TITUS
Balavariani, Red. A
Part No. 42
Previous part

Chapter: 43  
Page of edition: 94  
Line of edition: 9        43. და წარავლინნა დასტურნი თჳსნი
Line of edition: 10     მრავალთა გზათა და თჳთ წარემართა გზასა
Line of edition: 11     ერთსა, რომელ უფროჲს საგონებელ იყო წევნად
Line of edition: 12     ბალაჰვარისა. და ვლნა დღენი მრავალნი
Line of edition: 13     და არავინ პოვა, და ფრიად დაშურა და შეშფოთნა,
Line of edition: 14     და უნდა გარე-შექცევაჲ. მაშინ იწყო
Line of edition: 15     რაქის მარაგებად წინაჲსწარ ცნობისათჳს, თუ
Line of edition: 16     განემარჯუებისა, რასა-იგი ეძიებენ, და ჰრქუა
Line of edition: 17     მეფესა: აჰა ესერა სათუალავი გუაუწყებს,
Line of edition: 18     ვითარმედ არა ვიქ[ც]ეთ თჳნიერ განმარჯუებისა,
Line of edition: 19     და პყრობილთაცა ვჰხედავ, რომელნი
Line of edition: 20     მოიწევიან ჩუენდა, და ახლოს არს ესე. ხოლო
Line of edition: 21     უკუეთუ ინებოს მეფობამან შენმან, რაჲთა
Line of edition: 22     Manuscript page: 90V  დაადგრე დღეს აქა, და მე წარმავლინო.
Line of edition: 23     ხოლო მეფე ერჩდა მას და წარავლინა
Line of edition: 24     იგი მცირითა სპითა.

Line of edition: 25        და იყო მიმწუხრი. და იხილნა გროინ
Line of edition: 26     მძო[ვ]ართანი მიმავალნი. და ვითარ მიეახლა,
Line of edition: 27     კაცნი ვინმე იყვნეს ღმრთის მსახურნი მეუდაბნოენი,
Line of edition: 28     რომელთა ქრისტესთჳს სრულიად
Line of edition: 29     დაეტევა საწუთროჲ ესე, და იყო შორის
Line of edition: 30     მათსა კაცი ერთი, რომელსა ეკიდა ძუალები
Line of edition: 31     მკუდართაჲ საბლითა რაჲთამე ძუელითა, და
Line of edition: 32     წინა-უძღოდა გროთა მათ. ხოლო ბალაჰვარ
Line of edition: 33     არა იყო მათ თანა, რამეთუ რაქის იცოდა
Line of edition: 34     იგი. ჰრქუა მათ რაქის: სადა არს იგი, რომელმან
Line of edition: 35     აცთუნა და წარწყმიდა ძე მეფისაჲ?
Line of edition: 36     ჰრქუა მას კაცმან მან, რომელსა ეკიდა ძუალები:
Line of edition: 37     იგი არა არს ჩუენ თანა და ვერცა
Line of edition: 38     ძალ-უც დათმენაჲ ჩუენ შორის, არამედ
Page of edition: 95   Line of edition: 1     თქუენდა უმახლობელეს არს იგი. და თქუა
Line of edition: 2     წმიდამან მან კაცმან: ვიცი იგი, რომელსა
Line of edition: 3     ჰრქჳან Manuscript page: 91R  რაქის, ეშმაკი არს იგი. ესრე
Line of edition: 4     ვჰგონებ, თუ თქუენ შორის არს იგი. ჰრქუა
Line of edition: 5     რაქის: მე ბალაჰვარისთჳს გკითხე. ჰრქუა
Line of edition: 6     წმიდამან მან კაცმან: რაჲსათჳს უკუე სთქუ,
Line of edition: 7     ვითარმედ აცთუნა და წარწყმიდაო? ესრეთ
Line of edition: 8     ჯერ-იყო მისთჳს კითხვად: სადა არს, რომელმან
Line of edition: 9     ასწავა და აცხოვნაო. ხოლო იგი ძმაჲ
Line of edition: 10     და მოყუასი არს ჩუენი და არა გჳნახავს
Line of edition: 11     მრავლით ჟამითგან. ჰრქუა რაქის: გჳთხარ
Line of edition: 12     უკუე ადგილი მისი, სადა იყოფინ? ჰრქუა
Line of edition: 13     კაცმან მან [წმიდამან]: უკეთუმცა უნდა
Line of edition: 14     შემთხუევაჲ თქუენი, მო-მცა-გიძივნა. ხოლო
Line of edition: 15     ჩუენ არა მოვატყუებთ, რომელი არა ჰნებავს
Line of edition: 16     მას. ჰრქუა რაქის: სიკუდილით მო[გაკ]უდინნეს
Line of edition: 17     მეფემან. ჰრქუა კაცმან მან ქრისტეს
Line of edition: 18     მოყუარემან: რასა უკუე ჰხედავ ჩუენ თანა
Line of edition: 19     საშუებელსა, რომლისათჳსმცა გუეყუარებოდა
Line of edition: 20     ყოფაჲ სოფელსა ამას შინა და გჳძნდამცა
Line of edition: 21     სიკუდილი Manuscript page: 91V  ქრისტესთჳს, რომლითა გუაშინებ
Line of edition: 22     ჩუენ!? მაშინ წარიქცინა წმიდანი
Line of edition: 23     იგი რაქის და მიჰგუარნა მეფესა. და ვითარცა
Line of edition: 24     იხილნა იგინი მეფემან, შეუძნდა, რამეთუ
Line of edition: 25     ესრეთ ჰგონებდა, ვითარმედ აუწყუედიან
Line of edition: 26     ქუეყანით სრულიად. ჰრქუა მეფემან წმიდათა
Line of edition: 27     მათ: უკუეთუ გიტჳრთავს ძუალები ესე სიყუარულისა
Line of edition: 28     და ტკივილისა მისთჳს უფალთა
Line of edition: 29     მათთაჲსა, დღეს უკუე თავებიცა და ძუალები
Line of edition: 30     თქუენები შეერთოს რიცხუსა მათსა. ჰრქუა
Line of edition: 31     კაცმან მან წმიდამან, რომელსა ეკიდა ძუალები:
Line of edition: 32     ჩუენ თავთა ჩუენთა უფრო ვსწყალობთ
Line of edition: 33     და ვსტირთ, ვიდრე უფალთა ამის ძუალებისათა,
Line of edition: 34     რამეთუ იგინი განსუენებასა არიან
Line of edition: 35     და ჩუენ სოფელსაღა შინა წუთ ვტყუვით.
Line of edition: 36     ხოლო სურვილითა მათითა* გჳტჳრთვან ძუალნი
Line of edition: 37     მათნი, რამეთუ დღითი-დღე სიკუდილსაცა
Page of edition: 96   Line of edition: 1     მოგუაჴსენებენ. Manuscript page: 92R  ჰრქუა მეფემან:
Line of edition: 2     რაჲთა უკუე ძუალები ესე დამდნარები უფროჲს
Line of edition: 3     მოგაჴსენებს სიკუდილსა ბრძენთა, ვიდრე
Line of edition: 4     ძუალებსა ამას, რომელი ჴორცთა შინა
Line of edition: 5     გიტჳრთავს? ჰრქუა კაცმან მან წმიდამან:
Line of edition: 6     ამისთჳს უფრო მამხილებელ არიან, რამეთუ
Line of edition: 7     ძუალნი მკუდართანი არიან, ხოლო ძუალნი
Line of edition: 8     ჩუენნი ცოცხალ არიან, და უკუეთუ ძუალები
Line of edition: 9     მკუდართაჲ და ცოცხალთაჲ სწორ არიან,
Line of edition: 10     ვითარ-ესე შენ იტყჳ, რაჲსა უკუე არა მოიჴსენებ
Line of edition: 11     სიკუდილსა, რამეთუ ჴორცთაცა შინა
Line of edition: 12     შენთა არიანძუალნი? ანუ ჩუენ რაჲსა
Line of edition: 13     მაბრალებ?

Line of edition: 14        და მერმე მითხარღა, რაჲსა სდევნი წმიდატა,
Line of edition: 15     რომელთა საწუთროჲ ესე დაგიგდეს
Line of edition: 16     და არას გეზიარებიან მას შინა, და არა უფროჲს
Line of edition: 17     სდევნი მათ, რომელნი გაცილობენ და
Line of edition: 18     გეზიარებიან საშუებელთა სოფლისათა?
Line of edition: 19     ჰრქუა მეფემან: ამისთჳს, რამეთუ შეცთომილ
Line of edition: 20     Manuscript page: 92V  არიან თავით თჳსით და აცთუნებენ
Line of edition: 21     მრავალთა და აყენებენ კეთილთა და საშუებელთაგან,
Line of edition: 22     რომელნი დაებადნეს კაცთათჳს.
Line of edition: 23     და გულის წყრომაჲ ესე სწავლაჲ არს მათთჳს
Line of edition: 24     და ერისა, რაჲთა არა აოჴრდეს ქუეყანაჲ,
Line of edition: 25     და ამისთჳს, რამეთუ არა შეიწყნარეს კეთილი
Line of edition: 26     ქუეყანისაჲ. ჰრქუა კაცმან მან წმიდამან:
Line of edition: 27     უკუეთუ ნანდჳლვე ამისთჳს გუასწავლი, რამეთუ
Line of edition: 28     დაუტევეთ საშუებელი ამის სოფლისაჲ
Line of edition: 29     და გნებავს ყოვლისა კაცისაჲ საშუებელსა
Line of edition: 30     შინა ცხორებაჲ, რაჲსათჳს უკუე არა იზიარენ
Line of edition: 31     ყოველნი კაცნი საშუებელთა, რომლითა
Line of edition: 32     შენ იშუებ, არამედ მიუშუ კაცთა საშუებელთა
Line of edition: 33     ზედა, რომელნი შენ არა გიჴმდეს? ჰრქუა
Line of edition: 34     მეფემან: ამისთჳს, რამეთუ არა სწორ არიან
Line of edition: 35     მეფე და მონანი, და ერისთავი და ერი, რამეთუ
Line of edition: 36     კაცად-კაცადმან საზომისაებრ თჳსისა
Line of edition: 37     მიიღოს შუებაჲ და პატივი. ჰრქუა კაცმან
Page of edition: 97   Line of edition: 1     მან წმიდამან: აწვე დაჰჴსნი სიტ\ყჳთავე Manuscript page: 93R 
Line of edition: 2     შენითა სიტყუათა შენთა და ჩანს, რამეთუ
Line of edition: 3     თავისასა ეძიებ და არა კაცთასა. და თუ
Line of edition: 4     გნებავ[ს], გაუწყო, თუ რომლისა ჯერისათჳს
Line of edition: 5     შეიწუები შურითა ვითარცა ცეცხლითა, და
Line of edition: 6     ბოროტის ჩუენებად განმზადებულ ხარ წმიდატა
Line of edition: 7     მიმართ, რომელთა განიძარცუეს სამოსელი
Line of edition: 8     ესე საერისკაცოჲ ამისთჳს, ვითარმედ
Line of edition: 9     აგიოჴრდეს ქუეყანაჲ განმრავლებითა მონაზონთაჲთა,
Line of edition: 10     რამეთუ გნებავს დადგრომაჲ
Line of edition: 11     კაცთაჲ უღელსა ქუეშე მონებისასა, რაჲთა
Line of edition: 12     ეგოს მეფობაჲ შენი მათ ზედა, და გნებავს
Line of edition: 13     დამდაბლებაჲ მათი, რაჲთა ეგოს სიმაღლე
Line of edition: 14     შენი, და გნებავს სიგლახაკე მათი, რაჲთა
Line of edition: 15     ეგოს სიმდიდრე შენი მსგავსად ნებისა შენისა.
Line of edition: 16     და მიუშჳ მათ სოფელსა ამას შინა დიდებისათჳს
Line of edition: 17     შენისა, ვითარცა გინდა, და დააკლე
Line of edition: 18     მათ ნებაჲ შენი და შუვამდგომელ ჰყავ
Line of edition: 19     შორის შენსა და შორის კაცთა ნებაჲ შენი.
Line of edition: 20     და გიჴმან კაცნი Manuscript page: 93V  მონადირედ საქმეთა ზედა
Line of edition: 21     სოფლისათა, ვითარცა რაჲ მოიდგნის კაცმან
Line of edition: 22     ქორნი გინა ძაღლნი, და დააბნის და ამშიის,
Line of edition: 23     რაჲთა უმეტეს განძჳნდენ ნადირთა ზედა.
Line of edition: 24     ხოლო რაჟამს განემარჯჳს შეპყრობაჲ ნადირისაჲ,
Line of edition: 25     გამოსტაცის იგი პირისაგან მისისა
Line of edition: 26     და საბლითა და ჯაჭჳთა ქუე დააბის. მაშინ
Line of edition: 27     ძლევაჲ იგი მისი სინანულად გარდაექცის და
Line of edition: 28     სიხარული მისი გლოვედ, და ნაცვალად ყუავილისა
Line of edition: 29     მის და ქებისა პირველისა, დამჴობაჲ*
Line of edition: 30     და გარე განძებაჲ მიაგიან. ესრე სახედ შეაკუეთენ
Line of edition: 31     კაცნი სოფელსა ამას, რაჲზომ გინდა,
Line of edition: 32     და დააყენენ მისგან, ვითარცა გთნდა, და
Line of edition: 33     არარას მიუშჳ მას შინა, გარნა რომელი-იგი
Line of edition: 34     ძალ არს შენდა საქმეთა შინა სოფლისათა.
Line of edition: 35     ამის გამო ჩანს, რამეთუ ეძიებ თავისასა და
Line of edition: 36     არა მოყუსისასა. და ამის Manuscript page: 94R  [პირი]სათჳს
Line of edition: 37     გნებავს მიქცევაჲ ჩუენი სოფლად.

Line of edition: 38        ჰრქუა მეფემან: მითხარღა, არისა მოყუასთა
Line of edition: 39     შენთა შორის უაღრესი შენსა? ჰრქუა
Page of edition: 98   Line of edition: 1     კაცმან მან წმიდამან: არავინ არს უაღრესი
Line of edition: 2     ჩემსა მათ შორის და არცა ვინ უდარესი ჩემსა
Line of edition: 3     მათგანი, რამეთუ ჩუენ ყოველნი ქრისტეს
Line of edition: 4     მიერ ერთი ვართ. ხოლო მეტნობაჲ სოფელსა
Line of edition: 5     ამას აქუს, ვითარცა შენ და მოყუასთა შენთა,
Line of edition: 6     რამეთუ ჩუენ შორის არავინ არს უაღრეს
Line of edition: 7     მოყუსისა თჳსისა პატივითა და სიმდიდრითა
Line of edition: 8     და სიაზნაურითა, და არცა ვინ უდარეს არს
Line of edition: 9     ჩუენ შორის მოყუასსა თჳსსა სიგლახაკითა
Line of edition: 10     და ნაკლულევანებითა და შეურაცხებითა.
Line of edition: 11     მაშინ ბრძანა მეფემან დაჭრაჲ ჴელთა და
Line of edition: 12     ფე[რ]ჴთა მათთაჲ და აღმოჴდაჲ თუალთა მათთაჲ
Line of edition: 13     და დაყრაჲ გზასა ზედა არცა მკუდრად
Line of edition: 14     და ცოცხლად. და უბრძანა მეფემან რაქისს
Line of edition: 15     მოყვანებაჲ ნაქორისი, რომელი-იგი იყო
Line of edition: 16     მსგავსი Manuscript page: 94V  ბალაჰვარისი.


Next part


This text is part of the TITUS edition of Balavariani, Red. A.

Copyright TITUS Project, Frankfurt a/M, 30.5.2015. No parts of this document may be republished in any form without prior permission by the copyright holder.