TITUS Texts: Athanasius / Cyrillus, Vitae Patrum (Mamata Cxorebani)

TITUS
Athanasius / Cyrillus, Vitae Patrum (Mamata Cxorebani)
Part No. 14

Previous part

Vita: Geras.
Page of edition: 312
Line of edition: 1
ცხორებაჲ და განგებაჲ წმიდისა მამისა
Line of edition: 2
ჩუენისა ჯერასიმჱსი¹^*

Line of edition: 3
აღწერა კჳრილე ბესანიელმან, რომელი იყო ხუცესი
Line of edition: 4
ლავრისა დიდისაჲ მამისა ჩუენისა საბაჲსი

Line of edition: 5        ესე ბრწყინვალჱ წმიდაჲ მამაჲ ჩუენი ჯერასიმე იყო ქუეყანით ლუკიაჲთ და
Line of edition: 6     შეიწირა იგი ღმრთისა სიყრმითგან, რამეთუ სიყრმითგანვე იყო მონასტერსა შინა
Line of edition: 7     ზოგად-ცხორებულთა თანა და ისწავებდა მას შინა კეთილსა მონაზონებასა და
Line of edition: 8     აღორძნდებოდა და განმწჳსნდებოდა და აშრომებდა თავსა თჳსსა მარხვითა და
Line of edition: 9     ღუაწლითა დიდითა და ზეშთასა მას იყო მორბედ და ისწრაფდა, რაჲთა მიიღოს
Line of edition: 10     სათხოველი Manuscript page: 365r იგი ზესკნელი. ხოლო დასაბამსა შეაპყრა თავი თჳსი უდაბნოთა.
Line of edition: 11     და იყო საზრდელი მისი მდელოთაგან. და ბრძოლანი მრავალნი ყვნა ეშმაკთა
Line of edition: 12     მიმართ. და შემდგომად მრავალთა წელთა და შიშულობათა მოიღო ძლევაჲ და
Line of edition: 13     შეუდგინა თავი თჳსი სიყუარულსა ღმრთისასა და იწყო აღორძინებად კეთილითი-კეთილად.
Line of edition: 14     და ამისა შემდგომად მოვიდა იერუსალჱმდ თაყუანისცემად წმიდათა
Line of edition: 15     მათ ადგილთა ქრისტჱსთა. და მერმე შთავიდა იორდანედ და იქცეოდა უდაბნოთა
Line of edition: 16     ზღუამკუდრისათა და შეაპყრა თავი თჳსი განგებასა მძოვართასა.

Line of edition: 17        და ამან წმიდამან ჯერასიმე განანათლა ყოველი უდაბნოჲ იორდანისაჲ. და
Line of edition: 18     განცხადნა სათნოებაჲ მისი ყოველსა მას ქუეყანასა, და იწყო აღსლვად სათნოებითი-სათნოებად.
Line of edition: 19     და იყო იგი მოსწრაფე, რაჲთა მოიგოს სიწმიდჱ გულისაჲ და სიყუარული
Line of edition: 20     ღმრთისაჲ. და ესევითარითა სიბრძნითა კეთილითა განსწავლა თავი თჳსი
Line of edition: 21     და ფრიად განუწმიდა გულისსიტყუაჲ თჳსი ღმერთსა, და განამდიდრა²^* უდაბნოჲ
Line of edition: 22     იგი იორდანისაჲ და იქმნა იგი მოცვულ³^* ღმრთისა მიერ და შექმნა მას ადგილსა
Line of edition: 23     ლავრაჲ დიდი და საშუვალ მისსა მონასტერი. რომელნი ზოგად ცხონდებოდეს. და
Line of edition: 24     უბრძანა მათ, რაჲთა ახალმონაზონნი იყოფოდიან მონასტერსა მას შინა და ისწავებდენ
Line of edition: 25     საქმესა მონაზონებისასა, ხოლო სრულნი იგი უ̀ საქმესა ზედა ღმრთისასა,
Line of edition: 26     რომელთა შეუდგინნეს თავნი მათნი შრომასა ნებითა მათითა და ისწრაფდეს აღსლვად
Line of edition: 27     ღმრთისა. და დაამკჳდრნა იგინი ქუაბსა და დაუდვა მათ რჩული, რაჲთა თითუეული Manuscript page: 365v
Line of edition: 28     მათი თჳსა დაეყუდოს ქუაბსა თჳსსა ხუთ დღე კჳრიაკესა შინა და არარაჲ
Line of edition: 29     ჭამოდის, გარნა პური ხოლო და დანაკისკუდი და წყალი სუმად, ხოლო დღესა
Line of edition: 30     შაბათსა მოვიდოდიან ეკლესიად და ეზიარნენ საღმრთოსა საიდუმლოსა და მიიღონ
Line of edition: 31     საზრდელი მონასტერსა მას შინა და ჭამოდიან წუენი და მცირედ ღჳნისაგანცა,
Line of edition: 32     და რაჲთა ყოველთა ერთბამად განათიოდიან4 ღამჱ იგი უძილად ვიდრე
Line of edition: 33     განთიადმდე კჳრიაკესა ფსალმონებითა.

Page of edition: 313   Line of edition: 1     და არავინ იყო მათგანი, რომელმანმცა აღანთო სანთელი სენაკსა თჳსსა ყოვლად
Line of edition: 2     გინათუმცა შექმნა წყალი ტფილი, გინაღამცა წუენი. და არარას მოიგებდეს
Line of edition: 3     და იყვნეს იგინი მდაბალ ყოველსა შინა საქმესა და სძლეს ვნებასა ჴორცთასა და
Line of edition: 4     დათრგუნეს ნაყრუვანებაჲ ,და არა თუ ესოდენ ხოლო, არამედ ვნებაჲცა სულისაჲ,
Line of edition: 5     რომელნი არიან შფოთნი და გულისწყრომანი და სიცხარენი, დავიწყებანი. და განსწმედდეს
Line of edition: 6     გულისსიტყუათა მათთა ყოველსა ჟამსა და ყოველსა მეცნიერებასა,
Line of edition: 7     რომელი ამადლდების მეცნიერებასა ზედა საღმრთოსა. და ესრჱთვე ამბა ჯერასიმე
Line of edition: 8     ასწავებდა მათ და განუგებდა და უძდოდა, ვითარცა მწყემსი, რომელსა აქუნ
Line of edition: 9     სწრაფაჲ. არამედ ესე იყო დიდებაჲ ბერისაჲ, რაჲთა ითუალვიდეს და განჰკურნებდეს
Line of edition: 10     წყლულსა გულსა კაცისასა და შეკრიბნეს და დაიცვნეს სულნი კაცთანი სოფლისაგან
Line of edition: 11     და წარუდგინნეს იგინი ღმერთსა. და იყო წმიდაჲ ჯერასიმე უბიწო და მჴურვალე
Line of edition: 12     ყოველსა შინა სათნოებასა და ზე ამაღლდებოდა, სულითა ანგელოზთა თანა
Line of edition: 13     იყოფინ. და Manuscript page: 366r იყო მოსწრაფე, რაჲთა მოიზიდნეს მრავალნი სოფლისაგან
Line of edition: 14     ზეცად ამით განგებითა.

Line of edition: 15        ხოლო რაჟამს მამანი ცხონდებოდეს, ნებისაებრ მისისა ჰყოფდეს ნაყოფსა
Line of edition: 16     სათნოსა ღმრთისიასა და იქმანედ ქუაბსა შინა სირასა და სფურიდსა. და თითუეულმან
Line of edition: 17     მათმან მოიღის ნაქმარი მათი კჳრიაკითი-კჳრიაკედ ეკლესიად, ხოლო დღესა
Line of edition: 18     კჳრიაკესა მიმწუხრი მიიღიან საჴმარი მის კჳრიაკისაჲ პური და ფინიკი და კოკითა
Line of edition: 19     წყალი და წარიღიან თითოეული სენაკად. და ესრეთ იყვნეს უზრუნველ ყოველსა
Line of edition: 20     შინა საქმესა ჴორციელებისასა. და იყვნეს მკუდარ სოფლისაგან, ხოლო ღმრთისა
Line of edition: 21     -- ცხოველ. და არავის მათგანსა აქუნდა სენაკსა შინა საჴმარი რაჲმე ამის სოფლისაჲ
Line of edition: 22     თჳნიერ ხოლო მისა, რომელი ვეო ეგების, ერთი პალეგავტი და ფიჩჳ
Line of edition: 23     ერთი და კუკული. და იყო სარეცელი თითოეულისა მათისაჲ ჭილი ერთი და სასთაული
Line of edition: 24     ერთი ძუელი და ჭურჭელი კეცისაჲ. რომელსა შინა ჭამედ, და ბაიაჲ დაილბიან.
Line of edition: 25     ესე წესი დაუდვა წმიდამან, რაჲთა სენაკები მათი იყოს ღებულად. და თუ
Line of edition: 26     ვისმე რაჲმე უნდეს წარდების, არა დააყენონ. და ცხონდებოდეს იგინი ერთგულ
Line of edition: 27     და ერთსულ. და არავინ მათგანმან თქჳს თჳსად რაჲმე საჴმარი, არამედ იყვნეს
Line of edition: 28     მოზიარე ყოველსა შინა.

Line of edition: 29        დღესა ერთსა მოუჴდეს წმიდასა მას რომელნიმე მათგანნი სენაკებისაგან და
Line of edition: 30     ითხოვდეს მისგან, რაჲთა უბრძანოს, და იქმნოდიან წყალი ტფილი და ჭამოდიან
Line of edition: 31     წუენი და აღანთოდიან სანთელი, რაჲთა იკითხვიდენ დამით წიგნსა. და მიუგო
Line of edition: 32     მათ ბერმან და ჰრქუა: უკუეთუ გნებავს წყალი ტფილი სუმად და ჭამად წუენი
Line of edition: 33     და იკითხვიდეთ სანთლითა, უკუე¹^* გიღირს, რაჲთა იყვნეთ ზოგად-ცხორებულთა
Line of edition: 34     თანა. Manuscript page: 366v ხოლო მე ცხორებასა ჩემსა არა გიბრძანებ ამას. და ვითარცა ესმა
Line of edition: 35     ესე იერიქოს მყოფთა, ვითარმედ მონაზონნი ჯერასიმესნი აშრომებენ თავთა
Line of edition: 36     თჳსთა ფრიად, მოართუმიდეს მათ შაბათსა და კჳრიაკესა მრავალსა საჭმელსა.
Line of edition: 37     ხოლო რომელნიმე მონაზონთაგანნი ამარხვებდეს თავთა თჳსთა. ვითარცა იხილნეს
Line of edition: 38     მსოფლიონი²^* მომავალად, უნდა სივლტოლაჲ, რამეთუ არარაჲ იყო უფროჲსი
Line of edition: 39     სათნოებაჲ, ვითარცა მარხვაჲ მუცლისაჲ. და მისგან არს სიწმიდჱ და დათრგუნვაჲ
Line of edition: 40     გულისსიტყუათა საძაგელთაჲ და ძლევაჲ სოფლისა საქმეთაჲ. და მარხვითა
Line of edition: 41     ისწავებდეს წმიდისა მამისა ჩუენისაგან და იტყოდეს, ვითარმედ ამისთჳს, რამეთუ
Line of edition: 42     სძლო გემოსა მუცლისასა და იქმნა სრულ ყოვლითა სათნოებითა, რამეთუ ყოველსა

Page of edition: 314   Line of edition: 1     ჟამსა მოღუაწჱ თჳსი ჴამს, რომელმან ესრეთ დაყოვნა უდაბნოსა იორდანისასა
Line of edition: 2     და კჳრიაკითი-კჳრიაკედ იმარხვიდა, ხოლო დიდთა მარხვათა დაყვნის ორმეოცნი
Line of edition: 3     დღენი უჭმელად, ხოლო ეზიარის დღესა კჳრიაკესა და მით განძლიერდის.

Line of edition: 4        მითხრა მე ამბა კჳრიაკოს მძოვარმან და თქუა, ვითარმედ: ოდეს ვიყავ ჭაბუკ,
Line of edition: 5     მინდა მონაზონების და რაჲთა დავემკჳდრო უდაბნოსა. და მივედ ლავრასა
Line of edition: 6     წმიდისა ევთჳმისსა და წმიდათა ჴელთა მისთაგან შევიმოსე¹^* სქემაჲ მონაზონებისაჲ.
Line of edition: 7     და მიმავლინა მე წმიდისა ჯერასიმესა²^*. და ვითარ არა ინება, რაჲთამცა იყო
Line of edition: 8     ლავრასა მისსა ყრმაჲ, შემიწყნარა მე ზოგად-ცხორებულთა თანა და მიბრძანა,
Line of edition: 9     რაჲთა ვჰმსახურებდე მამათა. და დავყავ ხუთი წელი მსახურებასა შინა მამათასა.
Line of edition: 10     ხოლო განსრულებასა მეხუთისა წლისასა, თუესა იანვარსა ათცხრამეტსა, მეხუთესა
Line of edition: 11     ჟამსა ღამისასა, რომელი განთენდებოდა შაბათად, ვიყავ მე მჯდომარჱ მღჳძარედ
Line of edition: 12     და ვარჩევდ მხალსა მამათათჳს. მოვიდა ჩემდა წმიდაჲ ჯერასიმე და მრქუა
Line of edition: 13     მე: კჳრიაკოს, აღდეგ მალე³^* და შეიმოსე⁴^* სამოსელი შენი და ცანდალნი შენნი Manuscript page: 367r
Line of edition: 14     და შემომიდეგ მე. ხოლო მე მუნქუესვე აღვდეგ და შეუდეგ. ვითარ ჩუენ
Line of edition: 15     მივიდოდეთ იერიქოჲთ კერძო, ვარქუ ბერსა: მამაო პატიოსანო, რაჲ არს მიზეზი
Line of edition: 16     ჩუენისა ამის სრბისაჲ? და მრქუა მე, ვითარმედ: წმიდამან ევთჳმი შეისუენა. და
Line of edition: 17     დამიკჳრდა მე და ვარქუ: და ვითარ სცან ესე? და მომიგო მე ბერმან და მრქუა,
Line of edition: 18     ვითარმედ: მესამესა ჟამსა ღამისასა, ვდეგ რაჲ და ვილოცევდ, ვიხილენ ცანი
Line of edition: 19     განხუმულნი, და გამოვიდა მიერ ცით ელვაჲ ნათლისაჲ, ვიდრემდის მოიწია ქუეყანად
Line of edition: 20     და დაადგრა მრავალ ჟამ, ვითარცა სუეტი ცეცხლისაჲ, და ჰნათობდა ვიდრე
Line of edition: 21     ცადმდე. და ვითარ ვერ ვცან სახილავი იგი. ვითხოვე ღმრთისაგან, რაჲთა მაუწყოს
Line of edition: 22     მე. და მესმა ჴმაჲ ზეცით და თქუა: ესე არს სული წმიდისა ევთჳმისი, აღმავალი
Line of edition: 23     ზეცად. და იწყო სუეტმან მან, რომელი მეჩუენა მე, აღსლვად ქუეყანით ზეცად,
Line of edition: 24     ჴმითა მრავლითა, გალობითა, ვითარ შევიდა ცად. და ამისგან ვცან ჭეშმარიტად,
Line of edition: 25     ვითარმედ შეისუენა წმიდამან ევთჳმი. და მივედით და თაყუანის-ვეცით გუამსა
Line of edition: 26     მის წმიდისასა და დაჰვმარხეთ და მოვიქეცით ადგილადვე ჩუენდა და ვადიდებდით
Line of edition: 27     ღმერთსა.

Line of edition: 28        ამას ჯერასიმეს ღმერთშემოსილსა აქუნდა⁵^* მადლი იგი, რომელი აქუნდა
Line of edition: 29     წმიდასა ანტონის დიდსა, რომელმან იხილა თუალითა გულისაჲთა სული წმიდისა
Line of edition: 30     ამონისი აღმავალად ზეცად. ესრჱთვე ამან იხილა სული წმიდისა ევთჳმისი აღმავალი
Line of edition: 31     ზეცად თუალითა გულისაჲთა. და ჭეშმარიტად იქმნა ესე სადგურ სულისა
Line of edition: 32     წმიდისა და ტაძარ სიტყჳსა ღმრთისა მამისა და შემწყნარებელ ყოვლისამპყრობელისა,
Line of edition: 33     რომელსა შინა დამკჳდრებულ იყო. ერთი ღმერთი გამოუცხადებდა მას
Line of edition: 34     შორიელსა და მახლობელსა. ესე ძალითა ღმრთისაჲთა მოიღუაწა, Manuscript page: 367v და რომელნი
Line of edition: 35     იყვნეს ჴელსა შინა მისსა, განსწავლნა და განანათლნა და დასთესა ჭეშმარიტი სარწმუნოებაჲ
Line of edition: 36     ყოველსა უდაბნოსა იორდანისასა და იქმნა ჭურ რჩეულ ღმრთისა და
Line of edition: 37     ესრჱთვე შეჰვედრა სული თჳსი ღმერთსა მშჳდობით და განისუენა.

Line of edition: 38        გჳთხრობდეს მოწაფენი წმიდისა მამისა ჩუენისა ჯერასიმჱსნი, ვითარმედ
Line of edition: 39     რომელთამე დღეთა, იქცეოდა რაჲ მამაჲ ჩუენი კიდესა იორდანისასა, შეემთხჳა
Line of edition: 40     მას ლომი და კელობდა ფერჴითა, რამეთუ აღესვა მას ჩნდჱ და შეუდგა წალაჲ. და
Line of edition: 41     ვითარცა იხილა მან ბერი, მოვიდა მისა⁶^* და უჩუენებდა მას ფერჴსა, რომელი სტკიოდა,
Line of edition: 42     და ითხოვდა განკურნებასა. ხოლო ბერმან ვითარცა იხილა იგი ესევითარსა

Page of edition: 315   Line of edition: 1     ჭირსა შიდა, მივიდა და შეუპყრა ფერჴი ლომსა მას და განაპო ადგილი იგი, სადა
Line of edition: 2     აღსობილ იყო ჩნდჱ იგი, და გამოჴდა სისხლი და წალაჲ ფრიად. და განწმიდა
Line of edition: 3     წყლული იგი და შეუხჳა მჩურითა. და ვითარცა განიკურნა ლომი იგი, შეუდგა
Line of edition: 4     ბერსა და არა განეშორებოდა, და იყო იგი ვითარცა მოწაფჱ კეთილი, რომელი
Line of edition: 5     შეუდგნ მოძღუარსა თჳსსა, ვიდრეცა ვალნ. და იყო ესე საკჳრველ, რამეთუ მჴეცსა
Line of edition: 6     მას აქუნდა ესევითარი სიყუარული. ხოლო მიერითგან ბერმან სცის მას საჭმლად
Line of edition: 7     პური და ცერცჳ დამბალი.

Line of edition: 8        და მამათა, რომელნი მყოფ იყვნეს ქუაბებსა, ედგა მათ ვირი, რომლითა მოიღიან
Line of edition: 9     წყალი იორდანით. და ეშორა იორდანჱ ლავრასა მას ვითარ მოლიონ ერთ.
Line of edition: 10     ხოლო მამათა მისციან ვირი იგი ლომსა მას, რაჲთა აძოებდეს კიდესა იორდანისასა.
Line of edition: 11     და დღესა ერთსა განეშორა ლომი იგი ვირსა მას მცირედ, აძოებდა რაჲ. და
Line of edition: 12     მეაქლემე Manuscript page: 368r ვინმე მოვიდოდა ბალკნით და პოვა ვირი იგი და წარაძო. ხოლო
Line of edition: 13     ვითარ წარწყმიდა ლომმან ვირი იგი, მოვიდა ბერისა მწუხარჱ ფრიად. და ვითარცა
Line of edition: 14     იხილა ბერმან, ჰგონებდა, ვითარმედ შეჭამა ვირი იგი. ხოლო ლომი იგი დგა და
Line of edition: 15     ქუე დაიხედვიდა, ვითარცა კაცი შეცოდებული. და ჰრქუა მას ბერმან: სადა არს
Line of edition: 16     ვირი? და ვითარ დუმნა ლომი იგი, ჰრქუა მას ბერმან: ამისთჳს, რამეთუ შეშჭამე
Line of edition: 17     ვირი. კურთხეულ არს ღმერთი, რამეთუ მის წილ ჰმსახურებდე მამათა და იქმოდი,
Line of edition: 18     რასა-იგი ვირი იქმოდა. ხოლო მიერ დღითგან მამათა გარდაჰკიდიან ლომსა
Line of edition: 19     მას მაშფალაჲ და შთადგიან მას შინა ოთხი კოკაჲ. და ესრჱთ იღებდა მამათათჳს
Line of edition: 20     წყალსა, ვითარცა-იგი ბრძანა ბერმან.

Line of edition: 21        და დღესა ერთსა მოვიღა კაცი ვინმე ბერისა და იხილა ლომი იგი, ვითარ წყალსა
Line of edition: 22     იღებდა. და აუწყეს მამათა საქმჱ მისი. და შეეწყალა იგი კაცსა მას და მისცნა
Line of edition: 23     ბერსა სამნი დრაჰკანნი ფასად ვირისა და განათავისუფლა ლომი იგი მონებისაგან.
Line of edition: 24     და შემდგომად რავდენისამე ჟამისა მეაქლემე იგი მოვიდოდა ბალკნით, რომელმან
Line of edition: 25     წარაძო ვირი იგი, და აღვიდოდა იერუსალემდ და ჰყვანდა ვირი იგი მის თანადა
Line of edition: 26     ვითარცა გამოვლო იორდანჱ, შეემთხჳა მას ლომი იგი. ხოლო მან, ვითარცა
Line of edition: 27     იხილა, დაუტევნა აქლემნი და ივლტოდა. ხოლო ლომმან იცნა ვირი იგი. და მივიდა
Line of edition: 28     სრბით და შეუპყრა საბელი მისი კბილითა, ვითარცა აქუნდა ჩუეულებაჲ, და მუაძო
Line of edition: 29     აქლემებითურთ მონასტრად დაიყო მხიარულ ფრიად, რაჟამს პოვა ვირი იგი.
Line of edition: 30     და ვითარცა მოვიდა ბერისა, ცნა ბერმან, ვითარმედ Manuscript page: 368v უსამართლოჲ უყვეს
Line of edition: 31     ლომსა მას, და დასდვა მას სახელი იორდანე. და დაყო ხუთი წელი ლომმან მან
Line of edition: 32     ბერსა თანა განუშორებელად.

Line of edition: 33        და ვითარცა შეისუენა წმიდამან მამამან ჩუენმან და მივიდა უფლისა, და დაჰმარხეს
Line of edition: 34     იგი მამათა. და განგებითა ღმრთისაჲთა არა იყო ლომი იგი მუნ. და შემდგომად
Line of edition: 35     მცირედთა დღეთა მოვიდა მონასტრად ლომი იგი და იწყო ძიებად ბერისა. და
Line of edition: 36     ჰრქუა მას ამბა სამბატიოს¹^*, რომელი იყო მოწაფეჲ ბერისაჲ: იორდანე, დაგჳტევნა
Line of edition: 37     ჩუენ ბერმან ობლად და მივიდა უფლისა. არამედ მოვედ და ჭამე. და არა ინება
Line of edition: 38     ჭამაჲ, არამედ სწრაფით იხედვიდა იქი და აქა, რაჲთა იხილოს წმიდაჲ იგი ბერი
Line of edition: 39     მისი. და იწყო ზახრლად დიდითა ჴმრთა ძიებისათჳს ბერისა. ხოლო სამბატიოს და
Line of edition: 40     სხუანი იგი ბერნი ჰფხანდეს ზურგსა მისსა და ეტყოდეს: წარვიდა მამაჲ ჩუენი
Line of edition: 41     უფლისა და დაგჳტევნა ჩუენ. და ვითარცა იგინი ამას ეტყოდეს და მრავალსა ესევითარსა
Line of edition: 42     სიტყუასა, ხოლო იგი არა დასცხრებოდა. მუასწავებდა ჴმობაჲ იგი მისი

Page of edition: 316   Line of edition: 1     და ხედვაჲ თუალთა მისთაჲ დიდსა მწუხარებასა, რომელი შეემთხჳა. რაჟამს არა
Line of edition: 2     პოვა წმიდაჲ იგი ბერი. მაშინ ჰრქუა მას სამბატიოს: ოდეს ჩუენსა არა დაიჯერებ,
Line of edition: 3     მოვედ და გიჩუენო, სადა დაჰვმარხეთ ბერი. და წარიყვანა და მივიდეს საფლავად
Line of edition: 4     ბერისა. მაშინ დადგა სამბატიოს ზედა საფლავსა წმიდისა მამისა ჩუენისასა და ჰრქუა
Line of edition: 5     ლომსა მას: აქა ჰმარხავს მამაჲ ჩუენი. და მუჴლნი მოიდრიკნა სამბატიოს საფლავსა
Line of edition: 6     ზედა მამისა ჩუენისასა ტირილით. და იწყო ლომმან მან მუჴლთა Manuscript page: 369r დრეკად
Line of edition: 7     ქუეყანასა და სცემდა თავსა თჳსსა საფლავსა ზედა და იზახდა ფრიად და ესრჱთ
Line of edition: 8     მოკუდა ზედა საფლავსა მას. ესე -- ყოველი, რომელი იყო.

Line of edition: 9        არა თუ ლომსა მას აქუნდა სული მეტყუელი, არამედ ინება ღმერთმან, რაჲთა
Line of edition: 10     ადიდნეს მადიდებელნი თჳსნი არა ხოლო თუ ამას ცხორებასა, არამედ შემდგომადცა
Line of edition: 11     სიკუდილისა. და რაჲთა გუაუწყოს ჩუენ, ვითარ-იგი ადამს დამორჩილებულ იყვნეს
Line of edition: 12     მჴეცნი, ვიდრე არდა გარდასრულ იყო მცნებასა და არა გამოვრდომილ იყო
Line of edition: 13     სამოთხით.

Line of edition: 14        შეისუენა წმიდამან მამამან ჩუენმან ჯერასიმე თუესა მარტსა ოთხსა, მეფობასა
Line of edition: 15     ზჱნონისსა პირველად. ხოლო ბასილიოს და სტეფანე მიითუალეს განგებაჲ
Line of edition: 16     მის ადგილისაჲ და შემდგომად ექუსისა წლისა აღესრულნეს. და შემდგომად მათსა
Line of edition: 17     დადგა ევგენიოზ და უძდოდა სამწყსოსა მას ორმეოცდახუთ წელ და ოთხ თუე,
Line of edition: 18     ვითარცა ღმერთსა უყუარს, და გარდაიცვალა ათექუსმეტსა აგჳსტოსსა.
Line of edition: 19     უფალსა ჩუენსა იესუ ქრისტესა დიდებაჲ და პატივი და თაყუანისცემაჲ უკუნისამდე
Line of edition: 20     და უკუნითი უკუნისამდე. ამენ.

Next part

This text is part of the TITUS edition of Athanasius / Cyrillus, Vitae Patrum (Mamata Cxorebani).

Copyright TITUS Project, Frankfurt a/M, 10.2.2010. No parts of this document may be republished in any form without prior permission by the copyright holder.