
Verse: 17    οὐ μισήσεις τὸν ἀδελϕόν σου τῇ διανοίᾳ σου, ἐλεγμῷ ἐλέγξεις τὸν πλησίον σου καὶ οὐ λήμψῃ δι' αὐτὸν ἁμαρτίαν.
Verse: 18    καὶ οὐκ ἐκδικᾶταί σου ἡ χείρ, καὶ οὐ μηνιεῖς τοῖς υἱοῖς τοῦ λαοῦ σου καὶ ἀγαπήσεις τὸν πλησίον σου ὡς σεαυτόν· ἐγώ εἰμι κύριος.
Verse: 19    Τὸν νόμον μου ϕυλάξεσϑε· τὰ κτήνη σου οὐ κατοχεύσεις ἑτεροζύγῳ καὶ τὸν ἀμπελῶνά σου οὐ κατασπερεῖς διάϕορον καὶ ἱμάτιον ἐκ δύο ὑϕασμένον κίβδηλον οὐκ ἐπιβαλεῖς σεαυτῷ.
Verse: 20    Καὶ ἐάν τις κοιμηϑῇ μετὰ γυναικὸς κοίτην σπέρματος καὶ αὐτὴ οἰκέτις διαπεϕυλαγμένη ἀνϑρώπῳ καὶ αὐτὴ λύτροις οὐ λελύτρωται ἢ ἐλευϑερία οὐκ ἐδόϑη αὐτῇ, ἐπισκοπὴ ἔσται αὐτοῖς· οὐκ ἀποϑανοῦνται, ὅτι οὐκ ἀπηλευϑερώϑη.
Verse: 21    καὶ προσάξει τῆς πλημμελείας αὐτοῦ τῷ κυρίῳ παρὰ τὴν ϑύραν τῆς σκηνῆς τοῦ μαρτυρίου κριὸν πλημμελείας·
Verse: 22    καὶ ἐξιλάσεται περὶ αὐτοῦ ὁ ἱερεὺς ἐν τῷ κριῷ τῆς πλημμελείας ἔναντι κυρίου περὶ τῆς ἁμαρτίας, ἧς ἥμαρτεν, καὶ ἀϕεϑήσεται αὐτῷ ἡ ἁμαρτία, ἣν ἥμαρτεν.
Verse: 23    ῞Οταν δὲ εἰσέλϑητε εἰς τὴν γῆν, ἣν κύριος ὁ ϑεὸς ὑμῶν δίδωσιν ὑμῖν, καὶ καταϕυτεύσετε πᾶν ξύλον βρώσιμον καὶ περικαϑαριεῖτε τὴν ἀκαϑαρσίαν αὐτοῦ· ὁ καρπὸς αὐτοῦ τρία ἔτη ἔσται ὑμῖν ἀπερικάϑαρτος, οὐ βρωϑήσεται·
Verse: 24    καὶ τῷ ἔτει τῷ τετάρτῳ ἔσται πᾶς ὁ καρπὸς αὐτοῦ ἅγιος αἰνετὸς τῷ κυρίῳ·
Verse: 25    ἐν δὲ τῷ ἔτει τῷ πέμπτῳ ϕάγεσϑε τὸν καρπόν, πρόσϑεμα ὑμῖν τὰ γενήματα αὐτοῦ· ἐγώ εἰμι κύριος ὁ ϑεὸς ὑμῶν.
Verse: 26    Μὴ ἔσϑετε ἐπὶ τῶν ὀρέων καὶ οὐκ οἰωνιεῖσϑε οὐδὲ ὀρνιϑοσκοπήσεσϑε.
Verse: 27    οὐ ποιήσετε σισόην ἐκ τῆς κόμης τῆς κεϕαλῆς ὑμῶν οὐδὲ ϕϑερεῖτε τὴν ὄψιν τοῦ πώγωνος ὑμῶν.
Verse: 28    καὶ ἐντομίδας ἐπὶ ψυχῇ οὐ ποιήσετε ἐν τῷ σώματι ὑμῶν καὶ γράμματα στικτὰ οὐ ποιήσετε ἐν ὑμῖν· ἐγώ εἰμι κύριος ὁ ϑεὸς ὑμῶν.
Verse: 29    οὐ βεβηλώσεις τὴν ϑυγατέρα σου ἐκπορνεῦσαι αὐτήν, καὶ οὐκ ἐκπορνεύσει ἡ γῆ καὶ ἡ γῆ πλησϑήσεται ἀνομίας.
Verse: 30    Τὰ σάββατά μου ϕυλάξεσϑε καὶ ἀπὸ τῶν ἁγίων μου ϕοβηϑήσεσϑε· ἐγώ εἰμι κύριος.
Verse: 31    οὐκ ἐπακολουϑήσετε ἐγγαστριμύϑοις καὶ τοῖς ἐπαοιδοῖς οὐ προσκολληϑήσεσϑε ἐκμιανϑῆναι ἐν αὐτοῖς· ἐγώ εἰμι κύριος ὁ ϑεὸς ὑμῶν.
Verse: 32    ἀπὸ προσώπου πολιοῦ ἐξαναστήσῃ καὶ τιμήσεις πρόσωπον πρεσβυτέρου καὶ ϕοβηϑήσῃ τὸν ϑεόν σου· ἐγώ εἰμι κύριος ὁ ϑεὸς ὑμῶν.
Verse: 33    ᾽Εὰν δέ τις προσέλϑῃ προσήλυτος ὑμῖν ἐν τῇ γῇ ὑμῶν, οὐ ϑλίψετε αὐτόν·
Verse: 34    ὡς ὁ αὐτόχϑων ἐν ὑμῖν ἔσται ὁ προσήλυτος ὁ προσπορευόμενος πρὸς ὑμᾶς, καὶ ἀγαπήσεις αὐτὸν ὡς σεαυτόν, ὅτι προσήλυτοι ἐγενήϑητε ἐν γῇ Αἰγύπτῳ· ἐγώ εἰμι κύριος ὁ ϑεὸς ὑμῶν.
Verse: 35    οὐ ποιήσετε ἄδικον ἐν κρίσει ἐν μέτροις καὶ ἐν σταϑμίοις καὶ ἐν ζυγοῖς·
Verse: 36    ζυγὰ δίκαια καὶ στάϑμια δίκαια καὶ χοῦς δίκαιος ἔσται ὑμῖν· ἐγώ εἰμι κύριος ὁ ϑεὸς ὑμῶν ὁ ἐξαγαγὼν ὑμᾶς ἐκ γῆς Αἰγύπτου.
Verse: 37    Καὶ ϕυλάξεσϑε πάντα τὸν νόμον μου καὶ πάντα τὰ προστάγματά μου καὶ ποιήσετε αὐτά· ἐγώ εἰμι κύριος ὁ ϑεὸς ὑμῶν.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.