TITUS
Arseni Sapareli, Ganqopisatws
Part No. 14
Previous part

Chapter: XIII 
Page: 89 
Line: 1       ამისა შემდგომად მავრიკ კეისარმან წარავლინა მუშელ *
Line: 2    მამკუენი *, დიდი ზორავარი სომხითისაჲ *, და მისცა სამეფოჲ * სომხითისა
Line: 3    ხუასროს. ხოლო ხუასროვ დვინითგან ყოველი დაამორჩილა
Line: 4    კეისარსა და იქმნა მშჳდობაჲ შორის მათსა. და მუშელს ნიჭი დიდძალი
Line: 5    მისცა და წარავლინა იგი სამეფოდ. და ვითარ მიიწია მუშელ
Line: 6    კოსტანტინეპოლის *, და დაემთხჳა დღესასწაული ჯუართა აპყრობისაჲ *,
Line: 7    და არა ეზიარა იგი მათ თანა და ყოველნივე *, რომელნი-იგი * მის *
Line: 8    თანა იყვნეს. და იკითხა მეფემან და აუწყეს, ვითარმედ: "კრებისათჳს
Line: 9    ქალკიდონისა და ორთა ბუნებათა ქრისტჱსთა". ხოლო მეფემან
Line: 10    ჰრქუა *, ვითარმედ: "უწინარეს შენსა ვარდან და მისთანათა აზნაურთა
Line: 11    ყოველთა შეიწყნარვს ჴელითა მოძღუართა * თქუენთაჲთა და
Line: 12    მრავლითა გამოძიებითა წერილთაჲთა *". ხოლო მუშელ ჰრქუა: "ნუუკუე *
Line: 13    უმეცრებითა გინა შიშითა თქუენითა, არამედ უკუეთუ * ბრძანოს
Line: 14    ქრისტეს-მოყუარემან მეფობამან შენმან და სიმართლით შუამდგომელ
Line: 15    იქმნე *, ჰპოო ამისთჳს ჭეშმარიტი მოძღუართა ჩუენთაგან".

Line: 16       და უბრძანა მეფემან კათალიკოზსა სომხითისასა მოსეს და ყოველთა
Line: 17    ეპისკოპოსთა, რაჲთა მოვიდენ კოსტანტინეპოლის და კუალად
Line: 18    გამოიწულილონ და დაემტკიცოს მართალი. ხოლო მოსე კათალიკოზი
Line: 19    არა დაემორჩილა * წარსვლად *, არამედ ესრეთ ჰრქუა მოციქულთა:
Line: 20    "არა * წიაღ-ვჴდე მდინარესა აზატსა, რომელ არს საზღვარი
Line: 21    სპარსთაჲ *, არა ვჭამო ფურნიდი ბერძენთა და არცა ვსუა თერმონი
Line: 22    მათი *". და ეგრეთვე ეპისკოპოსთა ვასპურაგანისათა, რომელნი იყვნეს
Line: 23    სახელმწიფოსა ქუეშე სპარსთასა, არა ინებეს წარსვლაჲ *.

Line: 24       ხოლო ეპისკოპოსი ტარონისა და ყოველნი ეპისკოპოსნი, რომელნი
Line: 25    იყვნეს ჴვლსა ქუეშე ბერძენთასა, მსწრაფლ მიიწინეს სამეფოდ
Line: 26    და კუალად ყვეს გამოძიებაჲ და დაამტკიცეს მეორედ კრებაჲ
Line: 27    ქალკიდონისა წინაშე მავრიკ მეფისა ერთობით ყოველთა, და აღიარეს
Line: 28    ორი ბუნებაჲ ქრისტსსი ჭეშმარიტი, და დაწერეს ფიცი ერთობასა *
Line: 29    ზედა უკუნისამდე * და წარმოვიდეს.

Line: 30       და ვითარ მოვიდეს სომხითს, არა შეიწყნარა მათი მოსე კათალიკოზმან
Line: 31    და სხუათა ეპისკოპოსთა, რომელნი იყვნეს სპარსთა კერძონი,
Line: 32    და განიყო სომხითი, და ამათ დაიდგინეს კათალიკოზად იოჰანე *
Line: 33    გოგოვიტელი *. და მიერითგან მრავლითა წინა-აღდგომითა ვიდოდეს
Page: 90  Line: 1    კრებისათჳს ქალკიდონისა და ორთა ბუნებათა * ქრისტჱს, უფლისა *
Line: 2    ღმრთისა ჩუენისათა, ათოთხმეტ * წელ ვიდრე აღსრულებადმდე მავრიკი *
Line: 3    მეფისა.

Next part


This text is part of the TITUS edition of Arseni Sapareli, Ganqopisatws.

Copyright TITUS Project, Frankfurt a/M, 28.10.2007. No parts of this document may be republished in any form without prior permission by the copyright holder.