TITUS
Biblia Mcxetica
Part No. 625
Previous part

Chapter: 98 
ფსალმუნი დავითისი, წარუწერელი ებრაელთა შორის


Verse: 1  Link to psa Link to sept   უფალი სუფევს, განრისხნედ ერნი, რომელი ზის ზედა ქერობინთა, შეიძარნ ქუეყანა.

Verse: 2  Link to psa Link to sept   უფალი სიონს დიდ არს და მაღალ არს ყოველთა ზედა ერთა.

Verse: 3  Link to psa Link to sept   აუარებდენ სახელსა შენს დიდსა, რამეთუ საშინელ და წმიდა არს.

Verse: 4  Link to psa Link to sept   და პატივსა მეუფისასა სამართალი უყუარს; შენ განჰმზადე სიწრფოებაჲ, და განკითხვა და სიმართლე იაკობის თანა შენ ჰყავ.

Verse: 5  Link to psa Link to sept   აღამაღლებდით უფალსა ღმერთსა ჩუენსა და თაყუანის-სცემდით კუარცხლბეკსა ფერჴთა მისთასა, რამეთუ წმიდა არს.

Verse: 6  Link to psa Link to sept   მოსე და აჰრონ მღდელთა შორის მისთა და სამოელ მათ თანა, რომელნი ხადიან სახელსა მისსა; ჰხადოდეს უფალსა და მას ესმა მათი,

Verse: 7  Link to psa Link to sept   და სუეტითა ღრუბლისათა ეტყოდა მათ; რამეთუ იმარხვიდეს წამებათა მისთა და ბრძანებათა მისთა, რომელ მოსცნა მათ.

Verse: 8  Link to psa Link to sept   უფალო ღმერთო ჩუენო, შენ ისმინე მათი; ღმერთო, შენ მომტევებელ ექმენ და შურისმეძიებელ ყოველთა ზედა საქმეთა მათთა.

Verse: 9  Link to psa Link to sept   აღამაღლებდით უფალსა ღმერთსა ჩუენსა და თაყუანის-ეცით მთასა წმიდასა მისსა, რამეთუ წმიდა არს უფალი ღმერთი ჩუენი.

Next part


This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.