TITUS
Vetus Testamentum graece iuxta LXX interpretes
Part No. 588
Previous part

Chapter: 19 
Verse: 1  Εἰς τὸ τέλος· ψαλμὸς τῷ Δαυιδ.
Verse: 2  ᾽Επακούσαι σου κύριος ἐν ἡμέρᾳ ϑλίψεως,
ὑπερασπίσαι σου τὸ ὄνομα τοῦ ϑεοῦ Ιακωβ.
Verse: 3  ἐξαποστείλαι σοι βοήϑειαν ἐξ ἁγίου
καὶ ἐκ Σιων ἀντιλάβοιτό σου.
Verse: 4  μνησϑείη πάσης ϑυσίας σου
καὶ τὸ ὁλοκαύτωμά σου πιανάτω.
διάψαλμα.
Verse: 5  δῴη σοι κατὰ τὴν καρδίαν σου
καὶ πᾶσαν τὴν βουλήν σου πληρώσαι.
Verse: 6  ἀγαλλιασόμεϑα ἐν τῷ σωτηρίῳ σου
καὶ ἐν ὀνόματι ϑεοῦ ἡμῶν μεγαλυνϑησόμεϑα.
πληρώσαι κύριος πάντα τὰ αἰτήματά σου.
Verse: 7  νῦν ἔγνων ὅτι ἔσωσεν κύριος τὸν χριστὸν αὐτοῦ·
ἐπακούσεται αὐτοῦ ἐξ οὐρανοῦ ἁγίου αὐτοῦ·
ἐν δυναστείαις ἡ σωτηρία τῆς δεξιᾶς αὐτοῦ.
Verse: 8  οὗτοι ἐν ἅρμασιν καὶ οὗτοι ἐν ἵπποις,
ἡμεῖς δὲ ἐν ὀνόματι κυρίου ϑεοῦ ἡμῶν μεγαλυνϑησόμεϑα.
Verse: 9  αὐτοὶ συνεποδίσϑησαν καὶ ἔπεσαν,
ἡμεῖς δὲ ἀνέστημεν καὶ ἀνωρϑώϑημεν.
Verse: 10  κύριε, σῶσον τὸν βασιλέα σου
καὶ ἐπάκουσον ἡμῶν ἐν ᾗ ἂν ἡμέρᾳ ἐπικαλεσώμεϑά σε. //

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.