TITUS Texts: John Moschus, Leimonarion

TITUS
John Moschus, Leimonarion
Part No. 38

Previous part

Chapter: 37
Page of edition: 23
Migne number: 49
Line of edition: 19        ლზ (49). კუალად იგივე ანასტასი ხუცესი წმიდისა აღდგომისაჲ ^*⁶
Line of edition: 20     მითხრობდა, ვითარმედ: მთავარი ვინმე იყო ჴელმწიფჱ ფილისტიმესა
Line of edition: 21     ზედა, სახელით ბეჲმარ. და დღესა ერთსა მოვიდა იგი ^*⁷
Line of edition: 22     ერითა თჳსითა ლოცვად წმიდისა აღდგომასა.^*⁸ და ვითარცა ეგულებოდა
Line of edition: 23     შესლვად წმიდად აღდგომად,^*⁹ იხილა მან ვერძი ერთი,
Line of edition: 24     რომელი მოეგება და სცა რქითა თჳსითა ძლიერად, და უკ[უ]მოაგდო
Line of edition: 25     იგი კარისაგან საფლავისა. ხოლო იგი შეშინდა და კუალადიქცა
Line of edition: 26     შეძრწუნებული. ჰრქუა მას დევტელარმან ^*¹⁰ და ფარგალიტთა:
Line of edition: 27     რაჲსა არა შეხუალ,^*¹¹ უფალო, საფლავად?

Line of edition: 28        მიუგო მთავარმან მან ^*¹² და ჰრქუა მათ: რაჲსათჳს შემოგიყვანებიეს
Line of edition: 29     აქა შინა ვერძი ესე, რომელი მირქენს მე და არა მიტევებს
Line of edition: 30     შესლვად საფლავად?

Line of edition: 31        ხოლო მათ, ვითარცა ესმა ეს მთავარსა მისგან, განკჳრდეს
Line of edition: 32     და შთახდეს საფლავსა მას, და არარაჲ იხილეს.

Line of edition: 33        და ჰრქუეს მას: შევედ, უფალო, რამეთუ არარაჲ არს აქა შინა.
Page of edition: 24   Line of edition: 1     და ვითარცა ენება შესლვად საფლავად, კუალად იხილა ვერძი
Line of edition: 2     იგი, და მოუტევა და სცა მას რქითა თჳსითა და ზეუკუნ აგდო
Line of edition: 3     იგი და არა უტევა შესლვად საფლავად.^*¹ და ვითარცა მრავალ
Line of edition: 4     გზის ყო ესე, და ჰხედვიდა იგი ჩუენებასა მას, და სხუანი იგი
Line of edition: 5     არარას ჰხედვიდეს.

Line of edition: 6        ჰრქუა მას დევტელარმან:^*² გრწმენინ ჩემი, უფალო ჩემო,
Line of edition: 7     ვითარმედ გონებასა შინა ^*³ შენსა არს ზაკუვაჲ რაჲმე ^*⁴ და ამისთჳს არა
Line of edition: 8     გაუფლა ^*⁵ შესლვად მას შინა, არამედ კეთი\ლად Ms. page: 214r ჰყო, უკუეთუ
Line of edition: 9     აღიარნე საქმენი შენნი წინაშე მისსა, რამეთუ იგი სახიერ არს
Line of edition: 10     და მოწყალე და შეგიწყალოს შენ, რამეთუ ჰნებავს ცხორებაჲ შენი.
Line of edition: 11     ამისთჳს გიჩუენა შენ ^*⁶ ესე სახილავი საკჳრველი.

Line of edition: 12        მაშინ მიუგო კაცმან მან დიდითა ტირილითა და ჰრქუა:
Line of edition: 13     ჭესმარიტად, რამეთუ სავსე ვარ მე ყოვლითა ცოდვითა და უშჯულოვებისა
Line of edition: 14     საქმითა.

Line of edition: 15        და დავარდა იგი წინაშე ღმრთისა და აღიარებდა ყოველთა
Line of edition: 16     ცოდვათა თჳსთა ^*⁷ დიდითა ტირილითა.

Line of edition: 17        დაშემდგომად მისა ^*⁸ აღდგა და კუალად აზმნო შესლვად
Line of edition: 18     საფლავად. და კუალად გამოუჩნდა მას ვერძი იგი და არა აუფლა ^*⁹
Line of edition: 19     შესლვად საფლავად.

Line of edition: 20        მაშინ მიუგო და ჰრქუა მას დევტელარმან:^*¹⁰ მართლიად
Line of edition: 21     გეტყჳ შენ,^*¹¹ რამეთუ სხუაჲ რაჲმე მიზეზი არს ^*¹² შენ თანა,
Line of edition: 22     რომლითა ადეყენებით შეწლვად წმიდად საფლავად.

Line of edition: 23        მაშინ მიუგო ^*¹³ მთავარმან ^*¹⁴ და ჰრქუა:^*¹⁵ ნუუკუე ამისთჳს დავეყენები
Line of edition: 24     მე შესლვად წმიდად საფლავად, რამეთუ ^*¹⁶ ვარი ^*¹⁷ მე
Line of edition: 25     შჯულსა ზედა სევეროსისა და არა ვეზიარები მე მართლმადიდებელთა
Line of edition: 26     თანა.

Line of edition: 27        მიუგო მას ^*¹⁸ დევტელარმან და ჰრქუა: ჭეშმარიტად, რამეთუ,
Line of edition: 28     ამისთჳს არა ღირს ^*¹⁹ ხარ შენ შესლვად წმიდად ^*²⁰ საფლავად.

Line of edition: 29        და ვითარცა ესმა ესე მთავარსა მას, მუნთქუესვე ^*²¹ შეაჩუენა
Line of edition: 30     შჯული იგი თჳსი. და მოჰგუარეს მას პორცი დაისსხლი ქრისტჱსი
Line of edition: 31     და ეხიარა იგი.^*²² და ესრეთ შევიდა იგი საფლავად და
Line of edition: 32     არღარაჲ იხილა. და ჰმადლობდა იგი ღმერთსა, რომელმან იჴსნა
Line of edition: 33     იგი წვალებისა მისგან ბოროტისა.

Next part

This text is part of the TITUS edition of John Moschus, Leimonarion.

Copyright TITUS Project, Frankfurt a/M, 14.2.2016. No parts of this document may be republished in any form without prior permission by the copyright holder.