TITUS
Arseni Sapareli, Ganqopisatws
Part No. 16
Previous part

Chapter: XV 
Page: 90 
Line: 21       და მერმე წარჴდეს რაოდენნიმე ჟამნი. მოვიდა ჰერაკლე მეფე
Line: 22    სომხითს და იხილა * წვალებაჲ სომეხთაჲ * და ფრიად შეწუხნა
Line: 23    წარწყმედისა მათისათჳს უნებლიებოთ მიქცევითა. და ბრძანა კრებაჲ
Line: 24    დიდი ყოფად ეპისკოპოსთა და მოძღუართა * სომხითისათა და მიწერა
Line: 25    წიგნი ეზრა * კათალიკოზისა და აზნაურთა, რაჲთა შემოკრბენ
Line: 26    კარნუ-ქალაქს და გამოიძიონ სარწმუნოებაჲ კრებისათჳს ქალკიდონისა
Line: 27    და ცნან ჭეშმარიტად ორი ბუნებაჲ ქრისტჱსი სომეხთა. და
Line: 28    მოიწივნეს ყოველნი ერთობით * წინაშე მეფისა და გამოიწულილეს
Line: 29    მესამედ მრავლითა ძიებითა და დაამტკიცეს მართალი. და დაემორჩილნეს
Line: 30    სომეხნი ფიცით ჴელით-წერილითა, რაჲლთა არღარავის წინააღუდგენ
Line: 31    ცილობად მისთჳს.

Page: 91 
Line: 1       და ვითარ უკ-მოიქცეს დვინს, მიიქცეს მასვე ვნებასა * წყმედულსა,
Line: 2    რამეთუ მოძღურებისა ადგილი მათი იგი იყო და თქჳან
Line: 3    მუნ შინა მართალი ყოველი კუალ-რყუნითა *. ხოლო იგივე მაჲრეგუემელი *
Line: 4    აღსძრვიდა ვიეთმე მონაზონთა * მწვალებელთა და სტეფანის
Line: 5    ეპისკოპოსსა * გარდმანისასა *, და მათუსალას ქერდულსა სივნელსა, და
Line: 6    სხუაჲ ვინ პოის * მღდელი, რომელნი არა დახდომილ იყვნეს კრებასა *
Line: 7    მას, რაჲთა არა ეზიარნენ * ეზრა კათალიკოზისაგან, და რომელნი მის
Line: 8    თანა შეერთებულ-იყვნეს.

Line: 9       შემდგომად დღეთა რაოდენთამე მოვიდეს სტეფანე ეპისკოპოსი *
Line: 10    და მათუსალა ეზრა კათალიკოსისა და ეზიარნეს მათ თანა. ვითარცა
Line: 11    ესმა ესე ბერსა ბოროტსა მაორეგუემელსა, რამეთუ შეერთნეს
Line: 12    იგინი ეზრას * და მათუსალა იკურთხა სივნისა ეპისკოპოსად, დიდითა
Line: 13    შეურაცხებითა აგინებდა სტიფანეს და ქერდულსა. და იტყოდა:
Line: 14    "უმცირეს არს მიდრეკაჲ ეზრაჲსი * ცთომასა თქუენსა *, რამეთუ * იგი
Line: 15    ანუ შიშოთა მეფეთაჲთა *, ანუ მეცნიერთა კაცთა მიახლებითა მიდრკა
Line: 16    სჯულისაგან, ხოლო თქუენ ცუდად დებისა და სათნოებისათჳს წარსწყმდით
Line: 17    უკურნებელად".

Line: 18       და ვითარ ცნა ესე ეზრა, მოუწოდა მას ბერსა ბოროტსა და
Line: 19    ჰრქუა წინაშე ყოველთა: "გიჴმე შენ სამგზის, და მათუსალას სამგზის,
Line: 20    და სტეფანეს *, ვითარმედ * ქუეყანისა მოძღუარნი * და მეცნიერნი
Line: 21    თქუენ ხართ, მოვედით და სიტყუა-უგეთ * მეფესა, და არა მოხუედით *.
Line: 22    და აწ ჩუენსა გაგებულსა წინა-აღუდგები კადნიერად. ჩუენ,
Line: 23    რომელი ჭეშმარიტად გამოვიძიეთ * წიგნთა და მოძღვართავგან *, მართალი
Line: 24    შევიწყნარეთ: ორი ბუნებაჲ უფლისა * ჩუენისა იესუ ქრისტჱსო
Line: 25    _ სრული ღმრთეებითა * და სრული კაცებითა, ერთი გუამი და
Line: 26    ერთი ხატი განუყოფვლი განგებულებითა. და წიგნნი წმიდათა მამათა
Line: 27    პირველთანი, რომელნი აღმოვიკითხენით, ამას წამებდეს და ჩუენ
Line: 28    დავემორჩილენით ბრძანებათა * მათთა და შევიწყნარეთ კეთილისა
Line: 29    მიმართ. და აწ არავე * წარსულ-არს, საღმრთონი წიგნნი ჩუენთანა
Line: 30    არიან. მოვიხუნეთ და ჭეშმარიტი ვისწავოთ".

Line: 31       და ვითარ დაუჴშა პირი წამებითა წიგნთანთა, აღმოიბოყინა
Line: 32    სიმყრალე, მსგავსი ბოროტისა წვალებისაჲ, და თქუა: "ღონედ არა
Page: 92  Line: 1    შევიწყნარო ეგე წერილი, რამეთუ ნისტორიანთა შეჰმატეს ეგე წმიდათა
Line: 2    წიგნთაო". და აღიძრა წვალებად სიტყჳთა მრავლითა *, რომელ
Line: 3    მოყუასთაცა მისთა ვერ შეარწყუნა და განისწავლნეს ურთიერთას და
Line: 4    მას უწოდდეს მაჲრევნელად თჳსნი მოყუასნი სახელად სოფლისა
Line: 5    თჳსისა. ხოლო იგი წარვიდა საბერძნეთს მისვე წინა-აღდგომისათჳს
Line: 6    და ისწავა მცირედ ენაჲ *, რაცთამცა მით მიზეზითა არწმუნა სომეხთა
Line: 7    უფროჲს-რე. და მოიქცა სომხითსვე, უძვირეს პირველისა წვალებდა
Line: 8    და უმზირდა უეჭუელად * შემდგომად ეზრაჲსა * დაპყრობად * მისსა
Line: 9    საყდარსა შეწევნითა დიდ-დიდთა კაცთაჲთა * და ნებითა მწვალებელთაჲთა *,
Line: 10    ქადებითა მათითა წინა-აღდგომისათჳს ქალკიდონისა კრებისა.

Next part


This text is part of the TITUS edition of Arseni Sapareli, Ganqopisatws.

Copyright TITUS Project, Frankfurt a/M, 28.10.2007. No parts of this document may be republished in any form without prior permission by the copyright holder.