TITUS
Arseni Sapareli, Ganqopisatws
Part No. 8
Previous part

Chapter: VII 
Page: 83 
Line: 26       აქა უკუე * აღესრულა ჩუენებაჲ იგი წმიდისა გრიგოლისი,
Line: 27    რომელი აუწყა მას სულმან წმიდამან, ვითარმედ: "რომელნიმე ცხოვართაგანნი
Line: 28    უკუნიქცეს და მგელ იქმნნეს და ზედა-მოეტევნეს ცხოვართა
Line: 29    და დაბძარნეს უწყალოდ". ეგრეთვე აღესრულა ჩუენებაჲ იგი *
Line: 30    წმიდისა საჰაკისი *, რომელ იხილა * ბირთჳ ოქროჲსა * და ინაფორი ზედა
Line: 31    წმიდასა საკურთხეველსა, რამეთუ აჴოცასა თანა მეფობისა არშაკთაჲსა *
Line: 32    აეღო მღდელობაჲცა წმიდისა გრიგოლის ნათესავისა და ეყენნეს
Page: 84  Line: 1    ქარტასა მას ოქროწერილნი იგი როარდაგნი და შეჴორცილმან დაიპყრა
Line: 2    ადგილი იგი ოქრო-ბრწყინვალეთაჲ * (ესე არს: რომელნი შეუდგეს
Line: 3    მაჲრეგუემელისა * მოძღურებასა *).

Line: 4       ხოლო არამცირედი აღთქუმაჲ * ყო ხუასრო მეფემან ნერსე კათალიკოზისა
Line: 5    მომართ, რომელსა ეწოდა "შუაჲ" (ესე არს სომხურადჳ
Line: 6    "მიჯინ"), რომლითა შეარყია უგულისჴმოჲ * გული მისი, ქმნა კრებაჲ
Line: 7    პირველი დვინს და განეშორნეს სჯულითა ბერძენთა და იერუსალემსა.
Line: 8    ხოლო ქართლი ყოველი და მეოთხედი სომხითისა განეყენნეს
Line: 9    ჴელთ-დასხმასა მღდელობისასა სომეხთაგან, არამედ ჰერსი და სივნელნი
Line: 10    ჟამ ერთ განეყენნეს და კუალად შეერინნეს ნერსეს ვისმე,
Line: 11    რომელი წუერთა * ოქრო-ცხებულ * ჰყოფდა.

Next part


This text is part of the TITUS edition of Arseni Sapareli, Ganqopisatws.

Copyright TITUS Project, Frankfurt a/M, 28.10.2007. No parts of this document may be republished in any form without prior permission by the copyright holder.