TITUS
Vetus Testamentum graece iuxta LXX interpretes
Part No. 311
Previous part

Chapter: 20 
Verse: 1    Καὶ ἐκεῖ ἐπικαλούμενος υἱὸς παράνομος καὶ ὄνομα αὐτῷ Σαβεε υἱὸς Βοχορι ἀνὴρ ὁ Ιεμενι καὶ ἐσάλπισεν ἐν τῇ κερατίνῃ καὶ εἶπεν Οὐκ ἔστιν ἡμῖν μερὶς ἐν Δαυιδ οὐδὲ κληρονομία ἡμῖν ἐν τῷ υἱῷ Ιεσσαι· ἀνὴρ εἰς τὰ σκηνώματά σου, Ισραηλ.
Verse: 2    καὶ ἀνέβη πᾶς ἀνὴρ Ισραηλ ἀπὸ ὄπισϑεν Δαυιδ ὀπίσω Σαβεε υἱοῦ Βοχορι, καὶ ἀνὴρ Ιουδα ἐκολλήϑη τῷ βασιλεῖ αὐτῶν ἀπὸ τοῦ Ιορδάνου καὶ ἕως Ιερουσαλημ.
Verse: 3    καὶ εἰσῆλϑεν Δαυιδ εἰς τὸν οἶκον αὐτοῦ εἰς Ιερουσαλημ, καὶ ἔλαβεν ὁ βασιλεὺς τὰς δέκα γυναῖκας τὰς παλλακὰς αὐτοῦ, ἃς ἀϕῆκεν ϕυλάσσειν τὸν οἶκον, καὶ ἔδωκεν αὐτὰς ἐν οἴκῳ ϕυλακῆς καὶ διέϑρεψεν αὐτὰς καὶ πρὸς αὐτὰς οὐκ εἰσῆλϑεν, καὶ ἦσαν συνεχόμεναι ἕως ἡμέρας ϑανάτου αὐτῶν, χῆραι ζῶσαι.
Verse: 4    καὶ εἶπεν ὁ βασιλεὺς πρὸς Αμεσσαϊ Βόησόν μοι τὸν ἄνδρα Ιουδα τρεῖς ἡμέρας, σὺ δὲ αὐτοῦ στῆϑι.
Verse: 5    καὶ ἐπορεύϑη Αμεσσαϊ τοῦ βοῆσαι τὸν Ιουδαν καὶ ἐχρόνισεν ἀπὸ τοῦ καιροῦ, οὗ ἐτάξατο αὐτῷ Δαυιδ.
Verse: 6    καὶ εἶπεν Δαυιδ πρὸς Αβεσσα Νῦν κακοποιήσει ἡμᾶς Σαβεε υἱὸς Βοχορι ὑπὲρ Αβεσσαλωμ, καὶ νῦν σὺ λαβὲ μετὰ σεαυτοῦ τοὺς παῖδας τοῦ κυρίου σου καὶ καταδίωξον ὀπίσω αὐτοῦ, μήποτε ἑαυτῷ εὕρῃ πόλεις ὀχυρὰς καὶ σκιάσει τοὺς ὀϕϑαλμοὺς ἡμῶν.
Verse: 7    καὶ ἐξῆλϑον ὀπίσω αὐτοῦ οἱ ἄνδρες Ιωαβ καὶ ὁ χερεϑϑι καὶ ὁ ϕελεϑϑι καὶ πάντες οἱ δυνατοὶ καὶ ἐξῆλϑαν ἐξ Ιερουσαλημ διῶξαι ὀπίσω Σαβεε υἱοῦ Βοχορι.
Verse: 8    καὶ αὐτοὶ παρὰ τῷ λίϑῳ τῷ μεγάλῳ τῷ ἐν Γαβαων, καὶ Αμεσσαϊ εἰσῆλϑεν ἔμπροσϑεν αὐτῶν. καὶ Ιωαβ περιεζωσμένος μανδύαν τὸ ἔνδυμα αὐτοῦ καὶ ἐπ' αὐτῷ περιεζωσμένος μάχαιραν ἐζευγμένην ἐπὶ τῆς ὀσϕύος αὐτοῦ ἐν κολεῷ αὐτῆς, καὶ ἡ μάχαιρα ἐξῆλϑεν καὶ ἔπεσεν.
Verse: 9    καὶ εἶπεν Ιωαβ τῷ Αμεσσαϊ Εἰ ὑγιαίνεις σύ, ἀδελϕέ; καὶ ἐκράτησεν ἡ χεὶρ ἡ δεξιὰ Ιωαβ τοῦ πώγωνος Αμεσσαϊ τοῦ καταϕιλῆσαι αὐτόν·
Verse: 10    καὶ Αμεσσαϊ οὐκ ἐϕυλάξατο τὴν μάχαιραν τὴν ἐν τῇ χειρὶ Ιωαβ, καὶ ἔπαισεν αὐτὸν ἐν αὐτῇ Ιωαβ εἰς τὴν ψόαν, καὶ ἐξεχύϑη ἡ κοιλία αὐτοῦ εἰς τὴν γῆν, καὶ οὐκ ἐδευτέρωσεν αὐτῷ, καὶ ἀπέϑανεν. καὶ Ιωαβ καὶ Αβεσσα ὁ ἀδελϕὸς αὐτοῦ ἐδίωξεν ὀπίσω Σαβεε υἱοῦ Βοχορι·
Verse: 11    καὶ ἀνὴρ ἔστη ἐπ' αὐτὸν τῶν παιδαρίων Ιωαβ καὶ εἶπεν Τίς ὁ βουλόμενος Ιωαβ καὶ τίς τοῦ Δαυιδ, ὀπίσω Ιωαβ·
Verse: 12    καὶ Αμεσσαϊ πεϕυρμένος ἐν τῷ αἵματι ἐν μέσῳ τῆς τρίβου, καὶ εἶδεν ὁ ἀνὴρ ὅτι εἱστήκει πᾶς ὁ λαός, καὶ ἀπέστρεψεν τὸν Αμεσσαϊ ἐκ τῆς τρίβου εἰς ἀγρὸν καὶ ἐπέρριψεν ἐπ' αὐτὸν ἱμάτιον, καϑότι εἶδεν πάντα τὸν ἐρχόμενον ἐπ' αὐτὸν ἑστηκότα·
Verse: 13    ἡνίκα δὲ ἔϕϑασεν ἐκ τῆς τρίβου, παρῆλϑεν πᾶς ἀνὴρ Ισραηλ ὀπίσω Ιωαβ τοῦ διῶξαι ὀπίσω Σαβεε υἱοῦ Βοχορι.
Verse: 14    καὶ διῆλϑεν ἐν πάσαις ϕυλαῖς Ισραηλ εἰς Αβελ καὶ εἰς Βαιϑμαχα καὶ πάντες ἐν Χαρρι, καὶ ἐξεκκλησιάσϑησαν καὶ ἦλϑον κατόπισϑεν αὐτοῦ.
Verse: 15    καὶ παρεγενήϑησαν καὶ ἐπολιόρκουν ἐπ' αὐτὸν τὴν Αβελ καὶ τὴν Βαιϑμαχα καὶ ἐξέχεαν πρόσχωμα πρὸς τὴν πόλιν, καὶ ἔστη ἐν τῷ προτειχίσματι, καὶ πᾶς ὁ λαὸς ὁ μετὰ Ιωαβ ἐνοοῦσαν καταβαλεῖν τὸ τεῖχος.
Verse: 16    καὶ ἐβόησεν γυνὴ σοϕὴ ἐκ τοῦ τείχους καὶ εἶπεν ᾽Ακούσατε ἀκούσατε, εἴπατε δὴ πρὸς Ιωαβ ῎Εγγισον ἕως ὧδε, καὶ λαλήσω πρὸς αὐτόν.
Verse: 17    καὶ προσήγγισεν πρὸς αὐτήν, καὶ εἶπεν ἡ γυνή Εἰ σὺ εἶ Ιωαβ; ὁ δὲ εἶπεν ᾽Εγώ. εἶπεν δὲ αὐτῷ ῎Ακουσον τοὺς λόγους τῆς δούλης σου. καὶ εἶπεν Ιωαβ ᾽Ακούω ἐγώ εἰμι.
Verse: 18    καὶ εἶπεν λέγουσα Λόγον ἐλάλησαν ἐν πρώτοις λέγοντες ᾽Ηρωτημένος ἠρωτήϑη ἐν τῇ Αβελ καὶ ἐν Δαν εἰ ἐξέλιπον ἃ ἔϑεντο οἱ πιστοὶ τοῦ Ισραηλ, ἐρωτῶντες ἐπερωτήσουσιν ἐν Αβελ καὶ οὕτως εἰ ἐξέλιπον.
Verse: 19    ἐγώ εἰμι εἰρηνικὰ τῶν στηριγμάτων Ισραηλ, σὺ δὲ ζητεῖς ϑανατῶσαι πόλιν καὶ μητρόπολιν ἐν Ισραηλ· ἵνα τί καταποντίζεις κληρονομίαν κυρίου;
Verse: 20    καὶ ἀπεκρίϑη Ιωαβ καὶ εἶπεν ῞Ιλεώς μοι ἵλεώς μοι, εἰ καταποντιῶ καὶ εἰ διαϕϑερῶ·
Verse: 21    οὐχ οὗτος ὁ λόγος, ὅτι ἀνὴρ ἐξ ὄρους Εϕραιμ, Σαβεε υἱὸς Βοχορι ὄνομα αὐτοῦ, καὶ ἐπῆρεν τὴν χεῖρα αὐτοῦ ἐπὶ τὸν βασιλέα Δαυιδ· δότε αὐτόν μοι μόνον, καὶ ἀπελεύσομαι ἀπάνωϑεν τῆς πόλεως. καὶ εἶπεν ἡ γυνὴ πρὸς Ιωαβ ᾽Ιδοὺ ἡ κεϕαλὴ αὐτοῦ ῥιϕήσεται πρὸς σὲ διὰ τοῦ τείχους.
Verse: 22    καὶ εἰσῆλϑεν ἡ γυνὴ πρὸς πάντα τὸν λαὸν καὶ ἐλάλησεν πρὸς πᾶσαν τὴν πόλιν ἐν τῇ σοϕίᾳ αὐτῆς· καὶ ἀϕεῖλεν τὴν κεϕαλὴν Σαβεε υἱοῦ Βοχορι καὶ ἔβαλεν πρὸς Ιωαβ. καὶ ἐσάλπισεν ἐν κερατίνῃ, καὶ διεσπάρησαν ἀπὸ τῆς πόλεως ἀνὴρ εἰς τὰ σκηνώματα αὐτοῦ· καὶ Ιωαβ ἀπέστρεψεν εἰς Ιερουσαλημ πρὸς τὸν βασιλέα.
Verse: 23    Καὶ Ιωαβ πρὸς πάσῃ τῇ δυνάμει Ισραηλ, καὶ Βαναιας υἱὸς Ιωδαε ἐπὶ τοῦ χερεϑϑι καὶ ἐπὶ τοῦ ϕελεϑϑι,
Verse: 24    καὶ Αδωνιραμ ἐπὶ τοῦ ϕόρου, καὶ Ιωσαϕατ υἱὸς Αχιλουϑ ἀναμιμνῄσκων,
Verse: 25    καὶ Σουσα γραμματεύς, καὶ Σαδωκ καὶ Αβιαϑαρ ἱερεῖς,
Verse: 26    καί γε Ιρας ὁ Ιαριν ἦν ἱερεὺς τοῦ Δαυιδ.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.