TITUS Texts: Arseni Sapareli, Ganqopisatws

TITUS
Arseni Sapareli, Ganqopisatws
Part No. 5

Previous part

Chapter: IV
Page: 79
Line: 5       ხოლო ეშმაკმან ^*, რომელი მარადის ჰბრძავს სიკუდილად
Line: 6    კაცთა ნათესავსა, აღძრა ნათესავი უღმრთოჲ ^* ნისტორის წვალებისა
Line: 7    და დიდძალითა ქრთამითა ოქროჲსაჲთა ითხოეს მეფისაგან კეთილად
Line: 8    მიცევად სომხითი ^* სჯულსა მათსა. და განდრიკეს გული მეფისაჲ და
Line: 9    არწმუნეს ესრეთ, ვითარმედ: "რაჟამს პოონ ჟამი სომეხთა მიქცევად
Line: 10    კუალად ბერძენთავე, არა ერიდნენ ყოვლადვე ფიცსა, არცა
Line: 11    თავს-დებათა ^* სიყუარულისათჳს და სიმტკიცისა სჯულისა, და მოიკიცხოს
Line: 12    საქმე შენი მათ მიერ. არამედ უცვალე სჯული და დაჰჴსენ
Line: 13    შორის მათსა სიყუარული უკუნისამდე, რომელიცა იქმნა მახითა ეშმაკისაჲთა".
Line: 14    და აიძულნა მეფემან პეროზ სომეხნი მსახურებად სჯულისა
Line: 15    ნისტორის უღმრთოჲსასა ^*. ხოლო სომეხთა ყოვლადვე არა
Line: 16    თავს-იდვეს ესე, არამედ ჰრქუეს ^* მეფესა მოციქულითა ესრეთ, ვითარმედ:
Line: 17    "ნუ იყოფინ ყოვლად ესე ჩუენდა არა მხოლოდ ქუეყანისათჳს,
Line: 18    არამედ თავთა და შვილთა ჩუენთა ტყუეობისა ^* და
Line: 19    სიკუდილისა".

Line: 20       ხოლო მეფე იქცა კუალად სხუად ^* მანქანებად და განუცხადა
Line: 21    საქმე თჳსი განყოფისათჳს ბერძენთაგან და ესრეთ მიუვლინნა მოციქულნი,
Line: 22    ვითარმედ: "ერთი ორთაგანი ყავთ -- ანუ გამოირჩიეთ ყოველთა
Line: 23    ასურთაგან სჯული თჳნიერ მელქთაჲსა, რომელნი არიან
Line: 24    სჯულითა ბერძენ, ანუ დაუტევეთ ქუეყანაჲ ^* თქუენი და ივლტოდეთ
Line: 25    ჩუენგან!"

Line: 26       მაშინ სომეხნი შეწუხნეს ფრიად ^* ორსავე ამას სახესა ზედა და
Line: 27    შეიპყრნა ^* ურვამან და იქმნა ანჯმნობაჲ შორის მათსა მრავალთა დღეთა.
Line: 28    და მიუგდეს საქმე ესე ნერსე კათალიკოზსა, რომელსა ეწოდა
Line: 29    მიჯინ. და ჰრქუა მეფემან სომხითისამან და ყოველმან ერმან, ვითარმედ:
Line: 30    "უმჯობესი ჩუენი შენ უწყი. რაჲცა ჰბრძანო უმჯობესი, სულთა
Line: 31    დაუყუდნებლად ^* დავემორჩილნეთ ბრძანებათა ^* შენთა".

Line: 32       ხოლო მან საწყალობელმან დაამონნა სულნი ჴორცთა და არა
Line: 33    მიხედნა ყოვლადვე საუკუნეთა გუემათა ^* და შუებათა და არა ისმინა
Page: 80 Line: 1    ჴმაჲ უფლისაჲ სახარებისაგანი, ვითარმედ: "უკუეთუ ყოველი სოფელი
Line: 2    შეიძინო და სული შენი მოიკლა, რაჲ მისცე მისი ნაცვალიო?"
Line: 3    არამედ აზრახა მსგავსი თჳსი პირუტყუებრ ^* და ესრეთ ჰრქუა: "უმჯობეს
Line: 4    არს ჩუენდა სიკუდილი, ვიდრე-ღა ჟამსა ამას კუალად-მიქცევაჲ ^*
Line: 5    ბერძენთა და მეორედ დაგდებაჲ ქუეყანისა და მოწყუედაჲ ^* ჩუენი
Line: 6    მწირობით". და ყოველი ზრახებაჲ მისი იყო საწუთროჲ ^* და
Line: 7    ამპარტავნად.

Line: 8       და მიუვლინეს ^* მეფესა მწუხარებით და ითხოვეს სჯული იაკობთაჲ ^*,
Line: 9    რამეთუ სხუანი ყოველნი უძჳრეს შეჰრაცხნეს. ხოლო "ცოდვაჲ ^*
Line: 10    მცირე აღორძინდის უფროჲს ^* დიდისა უდბობასა ^* შინა" -- ვითარცა
Line: 11    წერილ არს. ხოლო მეფე დაჯერებულ იქმნა და მოუვლინნა
Line: 12    მოძღუარნი იაკობნი ბოროტნი ცხრანი ^*, ვითარცა მელნი მცბიერნი ^*,
Line: 13    ვითარცა თქუა სიბრძნემან ღმრთისამან სოლომონის მიერ. და მათ
Line: 14    განრყუნეს [ქუეყანაჲ] სომხითისაჲ ^*, შრომილი წმიდისა გრიგოლისი,
Line: 15    მრავლითა ღუაწლითა და ცრემლითა მისითა მორწყული ^*. რომელთა
Line: 16    სახელები ესე არს: აბდიშოჲ ^*, პეტროზ მკაწრველი, სჳმონ ბოროტი,
Line: 17    იაკობ, და თანა ჰქონდეს წიგნნი ფილაქსოსისნი, ივლიანესნი ალიკარნელისნი,
Line: 18    ტიმოთე კუერნი ^* და სევეროს ნაბიკელი ^*.

Line: 19       და ყვეს კრებაჲ ქალაქსა შინა დვინს. და შესძინეს ხაჩეცარი
Line: 20    (ესე არს: ^* სამწმიდარსსა შორის შეჰმატეს ^* ჯუარცუმული, დააჩემეს
Line: 21    ვნებაჲ ღმრთეებისა ძალსა უვნებელსა ^*, უკუდავსა -- სიკუდილი), და
Line: 22    განდგეს მართლისაგან და ჭეშმარიტისა სარწმუნოებისა და უცხო იქმნნეს
Line: 23    და განისხნეს წმიდისაგან და დიდებულისა სამოციქულო კათოლიკე
Line: 24    ეკლესიისა, რომელ არს თავი სარწმუნოებისა და დედა ყოველთა
Line: 25    მორწმუნეთაჲ სიტყჳსაგან უფლისა ^*, რომელი უბრძანა წმიდასა
Line: 26    მოციქულსა პეტრეს, ვითარმედ: "შენ ზედა ეგოს მტკიცედ
Line: 27    სარწმუნოებაჲ ჩემიო". ჭეშმარიტად უცხო იქმნნეს ცოდვითა მათითა დედისაგან
Line: 28    ღმრთისა ^* და განაწესეს არაჯორი მუნვე დვინს, რამეთუ თქუეს: "ესე არს
Line: 29    დღე პირველი სარწმუნოებისა ჩუენისაო ^*". და
Line: 30    შესძინეს კუალად ბოროტი ბოროტსა და ნებით ^* დაიწყევნეს თავნი,
Page: 81 Line: 1    რაჲთა არა ეზიარნენ კრებასა ^* ქალკიდონისასა. და განისხნეს სრულიად
Line: 2    პირისაგან ღმრთისა ^*, რამეთუ პირველთა მათ შინა და რომელთა
Line: 3    ენუქის ძე ^* ებერისა ^*, გინა ნაქორისთა კაცნი შეპყრობილნი
Line: 4    ფრიადითა საცთურითა ეშ[მაკისაჲთა], შეკრულ იყვნეს მსახურებითა
Line: 5    კერპთაჲთა ^*. და ვითარცა ბნელსა შინა ფესუებითა ^* და ^* ფილოსოფოსობისა
Line: 6    რაჲსმე მიდევნითა მიდრკეს ბოროტად და დაავიწყდა
Line: 7    ღმერთი: გინა თუ სიგრძოჲსაგან ჟამთაჲსა დავიწყებულ იქმნა შორის
Line: 8    მათსა ჴსენებაჲ ღმრთისაჲ, გარნა სულგრძელებითა ღმრთისაჲთა
Line: 9    ხოლო, ჰურიათა და მწვალებელთა შეეჩქუეფა ^* ბნელი, სიტყჳსაებრ
Line: 10    იობისა, მოეხვია ჰრული თუალთა და დაბრმა უგულისჴმოჲ ^* გული
Line: 11    მათი; ჰხედვიდეს ^* ყოველსა დიდებასა ^* ღმრთისა და პირის-პირ
Line: 12    მტერად აღუდგეს კეთილთა და მადლთა მისთა მინიჭებულთა: "ოჲ,
Line: 13    ფრიადსა მას მეცნიერებასა და გარდარეულსა სიბრმეს", ვითარცა
Line: 14    თქუა საღმრთომან წიგნმან ^*.

Next part

This text is part of the TITUS edition of Arseni Sapareli, Ganqopisatws.

Copyright TITUS Project, Frankfurt a/M, 28.10.2007. No parts of this document may be republished in any form without prior permission by the copyright holder.