TITUS
Fenne, Manual
Part No. 10
Previous part

Page: 14  * *
Line: 1    Wiltu in Rußlandtt de sprake lehren
Line: 2    so laht dy˜ van den rußen nicht vorföhren
Line: 3    Holdtt dy˜ na der dutschen wise,
Line: 4    vndt esche vaken frische spise.
Line: 5    Vndt laht dy˜ richten an
Line: 6    alß werestu ein eddellmahn.
Line: 7    Heffstu nicht in dem vahte
Line: 8    so sprick frier tho mahte.
Line: 9    Mach idt dy˜ mit gude nicht gelingen
Line: 10    so laht de vahte auer de dehle springen
Line: 11    Wittbrodt hordt dy˜ tho ehtenn
Line: 12    wultu anders de wahrheidt wehten
Line: 13    se geuen dy˜ sunst woll kaff vnd dreck.
Line: 14    Ock hebben se woll vorgalsterdt speck.
Line: 15    Full flesch daruen se woll vor einem bringen,
Line: 16    datt dunckedt ehnen nicht wesen geringe.
Line: 17    So mustu dar watt in sprekenn
Line: 18    vndtt seggen du wuldt idt ehr rekenn
Line: 19    Wenn se sehen dat du idt nicht wilt lidenn
Line: 20    so werdenn se dinen kiff woll midenn.
Line: 21    Botter laht dy˜ bereiden na der dutschen wise,
Line: 22    der vorgidt och nicht in der spise.
Line: 23    Se geuen di suß de dar is gesmoltenn
Line: 24    nimb du leuer de dar is gesolten
Line: 25    Laht dy˜ güdtt beer bruwen.
Line: 26    so werdt idt dy˜ hernahmahls nicht. geruwenn.


Next part


This text is part of the TITUS edition of Fenne, Manual.

Copyright TITUS Project, Frankfurt a/M, 9.8.2010. No parts of this document may be republished in any form without prior permission by the copyright holder.