TITUS
John Moschus, Leimonarion
Part No. 31
Previous part

Chapter: 30  
Page of edition: 17  
Migne number: 40  
Line of edition: 23        ლ (40). მითხრობდა ამბა ბასილი ბიზანტიელი და თქუა, ვითარმედ:
Line of edition: 24     ვიყავ მე დიდსა ქალაქსა ღმრთისასა ანტიოქიას გრიგოლი
Line of edition: 25     პატრეაქისა თანა. და მოვიდა მუნ იერისალჱმით ამბა კოზმან
Line of edition: 26     საჭურისი, მონაზონი ფარაჲსა მონასტრისაჲ, კაცი მართლმადიდებელი
Line of edition: 27     და ფრიად მოშურნჱ ღმრთისა მართლისა სარწმუნოვებისათჳს
Line of edition: 28     და მიწევნული*11 ყოველთა წიგნთა საღმრთოთა. და დაყვნა
Line of edition: 29     მუნ მცირედნი დღენი და აღასრულა იგი კეთილითა სარწმუნოვებითა
Line of edition: 30     და ღმრთისა მივიდა. და ბრძანა პატრეაქმან, რაჲთა პატივ-სცენ
Line of edition: 31     ნაწილთა*12 მისთა და დადვან იგი საფლავსა, რომელსა შინა
Line of edition: 32     დადებულ იო ეპისკოპოსი ვინმე ერთი უცხოჲ. და შემდგომად
Line of edition: 33     ამისა*13 დღე რავდენმე მივედ მე საფლავსა მას ზედა, რაჲთა
Line of edition: 34     ვილოცო. და მოვიდრიკენ სამ გზის მუჴლნი და ვიხილე მუნ გლახაკი
Page of edition: 18   Line of edition: 1     ვინმე რომელი ითხოვდა ქველის საქმარსა შემავალთაგან ტაძრად.
Line of edition: 2     და ვითარცა მიხილა მე გლახალმან მან ლოცვად საფლავსა
Line of edition: 3     მას ზედა, მრქუა მე:

Line of edition: 4        უფალო და მამაო, ჭეშმარიტად დიდ არს წინაშე ღმრთისა
Line of edition: 5     კაცი იგი, *1 რომელი დაიდვა უწინარჱს დღეთა ამათ საფლავსა ამას.*2

Line of edition: 6        და მე ვარქუ მას: და შენ, რაჲთა უწყი ესე?

Line of edition: 7        ხოლო მან მომიგო და მრქუა მე: მე კაცი ვიყავ განრღუეული
Line of edition: 8     ათორმეთით წლითგან და ვიდევ ტაძარსა ამას შინა, და
Line of edition: 9     ვითარცა დადვეს იგი სალავსა პატივითა, ვთქუ, ვიტარმედ დიდი
Line of edition: 10     ვინმე არს; და ვილოცევდ ღმრთისა მიმართ*3 სახე\ლითა Ms. page: 226v  მისითა,
Line of edition: 11     და მუნთქუესვე განმკურნა მე ღმერთმან მის მიერ უძლურებისაგან
Line of edition: 12     ჩემისა. და დღითი-დღედ მოვალს და ნუგეშინის-მცემს*4
Line of edition: 13     მწუხარებასა ჩემსა. და კუალად სხუაჲ საქმჱ მოგაჴსენო მისთჳს
Line of edition: 14     სასწაული, რამეთუ ვინაჲთგან დაჰმარხეთ იგი აქა,*5 ვიდრე დღესამომდე
Line of edition: 15     ყოველთა ამეთა მესმის მე საფლავით გამო, ეტყჳნ რაჲ
Line of edition: 16     იგი ებისკოპოსსა მას, რომლისა თანა დამარხულ არს: ნუ შემომეხები
Line of edition: 17     მე, ჵ მწვალებელო, განმეშორე ჩემგან, მტერო წმიდისა
Line of edition: 18     კათოლიკე ეკლესიისაო.

Line of edition: 19        და ვიტარცა მესმა მე ესე*6 განრღუეულისა მისგან გლახაკისა,*7
Line of edition: 20     რომელი განკურნებულ იყო, მივედ მე პატრეაქისა და წარმოუთხარ
Line of edition: 21     მას ესე ყოველი და ვევდრეოდე მას, რაჲთა მიბრძანოს
Line of edition: 22     და გამოვიღო*8 გუამი მისი საფლავისა მისგან მწვალებელისა და
Line of edition: 23     სხუასა ადგილსა დავსვა იგი.

Line of edition: 24        მომიგო და მრქუა მე გრიგოლი პატრეაქმან: დაიჯერე ჩემგან,
Line of edition: 25     შვილო ჩემო, ვითარემდ ამბა კოზმანს არარაჲ ევნების ებისკოპოსისა
Line of edition: 26     მისგან მწვალებელისა, არამედ ესეს ამისთჳს იყო, რაჲთა
Line of edition: 27     ჩუენ გუეუწყნენ სათნოვებანი ბერისანი და მჴურვალჱ შური მისი
Line of edition: 28     მართლისა სარწმუნოვებისაჳს*9 შემდგომა[დ]ცა სიკუდილისა მისისა,
Line of edition: 29     და რაჲთა გუეუწყოს ებისკოპოსისა მისცა მწვალებელობაჲ და
Line of edition: 30     არამართლმადიდებლობაჲ.

Next part


This text is part of the TITUS edition of John Moschus, Leimonarion.

Copyright TITUS Project, Frankfurt a/M, 14.2.2016. No parts of this document may be republished in any form without prior permission by the copyright holder.