TITUS
John Moschus, Leimonarion
Part No. 130
Previous part

Chapter: B9  
Page of edition: 126  
Migne number: 105  
Line of edition: 26        9. რ[ა]. (105). მითხრობდა ჩუენ ბერი ქრისტეფორესთჳს, რომელი
Line of edition: 27     იყოფოდა მონასტერსა წმიდისა თევდოსისსა, ვითარმედ: დღესა
Line of edition: 28     ერთსა შეურდი*17 მას და ვარქუ:*18 ყავ სიყუარული, მამაო, და მითხარ
Line of edition: 29     მე, ვითარ სცხონდებოდე სიჭაბუკესა შენსა? და ვითარ განვამრავლე
Line of edition: 30     ვედრებაჲ ჩემი, და გულისჴმა-ყო ბერმან, რამეთუ სარგებელისათჳს
Line of edition: 31     სულისა ჩემისათჳს ვჰკითხავ მას, მითხრა მე. _ რაჟამს აღვიკუეცე
Line of edition: 32     და დავეწესე მონაზონად, და დიდი მჴურვალებაჲ*19 მაქუნდა,*20
Line of edition: 33     შვილო ჩემო, და [მრავა]ლნი გულის სიტყუანი იყუნეს*21 გულსა ჩემსა,
Page of edition: 127   Line of edition: 1     და დღე ფსალმუნსა ვიწურთიდი,*1 ხოლო ღამით შთავიდი მე ქუ[აბ]სა,
Line of edition: 2     სადა-იგი არს საფლავი წმიდისა თევდოსისი და სხუათ[ა] მამათანი.
Line of edition: 3     და სლვასა მას ჩემსა ყოველსა ზედა პ[არე]ხსა კიბისა[სა]
Line of edition: 4     (რიცხჳსაებრ თურამეტი),*2 ასი მ[ოვი]დრიკი. და ვითარ შთავიდი მე
Line of edition: 5     ქუაბად, დავადგერ ლოცვასა შინა ვიდრე ცისკრისა ჟამადმდე, და
Line of edition: 6     რაჟამს [და]რეკის დეკანოზმან, აღვიდი მე და აღვასრული ცისკრისა
Line of edition: 7     გალობაჲ ძმათა თანა. და დავყავ [შრომა]სა შინა ათერთმეტი წელი
Line of edition: 8     დაუკლებელად და მოუმედგრებელად სხუათა ღუაწლთა და შრომათა
Line of edition: 9     მარხვითა დიდითა და მუცლისა შეკრძალებითა, უპოვარებითა და
Line of edition: 10     მორჩილებითა და ჴორცთა განკაფითა. და დღესა ერთსა მოვედ მე
Line of edition: 11     ქუაბად მი[მწუხ]\რი Ms. page: 198r  ჩუეულებისაებრ, რაჲთამცა ვილოცე და აღვასრულე
Line of edition: 12     განწესებული იგი რიცხჳ მუჴლთა*3 დრეკისაჲ. და შთავედ
Line of edition: 13     ქუაბად. აღტაცებულ ვიქმენ მე გონებითა და ვიხილე ქუაბი იგი სავსე
Line of edition: 14     კანდლებითა, ზოგი ენთებოდა და ზოგი არა. და ვიხილენ ორნი
Line of edition: 15     ვინმე სპეტაკითა მოსილნი, აღანთებდეს კანდლებსა მას, და ვარქუ
Line of edition: 16     მათ: რაჲსათჳს არა მიტეობთ ჩუენ ქუაბსა ამა[ს] ლოცვად, რამეთუ
Line of edition: 17     დაგიდგამს კანდლები ეგე ქუეყანასა ზედა? ხოლო მათ მრქუეს მე:
Line of edition: 18     ესე კანდლები მამათაჲ არს. და მე კუალად ვარქუ მათ: რაჲსათჳს
Line of edition: 19     რომელიმე ენთების და რომელიმე არა? და მრქუეს მე: რომელთა
Line of edition: 20     ჰნებავს კანდელი მათი, აღანთე[ბენ], და რომელთა არა ჰნებავს,
Line of edition: 21     დავსებულ არს. ხოლო მე ვარქუ მათ: ყავთ სიყუარული და მითხართ
Line of edition: 22     მე, უკუეთუ კანდელი ჩემი ენთებისა, ანუ არა? მრქუეს მე:
Line of edition: 23     ილოცევდი და ჩუენ აღვანთოთ. ვარქუ მათ: და მე აქა ჟამადმდე
Line of edition: 24     არღა მილოცავსა და ჟამთა ამათ ყოველთა არა სამე ვიქმოდეა?
Line of edition: 25     და ამას სიტყუასა ოდენ მოვეგე გონებასა ჩემსა, მიმოვიხილე და
Line of edition: 26     არავინ-რაჲ ვპოვე. მაშინ ვარქუ თავსა ჩემსა: ჵ საწყალობელო
Line of edition: 27     ქრისტეფორე, უკუეთუ*4 გნებავს ჴსნაჲ სულისა შენისაჲ, მრავალი
Line of edition: 28     შრომაჲ გიჴმს მოპოვნებად. და ხვალისა დღე გამოვედ მონასტრით
Line of edition: 29     და წარვედ სინად, და არა წარვიტანე თანა გარნა სამოსელი ხოლო,
Line of edition: 30     რომელი მემოსა ჴორცთა ჩემთა. და დავყავ მუნ ერგასისი წელი.
Line of edition: 31     და შემდგომად მისა მოიწია ჩემდა ჴმაჲ, რომელი მეტყოდა:
Line of edition: 32     ქრისტეფორე, ქრისტეფორე, აღდეგ და მოიქეც მონასტრადვე
Line of edition: 33     შენდა, სადა-იგი შურებოდე პორველად ღუაწლითა კეთილითა, რაჲთა
Line of edition: 34     აღესრულო მუნ და დაეფლა მამათა თანა შენთა. და ვითარ
Line of edition: 35     მითხრა ესე ყოველი ნეტარმან ბერმან, შემდგომად მცირედისა შეისუენა
Line of edition: 36     და დაეფლა წმიდათა მამათა თანა ქუაბსა მას შინა.

Next part


This text is part of the TITUS edition of John Moschus, Leimonarion.

Copyright TITUS Project, Frankfurt a/M, 14.2.2016. No parts of this document may be republished in any form without prior permission by the copyright holder.