TITUS
Athanasius / Cyrillus, Vitae Patrum (Mamata Cxorebani)
Part No. 10
Previous part

Vita: Steph.Nik.  
Page of edition: 256  
Manuscript page: 300r 
Line of edition: 1  
ცხორებაჲ და განგებაჲ წმიდათა მამათაჲ
Line of edition: 2  
სტეფანჱსი და ნიკონისი


Line of edition: 3        ორნი მონაზონნი შემოვიდეს იერუსალჱმდ თაყუანისცემად წინაშე ჯუარსა
Line of edition: 4     ცხოველსმყოფელსა და იყოფოდეს ზოგად სენაკსა შინა იერუსალჱმს. და სახელი
Line of edition: 5     ერთისაჲ მის სტეფანე და მეორისაჲ მის ნიკონ. ხოლო ნიკონ იყო დიდისა ქალაქისა
Line of edition: 6     ჰრომისაჲ და სტეფანე -- სხჳსა ქუეყანისაჲ. და ვითარ გამოჴდა თუე ერთი, ჰრქუა
Line of edition: 7     სტეფანე ნიკონს: ძმაო, ვინაჲ გნებავს მისლვის? ჰრქუა მას ნიკონ: ვინაჲცა ინებოს
Line of edition: 8     იესუ ქრისტემან, მუნცა წარვალ. ჰრქუა მას სტეფანე: გნებავსა, უკუეთუმცა
Line of edition: 9     წარვედით უდაბნოდ მე და შენ ერთად და მუნ აღვაშჱნნეთ სენაკები: ერთი შენთჳს
Line of edition: 10     და ერთი ჩემთჳს, და ვჰმსახურებდეთ უფალსა ჩუენსა იესუ ქრისტესა ყოველთა
Line of edition: 11     დღეთა ცხორებისა ჩუენისათა? ჰრქუა მას ნიკონ: ცხოელ არს ქრისტე, ღმერთი
Line of edition: 12     ჩუენი, რამეთუ ესე მაქუს მეცა გულისსიტყუაჲ, ვინაჲთგან გამოვედ ქალაქით
Line of edition: 13     ჩემით და ამას ვეძიებ, რამეთუ გული-მითქუმიდა სურვიელად, რაჲთამცა ვიხილენ
Line of edition: 14     ძმანი იგი, რომელნი უდაბნოს გარე არიან. ჰრქუა მას სტეფანე: მაშა აღდეგ
Line of edition: 15     ძალითა ღმრთისაჲთა და წარვიდეთ. მაშინ თაყუანის-სცეს წინაშე ჯუარსა ქრისტესა
Line of edition: 16     ორთავე და განვიდეს უდაბნოდ, ვითარცა თქუეს, და იხილნეს მამანი და ძმანი
Line of edition: 17     ყოველნი და დაადგრეს მათ თანა სამ დღე და მერმე ითხოვეს მამათაგან, რაჲთა Manuscript page: 300v 
Line of edition: 18     იყოფოდიან მათ თანა.

Line of edition: 19        და ვითარცა ესმა მამათა, განიხარეს ფრიად და აღუშჱნეს მათთჳს სენაკები:
Line of edition: 20     ერთი სტეფანჱსთჳს და ერთი ნიკონისთჳს. და შეუქმნეს მათ თითო სარკუმლები
Line of edition: 21     და მისცეს მათ ყოველი საჴმარი დაყუდებისათჳს, რაჲცა ჴმდა. და შევიდა თითუეული
Line of edition: 22     თჳსსა1* სენაკსა, და შეაყენნეს თავნი თჳსნი. ხოლო ძმათა დაყვნეს კარნი მათნი
Line of edition: 23     მათ ზეღა და წარვიდეს და მისცემდეს მათ პურსა და წყალსა და მარილსა, სარკუმლით
Line of edition: 24     შესცემდეს. სამისა დღისა შემდგომად ითუალვიდეს. და ესრჱთ იყო განგებაჲ
Line of edition: 25     მათი. ხოლო ჟამსა მესამესა ილოცვიდეს ათორმეტითა ფსალმონითა და
Line of edition: 26     ეგრევე მეექუსესა ჟამსა ათორმეტითავე ფსალმონითა და კუალად მეცხრესა და
Line of edition: 27     სამწუხროსა ეგრევე ილოცვიდეს ათორმეტითავე ფსალმონითა. ხოლო საზრდელსა
Line of edition: 28     რომელსა მიიღებდეს შემდგომად სამისა დღისა, კჳრიაკესა შინა ორგზის
Line of edition: 29     სამ-სამით იმარხვიდეს და ჰმსახურებდეს2* ღმერთსა ლოცვითა და მარხვითა და
Line of edition: 30     მღჳძარებითა ორმეოცდაშჳდსა წელსა. ხოლო კართა მათთა არა განაღებდეს,
Line of edition: 31     გარნა ახუსებით-ახუსებამდე3*. და ყოველნი, რავდენნი იყვნეს მათ უდაბნოთა
Line of edition: 32     და ადგილთა შინა, მოვიდოდეს მათა და იკურთხეოდეს მათგან. და მრავალნი
Line of edition: 33     კურნებანი იქმნებოდეს მათ მიერ, და ეშმაკნი განჴდებოდეს და ვაებით წარივლტოდეს
Line of edition: 34     მათგან. და უფალი ჩუენი იესუ ქრისტე იდიდებოდა საქმეთა მათთა მიერ,
Page of edition: 257   Line of edition: 1     ვითარცა წერილ არს: ნეტარ არს მის მონისაჲ, რომლისა მიერ უფალი თჳსი
Line of edition: 2     იდიდოს.

Line of edition: 3        და ვითარცა იხილა ეშმაკმან, ვითარმედ Manuscript page: 301r  მცხინვარებასა ნათლისასა
Line of edition: 4     უძლევიეს, და ყოველი ძალი მისი დაჴსნილ არს, მოუწოდა გუნდთა მოყუასთა
Line of edition: 5     მისთასა და ჰრქუა მათ: რაჲ-მე უკუე უყოთ იმათ, რომელთა მიერ ძლეულ ვართ,
Line of edition: 6     რამეთუ განაქარვეს ყოველი ძალი ჩუენი და ამაო იქმნნეს საქმენი ჩუენნი? მოვედით
Line of edition: 7     და ბრძოლა-უყოთ მათ, ნუუკუე1* შეუძლოთ დაჴსნად გზათა სიმართლით
Line of edition: 8     სლვისა მათისათა. ხოლო ჟამი იგი იყო ზატიკობისაჲ, და კარნი სენაკებისა მათისანი
Line of edition: 9     განღებით იყვნეს წესისაებრ მათისა ახუსებისათჳს ჩუეულებისაებრ მათისა,
Line of edition: 10     და სხდეს სენაკებთა თჳსთა. ხოლო სტეფანე აღიღო "ცხორებაჲ მამისა ანტონისი",
Line of edition: 11     განაღო და იკითხვიდა მას შინა. და ვითარ იკითხვიდაღა იგი მას შინა, აღიხილნა
Line of edition: 12     ნიკონ თუალნი თჳსნი და მიხედნა და იხილა სტეფანჱს თანა დედაკაცი ჭაბუკი,
Line of edition: 13     ეხუეოდა და აკოცებდა. მაშინ იცვალა გონებაჲ ნიკონისი მოყუარისა და საყუარელისა
Line of edition: 14     მიმართ და ჰრქუა რჩეულსა მას სტეფანეს: ჵ, ძმაო მტყუვარო2* და მეძაო,
Line of edition: 15     რომელი იმოსები გარეშჱთ სამოსლითა ცხოვართაჲთა და შინაგან -- მგელ
Line of edition: 16     მძჳნვარე მტაცებელ.

Line of edition: 17        და მიხედნა სტეფანე ნიკონს და იხილა კუალად მანცა დედაკაცი,
Line of edition: 18     მჯდომარჱ მარცხენით ნიკონისა. ხოლო სტეფანე მიუგო და თქუა: ვაჲ ჩემდა
Line of edition: 19     შენ მიერ, ვითარ დავლიენ ჟამნი წელთა ჩემთანი შენ თანა და მე ვჰგონებდი,
Line of edition: 20     ვითარმედ ქრისტეანესა თანა დამკჳდრებულ ვარ, და არა უწყოდე, ვითარმედ
Line of edition: 21     ცუდად წოდებულ იყო სახელი ქრისტესი შენ ზედა. ვაჲ მე, საყუარელო შენ გამო,
Line of edition: 22     ანგელოზო უსხეულოო, ვითარ იძლიე გულისთქუმითა Manuscript page: 301v  დედათაჲთა! ვაჲ
Line of edition: 23     ჩემდა შენ მიერ, არწიო შუენიერო, ვითარ დაგჴდეს ფრთენიშენნი და მოუძლურდი!
Line of edition: 24     ვაჲ მე, მოყუასო ჩემო, ვითარ განშორებულ იქმენ ჩემგან საუკუნოდ. ვაჲ მე,
Line of edition: 25     ზღუდეო მაღალო და დიდო, ვითარ აღიძარ და დაეცი საფუძველითურთ! ვაჲ მე,
Line of edition: 26     გურიტო უმანკოო, ვითარ შეგიძლო გუელმან სიფრთხილითა მისითა! ვაჲ მე, ხეო
Line of edition: 27     ტკბილო, ვითარ შეგემთხჳა ქარი ფიცხელი,და აღიფხურნეს ძირნი შენნი, და შთაჰვარდი
Line of edition: 28     სიბნელესა! ვაჲ მე კჳპაროზსა მაღალსა, ვითარ შეგმუსრა3* ქარმან სასტიკმან.
Line of edition: 29     ვაჲ მე, წყაროო ტკბილო, ვინ შეგაზავა შენ სიმწარჱ და აღმრღუეულ იქმენ!
Line of edition: 30     ვაჲ მე, უხუცჱსო ჴელოვანო, ვითარ დაგეძინა, და წარჴდეს ყოველნი საქმენი
Line of edition: 31     შენნი! ვაჲ მე, წმიდაო და მართალო, ვითარ იძლია და წარჴდა გჳრგჳნი იგი შუენიერი.
Line of edition: 32     ვაჲ მე, მენავეთმოძღუარო, გონიერო ჴელოვანო, ვითარ გაცთუნეს შენ
Line of edition: 33     ღელვათა, ვიდრემდის შეიმუსრა4* ნავი შენი! ვაჲ მე, წმიდაო და მგალობელო, ვითარ
Line of edition: 34     იქმენ ბაგინ საეშმაკო! ვაჲ მე, ტაძარო მეუფისა მაღლისაო, ვითარ იქმენ სადგურ
Line of edition: 35     ეშმაკთა! ვაჲ მე, მოწაფეო იესუ ქრისტესო, ვითარ იქმენ სამკჳდრებელ ეშმაკთა
Line of edition: 36     მთავრისა!

Line of edition: 37        და ვითარცა ესმა ესე ნიკონს სტეფანჱსგან, მიუგო და ჰრქუა: რაჲსა მაგინებ
Line of edition: 38     მე, ძმაო? რაჲ უკუე ვყავ ბოროტი წინაშე შენსა, და მაგინებ მე? აჰა ესერა ორმეოცდაშჳდი
Line of edition: 39     წელი არს ჩემი, ვინაჲთგან Manuscript page: 302r  არღარა გამოსრულ ვარ სენაკით ჩემით
Line of edition: 40     შენდა, და არცა შენ ჩემდა. ჰრქუა მას სტეფანე: არა გრცხუენის და არცა გეკდიმების
Line of edition: 41     მაგისგან, რომელი გიზის გუერდით და გეკოცნების და გეხუევის, ჵ,
Line of edition: 42     მეძაო და ბოროტისმოყუარეო! ჰრქუა მას ნიკონ: მე მეტყჳა მეძვად?
Page of edition: 258   Line of edition: 1     გრცხუენოდენ შენ დედაკაცისა მაგისთჳს, რომელი შეგიტკბობდა და გეკოცნებოდა! ხოლო
Line of edition: 2     სტეფანე გარდამოუჴდა სენაკით თჳსით ნიკონს და შეუჴდა ცემად მჯიღითა და
Line of edition: 3     ფერჴითა. და იცემებოდეს ურთიერთას და აგინებდეს ერთიერთსა. და რამეთუ
Line of edition: 4     სამართლად ჭეშმარიტად ეხილვა ნიკონს დედაკაცი სტეფანჱს თანა, და ეგრევე
Line of edition: 5     მასცა ეხილვა ნიკონს თანა, და ორნივე სამართალსა ზედა ჰბრძოდეს ერთიერთსა,
Line of edition: 6     ვითარცა-იგი თქუა ბარსენარაქ ბრძენმან, ვითარმედ: ჰბრძოდე ჭეშმარიტებისათჳს
Line of edition: 7     ვიდრე სიკუდილმდე1*, რამეთუ უფალი ჰბრძოდის შენ წილ.

Line of edition: 8        ხოლო სტეფანე წარვიდა მამათა თანა, რომელნი იყვნეს უდაბნოს გარე, და
Line of edition: 9     ვიდრე ალექსანდრიადმდე მიიწია და აუწყა მათ ყოველივე, რაჲცა იყო. ხოლო მამანი
Line of edition: 10     ფრიად მწუხარე იქმნნეს ნიკონისთჳს, თუ ვითარ იძლია. ხოლო იგინი შეკრბეს
Line of edition: 11     და წარვიდეს წმიდისა ამბა ათანასი ალექსანდრელ ეპისკოპოსსა თანა და
Line of edition: 12     აუწყეს საქმჱ იგი, რომელი იყო შოვრის სტეფანჱსსა2* და ნიკონისსა. ხოლო პატრიაქმან
Line of edition: 13     დააყენნა მის თანა ძმანი იგი და მამანი, ვიდრე ექუს დღედმდე, და ევედრებოდის
Line of edition: 14     ღმერთსა ამის საქმისათჳს. ხოლო ნეტარმან3* ნიკონ, ვინაჲთ დღითგან Manuscript page: 302v 
Line of edition: 15     განვიდა ნეტარი სტეფანე მისგან, არა ჭამა და არცა სადა შესუა, არამედ
Line of edition: 16     ლოცვით და მარხვით და ტირილით დგა წინაშე ღმრთისა. ხოლო ამბა ათანასი შეკრიბნა
Line of edition: 17     ყოველნი ეპისკოპოსნი ეგჳპტისანი და ყოველნი მამანი, რომელნი იყვნეს
Line of edition: 18     მუნ, და წარვიდეს მონასტრად ნიკონისა და სტეფანჱსა. ხოლო ნიკონ პოვეს ვითარცა
Line of edition: 19     მკუდარი რაჲ, დამჭნარი პირი მისი მწუხარებითა და ტირილითა და ლოცვითა
Line of edition: 20     და მღჳძარებითა. მით დღითგან ვიდრე მოსლვადმდე მათა ოცდაერთსა დღესა
Line of edition: 21     და ღამესა არაჲ ჭამა და არცა რაჲ შესუა მწუხარებისაგან ძმისა თჳსისა
Line of edition: 22     სტეფანჱსთჳს.

Line of edition: 23        და ვითარცა იყო დღჱ ხუთშაბათი, დასხდეს ეპისკოპოსნი სმენად სიტყუათა
Line of edition: 24     სტეფანჱსთა და ნიკონისთა. ჰრქუა ამბა ათანასი ეპისკოპოსმან სტეფანეს: რაჲ
Line of edition: 25     იხილე წმიდისაჲ ამის? მიუგო სტეფანე და ჰრქუა: კეთილად სთქუ. წმიდად გარეშე
Line of edition: 26     ჰმოსიეს სამოსელი ცხოვართაჲ სიმდაბლისაჲ, ხოლო შინაგან -- მგელ მტაცებელ,
Line of edition: 27     და კუალად მეცა მაცთუნა, ვინაჲთგან დამსუა მის თანა ამას ადგილსა ორმეოცდაშჳდსა
Line of edition: 28     წელსა. ჰრქუა მას ეპისკოპოსმან: რაჲ საქმჱ იხილე მის თანა? სტეფანე
Line of edition: 29     თქუა: ვიხილე იგი, რამეთუ დედაკაცსა შეიტკბობდა და ეკოცნებოდა. ჰრქუა
Line of edition: 30     ე პისკოპოსმან: იყო შენ თანა სხუაჲ, რომელმან წამოს, ვითარმედ იხილე იგი
Line of edition: 31     დედაკაცისა კოცნასა? სტეფანე თქუა: არავინ მაქუს მოწამჱ, გარნა იესუ ქრისტე,
Line of edition: 32     რომელ-ესე ვჰმსახურებ მე, ვინაჲთგან ვარ ვიდრე დღენდღელად დღედმდე. Manuscript page: 303r 
Line of edition: 33     ეპისკოპოსმან ჰრქუა: რაბამი გაქუს, ვინაჲთგან აქა იყოფით? ჰრქუა მას.
Line of edition: 34     ორმეოცდაშჳდი წელი. ჰრქუა ეპისკოპოსმან: იხილე ოდესმე იგი დედაკაცისა
Line of edition: 35     თანა ზრახვასა ამისა გარეშე? ჰოქუა მას: არა მიხილავს არაოდეს ესევითარსა
Line of edition: 36     საქმესა მოქმედად, ვითარ დღევანდლამდე, და ნეტარ, თუმცა დღესცა არა მეხილვა.
Line of edition: 37     ჰრქუა ეპისკოპოსმან ნიკონს: ჭეშმარიტსა იტყჳს მოყუასი ესე შენი შენ ზედა
Line of edition: 38     ანუ არა? მიუგო ნიკონ და ჰრქუა: პირველად ძმაჲ და მოყუასი იყო ეგე ჩემი,
Line of edition: 39     ხოლო ამიერითგან, ვინაჲთგან ტყუვილით ცილი თქუა ჩემ ზედა, რომელი-იგი
Line of edition: 40     არა იხილა, არა არს იგი ძმაჲ ჩემი და არცა მოყუასი. გარნა მე სამართალსა ვიტყჳ
Line of edition: 41     წინაშე უფლისა, რომელი ხედავს ხილულთა და უხილავთა, რამეთუ ვიხილე მე
Line of edition: 42     დედაკაცი, მდგომარჱ მის თანა, იკოცნებოდეს და შეიტკბობდეს ურთიერთას.
Page of edition: 259   Line of edition: 1     ხოლო ჴორცნი ჩემნი წმიდა არიან ბილწებისაგან. და ვინაჲთ დღითგან მოვედი
Line of edition: 2     ამას ადგილსა, არა მიხილავს დედაკაცი, გარნა იგი ხოლო, რომელი ვიხილე კოცნასა
Line of edition: 3     ამის მეძავისა თანა, რომელმან შემოგკრიბნა თქუენ ამას ადგილსა.

Line of edition: 4        და ვითარცა ესმა სტეფანეს, განრისხდა გულისწყრომითა ფიცხლად და შეკრიბა
Line of edition: 5     შეშაჲ ფრიადი და აღაგზნა ცეცხლი წინაშე ეპისკოპოსთა მათ და შევიდა
Line of edition: 6     მას შინა და დადგა ზედა საჴუმილსა მას და იტყოდა ჴმითა მაღლითა: იესუ ქრისტე,
Line of edition: 7     უფალო მართალო, უკუეთუ არა მიხილავს ნიკონ დედაკაცისა თანა ამბოვრის-ყოფით
Line of edition: 8     კოცნასა სენაკსა შინა მისსა1*, შთამჴადე ცეცხლსა Manuscript page: 303v  ამას შინა, და ნუმცა
Line of edition: 9     აღმოვალ მისგან! და დაადგრა სტეფანე ცეცხლსა მას შინა ზე-მდგომარჱ ვითარ
Line of edition: 10     სამ ჟამ ოდენ და არა დაიწუა. და ხედვიდა აღმოსავალით და ჴელნი თჳსნი განეპყრნეს
Line of edition: 11     სახედ ჯუარისა და ილოცვიდა გულსა შინა თჳსსა2* ღმრთისა მიმართ. ხოლო
Line of edition: 12     ეპისკოპოსთა მათ და მამათა იწყეს გინებად ნიკონისდა და ეტყოდეს: ვაჲ არს შენდა,
Line of edition: 13     ნიკონ, რამეთუ ცილი დასდევ სტეფანეს ტყუვილითა შენითა, მოაკუდინე
Line of edition: 14     იგი ენითა შენითა, და აჰა ესერა ღმერთმან იჴსნა იგი ცეცხლისა მისგან, და არა
Line of edition: 15     დაიწუა, ამისთჳს რამეთუ დაიცვნა ჴორცნი თჳსნი წმიდად წინაშე უფლისა თჳსისა.
Line of edition: 16     შეუგინებელად და3* ურცხჳნელად.

Line of edition: 17        და ვითარცა იხილა ნიკონ სტეფანე, მდგომარჱ ცეცხლსა მას შინა და რამეთუ
Line of edition: 18     არა დაიწუა, შეშინდა მამათაგან: ნუუკუ4* ქვაჲ დაჰკრიბონ მას და ცეცხლსა მას
Line of edition: 19     შთააგდონ იგი. მაშინ ღაღატ-ყო წინაშე ყოვლისა მის ერისა და თქუა: იესუ ქრისტე,
Line of edition: 20     რომელი ეჩუენე ბაბილონს სუსანაჲსთჳს5* უბრალოჲსა და მოუვლინე შენ
Line of edition: 21     მცირჱ იგი წინაწარმეტყუელი შენი დანიელ, და იჴსნა იგი უმჯავროებისა და3* სიკუდილისაგან,
Line of edition: 22     უკუეთუ მე ცილი დავსწამე ძმასა ჩემსა და თუ არა ვიხილე იგი დედაკაცისა
Line of edition: 23     თანა ხუევნასა და ამბორის-ყოფასა, შთამჴადე ცეცხლსა ამას შინა და ნუ
Line of edition: 24     აღმომიყიანებ ცოცხლივ მისგან! მაშინ შევიდა ცეცხლსა მას შინა და დაადგრა
Line of edition: 25     ძმისავე თჳსისა თანა შოვრის ცეცხლსა მას შინა და არა დაიწუა, არამედ ორნივე
Line of edition: 26     ერთად დგეს Manuscript page: 304r  ცეცხლსა მას შინა მსგავსად ყრმათა მათ, და არა შეეხო მათ
Line of edition: 27     ცეცხლი იგი ყოვლადვე არცა სამოსელსა მათსა და არცა თმასა მათსა. ხოლო პირნი
Line of edition: 28     მათნი იქმნნის, ვითარცა პირნი ანგელოზთა ღმრთისათანი. ხოლო ეპისკოპოსნი
Line of edition: 29     და მამანი განკჳრვებულ იყვნეს და იხარებდეს სიხარულითა დიდითა. და ღაღატ-ყვეს
Line of edition: 30     და ადიდებდეს ღმერთსა, რომელმან ყო ესევითარი საკჳრველი მათ მიერ.

Line of edition: 31        და ვითარ დგეს წმიდანი იგი ცეცხლსა მას შინა, არქუეს ეპისკოპოსთა მათ:
Line of edition: 32     ილოცეთ და ევედრენით წინაშე მჴსნელისა ჩუენისა იესუჲსა და ჩუენცა თქუენ
Line of edition: 33     თანავე, რაჲთა გჳჩუენოს ჩუენ, რომელმან ესე საქმჱ ქმნა ბოროტი თქუენ შოვრის.
Line of edition: 34     მაშინ ილოცვიდეს წმიდანი იგი ცეცხლსა მას შინა მდგომარენი და იტყოდეს:
Line of edition: 35     იესუ, მაცხოვარო სოფლისაო, იესუ, სასოო განწირულთაო, იესუ, ცოდვათა მომტევებელო,
Line of edition: 36     იესუ, მკუდართა განმაცხოველებელო, იესუ, ჴელის-ამპყრობელო
Line of edition: 37     მონათა შენთაო, რომელნი ბოროტსა შინა დაინთქმოდიან, იესუ, მწუხარეთა
Line of edition: 38     მახარებელო, იესუ, რომელი მოგზაურ ექმნები მონათა შენთა ყოველსა
Line of edition: 39     ადგილსა, იესუ, გჳრგჳნთა მომნიჭებელო წმიდათა შენთა მჴნეთაო, იესუ,
Line of edition: 40     სიკუდილისა დამთრგუნველო და მომაკუდინებელო, იესუ, ჯოჯოხეთისა
Line of edition: 41     შემმუსრველო, იესუ, ეშმაკისა მარცხუენელო, იესუ, მტერისა შემმუსრველო,
Line of edition: 42     იესუ, ბოროტისა განმაქარვებელო, იესუ, დამთრგუნველო გუელისაო. იესუ,
Page of edition: 260   Line of edition: 1     დამწუველო ვეშაპისა მის დიდისაო, იესუ, შემომკრებელო ამის კრებისა Manuscript page: 304v 
Line of edition: 2     წმიდისაო -- სადიდებელად შენ ღმრთისა გამოაცხადე ძალი შენი დღეს და აღმოგჳყვანენ
Line of edition: 3     ცეცხლისა ამისგან და შთააგდე მას შინა მტერი ჩუენი, რაჲთა ვიხილოთ
Line of edition: 4     დაწუვაჲ მისი!

Line of edition: 5        და მასვე ჟამსა შინა გამოვიდა ჴმაჲ, ღაღადებდა მსგავსად დედაკაცისა კბილთა
Line of edition: 6     ღრჭენით და თქუა: ქუესკნელისაგან ქუეყანისა განვიდევნე, და სახელმან
Line of edition: 7     ქრისტესმან შემკრა და მომიყვანა აქა. და მე ვარ ეშმაკი. და დაადგრა ცეცხლსა
Line of edition: 8     აას შინა მსგავსად თხისა მურტისა და ჴმა-ყო ჴმითა მაღლითა და თქუა: მე ვარ1*
Line of edition: 9     მანივთებელი ბოროტისაჲ. და თუალნი მისნი მსგავს იყვნეს ორთა სანთელთა აღნთებულთა,
Line of edition: 10     და ალი გამოვიდოდა პირისა მისისაგან, და კბილთა თჳსთა იღრჭენდა
Line of edition: 11     და ხედვიდა ყოველსა მას ერსა. და ღაღატ-ყვეს ყოველთა მამათა და თქუეს:
Line of edition: 12     დიდებაჲ შენდა, ღმერთო. რამეთუ ჰყავ ნებაჲ მოშიშთა შენთაჲ და დააგდე ეშმაკი
Line of edition: 13     ქუეშე ფერჴთა მათთა, რამეთუ დაუტევეს ყოველივე და შენ მხოლოჲ შეგიყუარეს.
Line of edition: 14     და იყო მაშინ სიხარული დიდი მამათაჲ, და ადიდებდეს ღმერთსა და იტყოდეს:
Line of edition: 15     არაოდეს ყოფილ არს ქუეყანასა მას ეგჳპტისასა ესევითარი საკჳრველი.
Line of edition: 16     ხოლო ყოველი კრებული ერისაჲ მიიღებდეს მათგან სარწმუნოებით ევლოგიასა
Line of edition: 17     სამოსლისა და თმისა მათისაგან საკურნებელად და დაადგრეს მუნ სამ დღე. ხოლო
Line of edition: 18     ძმანი იგი იხარებდეს და მხიარულ იყვსეს და იღჳძებდეს და ჰმადლობდეს მჴსნელსა,
Line of edition: 19     რომელმან უჩუენა მათ ჴსნაჲ მოხათა თჳსთაჲ Manuscript page: 305r  სამართლად.

Line of edition: 20        და მესამესა ღამესა გამოეცხადა უფალი წმიდასა ამბა ათანასოს და ჰრქუა
Line of edition: 21     მას: დაადგერ აქა შენ და ერი ესე, რაჲთა დაჰმარხნეთ რჩეულნი ესე, რომელთა
Line of edition: 22     აღასრულეს ნებაჲ ჩემი და მმსახურეს2* გონებითა კეთილითა ორმეოცდაშჳდ
Line of edition: 23     წელ, რამეთუ მნებავს მათი მოყგანებაჲ3* ჩემ თანა, რაჲთა არა იყოს ბიწი გუამთა
Line of edition: 24     შინა მათთა, რამეთუ შემოყუარეს და შეიყუარეს მამაჲ, რომელ არს ცათა შინა.
Line of edition: 25     ხოლო რაჟამს დაჰმარხნე იგინი, მერმე გამოირჩიენ ორნი ბრძენნი ბრძენთა ამათგან
Line of edition: 26     ძმათა და შეიყვანენ იგინი ადგილსა მათსა, რაჲთა მმსახურებდენ4*. და შემდგომად
Line of edition: 27     სამისა დღისა ჰრქუა სტეფანე ამბა ნიკონს, რამეთუ: ვიხილე ღამესა ამას
Line of edition: 28     კაცი მოხუცებული5* და ემოსა სამოსელი ბრწყინვალჱ და მრქუა მე: მოვედით
Line of edition: 29     მონასტრად, რამეთუ მნებავს სიყუარულისა დიდისა ყოფად ხვალე თქუენ თანაჰრქუა
Line of edition: 30     მას ნიკონ: გუალე, წარვიდეთ, ძმაო, სიხარულით, რამეთუ ბერი იგი, რომელი
Line of edition: 31     იხილე, ამბა ანტონი არს კურთხეული და ჰნებავს სულთა ჩუენთა მიყვანებად
Line of edition: 32     და შემიყვანებს ჩუენ, ვინაჲცა-იგი თავადი იყოფის მუნ. ხოლო იგინო მაშინ
Line of edition: 33     აღდგეს, ილოცეს და თითოეული თჳსსა6* სენაკსა შევიდეს და დაჯდეს. და მას ღამესა
Line of edition: 34     ჰმსახურეს უფალსა წესისა მათისაებრ და დაწვეს და დაიძინეს. ორთავე
Line of edition: 35     ჟამსა შინა ერთსა შეჰვედრნეს სულნი მათნი ჴელთა შინა უფლისათა, ხოლო ძმათა
Line of edition: 36     აღიმსთუეს განთიად და პოვნეს აღსრულებულნი სენაკებსა შინა მათსა. და იყო
Line of edition: 37     ხილვაჲ პირთა მათთაჲ მსგავსად Manuscript page: 305v  ვარდისა შუენოერისა. და დაადგრეს მამანი
Line of edition: 38     სამ დღე მათ ზედა გალობით და მერმე დაჰმარხნეს გუამნი მათნი წმიდანი მუნვე.
Line of edition: 39     ხოლო ამბა ათანასი ეპისკოპოსი უთხრობდა მამათა, რომელი-იგი უბრძანა მას
Line of edition: 40     ქრისტემან, და გამოარჩივნა ორნი ძმათაგან და დასხნა მათსა7* სენაკებსა ერთი
Page of edition: 261   Line of edition: 1     სტეფანჱსა ნაცვალად და ერთი ნიკონისა წმიდათა მათ საყოფელთა შინა და დააყუდნა,
Line of edition: 2     ვითარცა-იგი უბრძანა მას ქრისტემან, უფალმან ჩუენმან.

Line of edition: 3        და დაწერა ცხორებაჲ ესე და დადვა ამბა ათანასი ალექსანდრელ წმიდამან
Line of edition: 4     პატრიაქმან, რაჲთა იყოს მათ თანა ყოველთა ძმათა, რომელნი იკითხვიდენ მას
Line of edition: 5     შინა, გონიერად ეკრძალებოდიან ეშმაკსა და ყოველთა საფრჴეთა მისთაგან და
Line of edition: 6     ადიდებდენ ღმერთსა, რომელმან მოსცა ძალი მონათა მისთა, რომელნი ესვიდეს
Line of edition: 7     მას ყოველსა ჟამსა, რამეთუ მისი არს სუფევაჲ და დიდებაჲ და პატივი და ძლიე-.
Line of edition: 8     რებაჲ და მადლობაჲ აწ და მარადის და უკუნითი უკუნისამდე. ამენ.
Line of edition: 9     ითარგმანა ცხორებაჲ ესე წმიდათა მამათაჲ წმიდისა მამისა ჩუენისა საბაჲს
Line of edition: 10     ლავრასა.




Next part


This text is part of the TITUS edition of Athanasius / Cyrillus, Vitae Patrum (Mamata Cxorebani).

Copyright TITUS Project, Frankfurt a/M, 10.2.2010. No parts of this document may be republished in any form without prior permission by the copyright holder.