TITUS
Arseni Sapareli, Ganqopisatws
Part No. 9
Previous part

Chapter: VIII 
Page: 84 
Line: 12       ქმნა კრებაჲ სომეხთა კათალიკოზმან იოჰანე * მანაწკერტს *
Line: 13    და წყლისა * რთვაჲ * და პურისა ცომი გააშორნა წმიდასა საიდუმლოსა *,
Line: 14    და ბალარჯი და ურწყოჲ დაამტკიცა. რომელი არა ესწავა წმიდათა
Line: 15    კრებათაგან პირველთა, და წინა-აღუდგა * საღმრთოთა წერილთა, რომელსა
Line: 16    იტყჳს წმიდაჲ მოციქული: "სამნი არიან, რომელნი წამებენ:
Line: 17    სული, სისხლი და წყალი", რამეთუ წყლითა ნათელ-ვიღებეთ ერთგზის
Line: 18    ცხორებად * საუკუნოდ და ყოვლადვე განჰვზავებთ * კეთილად
Line: 19    მსახურებითა სასუმელსა მას * წყლითა და ვეზიარებით მისატევებლად *
Line: 20    და საჴსრად. და სოლომონ თქუა: "უსხი თჳსი დაკლა და განზავა ტაკუკითა
Line: 21    თჳსითა ღჳნოჲ * და მორწმუნეთა ჰრქუა: მოვედით და სუთ
Line: 22    ყოველთა". და დიდი ათანასი იტყჳს, ფსალმუნსა განჰმარტებს: * "სასუმელი,
Line: 23    ჴვლთა შინა უფლისათა, ურწყული სავსე არს სხმულითა".
Line: 24    ურწყოჲ * ღმრთეებასა * მოასწავებს და სხმული იგი კაცებასა * (ესე არს
Line: 25    წყალი), რამეთუ პირველი სიმდაბლე ღმრთეებასა * თანა შერევნაჲ * იყო
Line: 26    უძლურისა ბუნებისა ჩუენისა. და ესე მოასწავებს ორსა ბუნებასა
Line: 27    ღმრთეებისა * და კაცებისა ქრისტჱსსა. და ამით ჯერ-არს განზავებაჲ
Line: 28    ღჳნისაჲ *" და ეპიფანე კჳპრელი მოასწავებს ამასვე სახესა, რომელ
Line: 29    იტყჳს: "შენ ხარ მღდელ უკუნისამდე წესსა მას ზედა მელქიზედეკისსა *,
Line: 30    რამეთუ მელქიზედეკ * პურსა და ღჳნოსა შესწირვიდა არა
Line: 31    უცომოსა, არცა * ურწყოსა, და ამისთჳს * ვცანთ მისი მღდელობისა
Page: 85  Line: 1    სახე", და წმიდაჲ ბასილი იტყჳს წმიდათა საიდუმლოთა მეორესა,
Line: 2    ვითარმედ: "აღიღო პური და ამაღლებული მიგიპყრა შვნ, ღმერთსა-მამასა;
Line: 3    აკურთხა, განტეხა და მისცა მოწაფეთა. ეგრეთვე სასუმელი,
Line: 4    მოსთულებული ვენაჴისაჲ * აღიღო, განზავა და მისცა კურთხეული
Line: 5    მოწაფეთა თჳსთა".

Next part


This text is part of the TITUS edition of Arseni Sapareli, Ganqopisatws.

Copyright TITUS Project, Frankfurt a/M, 28.10.2007. No parts of this document may be republished in any form without prior permission by the copyright holder.