TITUS
Vetus Testamentum graece iuxta LXX interpretes
Part No. 753
Previous part

Chapter: 18 
Verse: 1  προϕάσεις ζητεῖ ἀνὴρ βουλόμενος χωρίζεσϑαι ἀπὸ ϕίλων,
ἐν παντὶ δὲ καιρῷ ἐπονείδιστος ἔσται.
Verse: 2  οὐ χρείαν ἔχει σοϕίας ἐνδεὴς ϕρενῶν·
μᾶλλον γὰρ ἄγεται ἀϕροσύνῃ.
Verse: 3  ὅταν ἔλϑῃ ἀσεβὴς εἰς βάϑος κακῶν, καταϕρονεῖ,
ἐπέρχεται δὲ αὐτῷ ἀτιμία καὶ ὄνειδος.
Verse: 4  ὕδωρ βαϑὺ λόγος ἐν καρδίᾳ ἀνδρός,
ποταμὸς δὲ ἀναπηδύει καὶ πηγὴ ζωῆς.
Verse: 5  ϑαυμάσαι πρόσωπον ἀσεβοῦς οὐ καλόν,
οὐδὲ ὅσιον ἐκκλίνειν τὸ δίκαιον ἐν κρίσει.
Verse: 6  χείλη ἄϕρονος ἄγουσιν αὐτὸν εἰς κακά,
τὸ δὲ στόμα αὐτοῦ τὸ ϑρασὺ ϑάνατον ἐπικαλεῖται.
Verse: 7  στόμα ἄϕρονος συντριβὴ αὐτῷ,
τὰ δὲ χείλη αὐτοῦ παγὶς τῇ ψυχῇ αὐτοῦ.
Verse: 8  ὀκνηροὺς καταβάλλει ϕόβος,
ψυχαὶ δὲ ἀνδρογύνων πεινάσουσιν.
Verse: 9  ὁ μὴ ἰώμενος ἑαυτὸν ἐν τοῖς ἔργοις αὐτοῦ
ἀδελϕός ἐστιν τοῦ λυμαινομένου ἑαυτόν.
Verse: 10  ἐκ μεγαλωσύνης ἰσχύος ὄνομα κυρίου,
αὐτῷ δὲ προσδραμόντες δίκαιοι ὑψοῦνται.
Verse: 11  ὕπαρξις πλουσίου ἀνδρὸς πόλις ὀχυρά,
ἡ δὲ δόξα αὐτῆς μέγα ἐπισκιάζει.
Verse: 12  πρὸ συντριβῆς ὑψοῦται καρδία ἀνδρός,
καὶ πρὸ δόξης ταπεινοῦται.
Verse: 13  ὃς ἀποκρίνεται λόγον πρὶν ἀκοῦσαι,
ἀϕροσύνη αὐτῷ ἐστιν καὶ ὄνειδος.
Verse: 14  ϑυμὸν ἀνδρὸς πραύνει ϑεράπων ϕρόνιμος·
ὀλιγόψυχον δὲ ἄνδρα τίς ὑποίσει;
Verse: 15  καρδία ϕρονίμου κτᾶται αἴσϑησιν,
ὦτα δὲ σοϕῶν ζητεῖ ἔννοιαν.
Verse: 16  δόμα ἀνϑρώπου ἐμπλατύνει αὐτὸν
καὶ παρὰ δυνάσταις καϑιζάνει αὐτόν.
Verse: 17  δίκαιος ἑαυτοῦ κατήγορος ἐν πρωτολογίᾳ·
ὡς δ' ἂν ἐπιβάλῃ ὁ ἀντίδικος, ἐλέγχεται.
Verse: 18  ἀντιλογίας παύει κλῆρος,
ἐν δὲ δυνάσταις ὁρίζει.
Verse: 19  ἀδελϕὸς ὑπὸ ἀδελϕοῦ βοηϑούμενος ὡς πόλις ὀχυρὰ καὶ ὑψηλή,
ἰσχύει δὲ ὥσπερ τεϑεμελιωμένον βασίλειον.
Verse: 20  ἀπὸ καρπῶν στόματος ἀνὴρ πίμπλησιν κοιλίαν αὐτοῦ,
ἀπὸ δὲ καρπῶν χειλέων αὐτοῦ ἐμπλησϑήσεται.
Verse: 21  ϑάνατος καὶ ζωὴ ἐν χειρὶ γλώσσης,
οἱ δὲ κρατοῦντες αὐτῆς ἔδονται τοὺς καρποὺς αὐτῆς.
Verse: 22  ὃς εὗρεν γυναῖκα ἀγαϑήν, εὗρεν χάριτας,
ἔλαβεν δὲ παρὰ ϑεοῦ ἱλαρότητα.
Verse: 22a  ὃς ἐκβάλλει γυναῖκα ἀγαϑήν, ἐκβάλλει τὰ ἀγαϑά·
ὁ δὲ κατέχων μοιχαλίδα ἄϕρων καὶ ἀσεβής.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.