TITUS Texts: Biblia judaica georgice, versio 1

TITUS
Biblia judaica georgice, versio 1
Part No. 10

Previous part

Chapter: 10
Verse: 1    და ესენი გვარიშვილობაები შვილები ნოახისა: შემი, ხამი და იაფეთი, და ებადებოდათ მათ შვილები უკანით იმა ღრმობასა^{86^*}.

Verse: 2    შვილები იეფეტისა გომერი და მაგოგი, მადაი და იავანი, თუბალი და მეშეხი და თირასი.

Verse: 3    და შვილები გომერისა აშკენაზი და რიფათ და თოგარმა.

Verse: 4    და შვილები იავანისა ელიშა და თარშიშ, ქითიმი და დოდანიმ.

Verse: 5    იმის აქიდან გაიყვნენ კუნძულები იმის ერებისა შინა ქვეყნით მათითა, კაცი თანა ენით მისითა, თანა სანათესაოთ მათითა შინა ერებსა მათსა.

Verse: 6    და შვილები ხამისა ქუში და მიცრაიმი, ფუტი და ქენაყანი.

Verse: 7    და შვილები ხუშისა სება და ხავილა, სავთა და რავმა და სავთეხა. და შვილები რავმასი შევა და დედან.

Verse: 8    და ხუშ დეებადა იგი ნიმროდი; იმან დაიწყო საყოფლოდ ძლიერად ქვეყანაზედა.

Verse: 9    ის იყო ძლიერი მონადირე წინაშე უფალსა, და ითქმევა: ნიმროდისებრივ ფალავანდი^{87^*} მონადირე წინაშე უფალსა.

Verse: 10    და იყო პირველი სახემწიფო მისი^{88^*} ბაბელში და ერეხ და აქად და ხალენ შინა ქვეყანასა შინყარისას.

Verse: 11    იმის ქვეყნისა იმისაგან გამოვიდა აშური და ააშენა იგი ნინვე და იგი რეხოვოთი და იგი კალახი

Verse: 12    და იგი რესენი შუა ნინვე და შუა კალახსა, ი ქალაქი იგი დიდი.

Verse: 13    და მიცრაიმ დეებადა იგი ლუდიმი და იგი ყანამიმი^{89^*} და იგი ლეაბიმი^{90^*} და იგი ნაფთუხიმი

Verse: 14    და იგი ფათრუსიმი და იგი ქასლუხიმი, რომ გამოვიდენ იმისგან ფელიშთიმელები და იგი ქაფთორიმები.

Verse: 15    და ქენაყან დეებადა იგი ციდონი, უფროსი მისი, და იგი ხეთი

Verse: 16    და იგი იებუსი და იგი ემორი და იგი გირგაში

Verse: 17    და იგი ახივი და იგი ყარკი და იგი ასინი

Verse: 18    და იგი აარვადი და იგი აცემარი და იგი ახმათი, და შემდეგ^{91^*} დაიფანტენ იმის სანათესავოსა იმის ქენაყანისაგან.

Verse: 19    და იყო საზღვარი იმის ქენაყანისა იმის ციდონისა ბოახა გერარამდე ვიდრე ყაზამდე, ბოახა სედომა და ყამორა და ადმათ^{92^*} ცებორიმი^{93^*} ვიდრე ლაშაყამდე.

Verse: 20    ესენი შვილები ხამისა თანა ნათესაობით მათითა, თანა ენით მათითა, შინა ქვეყნით მათითა, შინა ერებსა მათსა.

Verse: 21    და შემს დეებადა, კვლავ-დე მას, მამა ყოველი შვილები ყებერისა, ძმა იეფეტი იგი დიდი.

Verse: 22    შვილები შემისა ყელამი და აშური და არფახშადი^{94^*} და ლუდი და არამი.

Verse: 23    შვილები არამისა ყუცი და ხულიდი და გეთერი და მაშ.

Verse: 24    და არფახშად^{95^*} დეებადა იგი შალახი და შელახ დეებადა იგი ყებერ.

Verse: 25    და ყებერ დეებადა ორი შვილები, სახელი ერთისა ფელეგი, ნამეთურ^{96^*} შინა დღეებსა მისსა გაიყო იგი ქვეყანა, და სახელი ძმის მისისა იოკტან.

Verse: 26    და იოკტან დეებადა იგი ალმოდად და იგი შალეფ და იგი ხაცარმავეთ და იგი იარახ

Verse: 27    და იგი ადორამ და იგი უზალ და იგი დიკლა

Verse: 28    და იგი ყობალი და იგი აბიმაელი და იგი შება

Verse: 29    და იგი ოფირი და იგი ხავილა და იგი იობაბი. ყოველი ესენი შვილები იოკტანისა.

Verse: 30    და იყო საჯომი მათი^{97^*} იმის მეშასა ბოახა სეფარა, მთასა აღმოსავლეთისას^{98^*}.

Verse: 31    ესენი შვილები შემისა თანა-ნათესაობით მათითა და ენით მათითა, ქვეყნით მათითა, თანა-ერებით მათითა.

Verse: 32    ესენი სანათესაო შვილები ნოახისა თანა-გვარიშვილობაებით მათითა შინა ერებსა მათსა; იმის აქიდან გაიყო იგი ერი შინა ქვეყანაზედა უკანით იმა ღრმობასა^{99^*}.

Next part

This text is part of the TITUS edition of Biblia judaica georgice, versio 1.

Copyright TITUS Project, Frankfurt a/M, 6.5.2015. No parts of this document may be republished in any form without prior permission by the copyright holder.