TITUS
Vetus Testamentum graece iuxta LXX interpretes
Part No. 610
Previous part

Chapter: 41 
Verse: 1  Εἰς τὸ τέλος· εἰς σύνεσιν τοῖς υἱοῖς Κορε.
Verse: 2  ῝Ον τρόπον ἐπιποϑεῖ ἡ ἔλαϕος ἐπὶ τὰς πηγὰς τῶν ὑδάτων,
οὕτως ἐπιποϑεῖ ἡ ψυχή μου πρὸς σέ, ὁ ϑεός.
Verse: 3  ἐδίψησεν ἡ ψυχή μου πρὸς τὸν ϑεὸν τὸν ζῶντα·
πότε ἥξω καὶ ὀϕϑήσομαι τῷ προσώπῳ τοῦ ϑεοῦ;
Verse: 4  ἐγενήϑη μοι τὰ δάκρυά μου ἄρτος ἡμέρας καὶ νυκτὸς
ἐν τῷ λέγεσϑαί μοι καϑ' ἑκάστην ἡμέραν Ποῦ ἐστιν ὁ ϑεός σου;
Verse: 5  ταῦτα ἐμνήσϑην καὶ ἐξέχεα ἐπ' ἐμὲ τὴν ψυχήν μου,
ὅτι διελεύσομαι ἐν τόπῳ σκηνῆς ϑαυμαστῆς ἕως τοῦ οἴκου // τοῦ ϑεοῦ
ἐν ϕωνῇ ἀγαλλιάσεως καὶ ἐξομολογήσεως ἤχου ἑορτάζοντος.
Verse: 6  ἵνα τί περίλυπος εἶ, ψυχή, καὶ ἵνα τί συνταράσσεις με;
ἔλπισον ἐπὶ τὸν ϑεόν, ὅτι ἐξομολογήσομαι αὐτῷ·
σωτήριον τοῦ προσώπου μου ὁ ϑεός μου.
Verse: 7  πρὸς ἐμαυτὸν ἡ ψυχή μου ἐταράχϑη·
διὰ τοῦτο μνησϑήσομαί σου ἐκ γῆς Ιορδάνου καὶ Ερμωνιιμ, // ἀπὸ ὄρους μικροῦ.
Verse: 8  ἄβυσσος ἄβυσσον ἐπικαλεῖται εἰς ϕωνὴν τῶν καταρρακτῶν σου,
πάντες οἱ μετεωρισμοί σου καὶ τὰ κύματά σου ἐπ' ἐμὲ διῆλϑον.
Verse: 9  ἡμέρας ἐντελεῖται κύριος τὸ ἔλεος αὐτοῦ,
καὶ νυκτὸς ᾠδὴ παρ' ἐμοί,
προσευχὴ τῷ ϑεῷ τῆς ζωῆς μου.
Verse: 10  ἐρῶ τῷ ϑεῷ ᾽Αντιλήμπτωρ μου εἶ· διὰ τί μου ἐπελάϑου;
ἵνα τί σκυϑρωπάζων πορεύομαι ἐν τῷ ἐκϑλίβειν τὸν ἐχϑρόν μου;
Verse: 11  ἐν τῷ καταϑλάσαι τὰ ὀστᾶ μου ὠνείδισάν με οἱ ϑλίβοντές // με
ἐν τῷ λέγειν αὐτούς μοι καϑ' ἑκάστην ἡμέραν Ποῦ ἐστιν ὁ // ϑεός σου;
Verse: 12  ἵνα τί περίλυπος εἶ, ψυχή, καὶ ἵνα τί συνταράσσεις με;
ἔλπισον ἐπὶ τὸν ϑεόν, ὅτι ἐξομολογήσομαι αὐτῷ·
ἡ σωτηρία τοῦ προσώπου μου ὁ ϑεός μου. //

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.