TITUS Texts: Balavariani, Red. B

TITUS
Balavariani, Red. B
Part No. 15

Previous part

Chapter: 23

Link to balavara

Page of edition: 48
Line of edition: 16        23. ჰრქუა იოდასაფ ^*: არასადა ^*
Line of edition: 17     ასმიან მამასა ჩემსა ესევითარნი
Line of edition: 18     სიტყუანი? რამეთუ მე
Line of edition: 19     სიტყჳთა ამით ^*, რომელ მეტყჳ,
Line of edition: 20     განმინათლდების გული, და გონებაჲ
Line of edition: 21     განმხიარულდების, და ფრიად
Line of edition: 22     იშუებს სული ჩემი ^*. ჰრქუა ბალაჰვარ:
Line of edition: 23     არა ასმიეს ესრე ^* ზედამიწევნით.
Line of edition: 24     და ჰრქუა იოდასაფ ^*:
Line of edition: 25     და რად არა იღუაწეს ^* ბრძენთა
Line of edition: 26     კაცთა ამისთჳს ^*? მიუგო ბალაჰვარ:
Line of edition: 27     ამისთჳს ^*, რამეთუ იცოდეს გულის
Line of edition: 28     სიტყუაჲ მისი არა შემწყნარებელად,
Line of edition: 29     და ამისთჳს დააცადეს
Line of edition: 30     თხრობაჲ მისი ^*, რამეთუ ვერ
Line of edition: 31     პო[ვ]ეს ადგილი შეწყნარებისაჲ
Line of edition: 32     მის თანა. თქუა იოდასაფ: ვითარ ^*
Line of edition: 33     ეგების ესე ყოფად, რომელ ^* ვერ
Line of edition: 34     პო[ვ]ეს ადგილი შეწყნარებისაჲ
Line of edition: 35     და ^* თხრობად მისა ^*!?

Page of edition: 49

Line of edition: 1 თხრობაჲ ՙვ^

Line of edition: 2        ჰრქუა ბალაჰვარ ^*. - ეგე სახე
Line of edition: 3     არს მეფობისაჲ მის, რომელი განაგებდა
Line of edition: 4     საქმეთა ^* საწუთოჲსათა.
Line of edition: 5     და ესუა მას თანამზრახველი კაცი
Line of edition: 6     სახიერი და სარწმუნოჲ და
Line of edition: 7     განყენებული ყოვლისაგან საქმისა
Line of edition: 8     ბოროტისა, და ყოველსა კეთილსა
Line of edition: 9     აზრახებდა მეფესა კაცთათჳს, რამეთუ
Line of edition: 10     იყო იგი სჯულიერ Manuscript page: 88V და
Line of edition: 11     ღმრთის მსახურ. და ოდეს იხილის
Line of edition: 12     რაჲ მეფე ^* თაყუანის [მ]ცემელ ^*
Line of edition: 13     კერპთა, შეძრწუნდის ფრიად და
Line of edition: 14     ელმის, ვითარცა ვის ელმის შვილისათჳს ^*.
Line of edition: 15     და მრავალ გზის უნებნ
Line of edition: 16     მის თანა სიტყჳს-ყოფაჲ ^* სჯულისათჳს,
Line of edition: 17     და ჰკითხა მოყუარეთა ამის
Line of edition: 18     ჯერისათჳს. ხოლო მათ ჰრქუეს:
Line of edition: 19     შენ მეცნიერ ხარ შინაგანსა ^* გონებისა
Line of edition: 20     მისისასა, და თუ ოდეს ჰპოო
Line of edition: 21     ადგილი, არქუ მას, არამედ
Line of edition: 22     კრძალვაჲცა ჯერ-არს, რამეთუ დაუძინებელ
Line of edition: 23     არს ეშმაკი ბოროტისათჳს,
Line of edition: 24     და ნუუკუე განაკრთოს იგი
Line of edition: 25     შენ ზედა და ბოროტი გიყოს.

Line of edition: 36        და ფრიად იურვოდა კაცი იგი
Line of edition: 37     მეფისათჳს. და ჰრქუა მეფემან
Page of edition: 50   Line of edition: 1     კაცსა მას ღამესა ერთსა: მოგუალე,
Line of edition: 2     ვიდოდით ^* ქალაქსა შინა,
Line of edition: 3     რაჲთა ვიხილნეთ საქმენი კაცთანი.
Line of edition: 4     წარვიდეს ^* და სლვასა მას შინა
Line of edition: 5     მიემთხჳვნეს ნაგევთა დიდთა. და
Line of edition: 6     იხილა ^* მეფემან სინათლე რაჲმე,
Line of edition: 7     ვითარცა ცეცხლისაჲ მუნით გამო.
Line of edition: 8     და ვითარცა მიეახლნეს ^*, იხილეს
Line of edition: 9     ვითარცა ქუაბი გამოთხრილი
Line of edition: 10     რაჲმე ნაგევთა. მათ შინა იყვნეს ^*
Line of edition: 11     კაცი და დედაკაცი, შემოსილნი
Line of edition: 12     სამოსლითა ბებკულითა, ძუელითა.
Line of edition: 13     და ვითარცა ხედვიდეს, ესმოდა
Line of edition: 14     მუნით ჴმაჲ სიმღერისაჲ. და კაცი
Line of edition: 15     იგი ჯდა ინაჴით ^* სკორესა ზედა,
Line of edition: 16     ხოლო დედაკაცი იგი უროკვიდა
Line of edition: 17     წინა და შეასხმიდა ქებასა, ვითარცა
Line of edition: 18     შუენის მეფეთათჳს. და
Line of edition: 19     უფლით ხადოდა მას, ხოლო იგი დედოფლით.
Line of edition: 20     და ორნივე ^* იხარებდეს ^*
Line of edition: 21     და განსცხრებოდეს. ხოლო
Line of edition: 22     მეფე იგი და თანამზრახველი მისი
Line of edition: 23     მყოვარ ^* ჟამ ხედვიდეს და განიცდიდეს
Line of edition: 24     საქმეთა მათთა, და წარვიდეს
Line of edition: 25     განკჳრვებულნი. და ჰრქუა
Line of edition: 26     მეფემან ^* მოყუასსა ^* მას ^*: არასადა
Line of edition: 27     გუთნდა ცხორებაჲ ჩუენი,
Line of edition: 28     ვითარ ამათ გლახაკთა, და არცა
Line of edition: 29     ესრეთ მხიარულ ვართ, ვითარ
Line of edition: 30     ესენი. და ამას ვჰგონებ ^*, ვითარმედ
Line of edition: 31     ამას შინა არიან ყოველნი
Line of edition: 32     დღენი ამათნი.

Page of edition: 51
Line of edition: 1        მაშინ პო[ვ]ა ადგილი ^* სიტყჳსაჲ
Line of edition: 2     თანამზრახველმან ^* და ჰრქუა: ნუ
Line of edition: 3     ჰგონებ, მეფეო, ვითარმედ დიდებაჲ
Line of edition: 4     და სუფევაჲ, რომელსა ^* ჩუენ
Line of edition: 5     ვიშუებთ, ესრე სახედ შერაცხილ
Line of edition: 6     არს წინაშე მათსა, რომელნი
Line of edition: 7     ღმრთის მსახურებით ცხოვნდებიან.
Line of edition: 8     და სახლები ესე ოქრო-ქანდაკებული ^*,
Line of edition: 9     რომელნი-ესე ვიშენენით,
Line of edition: 10     და სიშუენიერე ^* ხატისაჲ
Line of edition: 11     და ბრწყინვალებაჲ სამოსელთაჲ,
Line of edition: 12     არად ^* ჰკჳრს მათ, რამეთუ ხედვ\ენ Manuscript page: 89R
Line of edition: 13     იგინი ჴელით-უქმნელთა
Line of edition: 14     ზეცისა ტაძართა, თუალთ-შეუდგამთა
Line of edition: 15     სამოსელთა და ამისთჳსცა
Line of edition: 16     იხარებენ, რამეთუ მათ შინა იშუებენ ^*
Line of edition: 17     უკუნისამდე, რომელნი-იგი ^*
Line of edition: 18     განუმზადნა ღმერთმან მოყუარეთა
Line of edition: 19     მისთა.

Line of edition: 20        და ჰრქუა ^* მეფემან: და იცნია
Line of edition: 21     ესევითარისა სახისა მეცნიერნი
Line of edition: 22     კაცნი? ხოლო მან ჰრქუა: არიან
Line of edition: 23     კაცნი, რომელნი მსახურებენ ^*
Line of edition: 24     ღმერთსა და სოფლისა ყოველი
Line of edition: 25     დაუტეობია ^* და საუკუნოჲ იგი
Line of edition: 26     შეუყუარებია ^*, რამეთუ გამოცადეს ^*
Line of edition: 27     სოფელი ესე და პო[ვ]ეს
Line of edition: 28     ყოველი ^* წარმავალად. ჰრქუა
Line of edition: 29     მეფემან: და რაჲ არს სუფევაჲ
Line of edition: 30     საუკუნოჲ, არა შეუთქსა მწუხარებაჲ?
Line of edition: 31     ჰრქუა მას თანამზრახველმან:
Line of edition: 32     სუფევაჲ საუკუნოჲ შუებაჲ არს
Line of edition: 33     დაუსრულებელი, რომელსა არა შეუთქს
Line of edition: 34     მწუხარებაჲ, და სიმდიდრე
Line of edition: 35     - რომელსა არა შეუთქს ^* სიგლახაკე;
Line of edition: 36     და სიხარული - რომელსა არა
Page of edition: 52   Line of edition: 1     შეუთქს ^* ურვაჲ; და სიმრთელე
Line of edition: 2     - რომელსა არა შეუთქს ^* სალმობაჲ;
Line of edition: 3     და მეფობაჲ - რომელსა არა
Line of edition: 4     შეუთქს ^* აღსასრული; და მშჳდობაჲ
Line of edition: 5     - რომელსა არა შეუთქს ^* შიში; და
Line of edition: 6     ცხორებაჲ - რომელსა არა შეამრღუევს
Line of edition: 7     სიკუდილი. რამეთუ იგი
Line of edition: 8     არს სოფელი ^* უხრწნელი, და ^*
Line of edition: 9     მიიღებენ, რომელთა შეიყუარეს
Line of edition: 10     იგი. ჰრქუა მეფემან: არს-მე ვინ ^*
Line of edition: 11     ადგილისა მის ღირს ^*, ანუ ვინ
Line of edition: 12     შემძლებელ არს მუნ შესლვად ^*?
Line of edition: 13     ჰრქუა თანამზრახველმან: არავისთჳს
Line of edition: 14     დაჴშულ ^* არს კარი იგი, ვისცა
Line of edition: 15     ენებოს ^*. ჰრქუა მეფემან: რაჲ
Line of edition: 16     არს გზაჲ იგი, მითხარ! და ჰრქუა ^*:
Line of edition: 17     მსახურებაჲ ღმრთისა მხოლოჲსაჲ,
Line of edition: 18     რომელმან დაჰბადნა ^* ყოველნი
Line of edition: 19     დაბადებულნი. ჰრქუა მეფემან: და
Line of edition: 20     რაჲ გაყენებდა აქამომდე თხრობად
Line of edition: 21     ჩემდა ^* გზაჲ იგი ^*? ჰრქუა
Line of edition: 22     თანამზრახველმან ^*: ზარი მეფობისა
Line of edition: 23     შენისაჲ. ჰრქუა მეფემან: უკუეთუ
Line of edition: 24     საქმე ეგე ესრეთ არს, არა
Line of edition: 25     გჳღირს, რაჲთა უდებ ვიქმნეთ და
Line of edition: 26     ჴელ-ვყოთ ^* მას, რამეთუ ^* თანა-გუაც ^*
Line of edition: 27     შრომაჲ, რაჲთა მივიწივნეთ
Line of edition: 28     მუნ უშფოთველსა მას
Line of edition: 29     ცხორებასა. და ჰრქუა თანამზრახველმან:
Line of edition: 30     აწ უკუე მიბრძანება, რაჲთა
Line of edition: 31     მარადის გაუწყებდე და მოგაჴსენებდე
Line of edition: 32     ჟამითი-ჟამად? ჰრქუა
Line of edition: 33     მას: ნუ ^* ჟამითი-ჟამად, არამედ
Line of edition: 34     დაუცხრომელად დღე და ღამე
Line of edition: 35     იყავნ ზრახვაჲ შენი.

Page of edition: 53
Line of edition: 6        და შემდგომად ^* იწყო ღმრთის
Line of edition: 7     მსახურებად მეფემან და ღირს
Line of edition: 8     იქმნა იგი ადგილსა მას შესლვად,
Line of edition: 9     რომელ ეტყოდა ^* თანამზრახველი
Line of edition: 10     იგი და ორნივე ცხოვნდეს
Line of edition: 11     საუკუნოდ.

Next part

This text is part of the TITUS edition of Balavariani, Red. B.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.