TITUS
Arseni Sapareli, Ganqopisatws
Part No. 15
Previous part

Chapter: XIV 
Page: 90 
Line: 4       და პირველ-მოჴსენებულმან * აბრაჰამ კათალიკოზმან ოდეს
Line: 5    
განასხნა არარატით * მღდელნი იგი და იოჰანე * კათოლიკე წმიდისა
Line: 6    
მამასახლისი (შოლოკათ * უჴმიან წმიდასა კათოლიკეს და მიტრს წმიდასა
Line: 7    
რიფსიმესა *), და ოშაკნისა *. და ელივარდისა, და არამუნთა *, და
Line: 8    
გარნისისა *, და ყოველთა მონასტერთაჲ და ყოველთა არარატისათა
Line: 9    
მძლავრებით, რომელთამე შეჩუენებად * სცა წმიდაჲ იგი კრებაჲ.

Line: 10       
და შემდგომად სამისა წლისა იქმნა ჰომი იგი ბასიანისა *, რომელსა
Line: 11    
იძლივნნეს იონნი სპარსთაგან და წარტყუენეს * ქალაქი კთრიჯი
Line: 12    
ჰაშტენოსაჲ * და მეოთხესა წელსა -- კარნუ-ქალაქი ფოკა უღმრთოჲსა
Line: 13    
კეისრისსა, რამეთუ დაჴოცნა ძენი მავრიკ * მეფისანი, მახჳლითა
Line: 14    
ასპარეზსა განიყვანნა.

Line: 15       
ამას წელსა წარიტყუენა * კარნუ-ქალაქი აჰმადისგან და იოჰანე
Line: 16    
კათალიკოსი, რომელი იყო ნაწილსა ბერძენთასა. და ამასვე წელსა
Line: 17    
განასხნა მოსე კათალიკოზმან მღდელნი თჳსისა ჴელისაგან, იოჰანეს
Line: 18    
კერძნი, და წარვიდეს რომელნიმე ტაოს *, რომელნიმე იონთა თანა და
Line: 19    
მათ უწოდიან შოლაკათ *, ვითარცა იხილა * წმიდამან გრიგოლი ჩუენებაჲ
Line: 20    
იგი, ოდეს განეხუნეს * და ნათელი გარდამოჴდა მას ადგილსა.

Next part



This text is part of the TITUS edition of Arseni Sapareli, Ganqopisatws.

Copyright TITUS Project, Frankfurt a/M, 28.10.2007. No parts of this document may be republished in any form without prior permission by the copyright holder.