TITUS
Balavariani, Red. A
Part No. 64
Previous part

Chapter: 66   Link to balavarb
Page of edition: 158  
Line of edition: 16        66. ხოლო იოდასაფს ვითარცა ესმნეს
Line of edition: 17     სიტყუანი ბარაქიაჲსნი, ემხილა სამართალი
Line of edition: 18     საშჯელი მის მიერ და არღარაჲ მიუგო, და
Line of edition: 19     აღდგა ღამესა ერთსა და წარვიდა, და
Line of edition: 20     ჴელით წერილი დაუტევა საგებელთა თჳსთა
Line of edition: 21     ზედა ერისა მიმართ, რომელსა შინა წერილ
Line of edition: 22     იყო, ვითარმედ: ბარაქია ღირს არს მეფედ,
Line of edition: 23     იგი დაადგინეთ. და ამის ჯერისათჳს ყო ესე,
Line of edition: 24     რაჲთა არა შფოთი იქმნეს ერსა შორის მეფობასა
Line of edition: 25     ზედა.


Line of edition: 27        ხოლო ბარაქია იგრძნა, რაჲ-იგი ეგულებოდა
Line of edition: 28     იოდასაფს ყოფად, ოდეს-იგი არღარა
Line of edition: 29     მისცა პასუხი სიტყჳსა მისისაჲ, განვიდა
Line of edition: 30     და შეიკრიბნა მთავარ[ნი] Manuscript page: 161V  და შერაცხილნი
Line of edition: 31     და უთხრა, რაჲ-იგი ჰრქუა იოდასაფ.
Line of edition: 32     და ამხილა, ვითარმედ ეგულების იდუმალ
Line of edition: 33     წარსლვაჲ. ხოლო იგინი მსწრაფლ აღდგეს
Line of edition: 34     და დევნა-უყვეს მრავალთა გზათა. და პოვეს
Line of edition: 35     ნეტარი იგი ერთსა შინა ჴევსა, რამეთუ განეპყრნეს
Line of edition: 36     ჴელნი თჳსნი ჯუარის სახედ და
Line of edition: 37     ილოცვითა ღმრთისა მიმართ. და ვითარცა
Line of edition: 38     იხილნა მიმავალნი მის ზედა, ჰრქუა მათ:
Page of edition: 159   Line of edition: 1     რაჲსათჳს აშრომებთ თავთა თქუენთა, და
Line of edition: 2     მე არღარა ვარ ამიერითგან მეფე თქუენი.
Line of edition: 3     ხოლო კაცთა მათ შეაქციეს იგი არა ნეფსით,
Line of edition: 4     არამედ ტირილითა, და დაალტობდეს ცრემლითა
Line of edition: 5     ფერჴთა მისთა. და ვითარ მოიყვანეს
Line of edition: 6     ქალაქად თჳსად, მაშინ შემოკრბა ყოველი
Line of edition: 7     ერი, დიდითგან ვიდრე მცირემდე, და დედებიცა
Line of edition: 8     და ყრმებიცა, და გარე მოადგეს მას
Line of edition: 9     და ევედრებოდეს ტირილითა და ეტყოდეს:
Line of edition: 10     სისხლნი ჩუენნი შენგან იძიენ (ღმერთმან).
Line of edition: 11     Manuscript page: 162R  და უკუეთუ არა დაადგრე ჩუენ თანა,
Line of edition: 12     კუალად აღვჰმართნეთ კერპნი, და შენ მიეც
Line of edition: 13     სიტყუაჲ ღმერთსა. ხოლო იოდასაფ ჰრქუა
Line of edition: 14     მათ: ქრისტემან, რომელმან გიჴსნა მწუხარებისაგან
Line of edition: 15     უგუნურებისა და გიჩუენა ნათელი
Line of edition: 16     ჭეშმარიტი ღმრთის მეცნიერებისაჲ, მანვე
Line of edition: 17     იღუაწოს დამტკიცებაჲ თქუენი, ხოლო მე
Line of edition: 18     გიჩუენო*, რაჲ-იგი ჯერ-არს, და თქუენ შეიწყნარეთ
Line of edition: 19     და ნაყოფი შრომისა ჩემისაჲ გიჭამიეს.
Line of edition: 20     ამიერითგან არღარაჲ თანა-მაც სიტყჳსაებრ
Line of edition: 21     წმიდისა პავლე მოციქულისა, რამეთუ
Line of edition: 22     სრბაჲ ჩემი აღმისრულებიეს*, და აწ
Line of edition: 23     მოცალებაჲ ჯერ-არს ჩემდა. და განაგრძვეს*
Line of edition: 24     საქმე ესე ვიდრე მეშჳდედ დღედმდე. მერმე
Line of edition: 25     ფიცით იწყო იოდასაფ, ვითარმედ არა დაადგრეს,
Line of edition: 26     არამედ განვიდეს უდაბნოდ.

Line of edition: 27        ხოლო ერსა მას ვითარცა ესმა ფიცი მისი,
Line of edition: 28     ცნეს, რამეთუ არღარაჲ ერგების, რამეთუ
Line of edition: 29     იცოდეს დამტკიცებაჲ მისი, უკუეთუ რაჲმე
Line of edition: 30     აღუთქჳს. Manuscript page: 162V  მაშინ ტირილით ყოველნი იგი
Line of edition: 31     მოვიდოდეს და შეუვრდებოდეს ფერჴთა მისთა
Line of edition: 32     და ამბორს-უყოფდეს და ჰკითხეს მეფობისათჳს.
Line of edition: 33     ხოლო მან ჰრქუა მათ: ბარაქია ჯერ-არს
Line of edition: 34     მეფედ თქუენდა.

Line of edition: 35        ხოლო ბარაქია იწყო ტირილად და არა
Line of edition: 36     უნდა ყოფად ესე, არამედ ვერღარა შემძლებელ
Line of edition: 37     იყო წინააღდგომად ერისა და უფროჲსღა
Line of edition: 38     იოდასაფისა. ხოლო იოდასაფ მოიღო
Page of edition: 160   Line of edition: 1     ბეჭედი იგი სამეფოჲ და შეაცუა ჴელსა
Line of edition: 2     ბარაქიაჲსსა. და აღიხილნა თუალნი ზეცად
Line of edition: 3     წინაშე ყოვლისა ერისა და თქუა: შენ, უფალო
Line of edition: 4     იესუ ქრისტე, რომელი გარდამოჰჴედ წიაღთაგან
Line of edition: 5     მამისათა განუშორებელად და კაც
Line of edition: 6     იქმენ ჩუენ კაცთათჳს, და ხატი მონებისაჲ
Line of edition: 7     შეიმოსე უქორწინებელისაგან სძლისა და ჲხსნენ
Line of edition: 8     კაცნი მონებისაგან ეშმაკისა, გაქებ და
Line of edition: 9     გადიდებ შენ, უფალო კაცთ მოყუარეო, ვითარცა
Line of edition: 10     მიჴსენ მე, მონაჲ ესე შენი უღირსი,
Line of edition: 11     და მომეც მე გულის\ჴმის-ყოფაჲ Manuscript page: 163R  ცნობისა
Line of edition: 12     შენისაჲ და არა ნაკლულევან ჰყავ სული
Line of edition: 13     ჩემი სიხარულისაგან მოქცევისათჳს მამისა
Line of edition: 14     ჩემისა და მომეც ძალი, რომლითა იდიდების
Line of edition: 15     სახელი წმიდაჲ შენი, აწცა აჩუენე კაცთმოყუარებაჲ
Line of edition: 16     შენი და შეეწიე ბარაქიას, ძმასა
Line of edition: 17     ამას ჩემსა, რაითა ღირსად და სათნოდ ვიდოდის
Line of edition: 18     წინაშე შენსა, და რაითა სიყუარულითა
Line of edition: 19     შენითა ვიდოდის წინაშე პირსა ყოვლისა
Line of edition: 20     ერისასა.

Line of edition: 21        ესევითარი ვედრებაჲ განამრავლა ღმრთისა
Line of edition: 22     მიმართ და ჴელნი მისნი დაესხნეს მჴართა
Line of edition: 23     ზედა ბარაქიაჲსთა. და მერმე მიექცა და
Line of edition: 24     ჰრქუა ბარაქიას: აჰა ესერა გამცნებ ბარაქია
Line of edition: 25     და მიგცემ აღთქუმასა წინაშე ღმრთისა და
Line of edition: 26     ყოვლისა ერისა, ნუმცა ბრალეულ ვარ საქმითა
Line of edition: 27     შენითა, რამეთუ ვითარცა უწინარეს ჩემსა
Line of edition: 28     იცან ღმერთი და ჰმონებდი მას სულითა
Line of edition: 29     მით უსიტყუელითა, აწცა უფროჲს ჩემსა Manuscript page: 163V 
Line of edition: 30     იღუაწე, რაჲთა აჩუენო ღმერთსა სათნოებაჲ
Line of edition: 31     შენი სრული. ნუ ვისტას ძჳრსა იჴსენებ,
Line of edition: 32     ნუცა ავლინებ სიტყუათა შენთა, გარნა საღმრთოთა
Line of edition: 33     მიმართ ზრუნვათა; ნუცა ჰყვები
Line of edition: 34     ჟამთა ქცეულებასა, ნუცა განაპებ შჯულსა
Line of edition: 35     ქრისტესსა, ნუმცა წარიტყუენვის გონებაჲ
Line of edition: 36     შენი სიმაღლითა საყდართა შენთაჲთა, ნუცა
Line of edition: 37     ვის ესავ შემწედ შენდა, გარნა მხოლოსა
Line of edition: 38     ღმერთსა. ნუ აჰმაღლდები, უკუეთუ მოიღო
Page of edition: 161   Line of edition: 1     ღმრთისაგან საწადელი შენი, ნუცა განჰმარტებ
Line of edition: 2     ჴელსა შენსა გულის-თქუმითა, რომელი
Line of edition: 3     არა შენი იყოს. ნუცა მოუძლურდები საწადელსა
Line of edition: 4     შინა ღმრთისასა, ნუცა განჰბჭობ რას
Line of edition: 5     თჳნიერ სამართლისა საშჯელისა, ნუცა მიიღებ
Line of edition: 6     ძღუენსა უსამართლოსა ზედა ბჭობასა,
Line of edition: 7     Manuscript page: 164R  [ნუ] დაჰჴსნი უკეთურთა, თუ ვინმე
Line of edition: 8     მოიქცეოდიან მძიმითა უღლითა. ნუცა დაამონებ
Line of edition: 9     გონებასა შენთა ჴორცთა შენთა, ნუ
Line of edition: 10     უტეობ ენასა შენსა თჳნიერ ხარტუკისა*, ნუცა
Line of edition: 11     განიხარებ ჭირსა ზედა მტერისასა, დაღაცათუ
Line of edition: 12     იყოს იგი უკეთურ. ნუცამცა განცოფნების
Line of edition: 13     გონებაჲ შენი რისხვასა შინა შენსა.
Line of edition: 14     ნუ ვის მიჰხედავ თუალითა ზაკულითა, ნუცა
Line of edition: 15     ვის მოიძულებ თჳნიერ სამართლისა. ნუცა
Line of edition: 16     ვის ბოროტსა მიაგებ თავისა შენისათჳს, გარნა
Line of edition: 17     შურისათჳს საღმრთოჲსა. ნუცა ცარიელსა
Line of edition: 18     მიაქცევ გლახაკსა კარისაგან შენისა. ნუ განუტეობ
Line of edition: 19     გონებასა წყურიელსა სიტყჳთა ზეგარდამოჲთა.
Line of edition: 20     ამას გამცნებ წინაშე ღმრთისა,
Line of edition: 21     უკუეთუ დაიმარხო, სცხონდე, და უკუეთუ
Line of edition: 22     თანა-წარჰჴდე, ღმერთი იყავნ მიმჴდელ Manuscript page: 164V 
Line of edition: 23     აღნათქუემისა შენისა. ხოლო სარწმუნო არს
Line of edition: 24     ღმერთი, რომელმან არა განგიხილოს უფროჲს
Line of edition: 25     ძალისა შენისა და მერმე ჰრქუა: იყავნ
Line of edition: 26     ღმერთი უფალი იესუ ქრისტე დასაბამ ყოვლისა
Line of edition: 27     საქმისა შენისა და იგივე დასასრულ.

Line of edition: 28        გამოიცადე ყოველი და გამოირჩიე უმჯობესი. ბოროტ არს
Line of edition: 29     სიგლახაკე უთმინოებით და უბოროტეს არს სიმდიდრე განლაღებით.
Line of edition: 30     ეძიებდი კეთილსა ღმრთისაგან, რამეთუ იგი თავადი არს
Line of edition: 31     ყოვლადვე კეთილი. კრულ ყავ ყოველი გუამი შენი და მოიკრძალე
Line of edition: 32     შიშითა ღმრთისაჲთა. აღჳრ-ასხენ გულის-თქუმასა შენსა, რაჲთა
Line of edition: 33     არა გარეშე გონებისა განჰვარდე. იყავნ მეცნიერებაჲ შენი გონიერებით,
Line of edition: 34     რაჲთა არა შთაჰვარდე სილა(ღე)სა, იყავნ სწავლულებაჲ
Line of edition: 35     შენი სანთელ ცხორებისა შენისა და ნუ ჰგონებ თავსა შენსა თჳნიერ,
Line of edition: 36     რაჲ-იგი ხარ. Manuscript page: 165R  [გ]ანიხილე ყოველი და იომქდე, რომელი-იგი
Line of edition: 37     ჯერ-არს. უცხოდ ჰხედევდ თავსა შენსა და უცხოთა შეიწყნარებდი.
Line of edition: 38     მოიახლე საჯდომი მოშიშთა ღმრთისათაჲ და განეშორე საჯდომელსა
Page of edition: 162   Line of edition: 1     უშჯულოთასა. ნუ იხარებ ჭირსა ზედა მოყუსისასა, ნუკუე
Line of edition: 2     მოშურნე და მომცხრომელ იპოვო, და უფროჲსღა წარიწირე თავი
Line of edition: 3     თჳსი ღმრთისათჳს, ვიდრე სიკუდილამდე. უკუეთუ ესე დაიმარხო,
Line of edition: 4     აცხოვნო თავი შენი და ერი შენი, და ვითარცა მსხუერპლნი სულიერნი
Line of edition: 5     მიუპყრენ იგინი ღმერთსა და იგი თავად ქრისტე მზრუნველ
Line of edition: 6     და განმგებელ გექმნეს ყოველთა ზედა საქმეთა შენთა.

Line of edition: 7        უკუეთუ იცი, ვითარმედ უცოდველ ხარ წინაშე ღმრთისა, ნუ
Line of edition: 8     შეუნდობ შეცოდებასა კაცთასა; ხოლო უკუეთუ კულა იცი, ვითარმედ
Line of edition: 9     განიკითხვი, შენცა თანა-გაც მიტევებაჲ. ვითარცა ვა\ჭარმან Manuscript page: 165V 
Line of edition: 10     ახლად მომცემელმან წარიძძღუანე მოწყალებაჲ, რამეთუ ღმერთი
Line of edition: 11     მოწყალებისა წილ მოწყალებასა მიაგებს. არავის მიეცემის
Line of edition: 12     უფროჲს, რომელი-იგი გონებასა აქუს, და შენვე რას შემძლებელ
Line of edition: 13     ხარ წარძღუანებად უფროჲს მოწყალებისა! ამისთჳს მისცემდ გლახაკსა
Line of edition: 14     მისაცემელსა.

Line of edition: 15        იყავნ სოფელი ესე სავაჭრო შენდა და უკუეთუ ჰვაჭრობდე,
Line of edition: 16     შეიძინო, რამეთუ მცირედ მისცემ და ფრიად გამოგაქუს, წარმავალსა
Line of edition: 17     წარაგებ და წარუვალსა მოიგებ. ხოლო უკუეთუ აქა არა
Line of edition: 18     იღუაწო, თანა-წარჰვალ სავაჭროსა, რამეთუ წარმატებაჲ კეთილისაჲ
Line of edition: 19     უმჯობეს არს, ვიდრე დაკლებაჲ მისი. ამაღლდებოდე გონებითა
Line of edition: 20     და ნუ გულის სიტყჳთა, რამეთუ ერთი იგი აღამაღ\ლებს Manuscript page: 166R 
Line of edition: 21     ღმრთისა, ხოლო მეორე იგი დააკუეთებს ქუესკნელად, რამეთუ
Line of edition: 22     დაღაცათუ ვინმე ჰგონებდეს სრულ-ყოფასა, იგი ქუემოღა
Line of edition: 23     არს მცნებათა ქრისტესთა. უმჯობეს არს სმენაჲ უშუერისაჲ, ვიდრეღა
Line of edition: 24     თჳთ იტყოდი. ნუ მიენდვები დაყუდებით სლვასა ნავისა შენისასა,
Line of edition: 25     ვიდრემდის მიიწიო ნავთსადგურსა, რამეთუ მრავალთა
Line of edition: 26     დაექცა ნავი დაყუდებასა შინა და მრავალნი თანა-წარჰჴდეს მშჳდობით
Line of edition: 27     აღტეხასა ღელვათასა და საშინელთაგან ნიავ-ქართა. ნუ გულპყრობილ
Line of edition: 28     იქმნები ფრიად და ნუცა სასო-წარკუეთილ იქმნები ფრიად.
Line of edition: 29     განყიდე ყოველი მონაგები შენი და მოიყიდე ქრისტე ღმერთი
Line of edition: 30     უსესყიდლოჲ, რამეთუ მონაგები იგი მცირედ ჟამ შენი არს, ხოლო
Line of edition: 31     უკუეთუ ყოვლისა მიცემაჲ გიმძიმდეს, ზოგი მიეც. მოჰპარე მღილსა
Line of edition: 32     და მპა\რავსა Manuscript page: 166V  და მოვალე ყავ მით ღმერთი, რამეთუ უმეტესი
Line of edition: 33     მოგაგოს, კოტრითა და ნაძუელავითა მოირრ̄ ქებაჲ ღმრთისაგან.
Line of edition: 34     არავინ არს უდასტურეს კაცისა მთხოველისა, რამეთუ არავინ აქუს,
Line of edition: 35     გარ[ნ]ა ღმერთი, ამისთჳს მოიყიდე იგი წყალობითა. ნუ გრცხუენოდენ,
Line of edition: 36     თუ ვინმე გრქუას: უკეთუროო, რამეთუ უმჯობეს არს,
Line of edition: 37     უკუეთუ თჳთ იყოს სახიერი, ვიდრე ძე იყოს სახიერისაჲ და თჳთ
Line of edition: 38     იყოს უკეთურ. ესე ვნება არს.

Page of edition: 163  
Line of edition: 1        იყავ ყოვლისა კაცისათჳს და ყოვლისა
Line of edition: 2     ერისათჳს, ვითარცა გნებავს ყოფაჲ მათი შენთჳს;
Line of edition: 3     ეკრძალე მეგობართა ცრუთა, რამეთუ
Line of edition: 4     იგი არს მეგობარი სარწმუნოჲ, რომელი არა
Line of edition: 5     ჭიქამან მოიგოს, არამედ გამოცდილებამან
Line of edition: 6     ჟამთა შინა, რომელი არა მას Manuscript page: 167R  გეტყოდის,
Line of edition: 7     რომელი შენ გაშუნდეს, არამედ რომელი-იგი
Line of edition: 8     სულსა გერგებოდის შენდა ერსა
Line of edition: 9     შენსა. ესევითარსა ნუ ვინ ესწორებინ შენ
Line of edition: 10     თანა, და სიყუარულისა მისისაჲ ნუმცა არს
Line of edition: 11     დასასრულ გულსა შინა შენსა, რამეთუ თქუმულ
Line of edition: 12     არს: სახარკოსა ხარკი, საზუერესა
Line of edition: 13     ზუერი და მოვალესა ფასი მისი*. ხოლო
Line of edition: 14     სიყუარულსა არა აქუს საზღვარი, რამეთუ
Line of edition: 15     თუალსა უჴმს თუალი, რომელი-იგი ყოველსავე
Line of edition: 16     ჰხედავს და თავსა თჳსსა ვერ ჰხედავს,
Line of edition: 17     ეგრეთვე ჴელსა - ჴელი და ფერჴსა - ფერჴი,
Line of edition: 18     და მეფესა უჴმს სარწმუნოჲ თანამზრახვალი.
Line of edition: 19     ამისთჳს ყოველსავე შინა იჴუმიე განკითხვაჲ,
Line of edition: 20     ვითარცა-იგი მე განვიკითხე ბალაჰვარის
Line of edition: 21     მიერ, რამეთუ არარაჲ ჴორციელი მომცა
Line of edition: 22     მცნებაჲ, არამედ სულიერისა მიერ Manuscript page: 167V  მცნებისა
Line of edition: 23     მომე(მადლა) [ღმრთ]ისაგან განგებაჲ
Line of edition: 24     ჴორციელიცა, ვითარცა-ესე ჰხედავ. აწ ეგრეცა
Line of edition: 25     მე მიგცემ პირველად სულიერსა და
Line of edition: 26     მერმეღა მშუმინვიერსა. ხოლო უკუეთუ სული
Line of edition: 27     იგი უშუერისა მაწუეველი მოიწიოს შენ ზედა,
Line of edition: 28     თქუ გონებასა შინა შენსა, ვითარმედ: ესე
Line of edition: 29     ყოველსა კაცსა უცნობიეს. და მერმე თავისაგანცა
Line of edition: 30     შენისა გრცხუენოდ(ენ), რამეთუ არა
Line of edition: 31     ჴელ-ეწიფების მიქცევად გზისაგან სიმართლისა,
Line of edition: 32     გარნა თუ დასნეულებულ იყოს ვინმე
Line of edition: 33     სულითა დავიწყებისა ღმრთისაჲთა, ვიდრემდის
Line of edition: 34     კაცი ცოდავნ ცოდვასა საკურნებელად,
Line of edition: 35     შესაძლებელ არნ იგი ჴელოვნებითა მკურნალთაჲთა, და განიკურნის
Line of edition: 36     შეწევნითა ზეგარდამოჲთა, ხოლო რაჟამს გარდაჰმატის სენმან
Line of edition: 37     წამალსა, ჯერ-არნ მოკუეთაჲ ასოჲსაჲ მის განრყუნილისაჲ და
Page of edition: 164   Line of edition: 1     Manuscript page: 168R  განგდებაჲ, ნუუკუე განეზაოს ტანსა და მოიწიოს სასიკუდინესა
Line of edition: 2     სულისასა.

Line of edition: 3        ყოველი სული სუსტი და დაწუნებული მცირედ მორწმუნე
Line of edition: 4     ღმრთისა მიმართ შევარდის ურვასა და გულის სიტყუასა უჯეროსა,
Line of edition: 5     რამეთუ ვითარცა მღილი არა ეკუეთის ხესა მაგარსა, არამედ
Line of edition: 6     ლბილსა და [ჩ]ჩჳლსა; ყოველსა რომელსა ჰსუროდის მერმეთა მიმარტ
Line of edition: 7     [კე]თილთა, მას ესრეთ შეურაცხიეს ყოფაჲ ჴორცთა შინა,
Line of edition: 8     ვითარცა იწროსა დილეგსა. ვერ ღირს ვიქმნეთ მოღებად ნიჭსა
Line of edition: 9     ღმრთისასა, უკუეთუ არა პირველად თავნი თჳსნი განვიწმიდნეთ,
Line of edition: 10     ვითარცა საკუმეველნი სულნელნი და ნელსაცხებელნი პატიოსანნი
Line of edition: 11     არავინ შთ[ა]ასხნის ჭურჭელსა ღნიოშსა. მარხვაჲ ჭეშმარიტი იგი
Line of edition: 12     არს - განშორებაჲ ყოვლისაგან ბოროტისა და პყრობაჲ ენისაჲ და
Line of edition: 13     დაყუდებაჲ გულის წყრომისაჲ, მოთმენაჲ გულის-თქუმათაჲ, Manuscript page: 168V  განყენებაჲ
Line of edition: 14     ენოვნებისაჲ და ტყუვილისა და ფიცისაგან სახელსა ღმრთისასა,
Line of edition: 15     და მოთმინებაჲ ყოვლისაგან ბიწისა, რამეთუ მოთმინებაჲ
Line of edition: 16     ჴორცთა ნებისაჲ მოხუცებულებისა ჟამსა არა მოთმინებაჲ არს, და
Line of edition: 17     არცა საქებელ არს ბოროტისა დატევებაჲ, რომელი არა ნეფსით
Line of edition: 18     იყოს, არამედ რომელი წარჰმატებდეს კეთილსა შინა. მსაჯული
Line of edition: 19     სიმართლისაჲ ჯერ-არს, რაითა ემსგავსოს მოისარსა, რომელმან
Line of edition: 20     უფროჲს ზომისა არა მოჰზიდნის მშჳლდსა, ნუუკუე გარდაავლოს
Line of edition: 21     განსა, და არცა უმცრო ზომისა, ნუუკუე დააკლდეს და ვერ მიაწინეს,
Line of edition: 22     და არცა მრუდად, ნუუკუე აჰჴადოს გარე, არამედ ზომით
Line of edition: 23     ყვის და მართლ თუალი მიაყვანის, რაითა განემარჯოს მიმთხუევაჲ
Line of edition: 24     განისაჲ.

Line of edition: 25        ვიცით წიგნთაგან, ვითარმედ სოფელსა ამას ზღუა ეწოდების,
Line of edition: 26     რამეთუ ცხორება-გულარინილებაჲ მისი მსგავს არს ღელვა[თა]
Line of edition: 27     Manuscript page: 169R  ზღჳსათა. რამეთუ მონაგები და სიმდიდრე დაუდგრომელ
Line of edition: 28     არს და ეგრეთვე სიგლახაკე, არამედ ორნივე ცერსა ზედა დგანან
Line of edition: 29     გარდაქცევად, ვითარცა-იგი ზღუაჲ მსწრაფლ შეიცვალებს დაყუდებასა
Line of edition: 30     [აღ]ტეხითა ღელვათაჲთა და მას შინა გარდაიქცის დაყუდებადვე,
Line of edition: 31     ეგრეთვე არიან საქმენი ამის სოფლისანი. ამით თანა გაც,
Line of edition: 32     რაჲთა იყო ვითარცა მენავე ბრძენი, რომელი არა მიენდვის დაყუდებასა
Line of edition: 33     ზღჳსასა და არცა მოუძლურდის აღშფოთებასა შინა
Line of edition: 34     მისსა და სასო-წარკუეთილ იქმნის.

Line of edition: 35        ამას გამცნებ და შეგვედრებ შენ ღმერთსა, და მიგითუალავ,
Line of edition: 36     და ღმერთი მშჳდობისაჲ, მამაჲ უფლისა ჩუენისა იესუჲს ქრისტესი,
Line of edition: 37     გიძღოდენ ყოველსა ნებასა მისსა, და სული წმიდაჲ მოძღუარ და
Line of edition: 38     მასწავლელ გეყავნ, რამეთუ მისა შუენის დიდებაჲ უკუნითი უკუნისამდე,
Line of edition: 39     ამენ.


Next part


This text is part of the TITUS edition of Balavariani, Red. A.

Copyright TITUS Project, Frankfurt a/M, 30.5.2015. No parts of this document may be republished in any form without prior permission by the copyright holder.