TITUS
Balavariani, Red. A
Part No. 45
Previous part

Chapter: 46   Link to balavarb
Page of edition: 107  
Line of edition: 26        46. Manuscript page: 104V  და ხვალისა დღე კუალად მოვიდა
Line of edition: 27     მეფე ძისა თჳსისა, და შეიტკბო იგი მკერდსა
Line of edition: 28     თჳსსა და მოეხჳა ქედსა მისსა, და ეტყოდა:
Line of edition: 29     ნუ, შვილო ჩემო, და ნაწლეო მუცლისა ჩემისაო,
Line of edition: 30     რამეთუ არა გიღირს ყოველსა შინა
Line of edition: 31     შეტ[ყ]უებასა, თუმცა მეჭუდი თავსა ზედა
Line of edition: 32     ჩემსა და სთქუმცა, ვითარმედ: ნეფსით დაუტეობ
Line of edition: 33     უმჯობესსა და მოვიგებ წარსაწყმედელსა
Line of edition: 34     და აღვირჩევ საცთურსა, რამეთუ შენ
Line of edition: 35     უწყი სიმტკიცე და შეურყეველობაჲ გონებისა
Line of edition: 36     ჩემისაჲ. და უკუეთუ სთქუა, ვითარმედ:
Line of edition: 37     დამძიმდეს ჩემ ზედა წესნი ჭეშმარიტებისანი
Line of edition: 38     და ამისთჳს მიმიზიდნეს ნებასა და გულის-თქუმასა,
Page of edition: 108   Line of edition: 1     შენ უწყი და ყოველმან კაცმან მოთმინებაჲ* ჩემი, [სა-]
Line of edition: 2     მართალსა ზედა შჯულისა ჩემისასა*. და მრავალ გზის დავაცარიელენ
Line of edition: 3     საგანძურნი ჩემნი ტაძართათჳს კერპ\თაჲსა Manuscript page: 105R  და მსახურთა
Line of edition: 4     მისთა, და წინა-უყავ ყოველი მონაგები ჩემი, და მრავალ
Line of edition: 5     გზის პატივ-[ვ]სცი კაცსა შეურაცხსა ნათესავითი, რაჟამს ვცნი კეთილად
Line of edition: 6     სლვაჲ მისი შჯულსა შინა ჩემსა, ვიდრემდის აღუდგი საჯდომთაგან
Line of edition: 7     ჩემთა და წინა მივეგები მშჳდობისა მიცემად მისა და
Line of edition: 8     დავდგი წინაშე მისსა, ვითარცა მონაჲ, ვითარცა მონაჲ რაჲ დგანნ
Line of edition: 9     წინაშე უფლისა თჳსისა. და უკუეთუ საშუებელთა ძიებისათჳს იყო
Line of edition: 10     განზრახვაჲ ესე ჩემი, ვითარ-ესე შენ ჰგონებ ჩემთჳს, რაჲსათჳსმცა
Line of edition: 11     მოვწყჳდენ მონანულნი კაცნი, რომელთა დაუტევეს სოფელი ესე
Line of edition: 12     ჴელთა შინა ჩემთა და არარას მეზიარებოდეს და ა[რ]ცა მაცილობდეს
Line of edition: 13     რასამე მას შინა ყოვლადვე?! რამეთუ მოკლვაჲ და ტანჯვაჲ
Line of edition: 14     არა იქმნების, გარნა გულის წყრომისა მიერ და გაჴურვებისა
Line of edition: 15     გულისა. და გაჴურ\ვებასა Manuscript page: 105V  შინა შფოთი შეამთხჳეს გულსა და
Line of edition: 16     ვნებაჲ სულსა, და მწუხარებაჲ აღიძრვის გონებასა შინა ჟამსა გულის
Line of edition: 17     წყრომისასა. ანუ ვინ უბადრუკთაგანი შთავარდა ესევითარსა
Line of edition: 18     საცთურსა, რომელსა შენ ჰგონებ მამისა შენისათჳს, რაჲთამცა
Line of edition: 19     ესოდენ მიდრიკეს ვნებათა და გულის-თქუმათა, ვიდრემდის შჯულადმცა
Line of edition: 20     დააწესნა იგინი, და წარაგნა მონაგებნი
Line of edition: 21     მისნი მათ ზედა, რომელნი შეუდგეს მას,
Line of edition: 22     და აღლესა მახჳლი მისი მათ ზედა, რომელნი
Line of edition: 23     წინა-აღუდგეს მას. და მერმე იცი სამართალი
Line of edition: 24     მშჯავრისა ჩემისაჲ და შჯაჲ ქურივთაჲ და
Line of edition: 25     ნუგეშინის-ცემაჲ ობოლთაჲ დ[ა] წყალობაჲ
Line of edition: 26     გლახაკთაჲ და ხაშმთაჲ Manuscript page: 106R  ტჳრთვაჲ
Line of edition: 27     უძლურებისა მათისაჲ, და განყოფაჲ საფასეთა
Line of edition: 28     ჩემთაჲ მათ შორის, რამეთუ შენ (უწ)ყი,
Line of edition: 29     [ვ̃დ] მრავალ გზის ოდესმე მივემთხჳი გლახაკთა
Line of edition: 30     და ვნებულთა, გინა თუ ობოლთა და
Line of edition: 31     ქურივთა, და ვერ შეუძლი თანა - წარსვლაჲ
Line of edition: 32     მათგან, ვითარმედ აღვასრული საწადელი
Line of edition: 33     მათი ყოველი. აწ რაჲღა ძალ-გიც, შვილო
Line of edition: 34     ჩემო, ძაგებად შჯულისა ჩემისა და იჭჳსაჲ
Line of edition: 35     მაგის შენისაჲ ჩემდა მომართ? ანუ იტყჳა,
Line of edition: 36     ვითარმედ შევსცეთ გზისაგან მართლისა და
Line of edition: 37     გამოვირჩიე არა გამოსარჩეველი და ვდგა
Line of edition: 38     არა სათნოსა ზედა? ვითარ უკუე ეჭუ განზრახვასა
Page of edition: 109   Line of edition: 1     ჩემსა გამოცდილსა, და განგებასა
Line of edition: 2     ჩემსა საცნაურსა, და კეთილად გამონახვასა
Line of edition: 3     [ჩემ]სა, საქმეთა დაფარულთა, და შეტყუებასა
Line of edition: 4     ჩემსა საქმეთა საეჭუელთა და არა უფროჲს
Line of edition: 5     ეჭუ განზრახვათა შენთა, [ვ] რამეთუ
Line of edition: 6     მსწრაფლ მიდრიკა გონებაჲ შენი წინამსრბოლმან
Line of edition: 7     [ჩ]უევამან და არა გამოიცადე
Line of edition: 8     იგი და არცა უჩუენე საქმე შენი წინამძღუარსა
Line of edition: 9     ბრძენსა და არცა მოძღუარსა მეცნიერსა
Line of edition: 10     და არცა ერთგულსა მტკივანსა, და გინა
Line of edition: 11     [თუ] გონიერსა გამოცდილსა. ანუ ვინაჲ
Line of edition: 12     ნუგეშინის-ცემულ ხარ, თუ არა იხილა ეშმაკმან
Line of edition: 13     შენ თანა სიჩქურე და სისუსტე. და
Line of edition: 14     აღგამაღლა, ვითარმცა მეცნიერებასა ღმრთისასა
Line of edition: 15     მიგაწია და შეგიმკო საცთური ამის გამო
Line of edition: 16     ენითა ბირებულისა მის ბალაჰვარისითა, ანუ
Line of edition: 17     ვითარ იტყჳ საქმესა ამას, რომელსა შეგიყვანა
Line of edition: 18     შენ უცბებით. და განჰბჭე შენ[თჳს]
Line of edition: 19     ჭეშმარიტებაჲ და ჩემთჳს სიცრუვე თჳნიერ
Line of edition: 20     გამორჩევისა მართლისა მსაჯულისაჲთა და
Line of edition: 21     სარწმუნოჲსა მოწამისაჲთა და საცნაურისა
Line of edition: 22     შეტყუებისა, Manuscript page: 107R  რამეთუ შენცა, შვილო
Line of edition: 23     ჩემო, ესრევე ხარ, ვითარცა ერთი ვინმე,
Line of edition: 24     რომლისაცა შჯულისა მპყრობელთაგანი, რომელთა
Line of edition: 25     სიცრუვემან მიუს[. .] [სა]სმენელთა
Line of edition: 26     მათთა და შესცთეს ახალ-სახიობითა მით, და
Line of edition: 27     მერმე ემხილა ჭეშმარიტი, არამედ მისწრობილი
Line of edition: 28     იგი სიცრუვე დანერგულ იყო გულთა
Line of edition: 29     შინა მათთა, და სწორებითა მით უჭეშმარიტესად
Line of edition: 30     ჰხედვიდეს სიცრუვესა, ვიდრეღა მათისა
Line of edition: 31     სიმართლისა. აწ შენცა ეკრძალე, შვილო
Line of edition: 32     ჩემო, რამეთუ მე უწყი, ვითარმედ კეთილსა
Line of edition: 33     გული-გითქუამს, და ესე უმეტესი
Line of edition: 34     მადლი არს მონიჭებული ღმერთთა მიერ
Line of edition: 35     შენდა და შენ მიერ ჩუენდა, რამეთუ ძირმან
Line of edition: 36     მამათა შენთამან მიგიზიდა. და ყოველთა
Page of edition: 110   Line of edition: 1     სახელით* მოაჴსენებდა და ნათესავთა მოასწავებდა
Line of edition: 2     და ცხორებასა მათსა უთხრობდა.


Line of edition: 4        ხოლო იოდასაფს ვითარცა ესმნეს სი[ტ]ყუანი
Line of edition: 5     მეფისანი, Manuscript page: 106V  გულისჴმა-ყო, ვითარმედ
Line of edition: 6     ეშმაკსა საბრჴე დაურწყამს მისთჳს და ვითარმედ
Line of edition: 7     თჳნიერ ყოვლისა ღონისა უჴმს განმზადებად
Line of edition: 8     ბრძოლისა მისისა, და ჰრქუა მეფესა:
Line of edition: 9     მეფე, არარაჲ უსაწადელეს არს ჩემდა,
Line of edition: 10     ვითარ საქმე ესე, რაჲთამცა შემიკრიბეს უმჯობესი
Line of edition: 11     ჩემი და დაჯერებაჲ შენი, ხოლო
Line of edition: 12     უკუეთუ დამაკლდეს დაჯერებაჲ შენი თჳნიერ
Line of edition: 13     ღონისა, თანა-მაც უმჯობესსა ჩემსა, დაღაცათუ
Line of edition: 14     არა გთნდეს შენ, რამეთუ მე ვჰგონებდ,
Line of edition: 15     მეფე, ვითარმედ ცოცხლად განმზრახი
Line of edition: 16     ხარ თჳნიერ ყოვლისა ცთომისა, დაღაცათუ
Line of edition: 17     საქმით აღასრულებ საცთურსა. ხოლო აწ
Line of edition: 18     სალმობაჲ გონებისაჲ და განზრახვისა შენისაჲ
Line of edition: 19     უბოროტესად და უძჳრესად საკჳრველ
Line of edition: 20     არს, ვიდრე სენსა საქმეთა შენთასა. და აწ
Line of edition: 21     მე თანა-მაც, მეფე, თჳნიერ ღონისა, რაჲთა
Line of edition: 22     შევემთხჳო გონებასა მაგას, რომელსა მიუდრე\კიხარ Manuscript page: 108R 
Line of edition: 23     შენ სიბრძნითა, რომელი მახლობელია
Line of edition: 24     არს მისი, რამეთუ თანა-მაც ზრუნვაჲ
Line of edition: 25     მისთჳს და ძიებაჲ წამლისაჲ მისთჳს. და
Line of edition: 26     მე არა მნებავს, მეფე, სიმქისითა მით, რომელსა
Line of edition: 27     გაჩუენებ, თჳნიერ პატივი შენი, რამეთუ
Line of edition: 28     რომელი ზაკუვით გეტყოდის, იგი არა
Line of edition: 29     ერთგული არს შენი. აწ დააცხრვე აღშფოთებაჲ
Line of edition: 30     შენი და დაინახე უმჯობესი შენი და
Line of edition: 31     უწყოდე, რამეთუ ადრე მოსიკუდიდ ხარ და
Line of edition: 32     ყოველსა დიდებასა სოფლისასა დაუტეობ
Line of edition: 33     სხუათა, ვითარცა-იგი, რომელნი წარვიდეს
Line of edition: 34     და დაუტევეს სხუათა, და მერმე კუალად
Line of edition: 35     აღდგომად ხარ და განკითხვად სიტყჳსათჳს
Line of edition: 36     და საქმისა.

Page of edition: 111  
Line of edition: 10        რამეთუ არღავინ დაშთომილ
Line of edition: 11     არს სოფელსა ამას შინა, რომელმანცა თქუა
Line of edition: 12     და ასწავა კეთილი და საქმითა აღასრულა,
Line of edition: 13     გარნა კაცნი ესე მონანი ქრისტეს ღმრთისანი,
Line of edition: 14     რომელ არიან მეუდაბნოენი, რომელთა
Line of edition: 15     ჰრწამს წმიდაჲ სამებაჲ და შჯული მისი წმიდაჲ,
Line of edition: 16     და მისაგებელი უწყიან კაცად-კაცადისაჲ:
Line of edition: 17     საშუებელი და სატანჯველი Manuscript page: 108V . აწ მოიყვანე,
Line of edition: 18     ვინ გნებავს შჯულისა მეცნიერი შენი,
Line of edition: 19     და ვყოთ სიტყუაჲ ურთიერთას შჯულისათჳს
Line of edition: 20     სიმართლისა საშჯელითა, ვიდრემდის გამოჩნდეს
Line of edition: 21     ჭეშმარიტი ცრუჲსაგან.

Line of edition: 22        ხოლო მეფესა ვითარცა ესმნეს სიტყუანი
Line of edition: 23     ძისა თჳსისანი, დადუმნა განცჳბრებული. და
Line of edition: 24     ვითარ მოეგო ცნობასა თჳსსა, იწყო* გულის
Line of edition: 25     სიტყუად და განზრახვად და წინააღდგომად
Line of edition: 26     ნებასა თჳსსა. ხოლო ნებაჲ მისი აცილობდა
Line of edition: 27     და ებრძოდა და მოაჴსენებდა საშუებელთა
Line of edition: 28     და განსუენებათა, რომელ თანა
Line of edition: 29     დაჩუეულ (იყო). და ეტყჳნ გულის სიტყუაჲ
Line of edition: 30     მისი, ვითარმედ ვერ ძალ-გიც ცხორებაჲ დღე
Line of edition: 31     ერთცა თჳნიერ ჩუეულებისა შენისა და ვითარმედ
Line of edition: 32     შეწამებაჲ ცთომილებისაჲ და ჯობნაჲ
Line of edition: 33     სხუათაჲ [. .]რწემე და საყუედრელ არს
Line of edition: 34     შენდა. და ყოვლადვე სასოებაჲ წარიკუეთის
Line of edition: 35     განშორებისაგან ჩუეულებისა მისისა და ვერარაჲ
Line of edition: 36     ღონე მოიგონის, Manuscript page: 109R  გარნა მსახურებაჲვე
Line of edition: 37     და დიდებაჲ კერპთაჲ.

Page of edition: 112  
Line of edition: 1        მაშინ ჰრქუა მეფემან ძესა თჳსსა: შვილო
Line of edition: 2     ჩემო, შემაცთუნა სიტყუამან შენმან და მოვაქციო
Line of edition: 3     შენდა. და აწ არღარა დავაცადო
Line of edition: 4     გამოძიებაჲ სიტყუათა შენთაჲ და გამონახვაჲ
Line of edition: 5     მათი დაწყნარებით. და უკუეთუ ჭეშმარიტ
Line of edition: 6     იყვნეს, უფროჲს განათლდენ გამოძიებასა
Line of edition: 7     შინა ჩემსა. ხოლო უკუეთუ ცრუ იყვნენ,
Line of edition: 8     გამოჩნდეს მას შინა ცთომილებაჲ მათი. და
Line of edition: 9     მე მეგულების კრებაჲ და სიტყჳსა ყოფაჲ
Line of edition: 10     სიმართლით და არღარა მძლავრებით, და
Line of edition: 11     ვბრძანო, რაჲთა ჴმობდეს ქადაგი მიცემად
Line of edition: 12     მშჳდობისა ყოველთა ზედა ქრისტეანეთა,
Line of edition: 13     რომელნი არიან შჯულსა ზედა შენსა, რაჲთა
Line of edition: 14     მოვიდენ კრებასა ამას ჩემსა, რაჲთა სამართალი
Line of edition: 15     საშჯელი აღესრულოს მუნ ცხადად
Line of edition: 16     წინაშე ყოვლისა ერისა, რაჲთა არავის აქუნდეს
Line of edition: 17     მიზეზი რაჲმე და ჰგონებდეს, Manuscript page: 109V  ვითარმედ
Line of edition: 18     მო-რაჲმე-ვიმძლავრეთ, და თქუას
Line of edition: 19     ვინმე, ვითარმედ: უკუეთუმცა მე მუნ ყოფილ
Line of edition: 20     ვიყავ, კრებასა მას, მაქუნდა სიტყუაჲ
Line of edition: 21     ძლევისაჲო, რომლითა უფრო დაჯერებულ
Line of edition: 22     იქმნეს ყოველი ერი, რომელსაცა ზედა განწყდეს
Line of edition: 23     საქმე ჩუენი.


Next part


This text is part of the TITUS edition of Balavariani, Red. A.

Copyright TITUS Project, Frankfurt a/M, 30.5.2015. No parts of this document may be republished in any form without prior permission by the copyright holder.