TITUS
Vetus Testamentum graece iuxta LXX interpretes
Part No. 608
Previous part

Chapter: 39 
Verse: 1  Εἰς τὸ τέλος· τῷ Δαυιδ ψαλμός.
Verse: 2  ῾Υπομένων ὑπέμεινα τὸν κύριον, καὶ προσέσχεν μοι
καὶ εἰσήκουσεν τῆς δεήσεώς μου
Verse: 3  καὶ ἀνήγαγέν με ἐκ λάκκου ταλαιπωρίας
καὶ ἀπὸ πηλοῦ ἰλύος
καὶ ἔστησεν ἐπὶ πέτραν τοὺς πόδας μου
καὶ κατηύϑυνεν τὰ διαβήματά μου
Verse: 4  καὶ ἐνέβαλεν εἰς τὸ στόμα μου ᾆσμα καινόν,
ὕμνον τῷ ϑεῷ ἡμῶν·
ὄψονται πολλοὶ καὶ ϕοβηϑήσονται
καὶ ἐλπιοῦσιν ἐπὶ κύριον.
Verse: 5  μακάριος ἀνήρ, οὗ ἐστιν τὸ ὄνομα κυρίου ἐλπὶς αὐτοῦ
καὶ οὐκ ἐνέβλεψεν εἰς ματαιότητας καὶ μανίας ψευδεῖς.
Verse: 6  πολλὰ ἐποίησας σύ, κύριε ὁ ϑεός μου, τὰ ϑαυμάσιά σου,
καὶ τοῖς διαλογισμοῖς σου οὐκ ἔστιν τίς ὁμοιωϑήσεταί σοι·
ἀπήγγειλα καὶ ἐλάλησα, ἐπληϑύνϑησαν ὑπὲρ ἀριϑμόν.
Verse: 7  ϑυσίαν καὶ προσϕορὰν οὐκ ἠϑέλησας,
ὠτία δὲ κατηρτίσω μοι·
ὁλοκαύτωμα καὶ περὶ ἁμαρτίας οὐκ ᾔτησας.
Verse: 8  τότε εἶπον ᾽Ιδοὺ ἥκω,
ἐν κεϕαλίδι βιβλίου γέγραπται περὶ ἐμοῦ·
Verse: 9  τοῦ ποιῆσαι τὸ ϑέλημά σου, ὁ ϑεός μου, ἐβουλήϑην
καὶ τὸν νόμον σου ἐν μέσῳ τῆς κοιλίας μου.
Verse: 10  εὐηγγελισάμην δικαιοσύνην ἐν ἐκκλησίᾳ μεγάλῃ·
ἰδοὺ τὰ χείλη μου οὐ μὴ κωλύσω·
κύριε, σὺ ἔγνως.
Verse: 11  τὴν δικαιοσύνην σου οὐκ ἔκρυψα ἐν τῇ καρδίᾳ μου,
τὴν ἀλήϑειάν σου καὶ τὸ σωτήριόν σου εἶπα,
οὐκ ἔκρυψα τὸ ἔλεός σου καὶ τὴν ἀλήϑειάν σου ἀπὸ συναγωγῆς // πολλῆς.
Verse: 12  σὺ δέ, κύριε, μὴ μακρύνης τοὺς οἰκτιρμούς σου ἀπ' ἐμοῦ·
τὸ ἔλεός σου καὶ ἡ ἀλήϑειά σου διὰ παντὸς ἀντελάβοντό μου.
Verse: 13  ὅτι περιέσχον με κακά, ὧν οὐκ ἔστιν ἀριϑμός,
κατέλαβόν με αἱ ἀνομίαι μου, καὶ οὐκ ἠδυνήϑην τοῦ βλέπειν·
ἐπληϑύνϑησαν ὑπὲρ τὰς τρίχας τῆς κεϕαλῆς μου,
καὶ ἡ καρδία μου ἐγκατέλιπέν με.
Verse: 14  εὐδόκησον, κύριε, τοῦ ῥύσασϑαί με·
κύριε, εἰς τὸ βοηϑῆσαί μοι πρόσχες.
Verse: 15  καταισχυνϑείησαν καὶ ἐντραπείησαν ἅμα οἱ ζητοῦντες τὴν // ψυχήν μου τοῦ ἐξᾶραι αὐτήν,
ἀποστραϕείησαν εἰς τὰ ὀπίσω καὶ ἐντραπείησαν οἱ ϑέλοντές // μοι κακά,
Verse: 16  κομισάσϑωσαν παραχρῆμα αἰσχύνην αὐτῶν οἱ λέγοντές μοι // Εὖγε εὖγε.
Verse: 17  ἀγαλλιάσαιντο καὶ εὐϕρανϑείησαν ἐπὶ σοὶ πάντες οἱ ζητοῦντές // σε, κύριε,
καὶ εἰπάτωσαν διὰ παντός Μεγαλυνϑήτω ὁ κύριος, οἱ ἀγαπῶντες // τὸ σωτήριόν σου.
Verse: 18  ἐγὼ δὲ πτωχός εἰμι καὶ πένης· κύριος ϕροντιεῖ μου.
βοηϑός μου καὶ ὑπερασπιστής μου σὺ εἶ· ὁ ϑεός μου, μὴ // χρονίσῃς. //

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.