TITUS
Athanasius / Cyrillus, Vitae Patrum (Mamata Cxorebani)
Part No. 6
Previous part

Vita: Barl.  
Page of edition: 198  
Manuscript page: 95a 
Line of edition: 1  
1* ცხორებაჲ და მოქალაქობაჲ წმიდისა და ნეტარისა
Line of edition: 2  
მამისა ჩუენისა ბარლაამ მოღუაწისაჲ, რომელი
Line of edition: 3  
იყო მთასა კავკასსა


Line of edition: 4        ბრწყინვალესა მას და ზეცისა მოქალაქობასა და ნეტარისა ბარლაამისსა
Line of edition: 5     ვიწყებდე რაჲ მითხრობად, უფლისა ჩუენისა იესუ ქრისტეს საღმრთოსა მას მადლსა
Line of edition: 6     შეწევნად ვხადი მე, რაჲთა შეუძლო ჯეროვნად და შემსგავსებულად დიდთა
Line of edition: 7     მათ ღუაწლთა და საკჳრველებათა მისთა უწყებაჲ, რაჲთა უმეტესად ვჰმადლობდეთ
Line of edition: 8     ყოველნი მორწმუნენი მჴსნელსა ჩუენსა და დაუცადებელად ვადიდებდეთ
Line of edition: 9     სახელსა მისსა წმიდასა, რამეთუ არარაჲსაგან არსებად მომიყვანნა ჩუენ თჳსითა
Line of edition: 10     [95*ბ] მით სახიერებითა. არა თუმცა ჩუენგან საჴმარ რაჲმე მისდა იყო, რამეთუ
Line of edition: 11     ყოველთა მისგან აქუს ცხორებაჲ, და ყოველნი მის მიერ არს არიან, რავდენნიცა
Line of edition: 12     არიან ხილულნი და უხილავნი. და იგი მხოლოჲ არს ყოველთა შემოქმედი, და
Line of edition: 13     მისა მიმართ მხედველ არიან ყოველნივე ცხოველნი, ვითარცა იტყჳს წინაწარმეტყუელი:
Line of edition: 14     თუალნი ყოველთანი შენ გესუენო, და კუალად: კეთილი ჩემი შენდა არა
Line of edition: 15     საჴმარ არსო. გარნა, ვითარ-იგი ვთქუ პირველადცა, თჳსისა სახიერებისაგან მოვიდა
Line of edition: 16     ტკბილი იგი მეუფე ჩუენი არარაჲსაგან არსებად ჩუენდა მოყვანებად Manuscript page: 229r 
Line of edition: 17     და დამბადნა ჩუენ მიწისაგან და სული ცხოველი შთამბერა ჩუენ საღმრთოჲთა
Line of edition: 18     მით წამის-ყოფითა თჳსითა. და ვითარცა რაჲ მეუფჱ, ყოველთა ზედა კაცი განაჩინა
Line of edition: 19     შემოქმედმან ჩუენმან,რავდენნიცა დაჰბადნა მან ქუეყანასა ზედა. და არა თუ
Line of edition: 20     აქამომდე ხოლო განჰფინა მან თჳსი იგი სახიერებაჲ და მოწყალებაჲ კაცსა ზედა,
Line of edition: 21     არამედ ვსცეთით რაჲ და გარდავჰჴედით2* საცხოვრებელსა მას და წმიდასა მცნებასა
Line of edition: 22     მისსა და განვვარდით საშუებელთა მათგან სამოთხისათა და პირველისა მისგან
Line of edition: 23     დიდებისა დავაკლდით მტერ მისა ქმნულნი და ეშმაკისა დამონებულნი, არა უხილავ
Line of edition: 24     მყვნა ჩუენ, არცა სრულიად გარე-მიიქცია ჩუენგან პირი თჳსი ღირსთაგან გარე-მიქცევისა,
Line of edition: 25     არამედ სახიერებითა მით თჳსითა აურაცხელითა და კაცთმოყუარებითა3*
Line of edition: 26     მით გამოუთქუმელითა მოდრიკნა ცანი ტკბილმან მან და მრავალმოწყალემან
Line of edition: 27     უფალმან. და გარდამოჴდა და კაცებაჲ ჩუენი შეიმოსა ყოვლად უხრწნელისაგან და
Line of edition: 28     წმიდისა ქალწულისა, და ჩუენთჳს ჴორციელ იქმნა და განკაცებითა მით თჳსითა
Line of edition: 29     ბუნებაჲ ჩუენი აღადგინა დაცემისაგან და ზე4* აღამაღლა და განაღმრთო და ადიდა
Line of edition: 30     და ჩუენ მომცნა გზად ცხორებისა Manuscript page: 229v  ყოველნი წმიდანი იგი მცნებანი მისნი.
Line of edition: 31     ივნო ჩუენთჳს ჴორცითა და ჩუენ უვნებელობაჲ მომანიჭა უხრწნელთა მათ
Line of edition: 32     მიერ ვნებათა მისთა, მუაკუდინა სიკუდილითა სიკუდილი და პირველი იგი კაცი
Line of edition: 33     ჯოჯოხეთისაგან გამოიჴსნა და კრულნი მას შინა სიმჴნითა მით საღმრთოჲთა გამოიყვანნა.
Line of edition: 34     აღდგა მკუდრეთით და თანა-აღადგინა პირველქმნული იგი მამაჲ
Line of edition: 35     ჩუენი და თანა-ზიარ სუფევისა მისისა სათნო-იყო იგი საუკუნეთა მათ და
Page of edition: 199   Line of edition: 1     უხრწნელთა კეთილთა მისთა, რომელნი განუმზადებიან მას მისთა მოყუარეთათჳს, და რომელთაცა
Line of edition: 2     დაიცვნენ ცხოველსმყოფელნი იგი მცნებანი მისნი და ყვნენ იგინი.
Line of edition: 3     ამაღლდა ზეცად და კაცობრივნი იგი ჴორცნი, რომელ შეიმოსნა ბუნებისა მისგან
Line of edition: 4     ჩუენისა, აღამაღლნა ზესკნელს ცათა და დაჯდა მარჯუენით ღმრთისა და მამისა
Line of edition: 5     ჴორცითა მით ჩუენგანითა, და რომელი-იგი უწინარჱს ქუესკნელთა ჯოჯოხეთისათა,
Line of edition: 6     უქუეს ყოველთასა, დაშჯილ იყო, ბუნებაჲ იგი უმაღლჱს ყოველთა ცათა და
Line of edition: 7     ანგელოზთაჲსა აღიყვანა ქრისტემან, ღმერთმან ჩუენმან, და მეუფე ყოვლისა
Line of edition: 8     ხილულისა და უხილავისა Manuscript page: 230r  ბუნებისა ყო იგი, წმიდისა თანა სამებისა დიდებულ
Line of edition: 9     და ქებულ ყო ერთმან მან სამებისაგანმან შემოსითა მით და შეერთებითა
Line of edition: 10     თჳსითა უკუნითი უკუნისამდე.

Line of edition: 11        ხოლო შემდგომად მაცხოვრისა ჩუენისა ზეცად ამაღლებისა და მარჯუენით
Line of edition: 12     მამისა დაჯდომისა მოსლვითა მით სულისა წმიდისაჲთა გულნი ჩუენნი დაბნელებულნი
Line of edition: 13     განმინათლნა და ყოველთა მეცნიერებად მისისა ღმრთეებისა მიმიწოდა,
Line of edition: 14     წმიდანი წერილნი დამიტევნა ჩუენ, რომელნიცა მისთა ვნებათა ბაძვად აღმძრვენ
Line of edition: 15     ჩუენ და აღთქუმულთა მათ კეთილთა მატრფიალებენ ჩუენ სასოებით. რომელთაცა
Line of edition: 16     მისთა ვნებათა თანა ზიარებაჲ თავს-იდვან. ამისთჳსცა მოწამეთა საჴსენებელნი
Line of edition: 17     ქებით შეიმკვებიან, და წმიდათა ცხორებანი აღიწერებიან, რომელთაცა იტჳრთეს
Line of edition: 18     უღელი მისი ტკბილი და ჴორცნი სულსა დაამონნეს და თჳთმპყრობელ ვნებათა
Line of edition: 19     იქმნნეს და გემოვნებანი დათრგუნნეს და ბრძოლათა მათ მიმართ ეშმაკთაჲსა
Line of edition: 20     საჭურველი საღმრთოჲ შეიმოსეს და განვიდეს წყობად მტერისა და ყოველივე
Line of edition: 21     სოფლისა დიდებაჲ შეურაცხ-ყვეს სასოებითა მით მერმისა მის და წარუვალისა
Line of edition: 22     დიდებისა და ქრისტჱს თანა საუკუნოჲსა სუფევისა.

Line of edition: 23        ესევითარნი ესე ღირსად და ჯეროვნად Manuscript page: 230v  იქებიან და იდიდებიან ღმრთისაგან,
Line of edition: 24     და გუამნი იგი მათნი წმიდანი კურნება ცისად-ცისადთა ექმნებიან სენთა კაცობრივთა,
Line of edition: 25     რამეთუ საზრდელ და საშუებელ მათდა მარადის იყო დიდებაჲ ღმრთისაჲ
Line of edition: 26     და დაცვაჲ უხრწნელთა და წმიდათა მცნებათა მისთაჲ მარხვითა და მღჳძარებითა;
Line of edition: 27     და ჴმელსა ქუეყანასა წოლითა ვნებანი ჴორციელნი დაიმონნეს და მძლე ექმნნეს
Line of edition: 28     სოფელსა ამას და მთავარსა მისსა შეწევნითა ქრისტჱსითა, მოძღუარ და მასწავლელ
Line of edition: 29     კეთილისა ყოველთა ექმნნეს და ხილულთა ამათ და წარმავალთა შეურაცხებითა
Line of edition: 30     წარუვალთა მათ და ბუნებისა უაღრჱსთა კეთილთა მიემთხჳვნეს, სიბრძნითა
Line of edition: 31     მით ზეგარდამოჲთა აღივსნეს და წრფელთა მათ გზათა და სანატრელთა სლვისა
Line of edition: 32     მოძღუარ იქმნნეს და მაღლითა მით და ანგელოზთა მიმსგავსებულითა მოქალაქობითა
Line of edition: 33     განბრწყინდეს და საფუძველად მტკიცედ და შეურყეველად სიმდაბლისა
Line of edition: 34     სიმაღლჱ განაწესეს,რომლისა მიერ შემუსრეს ეშმაკი და სავანეთა მათ ზეცისათა
Line of edition: 35     ბრწყინვალენი და გჳრგჳნოსანნი აღვიდეს დაცვულნი სიმდაბლითა ყოველთაგან
Line of edition: 36     მახეთა ბოროტისა ეშმაკისათა, რომელთაგანი ერთი არს ნეტარიცა ესე და დიდი
Line of edition: 37     მამაჲ ჩუენი საკჳრველთმოქმედი Manuscript page: 231r  და მოღუაწჱ წმიდაჲ ბარლაამ1*, რომლისათჳს
Line of edition: 38     აჰა ესერა ვჰყოფთ ჩუენ ჴსენებასა.

Line of edition: 39        ამის უკუე ნეტარისა მამული იყო დიდისა ქალაქისა ანტიოქიაჲსა ქუეყანაჲ.
Line of edition: 40     დაბისაგან იყო იგი, რომელსა ანტიოქელნი ჯუბიად სახელ-სდებენ, რომელიცა
Line of edition: 41     შავისა მთისა წუერთა ზედა მყოფ არს. ამას უკუე დაბასა შინა იშვა სანატრელი ესე
Line of edition: 42     და ჭეშმარიტად კაცი ღმრთისაჲ და აღიზარდა მუნ და სიყრმით მისითგანვე
Page of edition: 200   Line of edition: 1     მუასწავებდა ყოვლისა სათნოებისა სავანე ყოფასა მას თჳსსა. ხოლო მშობელბი ამის
Line of edition: 2     ნეტარისანი იყვნეს კეთილად მსახურებითა აღსავსენი ერისა კაცთაგანნი. მუშაკობაჲ1*
Line of edition: 3     და ჴნვაჲ ქუეყანისაჲ აქუნდა მათ ჩუეულებად, მსგავსად პირველისა მამისა
Line of edition: 4     ჩუენისა, რამეთუ შემდგომად სამოთხით განვრდომისა ამით ჩუეულებითა ცხონდებოდა
Line of edition: 5     იგი, რამეთუ ვინაჲთგან პირველი ვერ დაიცვეს მცნებაჲ, მეორესა მას
Line of edition: 6     დაემორჩილნეს და ოფლითა პირისა მათისაჲთა ჭამდეს პურსა მათსა. მსგავსად
Line of edition: 7     უკუე მათსა, ესენიცა მუშაკ2* ქუეყანისა იყვნეს და გამომზრდელცა სხუათა, რომელთათჳსცა
Line of edition: 8     არნ საჴმარ გამოზრდაჲ მათ მიერ.

Line of edition: 9        ესევითართა უკუე მშობელთა შვილი იყო ნეტარი ბარლაამ, რომლისათჳსცა
Line of edition: 10     ყოველსა სახესა უმჯობჱსსა განისწავლებოდა იგი Manuscript page: 231v  მათ მიერ და რომელი სათნოებად
Line of edition: 11     მიმყვანებელ არნ, ყოველსავე შემოიკრებნ იგი თავსა შოვრის თჳსსა.
Line of edition: 12     ხოლო ვითარცა საზომად ჰასაკისა მოიწია იგი, აგრძნა მან ფრიად კეთილად და
Line of edition: 13     სათნოდ ღმრთისა უმჯობჱსობაჲ წარუვალთაჲ და უნაკლულევანესობაჲ წარმავალთაჲ.
Line of edition: 14     ამისთჳსცა სურვილითა მით წარუვალთა მათ კეთილთაჲთა ყოველი ესე
Line of edition: 15     სოფლისა გემოვნებაჲ შეურაცხ-ყო მან და საცთური საეშმაკოჲ, რომლითა აცთუნებს
Line of edition: 16     იგი კაცთა, არარად შეჰრაცხა3*. ამის უკუე ჯერისათჳს ქორწინებისა იგი წესი
Line of edition: 17     არა ინება მან, არამედ მოღუაწეთა ცხორებაჲ აღირჩია.

Line of edition: 18        ამისთჳსცა ყოველივე დაუტევა მან და ერთსა მონასტერსა შინა მამულისა
Line of edition: 19     ქუეყანისასა მონაზონ იქმნა იგი და ყოველსავე საღმრთოისა მის მოქალაქობისა
Line of edition: 20     წესსა მოსწრაფედ აღმასრულებელ იყო მარხვითა და მღჳძარებითა და ჴმელსა,
Line of edition: 21     ქუეყანასა მარადის წოლითა, ლოცვითა და ფსალმონებითა; სიმდაბლითა და მორჩილებითა
Line of edition: 22     სულსა მას თჳსსა წმიდასა დღითი-დღე განაბრწყინვებდა და ანგელოზთა
Line of edition: 23     მოქალაქობასა ჰბაძვიდა იგი, უჴორცოთასა ჴორცითა. ხოლო სიმშჳდისა და განურისხველობისა
Line of edition: 24     მისისა რიცხჳ არა იყო ყოვლადვე, ეძიებნ და იკითბავნ იგი მარადის Manuscript page: 232r 
Line of edition: 25     ღირსთა და წმიდათა მამათაგან და მკურნალთაგან სულიერცნა ვნებათა მოკუეთისათჳს
Line of edition: 26     სიმშჳდით და სიყუარულით ისწავებნ იგი ყოველსავე. ქუე4* მდაბლად
Line of edition: 27     აქუნდიედ მას მარადის ჴორციელნი თუალნი, ხოლო მადლად სულისა თუალითა
Line of edition: 28     მხედველ არნ იგი სიკეთესა მას და შუენიერებასა სულიერთა საქმეთასა და სიყუარულითა
Line of edition: 29     მით საღმრთოჲთა ყოველსავე ჴორციელსა გულისთქუმასა და სოფლისა
Line of edition: 30     სიყუარულსა შეურაცხ-ჰყოფნ იგი.

Line of edition: 31        და იყო იგი, რომლისათჳსცა წეს და კანონ მონაზონთა ცხორებისა, და არნ
Line of edition: 32     იგი მარადის მეძიებელ უმაღლჱსთა საქმეთა, და უბიწოდ და შეუმწინკულეველად5*
Line of edition: 33     იპყრობნ იგი სულსა თჳსსა ყოველსავე ჟამსა. ამისთჳსცა ყოველთა მიერ შეყუარებულ
Line of edition: 34     და პატივცემულ იყო. და ყოველთა დაუკჳრდებოდა იგი, რომლისათჳსცა
Line of edition: 35     ყოვლითურთ უნდა მას კაცობრივისა ქებისაგან სივლტოლაჲ და ცუდისა დიდებისაგან
Line of edition: 36     განშორებაჲ. ხოლო ვინაჲთგან საღმრთოჲ სურვილი შეექმნა სულსა მისსა
Line of edition: 37     იერუსალჱმისა მისლვისათჳს და მათ წმიდათა ადგილთა მოხილვისათჳს უპირატჱსი,
Line of edition: 38     რაჲთა კაცობრივსა ქებასა და ცუდსა დიდებასა თანა-წარჰჴდეს და რაჲთა
Line of edition: 39     საღმრთონი იგი ადგილნი მოილოცნეს, Manuscript page: 232v  რომელთა შინა უფალი ჩუენი იესუ
Line of edition: 40     ქრისტე, სჴსნელი და მაცხუვარი ყოველთაჲ, ჴორციელად იხილვა და იქცეოდა
Line of edition: 41     მუნ ქუეყანასა ზედა ცხორებისათჳს ჩუენისა. ხოლო ვინაჲთგან უწყოდა მან ესე,
Line of edition: 42     ვითარმედ არა კეთილ არს მყის შედგომაჲ გულისსიტყუათაჲ, გარნა ჯერ-არს ჟამ
Page of edition: 201   Line of edition: 1     რავდენმე ძიებაჲ, უკუეთუ საღმრთოჲთა ნებითა არნა გულისსიტყუაჲ იგი ანუ
Line of edition: 2     არა.

Line of edition: 3        ამისთჳსცა დაადრგა იგი ვედრებასა შინა ღმრთისასა, რაჲთა გამოეცხადოს
Line of edition: 4     მას, უკუეთუ ნანდჳლვე1* საღმრთო არსა გულისსიტყუაჲ იგი მისი ამის ჯერისათჳს.
Line of edition: 5     ხოლო ვითარ მრავალ ჟამ ევედრებოდა იგი ღმერთსა, უმეტჱსადღა განძლიერდებოდა
Line of edition: 6     გულისსიტყუაჲ იგი მის შოვრის, და უძლიერჱს აღეტყინებოდა სიყუარული
Line of edition: 7     მისი ამის ჯერისათჳს, რომლისათჳსცა აგრძნა მან, ვითარმედ საღმრთოჲ
Line of edition: 8     იყო გულისსიტყუაჲ იგი მისი. იწყო უკუე და მჴურვალედ ევედრებოდა წინამძღუარსა
Line of edition: 9     და ყოველთა ძმათა, რაჲთა მიემთხჳოს იგი საწადელსა მას თჳსსა.
Line of edition: 10     შე-უკუე-ენდო მას, რომლისათჳსცა რასაცა იგი ეძიებდა. და მეყსეულად იწყო
Line of edition: 11     მან იერუსალჱმისა გზასა სლვად ყოვლითა მოსწრაფებითა და მიიწია იგი ქალაქად
Line of edition: 12     წმიდად იერუსალჱმად Manuscript page: 233r  და მოვლნა მან ყოველნი იგი წმიდანი ადგილნი,
Line of edition: 13     ვინაჲცა უფალსა ჴორციელად მოევლნეს, და ყოველთა სურვიელად მოემთხჳა
Line of edition: 14     უპირატჱს წმიდასა მას ადგილსა თხემისასა, ვინაჲცა-იგი ცოდვაჲ შემშჭუალა
Line of edition: 15     ჯუარსა ადამისი და საფლავსა მას საღმრთოსა, ვინაჲცა-იგი, ქრისტემან ღმერთმან
Line of edition: 16     სიკუდილი დათრგუნა2* და მუაკუდინა, და ყოველთა წმიდათა ადგილთა შეემთხჳა.
Line of edition: 17     და ვნებანი იგი უფლისანი, რომელნი მუნ ნებსით ჩუენისა ცხორებისათჳს თავს-ისხნა
Line of edition: 18     განკრძალულად, გულისჴმა-ყვნა. არღა ენება მას მუნ ყოფაჲ ჰურიათა, უბადრუკებასა
Line of edition: 19     და სიდრკუესა მათსა ევლტოდა და უშჯულოებასა მას მათსა და უღმრთოებასა
Line of edition: 20     აბრალებნ დაუცადებელად, რომელთა უფალი იგი დიდებისაჲ არა იცნეს.
Line of edition: 21     და უმეტჱსადღა ჯერ-არს თქუმაჲ, ვითარმედ არა ინებეს მათ ცნობაჲ მისი,
Line of edition: 22     რომელი-იგი კეთილის მყოფელად მათდა მოვიდა მათ თანა, ვითარცა თჳსთა თანა
Line of edition: 23     უპირატჱს. ხოლო მათ კეთილის ყოფისა მისისა წილ ჯუარი და სიკუდილი
Line of edition: 24     დაასაჯეს.

Line of edition: 25        ამას უკუე ესევითარსა იგონებნ ნეტარი იგი და საღმრთოჲ ბარლაამ და ღმრთის
Line of edition: 26     მკლველთა მათ ჰურიათა წარწყმედასა ეგლოვნ და ცრემლით ევედრებინ ღმერთსა
Line of edition: 27     დაუცხრომელად, რაჲთა გულსავსე ყოს იგი, თუ რომელსა ადგილსა იყოს მკჳდრობაჲ
Line of edition: 28     მისი სათნოდ უფლისა. Manuscript page: 233v  და იტყოდა ესრჱთ: რომელი უხილავთა და ხილულთა
Line of edition: 29     დამბადებელი ხარ, ღმერთო ყოვლისამპყრობელო, რომელმან არარაჲსაგან
Line of edition: 30     არსებად მომიყვანენ ჩუენ და დაცემულნი სიკუდილსა შინა და ხრწნილებასა
Line of edition: 31     კუალად აღმადგინენ ჩუენ და აღმმართენ განკაცებითა შენითა და ჩუენთჳს ყურიმლის
Line of edition: 32     ცემაჲ და ნერწყუვაჲ ნებსით თავს-იდევ, დასასრულსა ჯუარცუმაჲ და სიკუდილი
Line of edition: 33     დაითმინე მრავლითა მით კაცთმოყუარებითა შენითა, აწცა, უფალო სახიერო,
Line of edition: 34     გამოუთქუმელითა მით მოწყალებითა შენითა წარმიმართენ მე სლვანი
Line of edition: 35     ჩემნი გზასა მცნებათა შენთასა. და ესე ესრჱთ ცრემლითა მდინარითა თქუა და
Line of edition: 36     ყოველნი იგი წმიდანი ადგილნი ახლად მოვლნა და შეემთხჳა.

Line of edition: 37        და ეგრჱთ გამოვიდა ნეტარი და დიდი ბარლაამ წმიდით ქალაქით იერუსალჱმით.
Line of edition: 38     წინამძღურად თჳსა ღმრთისა სახიერებასა ხადოდა, რომელსაცა მიემთხჳა,
Line of edition: 39     რამეთუ ანგელოზი უფლისაჲ გამოუჩნდა მას და ჰრქუა: არა ამას ადგილსა ჰნებავს
Line of edition: 40     ღმერთსა მკჳღრობაჲ შენი, არამედ მთასა კავკასსაო, რამეთუ მუნ მკჳდრ
Line of edition: 41     არს სიმრავლჱ ეშმაკთაჲ, და მთავარი იგი მათი ურცხჳნოჲ შენ მიერ განიდევნოს,
Line of edition: 42     რამეთუ შენ მიერ შთაიჴადოს იგი ქუესკნელთა ქუეყანისათა. Manuscript page: 234r  და დაეცეს
Page of edition: 202   Line of edition: 1     ზუაობაჲ იგი ამპარტავანისაჲ მის, და ათასეულნი იგი მისნი და ბევრეულნი უფსკრულად
Line of edition: 2     დაჴდენ და უჩინო იქმნენ იგინი მუნით ძალითა ლოცვათა შენთაჲთა
Line of edition: 3     ქრისტეს ღმრთისა მიერო. და ვითარცა ჰრქუა ესე, უჩინო იქმნა მისგან ანგელოზი
Line of edition: 4     იგი. ხოლო ნეტარი ბარლაამ შიშითა და სიხარულითა აღივსო. შიში უკუე დაეცა
Line of edition: 5     მის ზედა ხილვითა მით ანგელოზისაჲთა. და ნუმცა ვის დაუკჳრდების ესე, რამეთუ
Line of edition: 6     დანიელსცა, კაცსა მას გულისსათქუმელსა და წინაწარმეტყუელსა დიდსა,
Line of edition: 7     შიში და ძრწოლაჲ შეექმნა, და ფერი პირისა მისისაჲ იცვალა, და დაეცა პირსა
Line of edition: 8     ზედა ხილვასა მას ზედა ანგელოზისასა.

Line of edition: 9        ხოლო სიხარული ამის ჯერისათჳს შეექმნა ნეტარსა ბარლაამს, რომელ ღმრთისა
Line of edition: 10     მოღუაწებაჲ და განგებულებაჲ აგრძნა მან მის ზედა და ცრემლითა ცხელითა
Line of edition: 11     მადლობასა ღმრთისა შესწირვიდა და ვიდოდა იგი სიხარულით გზასა თჳსსა. ხოლო
Line of edition: 12     ვინაჲთგან უმეცარ იყო იგი გზასა მას, რომელი მთასა კავკასსა მიმყვანებელ
Line of edition: 13     იყო, ამისთჳსცა ღმერთსა ევედრებოდა იგი, რაჲთა განუგოს მას ალაგი სლვისა
Line of edition: 14     მისისაჲ. და აჰა მეყსეულად წინა მისსა სუეტი გამოუჩნდა მას ცეცხლისაჲ ჯუარის
Line of edition: 15     სახედ, რომელი ქუეყანით Manuscript page: 234v  ცად აღვიდოდა, და განგებულებანიდა ღმრთისანი
Line of edition: 16     გამოუთქუმელნი და1* ზარისა აღსაჴდელნი. და ჴმაჲ იყო სუეტით გამო ნეტარისა
Line of edition: 17     ბარლაამის მიმართ, რომელი ეტყოდა მას ესრჱთ: წარმოგუალე და შემომიდეგ
Line of edition: 18     მე, ჵ, ბარლაამ, რამეთუ მე ვარ ქრისტე ღმერთი, ნათელი ჭეშმარიტი, რომელი
Line of edition: 19     მოვედ სოფლად ჴორცითა კაცთა ცხორებისათჳს. და რომელი შემომიდგეს მე,
Line of edition: 20     არა ვიდოდის იგი ბნელსა შინა, არამედ აქუნდეს მას ნათელი ცხორებისაჲ, ვითარცა
Line of edition: 21     წერილ არს.

Line of edition: 22        ხოლო ვითარცა ესმა ჴმაჲ ესე ნეტარსა ბარლაამს, კადნიერებითა და სიხარულითა
Line of edition: 23     აღსავსეჲ, შეუდგა იგი სუეტსა მას ცეცხლისასა. და მიიწია იგი მთასა
Line of edition: 24     მას, რომელსაცა ბრძანებულ იყო მისდა, და აღვიდა მეორჱ იგი მოსე მას ზედა.
Line of edition: 25     და ვითარცა მიიწია იგი უშინაგანესსარე უდაბნოსა მის მთისასა, არღარა უძღოდა
Line of edition: 26     მას სუეტი იგი ცეცხლისაჲ ხილვითა მით, რომლითა ეჩუენა მას, არამედ მიეფარა
Line of edition: 27     იგი ჴორციელთაგან თუალთა მისთა, და სულიერთა სულისა თუალთა ნეტარისა
Line of edition: 28     მისთა უხილავად ეხილვებოდა ძალი იგი ცხოველსმყოფელი ხილულისაჲ მის ცეცხლისა
Line of edition: 29     სუეტისაჲ. ხოლო ვითარცა აღვიდა იგი ზედა მთასა მას, მეყსეულად სასწაულითა
Line of edition: 30     პატიოსნისა Manuscript page: 235r  ჯუარისაჲთა აღიბეჭდა მან გული თჳსი და მკერდი
Line of edition: 31     და ყოველნი ასონი გუამისა მისისანი და ეგრჱთ იწყო სლვად უშინაგანჱსადრე
Line of edition: 32     უდაბნოდ მთისად. ხოლო სიმრავლემან მან ეშმაკთამან იწყო ჴმობად და ამბოხებად
Line of edition: 33     და შფოთობდეს და აშინებდეს ნეტარსა მას და ეტყოდეს: ნუ ბრძოლად ჩუენდა
Line of edition: 34     მოხუალა, ჵ, ბარლაამ? და რაჲ არს შენი და ჩუენი, რომელ სამკჳდრებელსა ჩუენსა
Line of edition: 35     მოხუედ წყობად ჩუენდა? გინა ვითარ შემძლებელ ხარ შენ ესოდენსა ამას სიმრავლესა
Line of edition: 36     ხილვადცა, არა თუმცა წინა-აღდგომაჲ და ბრძოლაჲ ჩუენი შეუძლე
Line of edition: 37     შენ? წარვედ უკუე სამკკდრებელით ჩუენით!

Line of edition: 38        და ოდესმე ეტლებითა და მჴედრებითა ეუცნებოდეს მას და ოდესმე ცეცხლისფერითა
Line of edition: 39     სახითა მიუჴდებოდეს ზედა ბრძოლად მართალსა მას და წმიდასა. და ამით
Line of edition: 40     ფერად-ფერადითა და თითოსახითა განყოფილებითა საეშმაკოთა მათ უცნებათაჲთა
Line of edition: 41     ჰბრძოდეს ნეტარსა მას სიმრავლჱ იგი და გუნდი ბნელისაჲ. შეიცვალნიან
Line of edition: 42     იგინი ლომის სახედ და დათჳსა და მარტორქისა და პილოჲსა ამრიზებულისა, და
Page of edition: 203   Line of edition: 1     კუალად ვეშაპად საშინელად ეჩუენნიან მას, გუელად და ღრიაკალად, და რეცა
Line of edition: 2     კბენად და შთანთქმად მიუჴდებიედ მას ზედა. Manuscript page: 235v  ხოლო ნეტარი იგი და ადამანტისა
Line of edition: 3     სული მტკიცედ და შეურყეველად მდგომარე არნ და სასწაულითა ცხოველსმყოფელისა
Line of edition: 4     ჯუარისაჲთა მუაუძლურებნ ყოველსა მას ძალსა და უცნებასა საეშმაკოსა,
Line of edition: 5     ღაღადებნ და იტყჳნ: მოდგომით მომადგეს მე და მოცვით მომიცვეს მე, და სახელითა
Line of edition: 6     უფლისაჲთა ვერეოდე მათო, და იგინი ეტლებითა და ჰუნებითაო, ხოლო
Line of edition: 7     ჩუენ სახელითა უფლისაჲთაო, რომლისათჳსცა იგინი მოუძლურდეს და დაეცნეს,
Line of edition: 8     და ჩუენ აჰა ესერა ვერაჲსადა მომეახლნესო.

Line of edition: 9        ამას იტყოდა ნეტარი იგი ბერი და სასწაულითა ჯუარისაჲთა მართლუკუნაქცევდა
Line of edition: 10     მათ ყოველთა ცუდთა. ჴმობდა უკუე სიმრავლჱ იგი ეშმაკთაჲ განკჳრვებით
Line of edition: 11     ვერ მიახლებასა მას ზედა მისსა და ეტყოდეს მას ესრჱთ: ვინაჲ ხარ შენ, გინა ვინაჲ
Line of edition: 12     მოხუედ შენ აქა მოუძლურებად1* ჩუენდა, ჵ, უდაბნოჲსა მოქალაქეო ბარლაამ?
Line of edition: 13     ხოლო ნეტარი იგი უშფოთველად მიუგებდა მათ: უფლისა ჩემისაჲ იესუ ქრისტეს
Line of edition: 14     ჯუარცმულისა მონაჲ ვარ და მის მიერ მოვლინებულ ვარ მე ამას ადგილსა მკჳდრობად,
Line of edition: 15     რაჲთა გალობასა ძლევისასა მისდა შევსწირვიდე მე დაჴსნისათჳს და განქარვებისა
Line of edition: 16     თქუენისა, და რაჲთა აქა ადგილსა ამას იდიდებოდის Manuscript page: 236r  ღმერთი ცხოველი
Line of edition: 17     და მხოლოჲ. ხოლო ვითარცა თქუა ესე წმიდამან ბარლაამ, მიუგო მას მთავარმან
Line of edition: 18     მან ეშმაკთამან და ჰრქუა: და არა გეშინისა და სძრწი შენ ჩემისა ძლიერებისაგან
Line of edition: 19     და სიმრავლისა ამისგან მრავლისა, რომელსა-ესე ხედავ უმრავლჱსსა
Line of edition: 20     რიცხჳსასა მჴედართა ამათ ბევრეულთა, რომელთა პირით ალი ცეცხლისაჲ
Line of edition: 21     აღმოეტყინების, და სხუანი, რომელნი შეხებით ხოლო შემწუველ არიან და რკინისა
Line of edition: 22     და რვალისა დამადნობელ არიან? შენ უკუე ვინ ხარ, გინა ვითარ კადნიერ
Line of edition: 23     იქმენ აქა მოსლვასა სიკუდილად თავისა თჳსისა? არაოდეს გჳხილავს ჩუენ აქა
Line of edition: 24     ქრისტიანეთაგანი ერთიცა შენსა გარეშე, გარნა რომელნი მსახურ ჩუენდა იყვნიან
Line of edition: 25     და აღმასრულებელ ნებისა ჩუენისა, იგი ხოლო მომავალ იყვნიან ჩუენდა შესაწირავითა
Line of edition: 26     და ზორვითა მსახურ ჩუენდა იყვნიან.

Line of edition: 27        ხოლო წმიდამან ბარლაამ მიუგო და ჰრქუა მთავარსა მას ეშმაკთასა: მე უკუე
Line of edition: 28     პირველადცა მიგითხარ თქუენ აჰა ეგერა და აწცა მასვე გითხრობ. რომელმან-იგი
Line of edition: 29     დათრგუნა სიკუდილი და ჯუარითა მძლავრობაჲ თქუენი დაჰჴსნა, მან მომცა
Line of edition: 30     მე ძალი, რომელი-იგი თჳსთა მოწაფეთა მისცა დათრგუნვად გუელთა და ღრიაკალთა
Line of edition: 31     და ყოველსავე ძალსა თქუენსა შემუსრვად. და აჰა მზა ვარ მე განსხმად თქუენდა Manuscript page: 236v 
Line of edition: 32     ამიერ ადგილით ძალითა ქრისტჱსითა. და ნაცვალად ბილწთა და შეგინებულთა
Line of edition: 33     შესაწირავთა თქუენთა ქრისტიანეთა მიერ აღივსოს ადგილი ესე გალობითა
Line of edition: 34     და დიდებითა ღმრთისაჲთა, და ანგელოზებრივითა მოქალაქობითა2* იქცეოდიან
Line of edition: 35     აქა ქრისტიანენი ნაცვალად ბილწთა მეკერპეთაჲსა. ხოლო ვითარცა ესმა ესე მთავარსა
Line of edition: 36     მას ბნელისასა, იწყო მძჳნვარებად და უსასტიკესითა ჴმითა მრისხანებით და
Line of edition: 37     კბილღრჭენით ჰზრახვიდა მას და ეტყოდა: წარვედ ამიერ, არარაჲ გაქუს შენ
Line of edition: 38     ჩუენდა მომართ საქმჱ. ვიდრემდის ხარღა მშჳდობით. და ვითარცა ესე ჰრქუა
Line of edition: 39     წმიდასა მას გულისწყრომითა დიდითა, მეყსეულად მოუწოდა მან სიმრავლესა მას
Line of edition: 40     ეშმაკთასა და ჰრქუა მათ, რაჲთა იწყონ უცნებად და შეშინებად ნეტარისა მის.
Line of edition: 41     ხოლო მათ იწყეს ჴმობად და ამბოხებად და შფოთებად და ქუეყანით ჰაერთა ზე
Line of edition: 42     -აღსლვად.

Page of edition: 204  
Line of edition: 1        ხოლო მჴნემან მან მოღუაწემან ბარლაამ აღიხილნა თუალნი თჳსნი ზეცად
Line of edition: 2     და იტყოდა: გმადლობ შენ, უფალო იესუ ქრისტე, რომელ მე განმაძლიერე, მონაჲ
Line of edition: 3     შენი, და ესენი მუაუძლურენ1* სრულიად, რამეთუ გულისჴმა-მიყოფიეს მე,
Line of edition: 4     აჰა, რომელ სხუასა ვერარას შემძლებელ არიან, გარეშე ჴმობისა ამის და უცნებისა,
Line of edition: 5     რამეთუ ჱჩემ ზედა აღსრულებულ არს Manuscript page: 237r  სიტყუაჲ იგი ჭეშმარიტად წინაწარმეტყუელოსაჲ:
Line of edition: 6     აჰა ესერა დაეცემიან ბევრნი მარჯუენით ჩემსა და ათასნი მარცხენით,
Line of edition: 7     მე ვერ მომეახლებიან. და ვითარცა თქუა ესე, აღივსო სული მისი სიმჴნითა
Line of edition: 8     და კადნიერად მიჰმართა მან სიმრავლესა მას ეშმაკთასა. ნაცვალად ეტლებისა
Line of edition: 9     და საჭურველისა უძლეველი ჯუარი მარჯუენითა ეტჳრთა მას ჴელითა და ეტყოდა
Line of edition: 10     მთავარსა მას ბნელისასა და მისთანათა მათ: განვედით ამიერ და ნუღარა სდროებთ,
Line of edition: 11     რამეთუ არღა არს ძალი თქუენ თანა, და ვერცა შემძლებელ ხართ მოხედვადცა
Line of edition: 12     ცხოველსმყოფელისა ჯუარისა სახესა ამას, რომლითა დაიჴსნენით.

Line of edition: 13        და ვითარცა თქუა ესე წმიდამან ბარლაამ, მეყსეულად დასცხრეს იგინი შფოთობისა
Line of edition: 14     მისგან. და მიუგო ნეტარსა ბარლაამს მთავარმან მან ეშმაკთამან: მე უკუე
Line of edition: 15     მოთმინე ვიქმენ კადნიერებასა მაგას შენსა ზედა და არარაჲ ბოროტი შეგამთხჳე
Line of edition: 16     შენ, რამეთუ მნებავს მე, რაჲთა მერჩდე მე და არარაჲ ძჳრი შეგამთხჳო შენ. აწ
Line of edition: 17     ისმინე ჩემი და იქმენ შენ მოყუარე ჩუენდა, რაჲთა სიმრავლჱ ესე ურიცხჳ,
Line of edition: 18     რომელ იხილე, მორჩილ შენდა იყვნენ ყოველნი. ხედავ, აჰა ესერა, თუ ვითარ
Line of edition: 19     იძრვის ქუეყანაჲ ყოველი ზარისაგან ჩუენისა? Manuscript page: 237v  და ნეტარი იგი მიუგებდა მას
Line of edition: 20     და ეტყოდა: უკუეთუმცა უმრავლჱსობაჲ თქუენი უწყოდე უმეტჱს ქრისტჱს
Line of edition: 21     ანგელოზთასა, გერჩდიმცა თქუენ, ვითარ-ეგე იტყჳ შენ.

Line of edition: 22        და ვითარცა ესმა ესე ბოროტსა მას მთავარსა, ჰგონა ჴელთ-გდებაჲ მისი ლიქნით
Line of edition: 23     და ეტყოდა ნეტარსა მას: აღიხილენ შენ, ჵ, ბარლაამ, თუალნი შენნი ზეცამდე2*
Line of edition: 24     და იხილე სიმრავლჱ ესე რიცხჳსა უმეტჱსი. ხოლო მიხედნა წმიდამან და იხილა
Line of edition: 25     სიმრავლჱ ფრიადი ეშმაკთაჲ, რომელსა დაეპყრნეს მთანი ჰაერთამდე. და მეყსეულად
Line of edition: 26     ეტყოდა წმიდასა მას მთავარი იგი ეშმაკთაჲ. ისმინე ზრახებისა ჩემისაჲ,
Line of edition: 27     ჵ, ბარლაამ, და მოიგენ შენ ესე ყოველნი მოყუარე და მორჩილ შენდა და თანა-შემწე
Line of edition: 28     და იქმენ შენ თანა-ზიარ სუფევისა ჩემისა. ოქროჲთა3* და ვეცხლითა და
Line of edition: 29     ყოვლითა სიმდიდრითა აღგავსო შენ მეყსა შინა წამსა თუალისასა და ყოვლისა
Line of edition: 30     სოფლისა სუფევასა ზიარ გყო შენ, უკუეთუ ისმინო ჩემი და თაყუანის-მცე მე და
Line of edition: 31     კერპსა ამას ჩემსა უგო, რომელი სახელსა ფ.ემსა ზედა აღმართებულ არს მთასა
Line of edition: 32     ამას ზედა, რომლისა მიმართ ყოვლით ქუეყანით მოვლენ ზორვად მისა.

Line of edition: 33        ხოლო ნეტარო ბარლაამ, საღმრთოჲსა Manuscript page: 238r  მიერ მადლისა განბრძნობილი,
Line of edition: 34     მიუგებდა მას: მნებავს მე ცნობად რიცხუსა ხილულისა ამის სიმრავლისასა, უკუეთუ
Line of edition: 35     ნამდჳლვე უმრავლჱს ჩუენსა არს ანუ არა. და ჰრქუა მას მთავარმან მან
Line of edition: 36     ეშმაკთამან: უკუეთუ ძალ-გიც, აღრიცხუე შენ. ხოლო ნეტარმან მიხედა და იხილა
Line of edition: 37     დანახეთქი საშინელად დიდი შოვრის ორთა მთაჲაჲსა, სრულიად უფსკრულისა
Line of edition: 38     სახჱ სიღრმითა. და ჰრქუა წმიდამან ეშმაკთა მათ მთავარსა: უკუეთუ გნებავს
Line of edition: 39     ნებისა ჩემისა აღსრულებაჲ, რაჲთა აღვრიცხუნე4* სიმრავლენი შენნი, ამცენ მათ,
Line of edition: 40     რაჲთა თოთოეული შთავიდოდის დანახეთქსა იმას, რაჲთა შეუძლო მე აღრიცხუვაჲ
Line of edition: 41     მათი. და მეყსეულად უბრძანა მათ შთასლვაჲ მუნ შინა თითუეულსა, რამეთუ
Line of edition: 42     აღმოსლვასაცა ადვილადვე ჰგონებდა იგი მათსა, ვითარცა ეშმაკთასა.
Page of edition: 205   Line of edition: 1     და ვითარცა შთავიდეს ყოველნი იგი მას დანახეთქსა შინა, ჰრქუა ნეტარმან
Line of edition: 2     ბარლაამ მთავარსა მასცა: შთა-უკუე-ვედ შენცა, რაჲთა აღგრიცხო შენცა მჴედართა
Line of edition: 3     შენთა თანა. და ჰრქუა მას მთავარმან მან ბოროტმან: მე ყოველი ნებაჲ
Line of edition: 4     შენი აღვასრულო, და შენ ეგრჱთვე ყავ და აღნათქუემი შენი მე აღმისრულე. და
Line of edition: 5     ვითარცა თქუა ესე, მყის შთაჴდა იგი მუნ შინა. Manuscript page: 238v  ხოლო წმიდამან ბერმან მეყსეულად
Line of edition: 6     სასწაული პატიოსნისა ჯუარისაა გამოსახა დანახეთქსა მას ზედა და თქუა:
Line of edition: 7     სახელითა უფლისა ჩუენისა იესუ ქრისტჱსითა შთავედ შენ, ბოროტი ეგე მთავარი,
Line of edition: 8     და გუნდი შენი ბსელისაჲ ქუესკნელად ჯოჯოხეთისად და იყავ შენ მათ თანა
Line of edition: 9     ცეცხლსა შინა გეჰენიისასა, ვიდრე მოსლვადმდე უფლისა, და ნუღარამცა ძალ-გიც
Line of edition: 10     აღმოსლვად ქუეყანასა ზედა უკუნისამდე. და ვითარცა თქუა ესე წმიდამან
Line of edition: 11     ბარლაამ, მყის ხოლო შედგა და შეიყო დანახეთქი იგი ბრძანებითა ღმრთისაჲთა,
Line of edition: 12     და ეშმაკნი მას შინა, და არღა შეენდო მათ აღმოსლვაჲ მუნით უფლისა მიერ ყოვლისამპყრობელისა.
Line of edition: 13     და ესე ესოჱთ საღმრთომან მადლმან აღასრულა წმიდისა
Line of edition: 14     მიერ საქმჱ საკჳრველი და დიდებული, რამეთუ ძალი უძლეველი და სიმჴნჱ მიანიჭა
Line of edition: 15     თჳსსა მას მონასა ეშმაკთა ზედა, რომლისათჳსცა, ვითარ-იგი ვთქუ, ეშმაკნი
Line of edition: 16     და მთავარი მათი ბოროტი უფსკრულად დაჴდეს წმიდისა მის მიერ.

Line of edition: 17        ხოლო წმიდაჲ ბარლაამ იხარებდა სულითა და ღმრთისა მადლობასა და დიდებასა
Line of edition: 18     შესწირვიდა დაუდუმებელად1*. და აღვიდა იგი წუერსა ზედა მის მთისასა
Line of edition: 19     და მიიწია ნეტარი იგი ადგილსა მას, ვინაჲ-იგი უღმროოთა მეკერპეთა ბილწნი
Line of edition: 20     იგი Manuscript page: 239r  შესაწირავნი შეიწირვოდეს, და ჩჩჳლნი მათსი დაიკლვოდეს, და პოვა
Line of edition: 21     მუნ კერპი მდგომარე დიოსისი და იგი სიმჴნით დალეწა და დააქცია და. ზღუასა
Line of edition: 22     შთააბნია ყოველი, ვითარცა ახოვანმან მოღუაწემან ქრისტესმან. ხოლო ვითარცა
Line of edition: 23     შემუსრა კერპი იგი და დააწულილა და მისცა იგიცა ეშმაკთავე მისთა მსგავსად
Line of edition: 24     უფსკრულთა ზღჳსათა, აღმოვიდა ნეტარი იგი მეყსეულად და ადგილსა მას კერპისასა
Line of edition: 25     ჯუარი აღჰმართა პატიოსანი და გალობაჲ წართქუა ძლევისაჲ ესრჱთ: უფალი
Line of edition: 26     არს, რომელმანშემუსრნა ბრძოლანი2*, უფალ3* არს სახელი მისი, რამეთუ მოისპო,
Line of edition: 27     აჰა ესერა, უღმრთოჲ, და წარწყმდა ქუეყანით საჴსენებელი მისი უფლისა მიერ,
Line of edition: 28     მოაკლდა მტერისა მახჳლსა სრულიად, და დაჴდეს იგინი ძალითა ჯუაროსაჲთა უფსკრულად
Line of edition: 29     უკუნისამდე. და ვითარცა აღასრულა მადლობისა გალობაჲ ესრჱთ, მერმე
Line of edition: 30     ლოცვაჲ აღასრულა მან ადგილსა მას წინაშე პატიოსნოსა ჯუარისა.
Line of edition: 31     და მცირედ გარდამოვიდა იგი წუერისაგან მთისა და პოვა მან მუნ კლდჱ
Line of edition: 32     ქუაბისა მსგავსი, მას ქუეშე დაემკჳდრა და იყოფოდა იგი მუნ მარტოებით უმაღლჱსითა
Line of edition: 33     მოქალაქობითა, რამეთუ კნინღა და ანგელოზთა მიჰბაძვიდა იგი, რომელთა
Line of edition: 34     ბუნებაჲ არს უნივთოჲ და უჴორცოჲ, რამეთუ არა ჰყოფდა იგი საზომსა მარხვისა
Line of edition: 35     და Manuscript page: 239v  ლოცვისასა და ჴმელსა წოლისასა. გარნა ვინაჲთგან შეუძლებელ არს, მსგავსად
Line of edition: 36     სახარებისა სიტყჳსა, ქალაქი მთასა ზედა მაღალსა მყოფი დაფარვად, არცა
Line of edition: 37     ესე დაიფარა, ნეტარი და კაცი ღმრთისაჲ, არამედ ყოველთა მათ სანახებთა ანტიოქიისათა
Line of edition: 38     და ლაოდიკიოსათა განჴდა ჴმაჲ სათნოებათა მისთაჲ, და ყოველთა მიერ
Line of edition: 39     იდიდებოდა და საკჳრველ იქმნებოდა იგი. და ყოველნი სათნოებისა მოყუარენი
Line of edition: 40     მისა მივიდოდეს სმენად ჴმასა მას მისთა მათ სათნოებათასა. და იხილვებოდა
Line of edition: 41     უდაბნოჲ იგი შემკობილი მორწმუნეთა მიერ, რომელი უპირატჱს ურწყულ და
Line of edition: 42     უვალ იყო და ეშმაკთა სამკჳდრებელ. ესე წმიდისა მის მიერ აღსავსე ქრისტიანეთა
Page of edition: 206   Line of edition: 1     სიმრავლითა იქმნა მადლითა ქრისტესითა, რამეთუ რომელნიმე ლოცვათა მისთა
Line of edition: 2     წმიდათა მიერ განკურნებად ცისად-ცისადთა სენთა მიმავალ იყუნეს მუნ, და სხუანი
Line of edition: 3     კუალად ხილვისათვის1* მისისა მოსწრაფე იყვნეს, რაჲთა დირს იქმნენ ხილვად
Line of edition: 4     ანგელოზებრივსა მას ხატსა მისსა, და სხუანი კუალად უსრულჱსნირე ბაძვად
Line of edition: 5     აღვიდოდეს მისა მუნ.

Line of edition: 6        ხოლო ნეტარი იგი იყო მყუდროებისა მოყუარე უმეტჱს ყოვლისა, არამედ
Line of edition: 7     მოიღო მან გულსავსებაჲ ღმრთისაგან და აღშჱნებისათჳს2* მრავალთაჲსა ყოველსავე
Line of edition: 8     თავს-იდებდა იგი და შეიწყნარებდა ყოველთა, სიხარულით Manuscript page: 240r  ასწავებდა
Line of edition: 9     და განამტკიცებდა ყოველთა ბრძოლათა მიმართ ეშმაკისათა და რაჲთა ღმერთსა
Line of edition: 10     სათნო-ეყოფოდიან და სასუფეველსა ეძიებდენ პოვნად. ხოლო უმრავლჱსნი იგი
Line of edition: 11     მუნ მიმავალთაგანნი არღა თავს-იდებდეს განშორებასა მისგან და ტკბილთა მათ
Line of edition: 12     სწავლათა მისთაგან დაკლებასა ჰლოცვიდეს წმიდასა მას მუნ მის თანა მკჳდრობისათჳს
Line of edition: 13     უდაბნოთა მათ მის მთისათა. ხოლო ნეტარი იგი უპირატჱსადრე არა თავს-იდებდა
Line of edition: 14     შიშითა მით მყუდროებისა3* დაჴსნოსაჲთა, არამედ ამასცა ზედა გულსავსე
Line of edition: 15     იქმნა უფლისა მიერ და ცხორებისათჳს მრავალთაჲსა თავს-იდებდა ამასცა, რამეთუ
Line of edition: 16     სიტყუაჲ იგი წმიდისა სახარებისაჲ მოიჴსენა მან, რომელსა იტყჳს: რომელი
Line of edition: 17     მოვიდეს ჩემდა, არა განვაძო გარეო.

Line of edition: 18        ამისთჳსცა სიმრავლჱ მონაზონთაჲ დაემკჳდრა მთასა მას და მოქალაქობითა
Line of edition: 19     ანგელოზთაჲთა ცხოვნდებოდეს მადლითა მის ნეტარისაჲთა, რომლისათჳსცა
Line of edition: 20     მრავალნი მათგანნი მადლსა წინაწარმეტყუელებისასა და სასწაულთასა ღირს
Line of edition: 21     იქმნნეს ქრისტეს მიერ ლოცვითა დიდისა ბარლაამისითა. ხოლო თავადისა ბარლაამისთჳს
Line of edition: 22     შეუძლებელ არს მითხრობაჲ რიცხუსა სასწაულთასა, რავდენნი ქრისტემან
Line of edition: 23     მიანიჭნა მას, რამეთუ წყაროჲ კურნებათაჲ იყო იგი ნანდუილვე და მდინარჱ
Line of edition: 24     სასწაულთაჲ ყოგელთათჳს მუნ მიმავალთა, Manuscript page: 240v  რამეთუ ბრმათა აღუხილვიდა,
Line of edition: 25     მკელობელთა ავლინებდა, კეთროვანთა განსწმენდდა4* და მკუდარიცა აღადგინა ძალითა
Line of edition: 26     ქრისტესითა. ხოლო სულნი უკეთურნი და ბოროტნი სიტყჳთა იდევნებოდეს
Line of edition: 27     მისითა. ამისთჳსცა ყოველსა ქუეყანასა განჴდა ჴმაჲ მისი, და ყოველნი მისა მიივლტოდეს,
Line of edition: 28     არა თუ მახლობელთა ხოლო ქუეყანათაგანნი, გარნა ფრიად შორიელნიცა
Line of edition: 29     და უცხონი, რაჲთა ოკურთხნენ მის მიერ და მადლსა მისსა ღირს იქმნნენ
Line of edition: 30     მოღებად. ხოლო რომელთა ვერ ძალ-ედვის თავით თჳსით მისლვაჲ მისა, წიგნებითა
Line of edition: 31     და ებისტოლეებითა ითხოვდიან მისგან კურთხევასა და კურნებასა.

Line of edition: 32        ესმა ვისმე ესე ყოველი სასწაულობაჲ ნეტარისა ბარლაამისი კაცსა ღირსსა
Line of edition: 33     და ერთსა წმიდათაგანსა შეყენებულსა. და ჰსუროდა5* მას ხილვაჲ სასწაულთა მისთაგან
Line of edition: 34     რაჲმე, რომლისათჳსცა მოიღო მან მანდილი სპეტაკი და წმიდაჲ და მას შინა
Line of edition: 35     ნაკუერცხალნი გამოჰკრნა ცეცხლისანი და დაჰბეჭდა მას ზედა და მიუძღუანა იგი
Line of edition: 36     ნეტარსა ბარლაამს, მიწერა მისა ესრჱთ: მიიხუენ ნაკუერცხალნი ეგე, მონაო
Line of edition: 37     ღმრთისა მაღლისაო, და თავს-იდევ შრომაჲ ჩემისა სისაწყლისა და უბადრუკებისათჳს
Line of edition: 38     და მაგით მოაკუმიე სენაკი შენი და ილოცე ჩემთჳს უფლისა მიმართო. Manuscript page: 241r 
Line of edition: 39     ხოლო ნეტარმან ბარლაამ მიიბუნა ნაკუერცხალნი იგი და შეემთხჳა
Line of edition: 40     მათ და განჴსნა ბეჭედი მის ნეტაროსა ბერისაჲ და ნებსა ზედა ჴელისა
Line of edition: 41     თჳსისასა დასხნა მან ნაკუერცხალნი იგი ნაცვალად სასაკუმეველისა და დაასხა
Line of edition: 42     საკუმეველი მას ზედა და ეგრჱთ მოაკუმია მან თჳსი იგი სალოცავი და აღასრულა
Page of edition: 207   Line of edition: 1     ლოცვაჲ. ხოლო ვითარცა აღასრულა წმიდამან ბარლაამ ლოცვაჲ, მეყსეულად
Line of edition: 2     ნაკუერცხალნი იგი დასხნა ქუე1* და მოიღო მანდილი იგი და ნაცვალად
Line of edition: 3     ნაკუერცხალთაჲსა წყალი შთაასხა მას შინა, დაჰბეჭდა ზედა და მიუძღუანა
Line of edition: 4     იგი ბერსა მას წმიდასა. ხოლო მან ვითარცა მიიღო წმიდაჲ იგი წყალი,
Line of edition: 5     აღსავსე სიხარულითა იქმნა და იცხებდა მას პირსა და თუალთა და ყოველსა გუამსა
Line of edition: 6     მისსა, ჰმადლობდა და ადიდებდა ღმერთსა, რომელმან ესევითარი მნათობი გამოაჩინა
Line of edition: 7     და იგი ღირს ყო მისგან მოღებად ევლოგიასა. ასხურებდა უკუე წყლისა
Line of edition: 8     მისგან წმიდისა ცისად-ცისადთა სნეულთა ნეტარი იგი ბერი, და მყის ყოველნი
Line of edition: 9     განიკურნებოდეს და ადიდებდეს ღმერთსა.

Line of edition: 10        ესე უკუე საკჳრველთაგან მის ნეტარისათა მცირედი რაჲმე მოვაჴსენეთ,
Line of edition: 11     რამეთუ არცა შესაძლებელ არს აღრიცხუვაჲ მისთა სასწაულთაჲ, ვითარცა ცისა
Line of edition: 12     ვარსკულავთაჲ, გარნა ვაუწყოთ ჩუენ ყოველთა ქრისტჱსმოყუარეთა, თუ Manuscript page: 241v 
Line of edition: 13     ვითართა ხილვათა და გამოცხადებათა ღირს იქმნა ნეტარი იგი ხილვად ქრისტჱს
Line of edition: 14     მიერ, და თუ რაბამი დიდებაჲ მოიღო მან ცათა შინა ღმრთისაგან, რამეთუ ნეტარი
Line of edition: 15     ბარლაამ იქმნა რაჲ ვითარ ოთხმეოცისა წლისაჲ, შრომათა და ღუაწლთა მისცნა
Line of edition: 16     მოსაგებელსა ხილვად ღირს იქმნა სანატრელი, საკჳრველითა მერმეთა მათ მხილველ
Line of edition: 17     იქმნა, რამეთუ ხედვიდა ნეტარი იგი ჩუენებასა ესევითარსა: სიმრავლჱ ანგელოზთაჲ
Line of edition: 18     გარემოჲს მისსა იხილა, რომელი ამბორის-მყოფელ მისდა იყო და პატივით,
Line of edition: 19     ვითარცა მოყუარჱ მოყუარესა, ჰლოცვიდეს მას და ეტყოდეს. წარმოგუალე,
Line of edition: 20     ძმაო და ჩუენ თანა მონაო უფლისაო, რაჲთა იხილო შენ, რომელი სხუასა
Line of edition: 21     არავის უხილავს.

Line of edition: 22        და ვითარ იგინი ამასღა ეტყოდეს მას, აჰა მადლი ღმრთისაჲ წინა-უძღოდა
Line of edition: 23     მათ, და ჴმაჲ იყო ნეტარისა ბარლაამის მიმართ: წარმოგუალე და სიხარულით
Line of edition: 24     მომდევდი მე, რამეთუ არა გიტევებ შენ, ვიდრე არა წარგადგინო შენ წინაშე მეუფისა
Line of edition: 25     ზეცათაჲსა. ხოლო წმიდაჲ იგი იტყოდა სიტყუათა წინაწარმეტყუელისათა:
Line of edition: 26     სული შენი სახიერი მიძღოდის მე ქუეყანასა წრფელსაო. და შეუდგა იგი სიხარულით
Line of edition: 27     ჴმასა მას სიმრავლესა მას თანა ნათლისა ერთასა. და ვითარ-იგი აღვიდოდა
Line of edition: 28     ნეტარი ანგელოზთა მათ Manuscript page: 242r  სიმრავლესა თანა, მიჰხედა მან მარჯუნ და მარცხნ
Line of edition: 29     და იხილა სიმრავლჱ ფრიადი სულთა მათ უკეთურთაჲ ჰაერის მცველთაჲ, რომელნი
Line of edition: 30     ქუეყანით ვიდრე ჰაერთამდე, ვითარცა ზღუდჱ, აღდგომილ იყვნეს. და უმზირდეს
Line of edition: 31     იგინი სულთა კაცთასა, განმავალთა გუამით. და რომელნიცა უბიწოდ იპოვნიან,
Line of edition: 32     აღვლიან მათ შოვრის მათსა დაუყენებელად და წარვიდიან ზეცად, გლოვაჲ და
Line of edition: 33     მწუხარებაჲ და ტყებაჲ დაუტევიან ეშმაკთა და მთავარსა მას მათსა ბოროტსა.
Line of edition: 34     ხოლო რომელნი ვერ ეგრჱთ იპოვნიან, შეებნიან იგინი საფრჴესა მას საეშმაკოსა,
Line of edition: 35     იქენჯებოდიან იგინი მათ მიერ და მიეცნიან საპყრობილედ, ვითარცა მათისა ნებისა
Line of edition: 36     აღმასრულებელნი.

Line of edition: 37        და იხილა ნეტარმან ბარლაამ განკრძალებულად გამოძიებაჲ სულთაჲ სატანაჲს
Line of edition: 38     მიერ და ანგელოზთა მათ მისთა მიერ თუალთა ხილვისაჲ, ყურთა სმენისაჲ, გონებისაჲ
Line of edition: 39     და გულისსიტყუათაჲ ვიდრე წულილადადმდეცა2*, რომლისათჳსცა მცირედნი
Line of edition: 40     განერებოდეს შოვათაგან მათთა შეუხებელნი. ხოლო ნეტარი ბარლაამ
Page of edition: 208   Line of edition: 1     ხედვიდა რაჲ ამას ყოველსა, უძნდა მას და კუნესოდა და უნდა მას შეწევნაჲ საწყალობელთა
Line of edition: 2     მათ სულთაჲ და ვერ ძალ-ედვა. ხოლო ანგელოზთა მათ, რომელნი
Line of edition: 3     უძღოდეს მას, აღიყვანეს იგი ზეცად. და იხილნა მან Manuscript page: 242v  მუნ საცნაურნი იგი და
Line of edition: 4     წმიდანი ძალნი და მჴედრობანი ზეცათანი. და უნივთოთა მათ თანა უხრწნელთა
Line of edition: 5     ბრწყინვალეთა და ნათლისა ერთა ადიდებდა იგიცა ყოველთა შემოქმედსა ღმერთსა
Line of edition: 6     და იტყოდა: დიდებაჲ შენდა, ღმერთო ყოვლისამპყრობელო! საკჳრველ არიან
Line of edition: 7     საქმენი შენნი და დიდებაჲ შენი გამოუკულეველ არს!

Line of edition: 8        მერმე უკუე ადგილსა ბრწყინვალესა და ვრცელსა იხილა მან პალატი შუენიერი
Line of edition: 9     და საკჳრველად შემკობილი. და საყდარი იყო მას შინა ბრწყინვალჱ, და
Line of edition: 10     გჳრგჳნი საყდარსა მას ზედა, რომელი ბრწყინვიდა, ვითარცა მზჱ. და ესმოდა
Line of edition: 11     მას ჴმაჲ სიმაღლით: ხედავა, ჵ, სათნოო ჩემო ბარლაამ, პალატსა მაგას და საყდარსა
Line of edition: 12     და გჳრგჳნსა? ეგე შენნი არიან ღუაწლთა შენთა მოსაგებელად. აწ უკუე წარვედ
Line of edition: 13     შენ სიხარულით და იღუაწე ვიდრე განსლვად შენდამდე1*, რამეთუ ესევითარნი
Line of edition: 14     განმზადებულ არიან მისაგებელნი ცათა შინა შენთჳს და მსგავსთა შენთათჳს. და
Line of edition: 15     ვითარ მოისმინა ჴმაჲ ესე ნეტარმან ბარლაამ, მეყსეულად ესმა ჴმაჲ გალობისაჲ
Line of edition: 16     და დიდებისმეტყუელებისაჲ ანგელოზთაჲ. და ვითარცა მიხედა ტკბილსა მას და
Line of edition: 17     საკჯრველსა ჴმასა გალობისასა, აჰა უფალი იგი დიდებისაჲ გამოუჩნდა მას. მჯდომარჱ Manuscript page: 243r 
Line of edition: 18     ქერობინთა ზედა, და სიმრავლჱ სერაბონთაჲ გარემოჲს მისსა, რომელნი
Line of edition: 19     ადიდებდეს მას. ხოლო წმიდამან ვითარცა იხილა უფალი, თაყუანის-სცა
Line of edition: 20     მას და ჰრქუა: ჰე2*, უფალო, უკუეთუ ვპოვე მადლი წინაშე შენსა, ნუ განმყოფ მე
Line of edition: 21     შენგან. ხოლო უფალმან მიუგო მას: გეყავნ შენ თხოვაჲ შენი, სათნოო ჩემო. და
Line of edition: 22     ვითარცა ესმა ესე წმიდასა ბარლაამს, მეყსეულად მოეგო კუალად თჳსავე ჩუენებისა
Line of edition: 23     მისგან ნეტარი და ეგლოვდა მწარედ სულთა მათ, რომელნი ეშმაკთა მიერ
Line of edition: 24     მიეცემოდეს ბნელსა, ხოლო იხარებდა იგი. ხილვათა მათ საკჳრველთა ხილვასა
Line of edition: 25     და უფიცხლჱსსა ცხორებასა მისცა მან თავი თჳსი და იყოფვოდა იგი, ვითარცა
Line of edition: 26     ანგელოზი.

Line of edition: 27        ხოლო დაყო მან შემდგომად საკჳრველისა მის ჩუენებისა ცხრაჲ თუჱ ჴორცთა
Line of edition: 28     შინა და მიიცვალა მერმეთა მათ მიმართ კეთილთა საუკუნეთა. აგრძნა უკუე
Line of edition: 29     განსლვაჲცა იგი თჳსი ნეტარმან წინაჲსწარ. და მოუწოდა მან ყოველთა მოწაფეთა
Line of edition: 30     თჳსთა, რომელნი მკჳდრ იყვნეს მას მთასა, და ეტყოდა მათ ესრჱთ: შვილნო და
Line of edition: 31     ძმანო, აჰა ესერა ჟამი ჩემისა სოფლით წარსლვისაჲ მოწევნულ არს, და ჯერ-არს
Line of edition: 32     განსლვაჲ ჩემი ჴორცთა ამათგან, და გევედრები ყოველთა, რაჲთა ლოცვა-ჰყოთ
Line of edition: 33     ჩემთჳს, რომელ იჴსნას ღმერთმან სულო ჩემი წინა-აღმდგომთა მათ ძალთაგან
Line of edition: 34     ჰაერის Manuscript page: 243v  მცველთა, რაჲთა მოავლინოს მადლი სულისა წმიდისაჲ და განარინოს
Line of edition: 35     სული ჩემი შეუხებელად მათგან და წარადგინოს იგი წინაშე საშინელსა საყდარსა
Line of edition: 36     ქრისტჱსა თაყუანისცემად ყოვლად წმიდასა სამებასა, და რაჲთა თანა-შეგირაცხო
Line of edition: 37     მე სათნოთა უფლისათა. ესე უკუე არს თხოვაჲ ჩემი თქუენდა მომართ: თქუენ
Line of edition: 38     ჩემჳს ილოცევდით და იღჳძებდით ღამესა ამას, და მე უკუეთუ ვპოვო მადლი
Line of edition: 39     წინაშე უფლისა, თქუენთჳს ვიყო მეოხი სამარადისოდ, რაჲთა გიჴსნნეს უფალმან
Line of edition: 40     ყოველნი მრავალსახეთა მათ და მრავალფერთაგან მახეთა. ეშმაკისათა, რომელთა
Line of edition: 41     გამოცდილობაჲ მაქუს მე თითუეულად.

Page of edition: 209  
Line of edition: 1        ამისთჳსცა გამოგიცხადებ თქუენ: აჰა, რაჲთა უწყოდით, რამეთუ ყოველივე
Line of edition: 2     ძალი მტერისა ჩუენისა ეშმაკისაჲ არს ამპარტავანებასა შინა. ევლტოდეთ უკუე
Line of edition: 3     ამას მახესა ბოროტსა ბოროტისა ეშმაკისასა და შეიყუარეთ სიმდაბლჱ და სიყუარული,
Line of edition: 4     რაჲთა სცხოვნდეთ, რამეთუ სიმდაბლჱ არს მომჭრელი ძარღუთა ეშმაკისათაჲ.
Line of edition: 5     ამისთჳსცა უფალი ეტყოდა მოწაფეთა მათ თჳსთა წმიდათა: რაჟამს ყოველი
Line of edition: 6     აღასრულოთ, მაშინ იტყოდეთ, მონანი ვართ უჴმარნიო, რომლისათჳსცა, ძმანო
Line of edition: 7     და შვილნო ჩემნო, განმზადებულ იყვენით მარადის, და ნუ ეძიებთ ამის სოფლისასა
Line of edition: 8     ნურარას, რამეთუ წარმავალ არს ხატი Manuscript page: 244r  ამის სოფლისაჲ, და ვაჲ არს
Line of edition: 9     მათდა, რომელთა არა აქუნდეს ზრუნვაჲ ამიერ განსლვისაჲ. გარნა რაჲთა მიგითხრა
Line of edition: 10     თქუენ საქმჱ ფრიად კეთილი და სარგებელი სულიერი: ძმამან ერთმან
Line of edition: 11     ჰკითსა ბერსა ვისმე და ჰრქუა მას. ვითარ ვყო მე, მამაო, რომელ ფრიად მბრძავს
Line of edition: 12     მე ეშმაკი სიძვისაჲ, და ვერღარა შემძლებელ ვარ მოთმენად? ხოლო ბერმან
Line of edition: 13     რისხვით მიუგო: არა გრცხუენისა, საწყალობელო, უძლურებაჲ სარწმუნოებისა
Line of edition: 14     შენისაჲ ქრისტეს მიმართო, რამეთუ სახელი ოდენ გაქუს შენ ქრისტეანობისაჲ,
Line of edition: 15     არცა გუემულ ხარ მისისა სახელისათჳს, არცა რაჲ სხუაჲ ჭირი თავს-გიც, რავდენი
Line of edition: 16     რაჲ მოწამეთა ქრისტესთა მოითმინეს სატანჯველი მისთჳს, რომელმან-იგი მათთჳს
Line of edition: 17     და შენთჳს ივნო ჴორცითაო.

Line of edition: 18        და ვითარ ესე ჰრქუა ბერმან, შესძინა იგავიცა და ჰრქუა მას: ქრისტეანეჲ
Line of edition: 19     ვინმე მიეცა მეფესა მეკერპესა და იტანჯა მისგან ძლიერად. და ვითარ ყოველნი
Line of edition: 20     სატანჯველნი აღასრულნა მას ზედა მან მეფემან, და მოუძლურდა იგი და ვერ შეცვალა
Line of edition: 21     მან სარწმუნოებაჲ მისი ქრისტჱს მიმართ. და იყო იგი მეფჱ უღონობასა
Line of edition: 22     შინა დიდსაო. მერმე ეშმაკეულთა კაცთა აზრახეს მეფესა მას ზრახვაჲ ბოროტი
Line of edition: 23     და შეიყვანეს წმიდაჲ იგი საპყრობილედ და დააწვინეს იგი ცხედარსა ზედა პირაღმართ
Line of edition: 24     და დაუკრნეს მას ჴელნი მისნი და Manuscript page: 244v  ფერჴნი ცხედარსა მას ზედა ძლიერად
Line of edition: 25     და მერმე დედაკაცი მეძავი მიუშუეს მას ზედა, რაჲთა დაწვეს იგი მის თანა უნებელად
Line of edition: 26     მისდა. ხოლო ვითარცა იხილა მოწამემან მან საქმჱ იგი ბოროტი და უღონოჲ,
Line of edition: 27     მყის ენაჲ თჳსი კბილითა გარდაიკუეთა და სისხლითა პირი აღივსო და შეჰნერწყუა
Line of edition: 28     სისხლი იგი მეძავსა მას დედაკაცსა პირსა და შეღება იგი სისხლითა მით.
Line of edition: 29     ხოლო ვითარცა იხილა დედაკაცმან მან საკჳრველი იგი საქმჱ, ჴმა-ყო ჴმითა დიდითა
Line of edition: 30     და თქუა: ქრისტეანე ვარ მეცა და მრწამს მე ქრისტე, რომლისათჳს წმიდაჲ
Line of edition: 31     ესე იტანჯების. და ვითარცა ესე თქუა, მეყსეულად ორთავე1* თავნი მათნი წარეკუეთნეს,
Line of edition: 32     და წამებისა გჳრგჳნი მოიდეს. ხოლო შენ არა გრცხუენისა? ესევითარი
Line of edition: 33     არცა ერთი რაჲ შეგმთხუევია და ვერცა გულისსიტყუათა ბრძოლასა მოითმენ.

Line of edition: 34        ხოლო ვითარცა თქუა ესე ბერმან, განუქარდეს მყის მოწაფესა მას მისსა
Line of edition: 35     ბოროტნი იგი გულისსიტყუანი მისნი, და წარვიდა იგი სენაკად თჳსად, ჰმადლობდა
Line of edition: 36     და ადიდებდა ღმერთსა. და ესე იყო მის ძმისათჳს ესრჱთ და ბერისა მის მისისა.
Line of edition: 37     ხოლო ჩუენდა ჯერ-არს, ძმანო ჩემნო საყუარელნო, ძიებაჲ მოსწრაფებით ყოველთა
Line of edition: 38     სათნოებათაჲ, ვინაჲთგან ამას ცხორებასა საქებელ არს ყოველთა
Line of edition: 39     მიერ სათნოებაჲ და მას Manuscript page: 245r  საუკუნესა სასუფეველსა ღირს მყოფს ჩუენ;
Line of edition: 40     ვისწრაფოთ ჩუენ ყოვლითა ძალითა ჩუენითა მოგებაჲ მისი უფლისა მიერ. ვევედრებოდით
Line of edition: 41     უკუე ქრისტესა, ღმერთსა ჩუენსა, სახიერსა მას და ტკბილსა
Page of edition: 210   Line of edition: 1     მეუფესა, რაჲთა ღირს მყვნეს ჩუენ სათნოთა მისთა თანა დღესა მას საშინელსა მოსლვისა
Line of edition: 2     მისისასა, რაჲთა არა სირცხჳლეულ ვიპოვნეთ წონაშე ანგელოზთა და კაცთა
Line of edition: 3     კრებასა მას საშინელსა.

Line of edition: 4        ესე და ესევითარი სხუაჲ ფრიად უმრავლჱსი წმიდამან ბარლაამ ასწავა მოწაფეთა
Line of edition: 5     მათ თჳსთა სიმრავლესა და სხუათაცა, რომელნი მოსრულ იყვნეს მისა
Line of edition: 6     წმიდითა მით პირითა თჳსითა, და განამტკიცნა იგინი და აკურთხნა. და ეგრჱთ
Line of edition: 7     მშჳდობით დაიძინა მან და შეჰვედრა სული თჳსი წმიდაჲ და უბიწოჲ ჴელთა ქრისტეს
Line of edition: 8     ღმრთისათა თუესა ივლისსა ათცხრამეტსა. და ღირს იქმნეს მრავალნი ხილვად
Line of edition: 9     ღირსთაგანნი და წმიდათანი, თუ ვითარ გჳრგჳნოსანი დიდებითა აღვიდოდა სული
Line of edition: 10     მისი ზეცად ანგელოზთა თანა. ხოლო გუამი იგი მისი მჴნჱ და ღუაწლით შემოსილი
Line of edition: 11     დაიდვა საფლავად წმიდათა მიერ მამათა ადგილსა მას, ვინაჲცა აღასრულა მან
Line of edition: 12     ღუაწლი იგი მისი მრავალი და ღმერთსა სათნო-ეყო. ხოლო ადგილსა მას, რომელსა
Line of edition: 13     დაიდვა ნეტარი და წმიდაჲ ბარლაამ, იქმნებოდეს სასწაულნი დიდნი, არარაჲთ Manuscript page: 245v 
Line of edition: 14     უნაკლულევანჱს პირველისა. და მყის აღმოჴდა სურნელებაჲ საფლავისა მისგან
Line of edition: 15     მისისა წმიდისა, საკჳრველი მომასწავებელი მუნისაჲ მის და საუკუნოჲსა ნეტარებისა
Line of edition: 16     მისისაჲ.

Line of edition: 17        არამედ, ჵ, მოღუაწეთა სამკაულო და სათნოო ქრისტეს ღმრთისა ჩუენისაო
Line of edition: 18     დიდო ბარლაამ, ვითარცა მდგომარჱ ხარ შენ წინაშე წმიდისა სამებისა საყდარსა
Line of edition: 19     მას და დიდებასა ხედავ საღმრთოსა და იხარებ სიხარულითა მით გამოუთქუმელითა,
Line of edition: 20     გაქუს კადნიერებაჲ დიდი, მომიჴსენენ და მეოხ მეყავ ჩუენ, საწყალობელთა
Line of edition: 21     ამათ, რომელნი სურვილით აღვასრულებთ ჴსენებასა შენსა, რაჲთა ვიჴსნნეთ ჩუენ
Line of edition: 22     ცოდვათა და ბრალთა ჩუენთაგან და ღირს ვიქმნნეოი ოხითა შენითა საუკუნეთა1*
Line of edition: 23     მათ კეთილთა ქრისტეს იესუჲს მიერ უფლისა ჩუენისა, რომელსა შუენის დიდებაჲ
Line of edition: 24     თანა მამით და წმიდით სულითურთ, აწ და მარადის და უკუნითი უკუნისამდე,
Line of edition: 25     ამენ.




Next part


This text is part of the TITUS edition of Athanasius / Cyrillus, Vitae Patrum (Mamata Cxorebani).

Copyright TITUS Project, Frankfurt a/M, 10.2.2010. No parts of this document may be republished in any form without prior permission by the copyright holder.