TITUS
John Moschus, Leimonarion
Part No. 125
Previous part

Chapter: B4  
Page of edition: 122  
Migne number: 25  
Line of edition: 3        4. [ჟვ]. (25). ძმაჲ ვინმე იყოფებოდა ქოზიფისა მონასტერსა,
Line of edition: 4     და დაესწავა მას ჟამისწირვაჲ ზეპირით, და არა იყო იგი მღდელ,
Line of edition: 5     არცა დიაკონ. და წარავლინეს იგი იერიქოდ მოღებად სეფის კუერისა.*3
Line of edition: 6     და ვითარ მოვიდოდა იგი, იწყო სიტყუათა*4 მათ ჟამისწირვისათა
Line of edition: 7     თქუმად.*5 და ვითარ მოიხუნა*6 იგინი და მისცნა დეკანოზსა,
Line of edition: 8     განჰმზადა დიაკონმან საკურთხეველი*7 და დააგნა იგინი.
Line of edition: 9     ხოლო ნეტარი იოანე მღდელი, რომელი ეპისკოპოს იქმნა კესარია
Line of edition: 10     პალესტინისასა, წარდგა ჟამისწირვად და არა იხილა სული წმიდაჲ
Line of edition: 11     გარდამოსრული მის ზედა ჩუეულებისაებრ.*8 შეწუხნა*9 ფრიად
Line of edition: 12     და თქუა გონებასა თჳსსა: ნუუკუე*10 ვცდე ამას ღამეს წინაშე უფლისა
Line of edition: 13     და ამისთჳს არა გარდამოჴდა სული წმიდაჲ. შევიდა სადიაკონოდ
Line of edition: 14     და დავარდა იგი ქუეყანასა ზედა და იწყო ტირილად.
Line of edition: 15     ეჩუენა მას ანგელოზი უფლისაჲ, და ჰრქუა: ძმამან მან, რომელმან
Line of edition: 16     მოიხუნა*11 სეფის კუერნი*12 ეგე, წართქუა მათ ზედა ლოცვაჲ იგი
Line of edition: 17     ჟამისწირვისაჲ, Ms. page: 194v  და არიან ეგე შეწირულ და შეწყნარებულ. ხოლო
Line of edition: 18     ნეტარმან იოანე ბრძანა, რაჲთა მიერ ჟამითგან არღარავინ დაისწავნეს
Line of edition: 19     სიტყუანი ჟამისწირვისანი ზეპირით ვიდრე მღდელობადმდე
Line of edition: 20     მისა.

Next part


This text is part of the TITUS edition of John Moschus, Leimonarion.

Copyright TITUS Project, Frankfurt a/M, 14.2.2016. No parts of this document may be republished in any form without prior permission by the copyright holder.