TITUS Texts: Vetus Testamentum graece iuxta LXX interpretes

Chapter: 14
Verse: 1 σοϕαὶ γυναῖκες ᾠκοδόμησαν οἴκους,
ἡ δὲ ἄϕρων κατέσκαψεν ταῖς χερσὶν αὐτῆς.
Verse: 2 ὁ πορευόμενος ὀρϑῶς ϕοβεῖται τὸν κύριον,
ὁ δὲ σκολιάζων ταῖς ὁδοῖς αὐτοῦ ἀτιμασϑήσεται.
Verse: 3 ἐκ στόματος ἀϕρόνων βακτηρία ὕβρεως,
χείλη δὲ σοϕῶν ϕυλάσσει αὐτούς.
Verse: 4 οὗ μή εἰσιν βόες, ϕάτναι καϑαραί·
οὗ δὲ πολλὰ γενήματα, ϕανερὰ βοὸς ἰσχύς.
Verse: 5 μάρτυς πιστὸς οὐ ψεύδεται,
ἐκκαίει δὲ ψεύδη μάρτυς ἄδικος.
Verse: 6 ζητήσεις σοϕίαν παρὰ κακοῖς καὶ οὐχ εὑρήσεις,
αἴσϑησις δὲ παρὰ ϕρονίμοις εὐχερής.
Verse: 7 πάντα ἐναντία ἀνδρὶ ἄϕρονι,
ὅπλα δὲ αἰσϑήσεως χείλη σοϕά.
Verse: 8 σοϕία πανούργων ἐπιγνώσεται τὰς ὁδοὺς αὐτῶν,
ἄνοια δὲ ἀϕρόνων ἐν πλάνῃ.
Verse: 9 οἰκίαι παρανόμων ὀϕειλήσουσιν καϑαρισμόν,
οἰκίαι δὲ δικαίων δεκταί.
Verse: 10 καρδία ἀνδρὸς αἰσϑητική, λυπηρὰ ψυχὴ αὐτοῦ·
ὅταν δὲ εὐϕραίνηται, οὐκ ἐπιμείγνυται ὕβρει.
Verse: 11 οἰκίαι ἀσεβῶν ἀϕανισϑήσονται,
σκηναὶ δὲ κατορϑούντων στήσονται.
Verse: 12 ἔστιν ὁδὸς ἣ δοκεῖ ὀρϑὴ εἶναι παρὰ ἀνϑρώποις,
τὰ δὲ τελευταῖα αὐτῆς ἔρχεται εἰς πυϑμένα ᾅδου.
Verse: 13 ἐν εὐϕροσύναις οὐ προσμείγνυται λύπη,
τελευταία δὲ χαρὰ εἰς πένϑος ἔρχεται.
Verse: 14 τῶν ἑαυτοῦ ὁδῶν πλησϑήσεται ϑρασυκάρδιος,
ἀπὸ δὲ τῶν διανοημάτων αὐτοῦ ἀνὴρ ἀγαϑός.
Verse: 15 ἄκακος πιστεύει παντὶ λόγῳ,
πανοῦργος δὲ ἔρχεται εἰς μετάνοιαν.
Verse: 16 σοϕὸς ϕοβηϑεὶς ἐξέκλινεν ἀπὸ κακοῦ,
ὁ δὲ ἄϕρων ἑαυτῷ πεποιϑὼς μείγνυται ἀνόμῳ.
Verse: 17 ὀξύϑυμος πράσσει μετὰ ἀβουλίας,
ἀνὴρ δὲ ϕρόνιμος πολλὰ ὑποϕέρει.
Verse: 18 μεριοῦνται ἄϕρονες κακίαν,
οἱ δὲ πανοῦργοι κρατήσουσιν αἰσϑήσεως.
Verse: 19 ὀλισϑήσουσιν κακοὶ ἔναντι ἀγαϑῶν,
καὶ ἀσεβεῖς ϑεραπεύσουσιν ϑύρας δικαίων.
Verse: 20 ϕίλοι μισήσουσιν ϕίλους πτωχούς,
ϕίλοι δὲ πλουσίων πολλοί.
Verse: 21 ὁ ἀτιμάζων πένητας ἁμαρτάνει,
ἐλεῶν δὲ πτωχοὺς μακαριστός.
Verse: 22 πλανώμενοι τεκταίνουσι κακά,
ἔλεον δὲ καὶ ἀλήϑειαν τεκταίνουσιν ἀγαϑοί.
οὐκ ἐπίστανται ἔλεον καὶ πίστιν τέκτονες κακῶν,
ἐλεημοσύναι δὲ καὶ πίστεις παρὰ τέκτοσιν ἀγαϑοῖς.
Verse: 23 ἐν παντὶ μεριμνῶντι ἔνεστιν περισσόν,
ὁ δὲ ἡδὺς καὶ ἀνάλγητος ἐν ἐνδείᾳ ἔσται.
Verse: 24 στέϕανος σοϕῶν πανοῦργος,
ἡ δὲ διατριβὴ ἀϕρόνων κακή.
Verse: 25 ῥύσεται ἐκ κακῶν ψυχὴν μάρτυς πιστός,
ἐκκαίει δὲ ψεύδη δόλιος.
Verse: 26 ἐν ϕόβῳ κυρίου ἐλπὶς ἰσχύος,
τοῖς δὲ τέκνοις αὐτοῦ καταλείπει ἔρεισμα.
Verse: 27 πρόσταγμα κυρίου πηγὴ ζωῆς,
ποιεῖ δὲ ἐκκλίνειν ἐκ παγίδος ϑανάτου.
Verse: 28 ἐν πολλῷ ἔϑνει δόξα βασιλέως,
ἐν δὲ ἐκλείψει λαοῦ συντριβὴ δυνάστου.
Verse: 29 μακρόϑυμος ἀνὴρ πολὺς ἐν ϕρονήσει,
ὁ δὲ ὀλιγόψυχος ἰσχυρῶς ἄϕρων.
Verse: 30 πραύϑυμος ἀνὴρ καρδίας ἰατρός,
σὴς δὲ ὀστέων καρδία αἰσϑητική.
Verse: 31 ὁ συκοϕαντῶν πένητα παροξύνει τὸν ποιήσαντα αὐτόν,
ὁ δὲ τιμῶν αὐτὸν ἐλεᾷ πτωχόν.
Verse: 32 ἐν κακίᾳ αὐτοῦ ἀπωσϑήσεται ἀσεβής,
ὁ δὲ πεποιϑὼς τῇ ἑαυτοῦ ὁσιότητι δίκαιος.
Verse: 33 ἐν καρδίᾳ ἀγαϑῇ ἀνδρὸς σοϕία,
ἐν δὲ καρδίᾳ ἀϕρόνων οὐ διαγινώσκεται.
Verse: 34 δικαιοσύνη ὑψοῖ ἔϑνος,
ἐλασσονοῦσι δὲ ϕυλὰς ἁμαρτίαι.
Verse: 35 δεκτὸς βασιλεῖ ὑπηρέτης νοήμων,
τῇ δὲ ἑαυτοῦ εὐστροϕίᾳ ἀϕαιρεῖται ἀτιμίαν.

This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.