TITUS Texts: John Moschus, Leimonarion

TITUS
John Moschus, Leimonarion
Part No. 39

Previous part

Chapter: 38
Page of edition: 25
Migne number: 50
Line of edition: 1        ლჱ (50). ბეჲსანს შინა, ქალაქსა საკათალიკოზოსა, შევემთხჳენით
Line of edition: 2     ანასტასის ხუცესსა და მან ^*¹ მითხრა ჩუენ ამბა გიორგისთჳს
Line of edition: 3     დაყუდებულისა,^*² და გურქუა,^*³ ვითრამედ: დეკანოზი ვიყავ მე და
Line of edition: 4     ღამესა ერთსა აღვდეგ,^*⁴ რაჲთამცა დავრეკე ჟამსა ცისკრისასა.
Line of edition: 5     და მესმა მე, რამეთუ გიორგი დაყუდებული Ms. page: 214v ტიროდა მჴურვალედ
Line of edition: 6     მწარითა ცრემლითა. და მივედ მისა ^*⁵ და მჰკითხე მას და
Line of edition: 7     ვარქუ:

Line of edition: 8        _ რაჲ არს, მამაო, რაჲსა ესრეთ ^*⁶ განმწარებულად სტირ?
Line of edition: 9     მაუწყე მე.

Line of edition: 10        ხოლო მან არა მომიგო მე სიტყუაჲ.

Line of edition: 11        მაშინ ვიწყე მე ^*⁷ ვედრებად მისა ტირილით,^*⁸ რაჲთა მაუწყოს
Line of edition: 12     მე მიზეზი იგი ტირილისა მისისაჲ. და ვითარცა ფრიად ^*⁹ ვაიძულე
Line of edition: 13     მს მრავლითა ვედრებითა, მაშინ სულთ-ითქუნა სიღრმითა
Line of edition: 14     გულისაჲთა, მომიგო და მრქუა მე:

Line of edition: 15        ვითარ არა ვტიროდი, შვილო ჩემო, რამეთუ ქრისტე, ღმერთი
Line of edition: 16     ჩუენი, განრისხებულ არს ცოდვათა ^*¹⁰ ჩუენთა ზედა და არა ჰნებავს
Line of edition: 17     შეწყალებაჲ ჩუენი, რამეთუ ^*¹¹ ვიიხლე, შვილო ჩემო, თავი ჩემი ^*¹²
Line of edition: 18     მდგომარჱ წივაშე საყდარსა სასინელსა მჴსნელისა ჩუენისასა,
Line of edition: 19     და გარემოჲს მისსა ბევრეული სიმრავლჱ ანგელოზთაჲ და წმიდათაჲ
Line of edition: 20     ევედრებოდეს მას შენდობად ჩუენდა. ხოლო მან არა შეიწყნარა
Line of edition: 21     ვედრებაჲ მათი. და შემდგომად ამისა ^*¹³ მოიწია დედოფალი,
Line of edition: 22     ღმრთის მშობელი, შემოსილი სამოსლითა პორფირითა,
Line of edition: 23     თაყუანის-სცა მას ^*¹⁴ და თქუა: მე მომმადლე შეცოდებაჲ მათი და
Line of edition: 24     შეუნდვე, ხოლო მან არცაღა ვედერბაჲ მისი ისმინა. და ამისთჳს
Line of edition: 25     ვტირ, შვილო ჩემო, რამეთუ მეშინის მე ისხვისა მისგან და
Line of edition: 26     წარწყმედისა, რომელი მოწევნად არს ჟამთა ამათ ჩუენ ზედა.

Line of edition: 27        და ესე სიტყუაჲ მრქუა მე ბერმან ხუთშაბათად განთენებასა.
Line of edition: 28     და მეორესა დღესა პარასკევსა იქმნა ძრვაჲ საშინელი და მრავალნი
Line of edition: 29     ქალაქნი ზღჳს კიდესა დაეცნეს და მრავალნი სულნი წარწყმდეს.
Line of edition: 30     და აღესრულა სიტყუაჲ იგი ბერისაჲ.

Next part

This text is part of the TITUS edition of John Moschus, Leimonarion.

Copyright TITUS Project, Frankfurt a/M, 14.2.2016. No parts of this document may be republished in any form without prior permission by the copyright holder.