TITUS
Arseni Sapareli, Ganqopisatws
Part No. 7
Previous part

Chapter: VI 
Page: 82 
Line: 23       და შემდგომად აბრაჰამისა დაჯდა კომიტოს, რომელი იყო
Line: 24    მდიდარ და მოხარკე სამოსელთა და საჴედართა ზედა, რომელიცა
Line: 25    თუალთაგან პატიოსანთა ბივრილთა შეამკობდა თავსა კუერთხისასა *.
Line: 26    ამან უფროჲს ყოველთასა შესძინა ცილობაჲ კრებასა ზედა * ქალკიდონისასა
Line: 27    და მისცა შჳდი საეპისკოპოსო * ჴელსა ქუეშე ჰერთა კათალიკოზისასა
Line: 28    და შეიერთა იგი და შეჩუენებად * სცა კრებაჲ ქალკიდონისაჲ *
Line: 29    და მისცა ჯუარი სივნელთა ეპისკოპოსსა, რაჲთა ვიდოდის
Line: 30    ჯუარითა წინაშე მისსა ვითარცა კათალიკოზი და განუფართნა ნაწილნი
Line: 31    მისნი; და კუალად სხუათაცა ეპისკოპოსთა განუვრცნა ნაწილნი
Line: 32    მათნი და ესრეთ შეიერთა ყოველი სომხითი წინა-აღდგომად კრებისა *
Line: 33    ქალკიდონისაჲსა, და მაჲრეგუემელი * ვინმე, დაწყეული იოჰანე,
Page: 83  Line: 1    რომელსა ეწოდა რეცა-მოძღუარ, აღჭურა წიგნთა წინა-აღსადგომელთა
Line: 2    კრებისათჳს წმიდისა ქალკიდონისა და აღუთქუა მას შემდგომად
Line: 3    თჳსა დაჯდომაჲ * საყდარსა მისსა, და თარგმანებად სცნა წიგნნი
Line: 4    მწვალებელნი ტიმოთე ალექსანდრიელისანი, რომელსა ეწოდა "კუერნი *",
Line: 5    და პეტროზ მკაწრველისანი *, რომელსა ეწოდა "მგელი", და
Line: 6    სევეროსისნი და სხუათა მწვალებელთანი, და სახელად დაწერნა
Line: 7    თქუმულად მართლმადიდებელთა მოძღუართანი -- წმიდისა საჰაკისი
Line: 8    და მოსესი. და ამით ტყუვილითა დააჯერა ქუეყანაჲ ყოველი სომხითისაჲ
Line: 9    და მრავალნი საკითხავნი გამოთქუნა და სახელ-სდვა თჳსად
Line: 10    და ეგრეთვე კანონნი და წესნი პირველნი ცვალნა და თჳთ დაუსხნა
Line: 11    მრუდნი, რომლითა აიშალა ძუელი * და ვერ დაამტკიცეს ახალი, არამედ
Line: 12    ყოველი კაცი თჳს-თჳს სახეობს ვიდრე მოაქამომდე. და ესე ყოეელი
Line: 13    ქმნა ჴვლითა განცოფებულისა იოანე მაჲრეგუემელისაჲთა *, და
Line: 14    რომლისათჳს დაშურა, ვერ მიემთხჳა ჴორციელსაცა საწადელსა მისსა,
Line: 15    რამეთუ ესე ყოველი ბოროტი საყდრისათჳს იძმაცუა და არაჲ *
Line: 16    ირგო. არამედ ქრისტეფორე ვინმე დაჯდა, რომელი იყო მტერ მაჲრეგუემელისა *
Line: 17    და განმწარდა სულითა იოჰანე. და კუალად გარდააგდე
Line: 18    იგი მიზეზითა რაჲთმე * და ელხინა იოჰანეს, და აქაჲთცა * არა მიხუდა
Line: 19    საყდარი, რამეთუ * ეზრა დაიპყრა. და უფროჲს * შეაწუხა სული
Line: 20    მისი მზაკუვარი, რამეთუ "ნებაჲ მოშიშთა მისთაჲ * ყვის უფალმან",
Line: 21    ხოლო "უკეთურნი დღედ რისხჳსად * დაჰმარხნის *".

Line: 22       და ესევითარითა ზაკუვითა განდიდნა პირველმოჴსენებული იგი
Line: 23    კომიტოს და ეუფლა ნაწილსა ზედა წმიდისა გრიგოლისსა, და მაჲრეგუმელისა *
Line: 24    მიერ აღავსო ქუეყანაჲ * სომხითისაჲ სიკუდილისა მომტყუებელითა *
Line: 25    სწავლითა.

Next part


This text is part of the TITUS edition of Arseni Sapareli, Ganqopisatws.

Copyright TITUS Project, Frankfurt a/M, 28.10.2007. No parts of this document may be republished in any form without prior permission by the copyright holder.