TITUS
Balavariani, Red. A
Part No. 29
Previous part

Chapter: 30  
Page of edition: 69  
Line of edition: 8        30. ჰრქუა იოდასაფ: მესმა შენგან სიტყუაჲ,
Line of edition: 9     და გამოთქუმაჲ ღმრთისა დიდებისათჳს.
Line of edition: 10     აწ შესძინე კუალად უგანცხადებულესადრე,
Line of edition: 11     რომელ ვითამცა თუალითა მიჩუენებ. ჰრქუა
Line of edition: 12     ბალაჰვარ: გამოუთქუმელ არს ხატი ღმრთეებისაჲ
Line of edition: 13     და გონებაჲ ვერ მისწუთების გამოძიებად,
Line of edition: 14     ვითარ-იგი არს, და ვერცა ყოველნი
Line of edition: 15     ენანი შემძლებელ არიან Manuscript page: 67R  ღირსებით ქებად
Line of edition: 16     მისა. და მიუწდომელ არს დაბადებულ[თა]გან
Line of edition: 17     მეცნიერებაჲ მისი, გარნა რომელი
Line of edition: 18     მან გამოუცხადა მათ პირითა წინაწარმეტყუელთაჲთა,
Line of edition: 19     რამეთუ ვერვინ უთხრას მისთჳს
Line of edition: 20     კაცთა, გარნა რომელი უწინარე საუკუნეთა
Line of edition: 21     იშვა მისგან უფალი იესუ ქრისტე, რომელი
Line of edition: 22     გამოვიდა მისგან. მან გამოთქუა იგი,
Line of edition: 23     რამეთუ თუალთ-შეუდგამ არს ხატი მისი,
Line of edition: 24     და წინაწარმეტყუელთა წამეს მისთჳს და
Line of edition: 25     არწმუნეს კაცთა უფლებაჲ მისი ნიშებითა
Line of edition: 26     და სასწაულებითა, რომელი მოსცა მათ, რომელი
Line of edition: 27     ვერვის სხუასა ძალ-უც ჩუენებად ეგევითარისა
Line of edition: 28     ძალისა, რამეთუ ყოველსავე ნებასა
Line of edition: 29     მისსა იქმს ცათა შინა და ქუეყანასა
Line of edition: 30     ზედა, ზღუათა და ყოველთა უფსკრულთა.

Page of edition: 70  
Line of edition: 1        *ჰრქუა იოდასაფ: რაჲ დაამტკიცებს ცნობასა
Line of edition: 2     ღმრთისასა? ჰრქუა ბალაჰვარ: ცაჲ და
Line of edition: 3     ქუეყანაჲ და ყოველი, რომელი დამკჳდრებულ
Line of edition: 4     არს შორის მათსა, სულიერნი და გუამნი. და
Line of edition: 5     უკუეთუმცა იხილე ჭურჭელი რაჲმე შექმნული,
Line of edition: 6     Manuscript page: 67V  დაღაცათუმცა მოქმედი მისი არა
Line of edition: 7     ჰნახე, სწამემცა, ვითარმედ უვის შემოქმედი.
Line of edition: 8     ეგრეთვე ნაშენები, დაღაცათუმცა მაშენებელი
Line of edition: 9     მისი ვერ იხილე, არამედ გონებაჲ წამებს,
Line of edition: 10     ვითარმედ უვის მაშენებელი. ხოლო მე, რაჟამს
Line of edition: 11     ვიხილე თავი ჩემი და განვიცადე საკჳრველად
Line of edition: 12     აგებულებაჲ ჩემი, დაღაცათუ ვერ
Line of edition: 13     ვიხილე შემოქმედი ჩემი, უწყი, რამეთუ, მან
Line of edition: 14     დამბადა, ვითარცა უნდა, და გამომსახა, ვითარცა
Line of edition: 15     ინება, თჳნიერ კითხვისა ჩემისა. და
Line of edition: 16     უკუეთუმცა მე ვიყავ დამბადებელი თავისა
Line of edition: 17     ჩემისაჲ, უმეტესმცა ვყავ [ყოველთა] დაბადებულთა
Line of edition: 18     სიშუენიერითა ტანისაჲთა და სისრულითა
Line of edition: 19     ჰასაკისაჲთა, არამედ მან დამბადა,
Line of edition: 20     ვითარცა ინება, უმეტეს მყო მრავალთა დაბადებულთა
Line of edition: 21     მისთა და უნაკლულეს ზოგთა.
Line of edition: 22     და მერმე გულისჴმა-ვყავ ამითცა, რამეთუ
Line of edition: 23     განმიყვანებს ამის ცხორებისაგან თჳნიერ
Line of edition: 24     კითხვისა ჩემისა. და ვჰხედავ Manuscript page: 68R  საქმეთა
Line of edition: 25     მომავალთა ჩემ ზედა, სადაჲთ არა უწყ[ი], და
Line of edition: 26     ვერ ვიცი საზომი ცხორებისა ჩემისაჲ და რაჲ
Line of edition: 27     შემემთხუევის ბოროტი მას შინა. და ვჰხედავ
Line of edition: 28     ყოველსავე კაცსა ესრე სახედ, ვითარცა
Line of edition: 29     თავსა ჩემსა, რამეთუ ვერვინ [შემძლებელ
Line of edition: 30     არს] შემატებად გინა მოკლებად ჰასაკსა
Line of edition: 31     თჳსსა*, არცა მიცვალებად დაძუელებულისა
Line of edition: 32     და ვერცა კუალად შედგმად, თუ რაჲმე
Line of edition: 33     მოჰვარდეს მისგანი. ვერ შეუძლეს ამას მეფეთა
Line of edition: 34     მეფობითა მათითა და ვერცა ბრძენთა
Line of edition: 35     სიბრძნითა მათითა, და ვერცა მარჯუეთა
Line of edition: 36     სიმარჯჳთა თჳსითა და ვერცა ძლიერთა ძალითა
Page of edition: 71   Line of edition: 1     თჳსითა. და მერმე ვჰხედავთ შემოსლვასა
Line of edition: 2     ღამისასა შემდგომად დღისა და მოწევნასა
Line of edition: 3     დღისასა შემდგომად ღამისა და ქცევასა სამყაროჲსასა.
Line of edition: 4     ამის გამო ვცანთ, რამეთუ დაბადებულთა
Line of edition: 5     ამათ უვის დამბადებელი, რამეთუ
Line of edition: 6     არა მსგავს არს მათა. და უკუეთუმცა მსგავსი
Line of edition: 7     მათი იყო, Manuscript page: 68V  იყომცა ვითარცა ერთი მათგაინ
Line of edition: 8     და მის ზედაცა[მცა] მოიწეოდეს მოწევნად
Line of edition: 9     [რ̃ნი] თითოეულსა მათგანსა ზედა
Line of edition: 10     მოიწევიან. და ყოველსა რომელსა ვჰხედავთ,
Line of edition: 11     შექმნული არს, და ქმნულებაჲ მათი წამებს,
Line of edition: 12     რამეთუ რომელიმე არს შედგმულებით და
Line of edition: 13     რომელიმე გამოხატვით, და რომელიმე შენაწევრებული
Line of edition: 14     და რომელიმე ჟამთა შინა საზომით,
Line of edition: 15     მოკლებით და აღორძინებით, ძრვით
Line of edition: 16     და დაყუდებით. არარაჲსაგან დაჰბადნა და
Line of edition: 17     თჳნიერ მაგალითისა გამოსახნა. თქუა: იყავნ,
Line of edition: 18     და იყვნეს. და ოდეს უნდეს, აღასრულნეს
Line of edition: 19     ყოველნი. და მერმე კუალად აღადგინნეს,
Line of edition: 20     ვითარცა პირველ იყვნეს. ბრძანებაჲ მისი
Line of edition: 21     უგანმკუეთელეს არს უფროჲს მახჳლისა ელვისასა,
Line of edition: 22     მოიყვანნის და მოვიდიან, და განაქარვნეს და
Line of edition: 23     განქარდენ, და კუალად მოაგნეს და მოეგნენ.
Line of edition: 24     Manuscript page: 69R  [და] კურთხეულ არს და დიდებულ, და
Line of edition: 25     უფროჲსად ამაღლებულ სახელი სამებისა წმიდისაჲ
Line of edition: 26     უკუნისამდე.


Next part


This text is part of the TITUS edition of Balavariani, Red. A.

Copyright TITUS Project, Frankfurt a/M, 30.5.2015. No parts of this document may be republished in any form without prior permission by the copyright holder.