TITUS
Vetus Testamentum graece iuxta LXX interpretes
Part No. 645
Previous part

Chapter: 76 
Verse: 1  Εἰς τὸ τέλος, ὑπὲρ Ιδιϑουν· τῷ Ασαϕ ψαλμός.
Verse: 2  Φωνῇ μου πρὸς κύριον ἐκέκραξα,
ϕωνῇ μου πρὸς τὸν ϑεόν, καὶ προσέσχεν μοι.
Verse: 3  ἐν ἡμέρᾳ ϑλίψεώς μου τὸν ϑεὸν ἐξεζήτησα,
ταῖς χερσίν μου νυκτὸς ἐναντίον αὐτοῦ, καὶ οὐκ ἠπατήϑην·
ἀπηνήνατο παρακληϑῆναι ἡ ψυχή μου.
Verse: 4  ἐμνήσϑην τοῦ ϑεοῦ καὶ εὐϕράνϑην·
ἠδολέσχησα, καὶ ὠλιγοψύχησεν τὸ πνεῦμά μου.
διάψαλμα.
Verse: 5  προκατελάβοντο ϕυλακὰς οἱ ὀϕϑαλμοί μου,
ἐταράχϑην καὶ οὐκ ἐλάλησα.
Verse: 6  διελογισάμην ἡμέρας ἀρχαίας
καὶ ἔτη αἰώνια ἐμνήσϑην καὶ ἐμελέτησα·
Verse: 7  νυκτὸς μετὰ τῆς καρδίας μου ἠδολέσχουν,
καὶ ἔσκαλλεν τὸ πνεῦμά μου.
Verse: 8  μὴ εἰς τοὺς αἰῶνας ἀπώσεται κύριος
καὶ οὐ προσϑήσει τοῦ εὐδοκῆσαι ἔτι;
Verse: 9  ἢ εἰς τέλος τὸ ἔλεος αὐτοῦ ἀποκόψει
ἀπὸ γενεᾶς εἰς γενεάν;
Verse: 10  ἢ ἐπιλήσεται τοῦ οἰκτιρῆσαι ὁ ϑεὸς
ἢ συνέξει ἐν τῇ ὀργῇ αὐτοῦ τοὺς οἰκτιρμοὺς αὐτοῦ;
διάψαλμα.
Verse: 11  καὶ εἶπα Νῦν ἠρξάμην,
αὕτη ἡ ἀλλοίωσις τῆς δεξιᾶς τοῦ ὑψίστου.
Verse: 12  ἐμνήσϑην τῶν ἔργων κυρίου,
ὅτι μνησϑήσομαι ἀπὸ τῆς ἀρχῆς τῶν ϑαυμασίων σου
Verse: 13  καὶ μελετήσω ἐν πᾶσιν τοῖς ἔργοις σου
καὶ ἐν τοῖς ἐπιτηδεύμασίν σου ἀδολεσχήσω.
Verse: 14  ὁ ϑεός, ἐν τῷ ἁγίῳ ἡ ὁδός σου·
τίς ϑεὸς μέγας ὡς ὁ ϑεὸς ἡμῶν;
Verse: 15  σὺ εἶ ὁ ϑεὸς ὁ ποιῶν ϑαυμάσια,
ἐγνώρισας ἐν τοῖς λαοῖς τὴν δύναμίν σου·
Verse: 16  ἐλυτρώσω ἐν τῷ βραχίονί σου τὸν λαόν σου,
τοὺς υἱοὺς Ιακωβ καὶ Ιωσηϕ.
διάψαλμα.
Verse: 17  εἴδοσάν σε ὕδατα, ὁ ϑεός,
εἴδοσάν σε ὕδατα καὶ ἐϕοβήϑησαν,
καὶ ἐταράχϑησαν ἄβυσσοι, πλῆϑος ἤχους ὑδάτων.
Verse: 18  ϕωνὴν ἔδωκαν αἱ νεϕέλαι,
καὶ γὰρ τὰ βέλη σου διαπορεύονται·
Verse: 19  ϕωνὴ τῆς βροντῆς σου ἐν τῷ τροχῷ,
ἔϕαναν αἱ ἀστραπαί σου τῇ οἰκουμένῃ,
ἐσαλεύϑη καὶ ἔντρομος ἐγενήϑη ἡ γῆ.
Verse: 20  ἐν τῇ ϑαλάσσῃ ἡ ὁδός σου,
καὶ αἱ τρίβοι σου ἐν ὕδασι πολλοῖς,
καὶ τὰ ἴχνη σου οὐ γνωσϑήσονται.
Verse: 21  ὡδήγησας ὡς πρόβατα τὸν λαόν σου
ἐν χειρὶ Μωυσῆ καὶ Ααρων. //

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.