TITUS
Arseni Sapareli, Ganqopisatws
Part No. 10
Previous part

Chapter: IX 
Page: 85 
Line: 6       ხოლო მრავალსახე იყვნეს წვალებანი მათნი -- საბელიანოსნი,
Line: 7    იაკობისნი * და ტიმოთე კუერნისნი *, რომელთა სენი მანიქეველთაჲ *
Line: 8    ეპყრა განშორებულნი ყოვლისა სიმართლისა * და კანონისაგან.
Line: 9    რამეთუ ამათ * ჴელი ალიკარნელისა მომკუდარისა დაიდვეს მოწამედ
Line: 10    თავსა, ოდეს * მოყუასთა მისთა ორთა არა აქუნდა მოწამე, და
Line: 11    მამათა თქუეს ვითარმედ: "სამთა ჯერ არს წამებაჲ სარწმუნოთაჲ *".
Line: 12    მათ, ვიდრე არა დაეფლა ივლიანე, აღიღეს ჴელი მისი და დასდვეს *
Line: 13    მოწამედ თავსა ზედა ერთისა * მათგანისასა, რომლისათჳს სახელ-ედების *
Line: 14    ვიდრე მოაქამომდე "ჴელ-ნამკუდრევნი".

Line: 15       და ესრეთ დღითი-დღე შეურაცხ-იქმნნეს და მოაკლდებოდეს
Line: 16    -წვალებელნი იგი და არა აქუნდა ადგილ, სადამცა * იკურთხეს ეპისკოპოსი.
Line: 17    და განისმა სომხითისა, ვითარმედ განდგეს სარწმუნოებისაგან
Line: 18    წმიდისა გრიგოლისა და ჴელ-დასხმისაგან კესარიისა, ვითარცა
Line: 19    ესწავა მისგან. და მოუვლინეს ნერშაპუს, ტარონისა ეპისკოპოსსა,
Line: 20    რომელი დაედგინა სპარსთა მეფესა, ორთა თანა მოყუასთა მისთა, და
Line: 21    ჰრქუეს *, ვითარმედ; "ყოველი * გარდაიქცეს ერთბამად და აღიღეს
Line: 22    ნისტორის წვალებაჲ; და კრებაჲ ქალკიდონისა დაამტკიცეს. და ჩუენ
Line: 23    არა გუაქუს საყდარი, სადა ჴელნი დავისხნეთ და მივჰმართეთ შენსა
Line: 24    -კეთილად მსახურებასა *. რაჲთა დაგჳდგინნე ჩუენ ეპისკოპოსნი".

Line: 25       რამეთუ ყოველთა ცნეს გარდაქცევაჲ * მათი წვალებად *, და რამეთუ
Line: 26    სპარსთა * მეფენი * აიძულებდეს სომეხთა, რაჲთა განეშორნენ ბერძენთა
Line: 27    სარწმუნოებასა *, ვითარ პირველ ვაჴსენეთ *, და რაჲთა სიძულილი
Line: 28    შთავარდეს შორის მათსა განშორებითა * სჯულისათა და ამით
Line: 29    უმეტეს მორჩილ იყვნენ სამეფოსა სპარსთასა, და ქრთამი დიდძალი
Line: 30    აღუთქჳან * წინამძღუართა სომეხთა, რაჲთამცა იქმნა ეგრე.
Line: 31    რაჟამს აღებულ იყო მღდელთ-მოძღურებაჲ გრიგოლის სახლისაგან,
Line: 32    და აუწყა ნერშაპო ეპისკოპოსმან ნერსე კათალიკოზსა,
Page: 86  Line: 1    რომელი იყო აშხარაკალი * (ესე იყო ბოროტად მწვალებელი) და პვტრეს
Line: 2    ვისმე ქერდულსა, სხუათაცა ეპისკოპოსთა და აზნაურთა, და ბრძანეს
Line: 3    მეორედ კრებაჲ დიდი ყოფად * მუნვე დვინს მისვე ნერსეს ზე წელსა
Line: 4    მეორესა, და მეათოთხმეტესა წელსა ისტჳნიანე * მეფისასა წელიწადსა
Line: 5    მეორესა ხუასრო სპარსთა მეფისასა, წელიწადსა მას, რომელსა
Line: 6    ეწამა იზიდ-ბუზიტ * და კუალად შეაჩუენეს წმიდაჲ იგი კრებაჲ ქალკიდონისაჲ,
Line: 7    სახელ-სდვეს ნესტორიანი სიტყჳსაებრ აბდიშო უღმრთოჲსა,
Line: 8    და მასვე წვლს განაცხადეს წიგნი იგი, თარგმნილი ტიმოთეს
Line: 9    და ფილაქსონ სწვალებელთანი (რომელნი იყვნეს ასურ), რომელნი
Line: 10    პირველვე აღწერნეს წინა-აღსადგომელად ქალკიდონისა და
Line: 11    ორთა ბუნებათა ქრისტჱს ღმრთისათა, და კუერნისა * * წერილთა მორჩილ
Line: 12    ექმნნეს სიკუდილად თავთა მათთა. და თქუეს ერთი ბუნებაჲ
Line: 13    სიტყჳსა ღმრთისაჲ და ჴორცითა * და უკუდავითა ბუნებითა ქადაგეს
Line: 14    ქრისტე ჯუარცუმულად და მომკუდარად (ესე არს: შეჰმატეს ჯუარცუმული *
Line: 15    "წმიდაო ღმერთოსა". რომელ არს ხაჩეცარი, სიტყჳსაებრ
Line: 16    პეტროზ ანტიოქელისა, რომელსა საბელისი აქუნდა სენი) და განსაზღვრეს
Line: 17    შენუენებით კიდე-განდგომა მართლისაგან სარწმუნოებისა.
Line: 18    და პირველ-მოჴსენებულნი * იგი მწვალებელნი მოძღუარნი წარავლინნეს
Line: 19    ყოველსა ასურეთსა ხარებად უკუნისამდე, პყრობად ერთობით
Line: 20    წვალებაჲ მათი და მეტრაპოლიტად * თჳსად დაიდგინეს * ალიკარნელისაჲ *
Line: 21    მის * ჴელმომკუდარისაჲ * და ზოგთა, აბდიშოჲს * კერძთა, სხუაჲ
Line: 22    ვინმე.

Next part


This text is part of the TITUS edition of Arseni Sapareli, Ganqopisatws.

Copyright TITUS Project, Frankfurt a/M, 28.10.2007. No parts of this document may be republished in any form without prior permission by the copyright holder.